رواية احلام في عيون وقحه الفصل السابع عشر 17 بقلم منة محمد
رواية احلام في عيون وقحه الجزء السابع عشر
رواية احلام في عيون وقحه البارت السابع عشر
رواية احلام في عيون وقحه الحلقة السابعة عشر
في حوش المدرسه اثناء الفسحه
رنا نولتها قهوه: مالك حزينه ليه كده؟!
احلام اتنهدت : من الاوضاع الي بتحصل
رنا: قصدك مايا بصراحه ومتزعليش مني الحكايه عك في عك هي وامها يغلطوا وبعدين يعيطوا , ومايا الغلط راكبها من ساسها لراسها, فين كرامتها تاخد راجل متجوز ومن وراكم
احلام: تخيلي خالي ميعرفش لحد دلوقت انا سمعت كلامهم بالصدفه
رنا: حتي لو عرف المسكين هيعمل ايه وبنته مش راجعه ندمانه , هي مقهوره انها ملحقتش حاجه لانها واحده غير صالحه عايشه لنفسها وكفرت بالنعمه , وجوزها ده اخطاء لانه عارف انها مش بحترم حد ولا بتقدر حد
احلام: اهو طلقها
رنا : والله دي احسن حاجه عملها فكر بعقله وبحكمه , ومراته قدرت تاخد حقها منها وهي تستاهل الي عملته فيها بجد مايا حصدت الي زرعته بايديها
احلام : بس الانتقام كان شديد
رنا: وهو مكدبش عليها وكان صريح معاها والشرط نور كانت عارفه انه متجوز وقبلت عشان الفلوس والقصر
رنا : اهي طلعت من القصر وخالي الي شايل الهم يا حبيبي
رنا: الطلاق كان عنده سهل لما بنت خالك خططت يطلق مراته وتخطيطها جه ع ما فيش ورجعت زي ما هي بصراحه تستاهل انا مش متعاطفه معاها بالمره , دي خرابه بيوت وكان هيزهق منها بمجرد ما تعمله مشاكل وتعرف مراته , وع فكره كيد الستات كتير هي فيه واحده لما تعرف ان جوزها الي عطته الثروه والنفوذ تبقي عاقله وتقبل بضره عليها هي عرفت تتصرف صح
احلام : نقول ايه مايا ربنا يهديها ويسترها معاها دنيا واخره
رنا : اللهم امين هي اصلا كلها مشاكل وانتبهي متخليش مروان يروح هناك لوحده روحي معاه رجلك ع رجله
احلام: مقدرش اروح هناك كل شويه
رنا ضمت حواجبها: مش فاهمه ليه متقدريش انتي مخبيه حاجه, احكيلي ايه الي حصل
احلام : مايا مش بتحبني اروح هناك وفضلت تقول كلام غريب تصدقي مفكراني مبسوطه ان بيتها اتخرب وفرحانه فيها وبتتهمني اني حسدت بيتها
رنا :اخص عليها دي واحده معتوه
احلام: انا مكسوره اوي من جوايا بسببها قلبي محروق
رنا: وانتي ليه تصدقيها كبري دماغك دي عايزه تهز ثقتك في نفسك انتي مش كده وهي مش جديد عليها دايما ميهمهاش تجرح غيرها دي طبيعتها وبكررهالك تاني مفيش داعي مروان يروح هناك كتير وهي هناك وخدي بالك دي لما تطلع من حزنها هتبقي ابشع وحسوده اكتر من الاول
احلام: بس مروان بيروح عشان خالي فيه مشاوير هناك بيخلصها معاه
رنا : ارجوكي خدي بالك منعرفش النفوس فيها ايه وبلاش يروح لخالك ارجوكي خدي بالك
………..قصص منه محمد كاتب…………..
اسيا: الناس في العايله عرفت ان مايا اطلقت ومنهم اتصل يواسي بكلمه ومنهم قاله كلام يقلل من احترام بنتنا وفيه الي مقلش كلمه, وفيهم الي بيتكلموا
سراج : واحنا مستحيل نوقف لسانهم
اسيا: هي الناس دي مش بتخاف ربنا, بيستمتعوا بأحزان الناس , لما يحصل معاهم كده هيعرفوا
سراج: حرام نتمني خراب البيوت لحد , وندعي ربنا يسترها ع الولايا كلهم
اسيا: مقدرش ادعي ع الي اغتاب في سيره بنتي, امشي انت اتاخرت
سراج : فات شهرين ع الطلاق والجرح مش بيلم , معرفش هدرس للولاد ازاي
اسيا بغيظ: انت بتعمل كل ده عشان دهب احلام , رغم رفضت وقالت مش عايزه حاجه , ليه تتعب نفسك سيب السنتر
سراج بصلها بضيق: لو بتهتمي بيا كتير قولي لبنتك ترجع دهب احلام , هي مش هيفرق معاها وهتخفف عبئ من ع قلبي
اسيا بثقه : هقولها وهتديها الهيافات دي متهمهاش , انا كمان حسيت بغلطي
سراج: لو حسيتي بغلطك ده احساس كويس , انا ماشي سلامو عليكم
اسيا طلعت وصلته ودخلت غرفه مايا تطلب منها فلوس قيمه الدهب
مايا بنرفزه: انتي ازاي تخيلتي حتي اني اديكي دهب احلام , مش هيحصل دي مش فلوس لقياها في الشارع عشان افرقها
اسيا بحده: انا مش بطلب منك مجوهراتك, بتكلم عن الي عطتهولك وبيعنا بيه الدهب , عشان اجهزك هاتي 400 الف
مايا: ايه الي انا اخدته , وبعدين هو انا مـ ت عشان تفكري تتصدقي بحاجاتي , معنديش حاجه لاحلام الي اخدته حقي واسمعي انا مش عايزه اسمع منك الكلام ده تاني انتي ام هايله بتفكري تفلسي بنتك
………….قصص منه محمد كاتب…………
سلوي بسعاده: ياه اخيرا ياولاد انور راجع كل ما بتقرب الايام بيزيد الشوق
احلام بضحكه: ماما شكل البيت هيصهلل لما يجي ابيه انور ,وانا هشوفه لاول مره_ راحت عيونها لمروان بخبث وقالت_ ياتري بيتنرفز بسرعه
مروان: الانسان المحترم بيتنرفز من الامور الغلط
احلام بغيظ: انا هسال ماما وهي تحكم
مروان: هو انا ليه حاسس انه هيبقي السؤال فيه تلقيح عليا
احلام ببتسامه: يابني لاء، انا هسالك يا ماما وانتي تردي
سلوي: ماشي اسألي
احلام: مين فينا بيتعصب ع طول من ابسط الامور انا ولاهو
سلوي: هو
مروان بغيظ: جري ايه يا ماما ده انا حتي ابنك
سلوي: ايوه انت مش سهل تتراضا في الخناق
مروان: لاء بقي انا بقابل المشكله بكل هدوء الدنيا بدون لحظه زعيق واحده
سلوي: لاء احلام بتتراضا عنك بسرعه وبتكون هاديه من غير اي زعيق لكن انت اعصابك ع طول مشدوده
مروان بص لاحلام بغيظ: اوكيه كملي
احلام: كلام ماما سليم وانا اكتر واحده عارفه اني بترضا بسهوله ها يا ماما مين نكدي فينا قولي الحق
سلوي وزعت نظراتها ما بينهم وقالت: مروان
مروان ضرب احلام بالخدديه : انا نكدي
احلام عدلت شعرها وهي بتضحك ومروان قال: مين رغاي اكتر
سلوي: انت
احلام: مين دمه خفيف اكتر
سلوي: انتم الاتنين
مروان: هي ضحكتها ولا الرقاصه
سلوي : حرام عليك عمرها يا حبه عيني ما ضحكت بصوت عالي
مروان حب يغيظ احلام : ده انا من صوت ضحكتها بحس اني قاعد في كباريه
احلام كشرت بطريقه مضحكه: كدا جرحت احساسي
مروان لعب حواجبه :تستاهلي انتي الي جبتيه لنفسك
احلام من غيظها قامت تنفض وراه الخدديات : تعملي ايه يا ماما لو فيه واحد بيفتري عليكي
سلوي: اكشف شعري وادعي عليه
مروان بغيظ : انتي بتقوللها ايه
سلوي بشماته فيه: احسن تستاهل انت بتقول كلام تافه احلام بنتي مش كده ,, مش بتتكلم كتير ولا يمكن تضايق حد
مروان قام بالاب: اه انا بس الي بعمل قلق للكل ومين عمل دوشه حواليه ومش عايزني اشتغل في هدوء مش بنتك
احلام راحت وراه: ممكن تقوم من هنا خمسه
مروان قفل الجهاز : هو انتي عايزه مني ايه ، خلتيني اقوم ست مرات شايفني قاعد بشتغل وزعجتيني بني ادمه غريبه
سلوي: بتقولها ايه احنا بنضف البيت دي لو منضفتش كل يوم البيت هيتبهدل ويتـ وسخ وبحذرك تتكلم معاها بعصبيه كده
مروان ابتسم وقال: احلام عمي سراج سالني عنك روحي
احلام لفت وبصتله: هو انت روحت هناك؟
مروان: روحت لكن انتي ليه مش بتروحي خالك هيفكر اني حطيت قيود عليكي ومنعتك واطلع انا الوحش الي رافض تروحي هناك
سلوي: معاك حق بعد الي حصل لمايا لازم تروحلهم
احلام بخنقه: حاضر هروح يا ماما_مشت من قدامهم_
مروان بص لسلوي بتعجب انها اضايقت: ايه الغلط في الي قولته
سلوي قامت وراها وطلبت منها يروحه كلهم لبيت سراج واحلام طلعت فستان لبسته
احلام طلعت: ماما يله
سلوي : قمر بجد جميله جدا اللون تحفه عليكي ايوه خليكي دايما كده عيشي سنك
مروان لماشافها اتجنن شكلها عجبه جدا وقلبه فضل يدق بقوه من جمال اللون عليها
سلوي: ايه رايك في الفستان ع احلام
مروان بنظرات اعجاب: مهما اقول مش هقدر اعبر هروح اسخن العربيه
سلوي بهمس: اصل مروان بيحب الفستان ده كتير واشتراه بنفسه
احلام في سرها : اكيد اشتراه لمايا كان مفكرها هتلبسه , عشان كدا شكر في الفستان, مش فيا انا
سلوي: بتفكري في ايه
احلام: ها ولا حاجه نمشي
سلوي: اه يله انور راجع ومش هيسبني اخرج من البيت بيحبني كتير
احلام : انتي تتحبي يا سوسو
…………..قصص منه محمد كاتب……………
في الصالون في بيت سراج
سراج: كنت عارف رد بنتك بس حبيت تسمعي ع الاقل ندماها وتتأسف
اسيا بدمعه: انا مكسوفه قلت بعد الدرس الي اخدته هتتعلم زي منا ندمانه ع تصرفي
سراج: ايه فايده الندم كنت اتمني تخافي من حساب ربنا ومتعمليش كده زي ما كنت امني مكنش حصل معانا كل ده فجأه جات كلمه اتمني كتير خطوه مايا الغلط غيرت حياتنا
مايا: انا الي وقع عليا الضرر ايه الي خسره الباقيه شوف احلام اتجوزت من عايله مكنتش تتخيلها ولسه بتشتغل في المدرسه وحياتها مكمله وماشيه من البيت للشغل والعكس
سراج اتك ع اسنانه: لمي نفسك واياك تقولي كلمه ضد احلام سامعه
احلام دخلت: خالي ارجوك متنفعلش قلبك هيتعب
سراج وقف: اهلا وسهلا
سلوي ومروان دخلوا وسراج كمل: متخافيش عليا مش هيجرالي حاجه , اتحملتي الصعب طول عمرك وانا عايش ومش قادر اعملك حاجه نافعه يا بنتي, لكن مش هتحمل ان حد يهينك قدامي مايا اعتذري حالا لاحلام
مروان بصلها والواضح إنه اتعصب متوقعش منها الوقاحه دي واتقهر اكتر لما شاف دموع احلام المكتومه صعبت عليه
سراج صرخ فيها: ايه مسمعتيش اعتذري
مايا بستهتار: لكن ليه اعتذر مقلتش حاجه غلط قلت الحقيقه
احلام شافت وضع خالها ردت بسرعه: خلاص يا خالي مفيش داعي تعتذر انا مضايقتش
مايا برفعه حاجب: شايف ع الاقل احلام رضيت بالحقيقه , وعارفه اني مقولتش حاجه غلط المسكينه لحد النهارده مجلهاش عريس عدل وشوف نصيبها بقي هايل بسبب رفضي , اتجوزت من شاب محترم زي مروان, وحقيقي بشفق عليه اضطر يتجوزها بالقوه
سراج بنفعال قوي: غوري من هنا , قومي يابت من هنا , بقولك غوري من هنا غوري
اسيا : اهدء يا سراج مايا قومي واسمعي الكلام
مروان شاورلها: لاء استني, اقعدي بعد اذنك طبعا ياعمي
مايا قعدت وحطت رجل فوق التانيه : نعم اتكلم عايز تقول ايه, اكيد هسمعك, لاني بشفق عليك كتير, الظلم الحقيقي حصل معاك بكل الحكايه دي يله اتكلم
مروان ابتسملها: انتي غلطانه والافضل ننهي سوء الفهم الي في قلبك وعقلك انا من حسن حظي ونصيبي من كل الحكايه دي ان مراتي احلام وبحمد ربنا ليل مع نهار اني اتجوزت بنت بسيطه جميله زي احلام , اه فكرت في يوم فيكي بس بعترف كنت شايف غلط عارفه لما تشوف حاجه بتلمع من بعيد ونفكرها الماظ ونقرب نلاقيها صفيح ده الي توهمته وقتها وعرفت ان ربنا عمل ده لمصلحتي واختارلي الصالح وعطاني الالماظ الحقيقي
مايا ماتت من الغيظ والقهر لما مروان قام وسحب احلام من ايدها تقعد جنبه
مروان تابع: انا عايش حياه جميله مع مراتي وسعيد فيها جدا
احلام اتنفست بعمق وقلبها دق بقوه وحاسه بالسعاده وصلت لكل حواسها
مروان كمل : وانتي اخت مراتي عايز بجد احترمك كتير
سراج بفخر: وانا عجبني كلامك ,واطمنت ع احلام ان فيه سند واقف معاها , وراجل يعرف يحترمها , وطالما انت معاها , مفيش داعي اقلق
مايا رفعت حواجبها باستغراب: انت كبرتوا الموضوع لو قلت كلمه مفيش داعي تدوها اهميه كبيره
سلوي : مايا عندها حق ننسي كلامها لانه هايف, قومي يا اسيا اعملنا شاي احسن
اسيا :احلام بتعمله حلو اوي روحي يابنتي اعملي الشاي
احلام قامت: هجيبه حالا_بصت لمروان وهو ابتسملها ورجع بص لمايا الي دمها محروق وقام وري احلام لقاها ماسكه خدودها ومرتبكه حب يكلمها لكن قرر لما يرجعوا بيتهم ويخليها مراته فعليا وملكه ورجع يقعد معاهم
مايا دخلت المطبخ وقالت: عشنا سنين مع بعض بس اكتشف اني معرفكيش , انتي مش زي ما فكرت
احلام كتفت ايدها قدام صدرها: وفكرتي فيا ازاي
مايا لفت حواليها: بسيطه , وغبيه بس طلعتي ذكيه جدا, سيطرتي ع مروان مدحك كتير عملتي ايه قوليلي
احلام بضيق: انا معملتش حاجه
مايا : اوكيه مش عايزه تقوليلي تمام , الراجل لايمكن يتنازل كده بسهوله, لكن اسمعيني مفيش داعي تكوني فرحانه بكلامه المزيف لانه فارغ, شوفتي حب سلطان واتغير في لحظتين كان بيقولي عنده استعداد يحارب العالم عشاني مقدرش يقف قدام اتنين , بس اتنين
احلام : مايا ياريت متفضليش كل شويه تفتكريه , وثقي ان فيه راجل افضل منه هيدخل حياتك واقبلي انه مكنش يستهلك
مايا بصتلها شويه وسابتها ومشت واحلام هزت راسها بيأس منها
………………………..
حط الشنط وراح يخبط ع الباب لكن مافيش حد طلعت من بيتها وقربت تشوف مين وقفت متسمره مكانها بصاله ومره واحده جريت وصرخت
رنا ضمته بقوه وبكت: اخويا انور اخيرا رجعت
انور ضمها ولف بيها: عامله ايه يا حبيبتي
رنا عيونها دمعت: مش مصدقه عيوني , اخيرا شوقتك بعد سنين , بس كنت قايل انك راجع بعد اسبوعين جيت فجأه
انور ابتسملها: قلت اعملها مفاجأه ليكم , لكن يظهر المفاجأه دي حطتني في مشكله , فين ماما
رنا: ماما ومروان راحوا بيت اهل احلام ولسه هناك, عارف لما تقابل احلام هتعجبك جدا مروان اخد واحده بنت حلال
انور مبتسم : هحكم لما اشوفها , ومش عارف هفضل قاعد بره كده لحد امتي
رنا : وليه ياخويا تقعد بره , تعال اقعد عندي اكيد وحشك اكلي
انور : اكيد وحشني بس خليها مره تانيه, راجع تعبان
رنا : تمام استني اجبلك المفتاح , وبالمره ابلغ ماما ومروان انك وصلت
انور: ياريت
رنا رجعت ضمته ليها وقالت: ثواني وراجعه وحشني كتير
…………قصص منه محمدك كاتب……………
اسيا بحرج : حصل ظلم كبير لمايا عمري ما تخيلت انه يحصل معاها كل ده , مايا واحده بين ملايين , لكن سلطان مقدرهاش
سلوي :متزعيش نفسك ربنا يعمل الخير
اسيا : ادعلها يا حجا وانتي بتصلي تعيش سعيده زي احلام
سلوي : ان شاء الله ربنا غفور رحيم بيحب كل الناس وهيكتبلها الخير
سراج اتنهد بقهر: وانا اتأذيت كتير من الكلام الي قالته مايا ومش هقدر انساه بحياتي
مروان : انسي ياعمي الي حصل معاها يخلي سوء التصرف يقع منها
سراج: اتمني يكون كده لكن انت كمان حاول لو فيه زعل في قلب احلام من كلام مايا خليه يتمحي انا اوقات بتحرج ابصلها لكن حبك هيمحي كل احزانها انا متاكد من كده
مروان: ان شاء الله_ موبيله رن بص فيه_ رنا بتتصل
سلوي: رد عليها
مروان: الو يا رنا..ايه اخويا انور وصل البيت..بجد احنا جايين حالا
سلوي بفرحه: انور ابني وصل
مروان بسعاده كبيره: ايوه في البيت
سراج ضحك: هو فاجئك
سلوي: اه و احلي مفاجأه مفروض جاي بعد خمستاشر يوم
مروان وقف: يله بينا
سلوي: اه يله
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احلام في عيون وقحه)
