رواية الحكايه فيها عشق الفصل الرابع والعشرون 24 بقلم نرمين هاني
رواية الحكايه فيها عشق الجزء الرابع والعشرون
رواية الحكايه فيها عشق البارت الرابع والعشرون
رواية الحكايه فيها عشق الحلقة الرابعة والعشرون
( اعتراف بالخطأ …. !!! )
……….فى فيلا ادم……….
عشق ببكاء……
– عيياء الويحثه ضيبت ماما يا بابى ( علياء الوحشه ضربت ماما يابابى )
الكل بصدمه…….بابا !!!😮😳
ادم بصدمه وعدم فهم…… اى بابا دى وانت جبت شروق منين انا مش فاهم ؟!!
ادهم بهدوء وصرامه……عشق تبقى بنتى يا ادم✋
نظرو له جميعا بصدمه واعين متسعه ليقاطع صدمتهم سقوط شروق أرضا فاقده للوعى قائله لنفسها كفى عذاب….. كفى الم….. كفى !!! فلم اعد استطيع تحمل كل هذا ؟!!
توجهو نحوها سريعا بخوف ليحملها ادم ويصعد بها الى غرفتها وهم خلفه ثم يضعها على الفراش برقه لتناوله رقيه سريعا ازازه البرفان قائلة بلهفة :-
– ادم خد حاول تفوقها كدا
اخذتها منها كريمه لتبعد ادم وتجلس هى جوارها لتحاول افاقتها ولكن بدون فائده فلم تعطى هى اى حركه او تتجاوب معهم
نظروا لبعضهم بتوتر ليقول ادهم بجديه …….
– طيب نطلب الدكتور ولا ناخدها المستشفى بدل وقفتنا دى !!!
نظرت لها شذى بدقة لتتحدث فاجئه وهى تشير بيدها نحو شروق قائله :-
– شروق بتعيط !!!!
نظروا جميعا لها ليروها مغمضه العينين والدموع تجرى على وجنتيها بصمت !!!
كريمة بحنيه وهى تربت على يدها وتمسح دموعها قائله :-
– حبيبتى سامعاني فتحى عينيكى ؟!!
شروق وهى مغمضة العينين لا تريد أن تفتحهما قائله لنفسها …. انا عايزة افضل كده مش عايزه اقوم اتوجع اكتر كفايا وبعدين انا بحاول بس مش عارفه افتحها….. واضح ان جسدى اخد القرار نيابة عنى
شروق وهي بتحاول تفتح عيونها بس مش قادره فى حاجه جواها منعاها عايزه تفضل لمدة خمس دقايق بدون اي شيء يوجعها خمس دقايق بس …….!!!
مسكت كريمة يدها البارده لتضغط عليها بقوه وحنان ومن ثم نظرت لهم قائله :-
– اخرجو انتم بره انا هقعد معاها متقلقوش هتبقى كويسه
عمر بتساؤل…..طيب نطلب الدكتور ؟!!!
تنهدت كريمة قائله بجدية…..ملوش لزوم يلا اطلعو
خرجو جميعا بصمت ليأخذ ادم عشق من يد ادهم ويعطيها لرقيه ثم ينظر ل ادهم قائلا :-
– تعالى نتكلم فى المكتب
ليذهب ادهم خلفه متنهدا وهو يدرك ماذا يريد هو ؟!!
……….
فى الداخل كريمه بعد ان شعرت بهدوء شروق ربتت على كتفها قائلة :-
– فتحى عنيكى ياحبيبتى مفيش حد غيرى هنا !!!
حاولت هى فتح عينيها اكتر من مره لتفتح عينيها اخيرا ببطء شديد لتقابل نظرات كريمة القلقة المعاتبة لها فتحتضنها شروق بشده وتبكى !!!…… تبكي كما لم تبكى من قبل !!! ل تخرج كل ما فى قلبها على هيئة دموع وبعد فترة هدأت بعد ان اخرجت ما في قلبها لتعطيها كريمه كوب من المياه فترتشف منه شروق بعض القطرات ب أيدى مرتعشة ثم تناولها إياه قائله بخفوت :-
– شكرا
تنهدت كريمه لتنظر لها بحنان شديد وتقول بابتسامه معاتبه اياها :-
– ينفع كدا تقلقينا عليكى ؟!! مهما حصل مكنش ينفع تسيبى البيت ابدا انا مش قيلالك انك زيك زيهم يعنى ليكى فى البيت زيهم بالظبط !!!
نظرت شروق أرضا بخجل وخزي ل تردف بخفوت :-
– انا اسفه بس انا مكنتش عايزه اسبب اى مشاكل ليكم وخصوصا ان ادم ساب البيت ومشى بسببى
اومات براسها بتفهم لتقول بهدوء….
– الهروب مش حل ياحبيبتى متختاريش الهروب من مشاكلك عشان غصب عنك هتزيد عليكى !!! … وبعدين مدام واثقه انك معملتيش حاجه غلط متتكثفيش او تهربى….. واجهى مشاكلك ياشروق عشان متتعبيش بعدين و كله يجى عليكى زى ما حصل كدا ووقعتى دلوقت مننا !!!
نظرت لها شروق بدموع لتتنهد كريمة قائلة بعتاب :-
– واى حكاية ادهم بقى واضح ان الموضوع كبير وانا اخر من يعلم ؟!!!
نظرت لها شروق بخجل ومن ثم قصت عليها كل شئ منذ ان قابلت عشق الى الان وما ان انتهت لتقابل نظرت كريمه الغاضبه المعاتبه اياها ……..!!!!
كريمه بغضب….معقول يا بنتى انتى تعملى كده !! تبعدى الراجل عن بنته …. وكمان تكدبى علينا !!! ….. اى ياشروق ازاى فكرتى تعملى كدا انا مش مصدقه ان انتى تبقى كدا؟!! …. وادهم دا ياحبيبى ادم كان بيقول حالته وحشه اووى ومبيعرفش ينام بسبب بنته !!1
بكت شروق بشده وهى تشعر بتانيب ضمير لتقول من بين شهقاتها :-
– والله ياعمتو انا مكنتش اقصد خالص …. انا اخدتها عشان احميها عشان متشوفش اللى انا شوفته !!!… وبعدين هى قالت انه بيسبها ومبيهتمش بيها وامها ميته وميرفت مراته دى بتضربها على طول !!! …. وانا كنت لوحدى واللى حصلى فى حياتى مش سهل ودوقت العذاب بسبب مرات ابويا , انا خوفت عليها انتى متعرفيش انا بحبها ازاى انا اول ماشوفتها حسيت ان الدنيا بتضحكلى تانى ….. كنتى عايزانى اسيبها تتبهدل فى الشوارع ولا اوديها القسم والله اعلم هيعملو فيها اى كان ممكن يودوها ملجأ ويبهدلوها ؟!! … و انا مكنتش اعرف ابوها عشان ارجعهاله وكمان كنت خايفه عليها من اب زى دا !!! انا والله ماكنت اقصد كل اللى حصل دا او كنت اعرف ان دا كله هيحصل ؟!!!
لتضع يدها على وجهها وتبكى بشدة…….
ربتت عليها كريمه بهدوء الى ان هدئت قليلا ومن ثم أردفت :-
– طيب كدبتى علينا ليه ؟!! انتى عارفه ان اسوء حاجه الكدب….. الموضوع بيبدأ بكدبه صغيره بتكبر واحده واحده من غير ماتحسى !!!…. انتى مش عارفة إن الكذب اساس الفجور كما قال عن عبد الله بن مسعود رضي الله عنه قال: قال رسول الله صلى الله عليه وسلم ……
عليكم بالصدق , فإن الصدق يهدي إلى البر…. وإن البر يهدي إلى الجنة .. وما يزال الرجل يصدق ويتحرى الصدق , حتى يكتب عند الله صديقا … وإياكم والكذب , فإن الكذب يهدي إلى الفجور ..وإن الفجور يهدي إلى النار , وما يزال الرجل يكذب ويتحرى الكذب ….حتى يكتب عند الله كذابا
سيبك من دا كله محستيش انك محروجه مننا و انتى بتكدبى علينا محستيش بالاحراج من ربنا وانتى بتسجدى تدعيه وانتى عارفه انك بتعملى الغلط ومحاولتيش تصلحيه ؟!! دا انتى ممكن تكونى صدقتى انها بنتك فعلا ؟!! وطبعا بعدها خلاص بقى مش مهم ابوها حاسس ب اى ؟!! انا عايزه اعرف ليه كدبتى هه ليه مقولتيش الحقيقه ؟!!!
شروق وهى تحاول الدفاع عن نفسها قائله بخفوت …….
– ادم افتكر انها بنتى ف انا سكت وبعدها خفت اتكلم تخدوها وتعاتبونى !!!
كريمة….وانتى كده عملتى الصح مش بيقولك الكدب ملوش رجلين والحقيقه بتلف تلف وتبان فى الاخر بس لو كنتى قولتى الاول كنتى هتوفرى على نفسك دا كله وكنا دورنا على ابوها وحلينا الموضوع دا……. والله كويس انها بنت ادهم مش حد تانى والا كان زمانك محبوسه دلوقتى !!!!
شروق…..منا قولتلك اللى عمله فيا !!! …. دا كان عايز يودينى السجن وضربنى وحبسنى !!!
كريمه وهى تهز راسها بالرفض قائله :-
– كان بيهددك بس عشان تعرفى غلطك , ادهم انا عارفاه ميعملش كدا ابدا هو كان بيطفى النار اللى قدتيها جواه ببعد بنته عنه… دا انتى يوم مابعدت عنك كام دقيقه قلبتى الدنيا وكانت حالتك حاله محستيش وقتها ان ربنا بيديكى اشاره ويحسسك بجزء من اللى ادهم حاسه وهو ابوها ومن دمه هه ؟!!!
نظرت للأسفل بحزن فهى شعرت بهذا حقا وقتها ……!!!
تابعت كريمه حديثها بتنهيده لتقول…..انتى غلطى ، صح انتى كانت نيتك خير بس كان ممكن تعالجي الموضوع بدون ماتكدبى او تبعدى بنت عن ابوها !!! …. وكمان ممكن يكون اللى بيحصلك دا عقاب من ربنا على اللى عملتيه !!!……. انتى كويسه واخلاقك عاليه وبتصلي بس اللى عملتيه دا غلط ودا عقاب ربنا ليكى ….. و موضوع صور علياء دا اكيد كان سبب ان الحق يبان وانك دوقتى الظلم وندمتى …. اوعاكى والكدب تانى بس دا ميمنعش انى زعلانه انك خبيتى عليا على الاقل كنت نصحتك
ثم نظرت لها قائله بتحذير….متتعوديش تخبى جواكى خدى النصيحة من الاكبر منك دايما…. مش لازم انتى اللى تكونى صح وزى ماقولتلك قبل كده متهربيش من مشاكلك واجهيها …. واجهيها فى وقتها احسن كتير ما تواجهك هي وساعتها هتقعى زى الغريق ومش هتلاقي اللى يلحقك فاهمانى يا حبيبتى
احتضنتها شروق بشدة فقد ارتاحت كثيرا بالحديث معها وقد شعرت انها والدتها حقا لتقول بتنهيده…فهماكى
……………………………………………………………………………………………………………………………………………………………………………………………………………………
…………فى الاسفل………….
………..فى الصالون………….
تجلس رقيه وهى تضع عشق على قدمها تلاعبها ومن ثم نظرت لشذى واردفت بفضول :-
– هموت واعرف ايه اللى بيحصل والاجتماعات السرية دى بيقولو فيها اى ؟!!
شذى بفضول وتساؤل …..وانا والله تفكرى بيقولو اى ؟!!!
رفعت أحدى حاجبيها غيظا لتقول باستهزاء…نفسي افهم مين اللى ربط الجاموسه وسابك ؟!! دا على اساس انى مش لسه قايله انى معرفش !!!
عمر وهو يأخذ عشق من يدها قائلا :-
– انا طالع فوق بدل القعده الفضولية دى ولو عرفتو حاجه صفرو هتلاقينى عندكم يالا عشق
عشق بمرح……..يلا ياحويان
رقيه……ههههههههههههههههههههههههههههه شخصيه شخصيه يعنى
ضربها عمر بمرح قائلا…عجبك كدا يالا يامغلبانى
ليصعد الدرج متوجها نحو غرفته…….
ف يرن جرس المنزل فتتوجه شذى نحوه لتجد حمزه الذى عندما رأها قال :-
– حبيبة قلبى وحشتينى
فتبتسم باتساع ثم تقترب منه و تخفض صوتها ك التى تفشى سرا حربيا قائله :-
– كويس انك جيت البيت ملغم بالمفرقعات الذريه وكان فى انفجار من شويه !!!
نظر لها بدهشة شديدة ومن ثم التف ليغادر قائلا :-
– طيب اما ينفجر ادينى رنه بس سلامو عليكم
امسكته من من قميصه من الخلف سريعا قائله :-
– انت رايح فين يابنى انت مش بتقول انى وحشاك !!!!
ابعد يدها ليعدل قميصه قائلا :-
– وات ايفر ياقلبى مش بتقولى فى انفجارات ذريه , انا الدكتور قالى متقعدش فى الاماكن الخطره والدكتور دا شرانى خدى بالك هاتى شنطتك وتعالى نفلسع من هنا
جذبته من يده للداخل قائله…لالا تعالى عشان تعرف فى اى وتبلغني
رقيه من خلفها بمرح….وياريت بالتفصيل والديتلس لو سمحت و سكر بره
حمزه ناظر لها بذهول ومن ثم اعتدل فى وقفته قائلا :-
– مش عايزين تشربوا حاجه بالمره…. انا قايل من الاول العيله دى نحس والجوازه تغم انا عارف هو الحب بقى اللى بهدلنى ما كنت كويس !!! انا مش فاهم اى اللى خلانى اتنيل وقع فيكم ؟!!!
ضحكت شذى بشده لتشاركها رقيه الضحك قائله :-
– انت جاى تندب حظك هنا معلش كلنا لها دا كاس داير وكلنا هندوقه…. الحب بهدله بقى ياكابتن ها يالا ادخل بقى خليك برينس عشان نعرف فى اى ؟!!
ثم قالت بمسكنه…. انا عايزه اتجوز شالله يخليك لو لقيت فى مشكله حاول تعدلها هه احسن انا هعنس كدا
حمزه بطريقه كوميديه….بطلو تسول بقى اى دا ؟!! يعنى كنت عارف اتجوز انا لما هجوزك اقولك انا اخدك انتي واختك شاروه واحدة
ضربته شدى بقوه فى كتفه ليضحك حمزه بشده ومن ثم يقول بخبث :-
– وناخد شروق ولو فى حد تانى قشطه عادى
شذى بغضب وغيره…….لا والله طيب اطلع بقى من هنا وملكش دعوه بيا تانى
امسكها سريعا وهو يحاول السيطره على ضحكاته قائلا بنبرة عشق وهو يغمز بعينيه :-
– اى الحلاوه دى دا احنا بنغير اهو انا اقدر ياقلبى دا انتى اللى فى القلب لوحدك
احمرت وجنتى شذى سريعا لتنظر ارضا بخجل لتقول رقيه وهى تضع يدها على خدها قائله باستهزاء…….
– بالنسبه لكيس الجوافه السينجل اللى قاعد وضعه اى ؟!! انا برضه قاعده على الكربه لوحدى والله…. راعى انى سينحل وبحب على نفسى حضرتك بدل ما اقوم اديك بوكس اطيرك هه فادخل يالا خلينى اتخطب واحل عنكم وأنت المستفيد والله يلا بدل ما اقوملكم بلاش ام المحن اللى يفقع المراره دا !!!
زفر بضيق ليبتعد عن شذى قائلا….انا هدخل اشوفهم وانتى سربى البت دى
رقيه بمرح…..لو مش عاجبك جوزنى عادى يعني ؟!!!
نظر لها حمزه بغيظ ليتوجه بعدها نحو غرفة المكتب وهو يزفر بضيق قائلا ….جوازه تغم اه والله
…………………………..
…………….منذ قليل…………
………….فى غرفة الكتب……………..
بعد ان قص ادهم على ادم كل ماحدث الى الان نظر له ليجده ناظرا امامه ويبدو عليه الشرود فعقد حاجبيه متعجبا ليرفع يده عاليا ويضربه فى كتفه قائلا :-
– اى ياعم مش بكلمك ما تنطق تقول حاجه ؟!!
تنهد آدم بشده لينظر له بعد ذلك ويتابع بشرود :-
– مش عارف اقول اى دى حكايه غريبه اصلا ؟!! ازاى بنتك كانت قدامى طول الوقت وانت بتكلمنى عنها وانا بشوفها كل يوم ومعرفش ؟!!! وازاى شروق تعمل كدا اصلا ؟!!!
ثار ادهم بغضب..انت بتسألني انا ؟!!
ضيق آدم عينيه ليقول بضيق……لا انا المرادى مش هينفع اواجهها لتطلع مظلومه زى اللى قبلها انا مش عارف هخليها تسامحنى ازاى على اللى عملته فيها ؟!!!
وضع ادهم يده على خده وهو يزفر بضيق قائلا باستهزاء :-
– لا هقشعر من اللى بتقوله هتطلع مظلومة ازاى مثلا….. كانوا مخدرينها وهى بتاخد البنت ؟!! ولا اقولك ممكن تكون كانت فاقده الذاكره وفاكره ان دى بنتها ؟!!! ثم وقف بغضب..انتم عايزين تجننونى ؟!!
حمزه وهو يدخل عليهم بمرح قائلا :-
– اسم الله عليك ياحبيبى من الجنان لالالا بعد الشر تف من بوك بس مش على الارض عشان التلوث !!!
ضحك كل منهم ليقول ادم………اى اللى جابك انت كمان ؟!!!
جلس هو جوارهم ليقول…….قولت اجى اخد البنيه افسحها ولا اتغدى عندكم ولا حاجه جيت لقيت قنابل وذريه كمان مهو البيت دا لاما نحس لاما نحس مش كده برضه
ضربه ادهم بغيظ ليقول….مش وقتك دلوقت
تنهد آدم بشدة ليتابع……..انا مش هقدر اكلمها واظلمها تانى احنا الاحسن نستنى اما ماما تكلمها واكيد هتعرف عملت كدا ليه ؟!!وليه خدت عشق بنتك ؟!!
حمزه بعدم فهم….عشق بنته دى اللى مع شروق مش كده ؟!!
اوما براسه ليقول….بالظبط
حمزه بمرح…..ههههههههه وازاى دا بقى ؟!!
قص عليه آدم باختصار لينظر له حمزه بذهول ومن ثم يقول بمرح :-
– ياخوفى اطلع انا اخوكم فى اخر المسلسل ومتجوزش البت!!! يعنى بنت شروق تطلع بنت ادهم وشروق بنت عم ادم وادم صاحب ادهم ابقى انا مين ؟!! حد يقولى انا مين ؟!!!
رفع ادهم يده عاليا لينزل بها على عنقه بقوه قائلا :-
– عرفت بقى انت مين ؟!!
ابتعد حمزه عنه بطريقه كوميديه قائلا :-
– عرفت انا مين ياريس
ليقاطع حديثهم طرق الباب ودخول كريمه عليهم قائلة بجدية :-
– اخرجو بره وسيبو ادهم عوزاه
نظروا لبعضهم باستغراب ليردف حمزه بمرح :-
– هينضرب ولا اى اوعى يكون معملش الواجب ؟!!
ادم بجديه ….هى شروق كويسه يا ماما وقالتلك اى ؟!!
كريمه…كويسه وانا قولتلها تنام شويه يالا عشان اقعد مع ادهم
ادم….بس انا عايز افهم فى اى وشروق قالتلك اى ؟!!
تنهدت كريمه بقوة لتقول… ادم هحكيلك بعدين يلا لو سمحت
خرجو بصمت لتقابلهم نظرات رقيه الفضولية قائله وهى تتجه نحوهم……
– هو فى اى هه ؟!!
شذى…وماما مالها مردتش علينا وهى نازله ليه؟!!
زفر ادم بضيق ولم يرد عليهم ليخرج الى الجنيه ليفكر فى ماحدث بهدوء
نظرت له رقيه باستغراب ومن ثم نظرت لحمزه قائله :-
هو ماله ؟! وفى اى هه ؟!!
شذى…اه فى اى يلا قول
حمزه بمرح وهزار…مفيش كل الحكايه انى احتمال اطلع اخوكم اخر المسلسل ؟!!
نظروا له بذهول لتسقط شذى مغشيا عليها فى الحال……!!!
فزع حمزه بشده ليتجه نحوها مسرعا و يحملها ويضعها على الكرسى قائلا بلهفه :-
– روحى هاتى برفان بسرعه
رقيه واقفه والصدمه باديه على وجهها لتقول ب اعين متسعه :-
– اخونا ازاى يعني ؟!!
حمزه بغضب….الله يخربيتك انا بهزر اخلصى
غضبت رقيه بشدة لتزيحه بقوه فيقع أرضا متالما فتتجه هى مسرعه لاحضار البرفان ومن ثم توجهت نحو شذى لتجلس أمامها وتحاول افاقتها الى ان فتحت عيونها وقالت الدموع متحجره فى عينيها….
– اخونا ازاى ؟!!!
نظر لها حمزه بضيق من نفسه لما قاله ومن ثم اردف وهو يمسح دموعها قائلا :-
– انا بهزر ياحبيبتى الجد بقى ان عشق بنت ادهم ؟!!!
شذى بذهول…ازاى ؟!!
حمزه…لا دى حكايه طويله بس اختصارها ان شروق لقت عشق ف اخدتها وقالت انها بنتها وعشق بنت ادهم وادهم صاحب ادم وشروق بنت عم ادم بذمتك بعد اللفه دى مش ممكن اطلع اخوكم فى الاخر ؟!!
رقيه…… تطلع ماتطلعش ليه انت اقل منها…. دا ولا الافلام هارحوس عليا وعلى نحسى ياما
ضحك حمزه لتنظر له شذى بضيق وعتاب فيتوجه ليجلس جوارها ويحاول مصالحتها…
…………………………………………….
…………………………………………….
……………..فى الداخل…….
ادهم ينظر الى كريمة بترقب منتظرا أن تبدا معه الحديث لتتنهد كريمة قائله بهدوء :-
– شروق حكتلى كل حاجه
نظر لها ادهم باهتمام…تمام وحضرتك شايفه اى ؟!!
كريمه بجديه…..هترضى بحكمى يعني ؟!!
تنهد ادهم بقوة ومن ثم نظر لها بابتسامة ليقول باحترام :-
– اكيد طبعا حضرتك عارفه معزتك عندى وانى بعتبرك زى والدتى الله يرحمها بالظبط
ابتسمت كريمه بحب لتربت على يده قائله :-
– عارفه ياحبيبى وده اللى شجعنى اتكلم معاك
نظر لها باهتمام لتقول….اولا كدا انت غلطت وشروق غلطت
رمقها بذهول ليقول باندفاع…..انا غلطت حضرتك مش عارفه انا
قاطعته هى بيدها قائله ….عارفه انك اتعذبت فى بعد بنتك عنك بس مسألتش نفسك بنتك سابت البيت ليه وهى طفلة صغيرة متعرفش حاجه فى الدنيا ؟!!
نظر لها بحيره لتتابع هى…لانها ملقتكش جمبها…. انا عارفه انك كنت بتحب فرح اووى واتاثرت بموتها بس بنتك اتاثرت اكتر منك بمراحل !!!
ادهم مبررا….انا جبتلها مربيه تاخد بالها منها
كريمه مؤنبه…اسمها مرفت مش كده ؟!!
اوما براسه بصمت واستغراب من معرفتها بها ليقول….حضرتك عرفتيها منين ؟!!
تنهدت كريمه لتردف….من شروق اهى مرفت دى السبب التانى بعدك فى هروب عشق…. انا مش فاهمه ازاى تسيب بنتك مع مربيه ومتابعهاش ؟!! او تطمن عليها ؟! انت عارف هى كانت بتعاملها ازاى ؟ كانت بتضربها …. تخيل طفلة صغيرة اتحرمت من امها لا وكمان ابوها سايبها ومبيهتمش بيها وجبلها واحدة تضربها هتعمل اى او تفكر ازاى ؟!! خلت البنت تبقى عايزه تروح لمامتها وعلى حسب تفكيرها انها لما تركب القطر هتلاقيها وهناك شروق شافتها وافتكرت انك متجوز وجايبلها مرات اب وعشان شروق مرت بدا صعبت عليها وخدتها
ادهم بغضب…….يعني ميرفت كانت بتضربها ؟!!
كريمه…..الغلط مش عليها واحد مهمل فى بنته وميعرفش عنها حاجه طبيعى هى كمان هتهملها ؟!! يعنى انت مش خايف على بنتك عايز الغريب يخاف عليها !!! …. ومتجبش الغلط على بنتك هى لا لقت اب تشكيله وتقوله اللى مرفت بتعمله فيها ولا لقت حد يحتويها فراحت تدور على امها عشان نفسها تفرح وتلعب زى اللى فى سنها …. عارف انا لحد الان مشكتش فى لحظه ان عشق مش بنت شروق دا احتمال شروق تكون عرفت بنتك اكتر منك ؟!!
تنهد ادهم بحزن….حضرتك متعرفيش انا مريت ب اى فى حياتى فرح هى الحاجه الحلوه اللى كانت فى حياتى متعرفيش بعدها حسيت ب اى انا عارف انى قصرت ويمكن دا كان عقاب ليا
كريمه…….كويس انك اعترفت بغلطك وفعلا دا كان عقاب على اهمالك ليها ….. فى ناس بتتمنى يكون عندها طفل ياحبيبى ومبيطلهوش انت ربنا مديك رزق تهمله كده …. اقولك فكر انت بشكل ايجابى يعنى كويس انك لقيت بنتك سليمه وكويسه وفى وسط عيله بتراعيها مش فى الشارع او حد يكون خطفها موتها او اى حاجه من اللى بنسمع عنها كل شويه دى
ادهم…..يعنى حضرتك شايفه انى انا غلطان انى اهملتها وشروق مش غلطانه انها خدت بنت من ابوها ؟!!
كريمة….لا طبعا انا مقولتش كدا شروق غلطت بس زى ماقولتلك كل دا كانت اشاره من ربنا ليكم انتم الاتنين واكيد انت اتعلمت الدرس وهى كمان انا عرفتها غلطتها
ادهم بجديه…..بس اسمحيلى انا هعاقبها انا مدخلتهاش السجن عشان خاطركم ولانى حسيت ان ممكن مكنش قصدها لكن مش هرتاح الا لما اردلها جزء من اللى عملته ومتخافيش هحط فى اعتبار انها خلت بالها من بنتى
كريمه…….. ماشى ياادهم بس اجل الموضوع دا شويه شروق مبتلحقش تفوق من اللى هى فيه وادى شوفت حصلها اى من شويه
تنهد ادهم ليردف بعدها….تمام
ابتسمت كريمه لتقول…وعشق هاتها كل يوم وانت رايح الشغل وعدى خدها بالليل بدل موضوع المربيه دا هه
ابتسم ادهم بهدوء…… حاضر
وقفت كريمة قائله….يالا نطلع لهم بقى
وتوجهوا للخروج ليجدو رقيه واقفه واضعه يدها فى خصرها ناظره لحمزه بضيق قائله بصوت مرتفع :-
– قولنا فى زفت سنجل قاعده متنيله معاكم ارحمو اهلى بقى
كريمه من خلفها…..فى اى يارقيه ؟!!
رقيه بمرح وهى تتوجه نحوها…عايزه اتجوز بقى ياكركر ياعسل
ادم وهو يتوجه نحوهم وينظر ل ادهم بفضول :-
– ها اتكلمتوا فى اى ؟!!
ابتسم ادهم ليقول ….متقلقش كل خير
وقفت رقيه على المنضده قائله بنفاذ صبر :-
– اثبت بقى ياكابتن على كل خير دى واوعى حد يتكلم اتجوز وبعد كده نبدا بالنحس تانى… اتجوز بس والله ارفعوا اديكم مش عايزه ولا مصيبه تحصل الا لما اتجوز انا قولت اهو
ادم بذهول…البت اتجننت فى اى ياماما ؟!!
كريمه بضحك….عمار عايز يتجوزها
ضيق ادم عينيه ليقول….نعم ؟!! لا طبعا مفيش جواز
اتسعت عيناها بصدمة لتردف….بتقول مفيش اى حضرتك ؟!!
ادم…..مفيش جواز
عمر الذى توجه نحوهم وبغناء قال….مفيش جواز ياحلولى مفيش جواز ايوه اه
رقيه بصدمه وهى تشير بيدها فى عدة اتجاهات :-
– حاسب كده ياكابتن
ليتحرك ادهم عدة خطوات فتسقط رقيه ارضا قائله :-
– صوتو عليا يالا كده كتير بقى
عمر…….يااختاااى يالهووتاااى ماتت شهيدة الحب والغرام يالا الحمد لله ارتحنا من الاقلام
ليشعر بصفعه على عنقه من الخلف فينظر لها بذهول قائلا :-
– الله يخرب بيتك انت مش كنتى واقعه على الارض من شويه
رقيه بمرح مقلدة شكشك….انت فاكر نفسك هتزوغ منى لا دا انا محدش يتوقعنى ياحبيبى
الكل……….هههههههههههههههههههههههههههههه
كريمه بجديه وهي تنظر لادم قائله……انا هكلم خالتك واتفق على معاد يجو فيه وبعد كدا نشوف
رقيه وهى تقبلها قائله…..
شالله يخليكى ياكركر واتجوز على خير واخرج من البيت المريب دا قبل ما يجرالى حاجه انا كمان واطلع بنت البواب مش بنتكم
الكل………..ههههههههههههههههههههههههههههه
كريمه……طيب يالا عشان نتغدى
ليتوجهو معا ليتناولون الطعام فى جو ملئ بالمرح تاركين شروق بمفردها لترتاح قليلا مما مرت به لينتهي اليوم بدون احداث تذكر ويتم تحديد موعد لتقدم عمار لخطبة رقيه غدا……!!
……………………………………………
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الحكايه فيها عشق)
