رواية وكأنه لا يوجد مهرب منك إلا إليك الفصل الأول 1 بقلم هبة غنيم
رواية وكأنه لا يوجد مهرب منك إلا إليك الجزء الأول
رواية وكأنه لا يوجد مهرب منك إلا إليك البارت الأول
رواية وكأنه لا يوجد مهرب منك إلا إليك الحلقة الأولى
_دكتور بتول محتاجينك في العمليات حالا
_تمام جايه
جهزت ودخلت العمليات وبدأت اشوف الحاله كانت صعبه شويه ومره واحده باب العمليات اتفتح وكنت لسه ببدا مره واحده المشرط وقع من ايدي وشوفته !
_يوسف؟!
***
“قبل اربع ايام ”
_your passport please ?
في اللحظه دي حسيت أن كل حماسي راح واني.. واني لا مش عايزه ارجع بس للاسف كان فات الوقت ودلوقتي فاضل خمس دقايق علي الهبوط ل مصر !
دا فيها حاجه حلوه بجد مش اغنيه وبس مكنتش اتخيل اني هحس بالفرق دا
خلصت اجرائتي وشديت شُنطي واستعديت أخرج من المطار مكنش فارقلي اعرف حد اوي لاني معدش ليا حد في مصر غيرها هي …
_بتوووووول!
_رهف !
حضنت رهف بكل قوتي كانت وحشاني بشكل مكنتش اتخيله وفضلت رهف تعيط وبحاول اهدي فيها للاسف عيطت معاها
_كدا يا بتول كل السنين دي تبعدي عني ؟
_حقك عليا يا رهف بس اهو اديني هنا
_انتي كنتي وحشاني اوي يا بتول
_انتي كمان يا رهف بجد اخبارك ايه؟ واخبار طنط ومحمد بيه ؟
_كويسين يا قلبي والله والبيه بتاعنا في الثانويه تاعبنا كلنا والله
_يا حبيبي ربنا يوفقه ويكرمه ،بصي انا حجزت اوتيل هنا هعد فيه يومين كدا علي م اخلي حد يظبط البيت بتاعنا وارجع اعد فيه تاني
_يعني بذمت اهلك يبقي بيت عمك موجود وبنت عمك ال جايه تقابلك في المطار وتقوليلي اوتيل دا انت ليلتك سوده
_يابنتي والله مش عايزه اتقل عليكم وانا اصلا حاجزه ف مش مستاهله بقا
_وربنا ابدا يلا يا بت دا ماما عملالك ملوخيه وورق عنب وبتاع مروقه عليكي يعني الغي الحجز
_تصدقي وحشني اكل طنط اغريتيني بصراحه خلاص هلغيه
_ايوا كداا
***
At USA
_The surgery was completed successfully, Thank you Dr yousef
*تمت العمليه بنجاح شكرا دكتور يوسف *
_welcome , I’ll be in my room if you need anything
*العفو ،انا في غرفتي لو احتاجتم اي شئ *
روحت غرفتي واتقلبت علي السرير ال فيها من كتر م انا مرهق ومش قادر بس لقيت فوني بيرن
_يوسف ،برن عليكي من الصبح مبتردش عليا ليه؟
_انت كمان وحشتيني يا محمد عامل اي يا حبيبي ؟
_متستعبطش يلا كنت فين مبتردش ليه ؟
_يلا! لا حول ولا قوه الا بالله ،يابني كان عندي عمليه أعدت فيها ٨ ساعات ولسه يعتبر بفوق عايز اي بقا ؟
_هتنزل أمتي ؟
_هتطمن علي المريض دا بكرا تاني وهحوله ل دكتور تاني وانزل بكرا أو بعده بالكتير هشوف
_يعني خلاص اخر كلام مش هلاقيهم طلبينك في دوله تانيه تعمل عمليه تانيه انت تعبتني علفكره
_نعمل اي يا بني صاحبك شاطر بيطلبوه بالاسم
_اوعا علي التواضع ماشي يا عم ابقي طمني عليك
_حاضر يا حبيبي خد بالك من نفسك
***
روحت مع رهف ودخلت البيت ال مدخلتوش بقالي سنين حسه بأحساس غريب اوي جوايا مش عارفه احدد مشاعري غير اني متلخبطه اوي وصلت وسلمت علي طنط ومحمد واتغدينا سوا وقعدنا نتكلم كتير علي ذكرياتنا القديمه انا ورهف وبياتنا سوا وخناقتنا حسيت اني مبسوطه اوي وحسه اني بتكلم معاهم بشغف كنت فاكره اني ناسيه كل دا بس مطلعش كدا ،خلصنا ودخلت غيرت هدومي في غرفة رهف لفت نظري علي الكومود صوره في تابلوه قربت مسكتها
فلاش باك *
_يلا يا جماعه عشان نتصور صوره
_كالعاده صور بتول العشوائيه ال مش بتخلص دي
_يابت ذكرياااات ذكريات بقولك هنرجع نفتكرها بعدين صدقنيني
_كل مره بتقنعيني بصراحه خلاص يلا
_يلا رهف الاء حبيبه تقي يلا هناخد صوره واحد اتنين تلاته اضحكوووووو
بااك
بصيت الصوره وانا بسترجع اليوم دا من تاني دخلت رهف عليا فوقتني من شرودي بأنها مسحت الدمعتين ال نزلوا علي خدي ومحستش بيهم
_وحشوني اوي يا رهف
_انت كمان وحشاهم علفكره
_انا مش ناسيه اليوم دا خالص انا فكراه اوي حتي بعد درس الفرنش في تانيه ثانوي
_ايوا هو نفس المكان ال بنتصور فيه ديما دا الصوره دي في قلبي بجد محتفظه بيها اهي بتصبرني علي غيابكم
_انتم في دوله واحده يا رهف امال انا ال كنت في قاره تانيه اصلا اعمل ايه بس
_ حتي انا معنتش اعرف عنهم حاجه يا بتول . بس ثانيه متنسيش أنه كان اختيارك وقراراك
_مش ناسيه ونجحت في ال كنت عايزه احققه
_متاكده انك نجحتي ؟ طب وسبب سفرك نفسه الأساسي ال مش هنخبيه علي بعض انا وانت نجحتي في تحقيقه برده ولا بتضحكي علي نفسك كالعاده ؟
الكلام نزل عليا خضني بتفكريني ليه يا رهف علي اساس اني نسيت اصلا مثلا كنت عارفه إن الموضوع دا هيتفتح بس انا مش هنهار ….
_قومي اطلعي بره يا رهف يا حبيبه قلبي عايزه اغير هدومي برا
_غرفتي دي علفكره ال بتطرد منها دي
_برا يا قلبي برااااا
***
At USA
خلصت الشيفت بتاعي أخيرا احيانا بحس اني روبوت مش دكتور جراحه لا بتعامل معامله العبيد في الشغل للاسف لان انا ال لاهي نفس بالشغل عشان معُّدش انا ودماغي لوحدنا بس برجع اندم لاني محتاج راحه بس عارف كويس اني لو ارتحت جسديا نفسيا هكون بنهار ، روحت البيت وقبل م اروح عديت علي السوبر ماركت اجيب شويه طلبات فتحت محفظتي كالعاده بتمتع بجمال الصوره ال فيها افضل باصص متنح ليها لحد م يفوقني الكاشير من شرودي ف احاسب وامشي نفسي مفضلش ابص للصوره كتير نفسي ابص في الحقيقه بقا وحشتني اوي ..
***
نمت يومها وصحيت تاني يوم انا متعوده بصحي خمسه الصبح عشان ابدا يومي صح ومفيش فرق في التوقيت بين مصر وتركيا ف الحمدلله مش هيفرق معايا حاجه بس عشان كنت نايمه تعبانه من السفر ف صحيت سبعه وطبعا صحيت لقيت البيت هوس هوس محدش صاحي ،دخلت الحمام اخدت شاور وعملت اسكين كير وانا خارجه لقيت محمد في وشي
_بسم الله الرحمن الرحيم انت طلعتلي منين يا بني
_ايه يا توتا اتخضتي كدا ليه ؟
_خضتني يابني مكنتش اعرف انك صاحي
_لا لا صاحي من بدري ثانويه بقا وكدا
_دكتورنااااا
_يابنتي انا علمي رياضه
_بشمهندسناااا
_مش عايز هندسه
_اخفي من وشي يا محمد
_خلاص خلاص تعالي متزعليش
_شكلك مفطرتش
_واقع والله صاحي من الفجر م كلت حاجه
_خلاص هعمل فطار ليا انا وانت نفطر سوا علي م يصحو هم بقا براحتهم
وفعلا دخلت المطبخ ومحمد اخد بريك من المذاكره وفضل واقف معايا في المطبخ يسليني اتكلمت انا وهو كتير عن دروسه وأصحابه والكراش بتاعته رجعني ل ايامي ايام ثانوي اديته نصايح كتير في المذاكره وفي العلاقات كمان بس انا بدي بس مبنفذش للاسف أو يمكن كنت بنفذ ساعتها بس كل حاجه انتهت ،فطرت انا ومحمد وعلي الساعه تسعه كنت لابسه وجاهزه عشان انزل المستشفي الجديده ابدا فيها حسيت اني مش عايزه اقعد خالص في البيت والهي نفسي ب اي حاجه وبالمره هعدي علي البيت بتاعنا ونزلت ….
***
At USA
نزلت المستشفي اتطمنت علي الحاله ال عملتها العمليه امبارح وكان لازم ارجع مصر ف حولتها ل دكتور صديقي هيتابع معاها وانا هروح علي المطار وارجع ل ام الدنيا ،كنت ديما بهرب من دماغي باني اشغل نفسي ف كان بيجيلي فرص سفر كتير بس ديما كنت برفض ال هتطول أخري اسبوع او اتنين في اي بلد مش عايز احس اني بسيبها للمره التانيه حتي لو هي مش في مصر بس حاسس اني مثلا ممكن بكون بعوض غلطي دلوقتي بعوضه ل مين يا تري وانا كدا كدا معنتش هشوفها ؟
***
قدمت ورقي في المستشفي الجديده وكان الحوار خلصان من وانا في تركيا كنت متواصله معاهم ومتفقين علي كل حاجه كان فاضل بس اسلم الورق وممكن ابدا من بكرا .خلصت وقررت اتمشي شويه في الشوارع حسيت اني تايهه ومش عارفه حاجه مش عارفه اوصل ل بيتنا ! انا كنت عارفه كل حاجه في الشوارع بجد كنت حفظاهم بس هم اتغيروا اوي حسه اني مش عارفه احدد مكاني وانتهي الموضوع بأني اخدت تاكسي وعرفته العنوان ووصلت البيت عادت الي كل الذكريات
فلاش باك
_خلاص يا توتي متزعليش نفسك
_سبوني لوحدي يا يوسف بابا وماما سابوني لوحدي ومشيو يا يوسف
_انا معاكي والله متخافيش وهفضل معاكي مش هسيبك
_توعدني ؟
_اوعدك .
باك
فضلت واقفه حسيت بحاجه دافيه علي خدي طلعت دمعه خانتي ونزلت فمسحتها واخدت نفس وقدمت خطواتي من البيت واحده واحده لحد م فتحت باب الشقه ،
صراع من الذكريات كل م ابص علي ركن في البيت بفتكر حاجه تلقائي روحت فتحت الباب براحه ، المكتب دا شهد علي اكتر لحظات كنت مضغوطه فيها والسرير دا ياما عيطت وانا تحت اللحاف ثانيه انا بعيط دلوقتي ليه تاني ،كملت لحد م وصلت للبلكونه مكاني المفضل او يمكن كان مكاني المفضل هنا صراع من الذكريات لا مش صراع بس حرب ، حرب هو السبب فيها كان موجود بس قرر يختفي ويسيبها قرر يسيب كل اللحظات الحلوه دي ازاي ويبعد ؟ قطع تفكيري رنه من رهف مسحت دموعي بسرعه واخدت نفس وفتحت
_انت فين يا بتول ؟
_انا كنت في المستشفي وحاليا في البيت عندنا
_انت ايه ال وداك هناك لوحدك مش قولتلك هاجي معاك
_خلاص يا رهف عادي
_طيب يلا تعالي بسرعه عشان نتغدي وهنبقي نروح تاني
قفلت معاها وقفلت البيت ونزلت اخدت تاكسي وروحت عندهم البيت ….
***
At Washington DC Airport
وصلت المطار وخلصت اجرائتي ودخلت الطياره والمسافة حوالي ١٢ ساعه ف حاولت انام فيها علي قد م اقدر لان كان جسمي مرهق ف كنت شويه انام وشويه اصحي اتفرج علي حاجه وشويه اقرا لحد م اخيرا اخيرا وصلت مطار القاهره علي تاني يوم سبعه الصبح خرجت من المطار وشديت شنطتي وقابلني آدم صاحبي سلمت عليه وقبل م نمشي لفت نظري خناقه بين بنت وولد وصوتهم عالي جدا وقفت شويه اتابع الموضوع لحد م الولد مره واحده طلع مط*وه من جيبه واداها للبنت في بطنها وطلع يجري اتخضيت من الموقف بس طلعت اجري علي البنت والناس جريت وراه وحاولت اسعفها باي شكل وكلمنا الإسعاف وجات بسرعه وركبت معاها وطلعنا علي المستشفي …
***
صحيت تاني يوم بعد م قضيت ليله حلوه اوي مع رهف ومحمد وطنط ولأنها للاسف اخر يوم هبات فيه معاهم وهرجع بيتي ف قضينا يوم لطيف بس صحيت بدري كالعاده وفطرت ونزلت المستشفي حبيت ابدا من النهارده بدل م ابقي فاضيه وصلت المستشفي ولبست الاسكراب والبالطو وقعدت في الغرفه لأني كنت جايه بدري شويه ومره واحده دخلت عليا ممرضه
_دكتور بتول في حاله جات في الطوارئ ومحتاجه عمليه بسرعه محدش فاضي غير حضرتك ممكن تعمليها انتي
_اكيد طبعا
قومت بسرعه من مكاني وجريت علي غرفه التعقيم وبفكر مع نفسي سبحان الله اول يوم ليا شغل في مصر أبداه بعمليه يلا خير ودخلت غرفه العمليات وشوفت الحاله كانت طعن في البطن بس كان معمولها اسعافات اوليه كويسه جدا ولسه ببدأ لقيت واحد دخل غرفه العمليات بسرعه ثانيه انا عارفه الواحد دا اكيد لا مش هو! …
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وكأنه لا يوجد مهرب منك إلا إليك)
