رواية وكأنه لا يوجد مهرب منك إلا إليك الفصل الرابع 4 بقلم هبة غنيم
رواية وكأنه لا يوجد مهرب منك إلا إليك الجزء الرابع
رواية وكأنه لا يوجد مهرب منك إلا إليك البارت الرابع
رواية وكأنه لا يوجد مهرب منك إلا إليك الحلقة الرابعة
وصلت المستشفي بدري كالعاده فضلت فوق في الغرفه مش بعمل اي حاجه جالي مكالمه أنزل تحت في حادثه نزلت اشوف في اي
_دا دكتور يوسف يا دكتور بتول الحقي
_يوسف ازاي انت بتقولي ايه ؟
جريت عليه لقيته يوسف بجد وكان مغمي عليه حسيت أن الدنيا اسودت في عيني واني مش حسه بحاجه فضلت واقفه بصاله ومش بعمل ايه حاجه ولا سامعه حاجه حواليا من كتر الصدمه فوقني صوت الممرضه العالي وهي بتزعق ب اسمي فوقت وركنت كل حاجه علي جمب وبدأت الحق يوسف والحمدلله مطلعش الموضوع خطير كانت خبطه في الدماغ هي ال خلته مغمي عليه مع كسر في الدراع وادناله مسكن قوي شويه ف نام وطلعوه غرفه فوق ..
روحت غرفتي وقفلت الباب عليا وانهرت عياط من غير سبب او يمكن في سبب مش عايزه أصدقه بس انا شكلي يأكد مليون في الميه اني كنت خايفه علي يوسف كنت خايفه يجراله حاجه كنت خايفه مشفهوش تاني بالرغم اني بقاوح وبقول همشي وميفرقليش بس كنت خايفه ملحقش أديله فرصه يبرر ل نفسه انا فعلا عايزه اعرف كل حاجه وعايزه اسمعه لان انا اكتر واحده بحب اسمعله في الدنيا دي واكتر واحده هصدقه حتي لو عارفه أنه بيكدب مقدرتش امنع دموعي فضلت تنزل فتره لحد م هديت وقررت اروح اطمن عليه
،دخلت غرفته كان نايم بشكل جميل اوي فضلت بصاله حبه حلوين بتأمله افتكرت موقف ليا معاه زمان ….
فلاش باك
_شايفك وانت واقفه عماله تتفرجي عليا شايفك
_ايه ! شايفني ازاي يا بني انت مغمض عينك اهو
فتح عيونه براحه وقام من علي الكرسي وقرب من سور البلكونه اكتر وسند ايده عليه وقال…
_حسيت بيكِ ،بس علفكره انا متاكد أني كنت قمور حتي وانا نايم
_اشش دا انا كنت بضحك عليك وانت نايم شكلك يضحك
_بس عينيك مقالتش كدا قالت إنها دابت في المنظر ،هانت كلها كام سنه وتصحي عليه كل يوم
خدودي احمرت من الكسوف خبطته في دراعه خبطه بسيطه وقولتله
_بقولك ايه احترم نفسك ياعم انت انا رايحه اذاكر مش فضيالك
_هاتي حاجتك وذاكري جمبي هنا في البلكونه وانا قاعد اهو نذاكر سوا …
بااك
حسيت بحركه منه ف قربت عشان اشوفه وكان بدأ يصحي ويفتح عيونه..
_انتَ كويس ؟
_هو انا بحلم ولا ايه ؟
_لا لا مش بتحلم حمدالله علي سلامتك انت عملت حادثه وانت جاي
سكت شويه كان تقريبا بيجمع وبعدين اتنهد وقال
_يااه ياريت الواحد يعمل حادثه كل يوم عشان يفتح عينه علي المنظر دا
_والله م هرد عليك هعمل حساب انك مريض بس وربنا لو كنت في موقف تاني م كنت هعتأك يا يوسف علي قله ادبك دي
حاول يقوم من مكانه من علي السرير قربت منه وقعدت علي السرير جنبه من غير م اخد بالي وانا بمنعه يقوم
_انت رايح فين انت لسه فايق هتروح فين كدا ؟
_لا انا مبحبش القاعده انا زي الفل هقوم اشوف ورانا ايه النهارده
مسكت ايده ال كان بيسند بيها علي السرير عشان يقوم وشديتها تاني
_انت عايز تجنني اهمد بقا واعد مش كفايه قلقتنا عليك
_قلقتي عليا بجد ؟
_مش انا ال قلقت المستشفى ال قلقت انت متهمنيش اصلا
_ايوا ايوا خلاص صدقت
_انت فهمت ايه متستهبلش والله لأقوم
قومت من مكاني واتحركت للباب ورجعت بصتله تاني وقولت
_متتصرفش من دماغك وتفكر تقوم انت لازم ترتاح وانت عارف كويس كدا ، ريّح النهارده وهخلص الشيفت بتاعي وهعدي عليك نروح سوا عشان متروحش لوحدك وانت تعبان ودا مش خوف مني عليك عشان متعيش الدور دا واجب إنساني لازم اعمله لاننا للاسف نفس العماره
وخرجت وقفلت الباب من غير م اسمع منه رد وحسيت أن ردت فيا الروح لما اطمنت عليه اخدت نفس وروحت كملت شغلي في المستشفي كان اول مره احس ان اليوم ممل واني مش مستمتعه زي لما كان بيبقي موجود حسيت بأن وجوده كان بيفرق معايا بس لا معلش لا لا قصدي وجوده ك دكتور بيدربني وكدا لا مش قصدي حاجه اكيد وجوده ميفرقليش ، خلصت الشيفت وغيرت هدومي ورحتله الغرفه ال كان فيها لقيته قاعد مستنيني وجاهز
_انا خلصت يلا؟
_يلا جدا
خرجنا من المستشفى واخدنا تاكسي للبيت ووصلنا قدام الشقه
_متنساش تاخد العلاج بتاعك
_خايفه عليا ؟
_لا متفرقليش
_لا خلاص متخافيش هاخده في معاده
سيبته ودخلت البيت غيرت هدومي وكنت جعانه ف قولت اعمل اي اكله سريعه اتغدي بيها بصيت عندي لقيت مكرونه وبانيه ف قولت سهله عملت الاكل بسرعه وغرفت بس انا طلعت عامله ب زياده ف قولت بدل م ارميهم هروح اديله طبق ياكل شكله مأكلش حاجه هو كمان ومش هيعرف يعمل حاجه ب ايده دي اهو ثواب بقا غرفتله طبقه سمعت صوته في البلكونه ف قولت اديهوله منها احسن
_انت بتعمل ايه هنا ؟
_واقف اشم هوا عادي
_انت اكلت حاجه ؟
_لا والله مليش نفس
_طب استني
دخلت جبت الطبقين ادتلوه واحد وانا واحد
_من ايدك ؟
_امم
_يسلمو ،كانت نفسي مصدوده بس حسيت بأن الطبق دا فتح نفسي بشكل
_بالهنا
_قوليلي كدا مخوفتيش عليا بجد ؟
_يوسف اطفح وانت ساكت
_شكل قاعدتك في تركيا مجابتش معاك نتيجه ايه اطفح دي يابنتي دي ألفاظ تليق بدكتوره محترمه ؟
_اه تليق ملكش دعوه هتاكل وانت ساكت ولا ادخل واسيبك
_خلاص خلاص هاكل ،بس قوليلي ايه الحلاوه دي باكل مربه يا ناس مش مكرونه دا انا حاسس اني اول مره اكل مكرونه حلوه اوي كدا
_لا مش اوي مره …..
فلاش باك
_يوسف أخرج البلكونه بسرعه
_في اي يا بت
_اخرج بس
_ايه يا ستي ؟
_خد دوق
اديته الطبق وانا سندت ب ايدي علي السور وببصله ومستنيه ياكل اول معلقه عشان بس اعرف نجحت ولا لا
_هاااا يابني ساعه بتدوق
_تحفه يا بتول بجد
_احلف
_وربنا جميله اوي ايه المكرونه التحفه دي اول مره اكل مكرونه حلوه اوي كدا
_بجد ولا بتجاملني؟
_بحد طبعا دي اول حاجه اكلها من ايدك بس بجد تحفه دا شكلك هتدلعيني بقا
_عيب عليك يا بني دا انا هبهرك
باك
_اصدي يعني اكيد اكلت مكرونه احلي قبل كدا
_افتكرتي زيّ مش كدا ؟
_افتكرت ايه ؟
_بتول متهربيش انتي منستيش حاجه ونفس ال جه في بالي دلوقتي هو ال جه في بالك مش كدا
_مفيش حاجه جات في بالي يا يوسف متأڤورش انا هدخل اكمل اكلي جوا
_مش هتديني فرصه يا بتول ؟
صوته وقفني فضلت في مكاني كام ثانيه وبعدين بصتله
_هفكر يا يوسف ،تصبح علي خير
***
سابتني ودخلت دخلت تاني هقضي حياتي كلها بتول تدخل وتسبني كانت ديما بتعمل كدا لما بتتقمص مني وتقوم بصالي من فوق ل تحت وتسبني وتمشي بس مكنتش بهون عليها كانت ربع ساعه نص ساعه بالكتير والاقيها جايه تاني الحب وعمايله بقا تيجي تقف قدام مني وتربع ايديها وتبص قدامها وتطلعلي بوز مترين قدام وتقولي صالحني وانا زي الاهبل بصالحها مع انها ال مزعلاني بس كنت بحبها ولسه بحبها ومش هبطل احبها حتي لو عملت اي
دخلت نمت وصحيت تاني يوم علي صوتها في البلكونه كالعاده بقا الروتين بتاعي اني اصحي علي حركتها أو صوتها في البلكونه لان غرفه النوم هي ال فيها البلكونه واي حركه بسمعها ف بقوم اغسل وشي واطلع انكشها زي كل يوم وتسيبني وتدخل دخلت البلكونه لقتيها قاعده علي الكرسي مربعه ومغمضه عيونها واكنها في دنيا تانيه فضلت مركز مع ملامحها الهاديه الرايقه ال وقعتني فيها من بدري اوي سندت علي السور ببصلها ومتنح لقيتها فتحت عينيها مره واحده ولقتني في وشها
_بسم الله ،هو في اي انت طلعت منين ؟
_صباح النور يا حبيتي
_حبك برص
_ياااه ،لسانك بينقط سكر
_بلاش استظراف علي الصبح ارجوك
_خلاص حاضر
_هو انت كل يوم هتخضني كدا الصبح
_اعمل ايه م انتي بتصحي بدري وبتعدي في البلكونه بتصحيني معاك من الحبركه بتاعتك مبعرفش انام يا هانم
_انقل من هنا وتكون ريحتني
_لا انا بحب البيت بتاعي
_خلاص متوجعش دماغي بقا كل يوم
_يووه حاضر
_انت فطرت ؟
_لا
_هعمل ساندوتشين اهو اخد ثواب في مريض برده
راحت عملت الساندوتشين وجابت معاهم كوبايتين شاي بلبن وبدانا نفطر سوا
_احكيلي عن تجربتك في السفر يا بتول عايزه اسمعك
_احكيلك ايه بالظبط
_كل حاجه من اول م لقيتي نفسك في دوله تانيه بداتي تعملي ايه ؟
_بدأت اتعايش عادي الحياه هناك مش بشعه ولا مستحيله الجو هناك جميل والناس ال اتعاملت معاهم كويسين
_كنت مبسوطه ؟
_لا
_طب اشمعنا ؟
_مكنتش انا ، يعني ال كانت مسافره دي من كام سنه مكنتش شخصيه بتول القديمه ولا شخصيه بتول الجديده كانت بتول لسه بتبدأ تشكل نفسها ف كنت مش عارفه انا بتعامل علي اساس ايه كنت تايهه
_ندمانه علي سفرك ؟
_اكيد لا ،انت ندمان ؟
_اه ندمان
_ندمان ليه ؟ هو مش كان حلمك انك تسافر بعد الكليه علطلول واديك سافرت وبقا ليك اسم معروف وحققت ال نفسك فيه زي ما كنت بتحلم ايه ال يخليك تندم ؟
_ندمان لأن السفر دا ال ضيعك مني اكتر فتره كنتي محتجاني اكون جنبك فيها انا سيبتك ف ضيعتي من ايدي من بعد سفر اهلك وتركهم ليك لوحدك وتأثرك بيهم انا كمان سيبتك وكنت المفروض ابقي معاك بس سيبتك
_اسكت يا يوسف متكملش
_لا مش هسكت انا عارف اني غلطت بس انا عايز اصلح غلطي واوعدك والله م هسيبك تاني والله انت متعرفيش انا كنت عامل اي من غيرك يا بتول حياتي ال انت شايفه انها كانت ناجحه جدا وحققت فيها انجازات والله م زي م انتي فاكره انا كنت بلهي نفسي بالشغل عشان مش قادر ابطل تفكير فيكي وبعد م جيت من انجلترا ملقتكيش اتجننت انتي روحتي فين و وصلت ل رهف عرفتني انك سافرتي وحتي مقالتليش انتي سافرتي أمتي وبالعافيه علي م عرفت انك في تركيا ولا رضيت تعرفني حاجه نهائي ،بتول انا بحبك ولسه بحبك وعمري م نسيت حبي ليك انا غلطت لما سيبتك بس انا مستعد اصلح غلطي هتسامحيني ؟
_انت كنت اناني اوي يا يوسف اوي عمري م كنت اتخيل انك كنت اناني كدا انت اه سيبتني في وقت ضعفي وكان الأولي انك تقف جمبي في فتره زي دي بس لو انت فاكر انا عمري م كنت ضد احلامك بالبعكس كنت أنا ال بشجعك عشان تاخد اي خطوه ل قدام بس انت لما قررت تاخد الخطوه محتني من حياتك حتي سافرت من غير م تقولي يا يوسف انت ازاي قدرت تعمل كدا اصلا انا مش فهمه
ــ انا عمري م محيتك من حياتي ، انا بس كنت خايف وعندك حق انا كنت اناني المره دي كنت اناني ومفكرتش غير في نفسي مع انك كنتي معايا وانا معترف بس والله دا عشان كنت اول تخرجي وكنت لسه طايش انا مش طالب منك غير بس انك تديني فرصه اعوضك او مش هعوضك بس هثبتلك اني فعلا اتغيرت واني كنت غلطان والله والله عمري م نسيتك وانا رجعت قبل م السنتين يخلصو مقدرتش ابعد عنك اكتر من كدا بس لما جيت ملقتكيش
ــ كنت عايزني استناك كمان ؟ هه ضحكتني يا يوسف والله بص يا يوسف انا هعتبر نفسي مسمعتش اي حاجه من ال قولتها دي ومتفرقليش لا فرصه ولا مش فرصه انا هتعامل عادي لحد م اسافر تاني اصل انا قولت برده مينفعش اعد هنا كتير بس متخافش انا هقولك قبل م اسافر مش هعمل زيك ،يلا يا يوسف تصبح علي خير
سابتني ودخلت وانا لسه في مكاني بفكر هي عندها حق بس انا عارف هخليها تسامحني ازاي ….
***
جهزت ونزلت المستشفي وانا طول الطريق بفكر فيه وفي ال قاله انا فعلا ردي كان يستاهله بس هل انا خايفه اسامحه ؟ ولا خايفه احبه وقلبي يدق ليه تاني ؟ ولا يمكن خايفه يسبنيي ويمشي تاني بس المره دي انا ال همشي بجد مع اني مكنتش قررت لسه هل هسافر ولا لا وتقريبا اخدتها مسألة عند وشكلي بجد هرجع مكان م كنت …
قطع تفكيري المشتت دا السواق وهو بيبلغني أننا وصلنا المستشفي حاسبته ودخلت المستشفي وبدأ يومي ك طبيبه جراحه كان يوم هادي الحمدلله مكنش في حالات كتير ف خلصت بدري وروحت وكعادة كل يوم دخلت اخدت شاور وعملت اكل والمره دي عملت ملوخيه ورز وفراخ اكلتي المفضله وطبعا عملت حسابه معايا اصله بس مريض مش اكتر يعني ف عشان كدا غير كدا هو ميفرقليش المره دي قولت اروح اوديله الاكل واطمن عليه خلصت وخبطت علي الباب فتحلي
_بتول ؟ انتي جيتي أمتي ؟
_جيت من شويه كدا ،طبعا متغدتش امسك وخد علاجك كويس
اخد من الصنيه وحطاها علي بوفيه جمب الباب وكمل كلامه
_انا كدا هتدلع علفكره
_تعرف أن لولا أنك مريض ؟
_كنتي هتعملي ايه ؟
_كنت هكسر دراعك التاني امشي يلا ..
سيبته وروحت شقتي وقفلت الباب في وشه وهو لسه واقف قفلت الباب ووقفت واره وقعدت علي الارض من كتر الضحك وبعدين دخلت اكلت بعديها بنص ساعه خلصت وعملت كوبايه شاي بالنعناع وكالعاده قعدة البلكونه
_بس بس
_عايز ايه ؟
_بتعملي ايه ؟
_بشرب شاى زي م انت شايف
_وفين كوبايتي ؟
_ عندكم في المطبخ جوا
_ انت رخمه علفكره
_ اخويا تسلم
_ اخويا ! لا حول ولا قوه الا بالله
_ ايه يا عم مالك ؟
_م تيجي معايا كدا ثانيه
_اجي فين ؟
ــ البسي بسرعه بس وخبطي عليا
ــ انت عبيط يا بني
ــ يابنتي اخلصي انت مش واثقه فيا ولا اي ؟
ــ اكيد مش واثقه
ــ اصلا ! طب ليه طحن الخواطر دا ؟
ــ عايز ايه أنجز
ــ البسي يا بتول بسرعه احنا هننزل تحت العماره مش هنروح حته اخلصي
ــ يوووه ماشي ماشي
كنت لابسه الييجامه ف غيرت ولبست بنطلون جينز وهودي ابيض سريعا وروحت اخبط عليه لفت نظري ورقه علي الباب مكتوب فيها انزلي تحت مستنيكِ
اخدت الورقه وضحكت ونزلت تحت اشوفه لقيته واقف تحت بيلعب في صوابعه وعمال يتحرك رايح جاي ف قربت منه
ــ خير منزلني ليه ؟
_ جاي اخد رايك في حاجه
_ خد يا دكتره
_ انا مش عارف انت بقيتي بتتكلمي كدا ليه بس هنعديها
_ اخلص
_انا…انا جالي سفر
_ ماشي حلو وانا مالي ؟
_ مش عايزه تسالي السفر فين ؟
_ فين يعني ؟
_ فرنسا
_واو ،ربنا يوفقك ..
_ بس كدا ؟
_امال اقولك ايه مستنيني اقولك ايه ؟ متسيبنيش ارجوك يا يوسف خليك جنبي. تبقي بتحلم
_ لا م انتي مش هيبقي عندك فرصه انك تقولي كدا اصلا
_ يعني ايه ؟
_ اصلك انت جايه معايا
_ دا ال هو ازاي ؟
_م انا ظبطت كل حاجه بقا وإحنا الاتنين مسافرين سوا
_ انت عبيط يا يوسف انت بتقول ايه ؟
_ هو مش كان حلمنا أننا هنسافر سوا ف انا ظبطها اهو ها هتجهزي شنطك أمتي؟
_ يوسف انت بتقول ايه ولا بتعمل ايه ؟
_ فكرت كتير ف اني ازاي أكفر عن ذنبي ال عملته دا وملقتش احسن من اني ابدأ في تحقيق احلامنا وتبقي دي بدايتنا بس ناقصها حاجه
_ ناقص ايه تاني ؟
نزل علي ركبته علي الارض وطلع من جيبه خاتم ولا اكننا في مسلسلات واتكلم وقال
_ ناقصنا مأذون تتجوزيني يا بتول ؟
***
*بعد سنه في نفس تاريخ اليوم *
ــ يلا يا بتووول بقالي ساعه مخلص
ــ حاضر يا حبيبي خمس دقائق
طلما الست قالت خمس دقايق يبقو خمس ساعات يلا ادخل انام شويه بقا
وبعد ساعتين ”
ــ ايه رأيك ؟
ــ واو ، هيغمي عليا من الحلاوه اتصلي علي الاسعاف بسرعه لا انت دكتوره انا محتاج تنفس صناعي الحقيني بسرعه
ــ اه وماله
ــ يعني مفيش تنفس صناعي ؟
ــ تؤ مفيش
ــ انتي مراتي علفكره
ــ شكليات
ــ يا ولد ! طب يلا يا هانم
نزلنا بنلف في الشوارع ..
ــ عجبتك تركيا ؟
ــ عجبني ال جابتنا تركيا ، زي النهارده من سنه فاكره انتي ايه ال حصل ؟
ــ ايه ال حصل
ــ انا خدت منك حته قلم يا بتول وربنا عمري م أنساه لا هو ولا تاريخه
ــ ااه م انت ال تستاهل كان في حد يخض حد كدا وقال ايه مأذون ونتجوز ومسافرين فرنسا هيهيهي اديني حبتك تركيا اهو ! لا يا بابا مفيش حد يمشي كلمته عليا
ــ علي اساس اني مشيت كلمتي يعني ؟
ــ وطبعا انا ال كسبت هيهيهي
ــ ضربتيني قلم وسبتيني وطلعتي جري وتاني يوم مخرجتيش من بيتك واكلمك مبترديش وتالت يوم يا هانم الاقيك سافرتي من غير م تقوليلي
ــ عندك اعتراض ؟
ــ اعتراض اي يا ختي انتي خليتي فيها اعتراض انا جتلك لحد عندك اليوم ال بعده
ــ منها لله رهف هي ال قالتلك أقرت من اول قلم
ــ رهف دي ربنا يسترها معاها لولاها مكنتش هعرف حجات كتير اوي
ــ ندمان انك جيت ورايا يا يوسف ؟
ــ ندمان عشان مجتش من زمان وضيعت مننا لحظات زي دي مش هنكر انك طلعتي عيني علي م عفيتي عني بس صدقيني عمري م اندم ولا لحظه اني اضيع عمري كله بجري وراك
ــ بجد يا يوسف ؟
ــ بجد يا عيون يوسف
تمت ♥️
لقراءة الرواية كاملة اضغط على : (رواية وكأنه لا يوجد مهرب منك إلا إليك)
