رواية فريدة الالفي الفصل السابع والعشرون 27 بقلم فريدة أحمد
رواية فريدة الالفي الجزء السابع والعشرون
رواية فريدة الالفي البارت السابع والعشرون
رواية فريدة الالفي الحلقة السابعة والعشرون
انا حامل يا ماما
قالتها فريدة بدموع وحزن ل عايدة اللي ردت بصدمة وقالت…. اييه. حامل. الزاي
كملت بتساؤل… هو انتي وياسين
فريدة هزت راسها بدموع
عايدة… طب انتي عرفتي الزاي انك حامل. اتاكدتي يعني
فريدة هزت راسها وقالت … ايوا. اتاكدت
وهي بتكمل بدموع… مش عارفة اعمل ايه في المصيبة دي
بدأت تفتكر
فلاش باك
ريهام وفريدة كانو قاعدين في مطعم بياكلو بعد ما ريهام صممت واصرت ان فريدة تخرج معاها محاولة منها انها تخرجها من الحزن اللي هي فيه وتخليها تفك عن نفسها
وهما قاعدين في المطعم بعد ما جاب النادل الاكل وحطو قدامهم
ريهام… يلا يا ديدا علشان تاكلي
فريدة بارهاق وتعب… ماليش نفس والله ياريهام. كلي انتي
ريهام… نعممم. وهو انا عزماكي و صارفة ومكلفة علشان في الاخر تقولي مالكيش نفس.. بصي هو اجباري هتاكلي يعني هتاكلي.وبعدين دا السوشي اللي بتحبيه
ومسكت الشوكة علشان تاكلها….يلا افتحي بوقك
فريدة بتعب وضيق…. ياريهام مليش نفس ليه مش قادرة
بس ريهام قالت… طب كلي دي بس مني علشان خاطري
وبمجرد ما قربت الاكل من بوقها فريدة مقدرتش وقامت تجري علي الحمام وفضلت ترجع
ريهام راحت وراها بسرعة وهي بتقولها بقلق… مالك يافريدة. فيه ايه
فريدة بتوهان…. مش عارفة
ريهام…. حاسة بإيه طيب
فريدة… بطني بتوجعني شوية
ريهام بشك… فريدة انتي شكلك متغير ماتيجي نروح للدكتور يكشف عليكي
فريدة…. اكشف علي ايه بس. عادي ياستي. دا يمكن بس علشان مش باكل كويس الفترة دي
ريهام….. لا يافريدة انتي لازم تكشفي
فريدة…. متكبريش الموضوع. انا كويسة
وبعدين سرحت شويه
ريهام… بتفكري في ايه يافريدة
فريدة اتنهدت وقالت بتوهان… في حاجة في دماغي خايفة تطلع صح
ريهام…. قصدك تكوني حامل. مش كده
فريدة هزت راسها وهي بتقول…. خايفة اووي
ريهام… متخافيش. وايا كان ان شاء الله خير. اكيد ربنا مش بيجيب حاجة وحشة.. المهم تعالي نروح للدكتور ونشوف
وبالفعل راحو للدكتورة علشان فريدة تتاكد اذا فعلا حامل او لا
فريدة دخلت عند الدكتورة اللي اول ماكشفت عليها قالت ببتسامة… الف مبروك. انتي حامل
فريدة اتصدمت برغم انها كانت شاكة الا انها كانت بتتمني شكها ده يطلع غلط ومتكونش حامل من ياسين
فريدة بصت ل ريهام اللي بصتلها بقلق
لكن فريدة خدت نفس وقالت للدكتورة بجمود… انا عاوزة انزل الحمل ده يادكتورة ممكن تعمليلي العملية
ريهام بصدمة… فريدة اللي بتقوليه ده
بس فريدة بصتلها بمعني تسكت
الدكتورة…. اسفة انا مش بشتغل في العمليات دي
فريدة… انا ممكن اديكي الفلوس اللي تطلبيها. اي مبلغ تطلبيه انا تحت امرك. بس تنزليلي الحمل ده.. ممكن
لكن الدكتورة ردت وقالت… انا اسفة يامدام مش هينفع اعمل كده.. ونصيحة مني بلاش تجهضي نفسك. اولا خطر عليكي. ثانيا بلاش تتسببي في مو،، ت ابنك. غيرك بيتمني يخلفو ومش عارفين
فريدة ماهتمتش لكلامها بس هزت راسها وقالت.. عن اذنك
وخرجت
وريهام خرجت وراها
في العربية
ريهام… انتي اتجننتي. انتي الزاي تفكري كده. عاوزة تمو،، تي ابنك
فريدة بجمود…. دا ابن ياسين. وانا مش عاوزة اي حاجة تربطني بيه
ريهام… بس اللي عاوزة تعمليه ده غلط. غلط يافريدة وحرام. دا غير انك هتخاطري بحياتك
فريدة… مش مهم ان شالله امو. ت. المهم عندي ان مخلفش منو
ريهام… للدرجادي
فريدة بغـ ل… واكتر.. دا قت، ل ابويا. عاوزاني اجيب منو طفل للدنيا الزاي. اكيد هكرهه زي ما كرهت ابوه
ريهام… بس يافريدة دا نصيب واللي حصل حصل. علشان خاطري فكري وبلاش تتسرعي. اوعديني يافريدة انك مش هتعملي كده.. اوعديني يافريدة
فريدة بعصبية…. اناا مينفعش اخلف من ياسين. افهميي بقاا
ريهام… انا خايفة عليكي
فريدة… متخافيش.. وبعدين اللي هعمله ده الصح. انا استحالة اخلف منو
….
وتاني يوم
وبعد محاولات كتير من ريهام انها تقنع فريدة ماتنزلش اللي في بطنها الا ان فريدة كانت واخدة قرارها ومصممة عليه
وراحت عند دكتورة تانية واتفقت معاها انها تنزلها الجنين بعد ما فريدة عرضت عليها مبلغ كبير جدا الدكتورة اول ماشافت الفلوس طمعت ووافقت علطول
فريدة وريهام واقفين قدام الغرفة اللي المفروض هتدخل تعمل فيها العملية
فريدة كانت ماسكة ايد ريهام وهي خايفة جدا ومتوترة
ريهام… علشان خاطري يافريدة فكري تاني لسه في فرصة ترجعي عن اللي في دماغك. فكري يافريدة
بس في الوقت ده خرجت الممرضة وهي بتقول… اتفضلي يا مدام الدكتورة منتظراكي
فريدة بصت ل ريهام بخوف وريهام كانت بتهز راسها بمعني انها ماتدخلش
الممرضة… يامدام الدكتورة مستنياكي جوا
فريدة سحبت ايدها من ايد ريهام بعد ما حسمت امرها ودخلت
الدكتورة… اتفضلي يامدام نامي علي السرير
وبعد دقايق
كانت فريدة نايمة علي السرير والممرضة ماسكه في ايديها حقنه البينج و قربت علي فريدة علشان تديهالها
بس فريدة علطول زقت ايدها وقامت تجري علي بره وهي بتستغفر ربنا
فريدة وهي في حضن ريهام بدموع قالت…. مقدرتش. ماقدرتش ياريهام
ريهام بفرحة …. الحمدلله. مش هتندمي والله مش هتندمي انتي كده عملتي الصح
بااااك
عايدة بعصبية…. انتي الزاي كنتي عاوزة تعملي كده وتقـ تلي ابنك بإيدك
فريدة… خلاص ياماما محلصش حاجة ومعملتش كده.. بس انا غصب عني مش قادرة اتقبل فكرة اني اخلف منه. كملت بدموع…. صعب ياماما. صعب اوووي
عايدة…. دا نصيبك يا حبيتيني ولازم ترضي بيه.. المهم قوليلي. هتعملي ايه مع اللي اسمه ياسين.
فريدة….اتكلمنا امبارح واتفقت معاه يطلقني
عايدة… هو عرف انك حامل
فريدة… لأ
عايدة…. انتي ناوية تخبي عليه
فريدة…. هو مش لازم يعرف دلوقتي غير لما يطلقني الاول.بعدين يبقي يعرف بقا. المهم انا مش عاوزة حاجة توقف موضوع الطلاق ده. عاوازه يتم في اسرع وقت
يتبع……..
لقراءة الفصل التالي : اضغط هنا
لقراءة الرواية كاملة اضغط على : (رواية فريدة الالفي)
