رواية فعلتها لأجل أبي الفصل السادس 6 بقلم هدير عبدالعليم

رواية فعلتها لأجل أبي الجزء السادس

رواية فعلتها لأجل أبي البارت السادس

رواية فعلتها لأجل أبي الحلقة السادسة

دنيا بعصبية: يعنى أي ؟
ماما : يعنى لازم تمشي مع جوزك .
دنيا : ماما همشي الا لو وافق يدفع فلوس بابا.
ماما : بلاش تخربي على نفسك , مش هيكون موت و خراب ديار كفاية ابوكي.
دنيا : ماما أنا بجد مقفولة منهم أوى.
ماما بحكمة : كل الناس جميلة و لطيفة من بعيد ,الناس بتتعرف لما نعاشرهم بتظهر أخلاقهم فعلاً و كل واحد بيظهر على حقيقته وكل موقف صعب بيظهر الإنسان على حقيقته.
دنيا : ماما أنا خائفه منهم أوى.
ماما : لازم تروحي مش هينفع يكون ابوكي مسجون بسبب الفلوس إللى دفعها فى الفرح وكمان أنتِ زعلانة.
دنيا بأستسلام: إيهاب قال أى لما جه ؟
ماما : جاى ياخدك بس متكلمش فى حاجه.
دنيا بدموع: إزاى ؟؟ يعنى هو مش هيدفع فلوس بابا؟
ماما : لا. بيقولوا مش معه فلوس .
دنيا : مش صادق .
ماما : صادق بقا ولا لا يلا علشان تمشي .
دنيا : أنا مش عايزه أمشي معه, مش مطمنة .
آلاء: معلش علشان خاطر بابا لو عرف هيزعل أوى لأنك خلاص اتجوزتي.
دنيا بتنهيدة و قلة حيلة : ماشي .
^^^
شهاب : أزيك يا دنيا عاملة أيه.
دنيا : الحمد لله بس قلقانة على بابا .
شهاب : ربنا يطمنكم عليه.
آلاء بكسره: ابوس على إيدك يا شهاب حاول تطلع بابا, بابا محتاجك أوي يا شهاب علشان خاطرنا إحنا هنموت من القلق .
شهاب بدون تأثر: ان شاء الله خير.
معاذ : ليك علينا نسد الفلوس دي لما نكبر بس لازم بابا يخرج من السجن.
شهاب بإبتسامة: حاسس إني بتكلم مع ناس كبيرة .
آلاء: يعنى هتحاول ؟!
شهاب: إن شاء الله خير.
آلاء : يارب يكون خير .
شهاب : يلا
دنيا بتبص لمامتها بقلق : همشي؟ هسيبكم وأنتوا كده ؟ مش قادرة مش قادرة آشوف الحزن فى عينكم .
آلاء: إحنا هنكون كويسين ان شاء الله.
شهاب : أبقا تعالى بكره .
دنيا مشيت مع شهاب بس وأنا كلي غضب إللى هو أنا السبب فى كل إللى بيحصل ده إزاى هروح و أكمل يومي وأنا عارفه ان أخواتي و بابا مش كويسين.
^^تاني يوم^^
دنيا : بابا تعب؟! أمتي ؟؟
آلاء بدموع: بالليل ودخل المستشفى.
دنيا: عايزه أروح اشوفه دلوقتى.
مالك : ماما قالت إن كلنا هنروح العصر .
دنيا : انا هروح دلوقتى
معاذ: بالله عليكِ عايز أروح معاكِ آشوف بابا وحشني أوي.
دنيا : ماشي يا عيوني .
روحنا المستشفى.
دنيا أول ما شوفت بابا: أنا السبب ,ياريت كنت موت قبل ما آشوف اليوم ده .
بابا بنفس و بيحاول يتكلم لانه مش قادر : مفيش حد سبب فى حاجه ربنا بيختبر صبرنا علشان يشوفنا هنصبر ولا لا وأنا صابر .
دنيا بعياط جامد: أنا مش هكمل مش هينفع .
آلاء:وحشتنى أوى يا بابا .
معاذ :محدش بيساعدنى فى الواجب لأنك علمتني أكون كبير و المس فرحانة بيا اوى لاني طلعت الأول.
مالك : وأنا كمان طلعت الأول مكرر .
بابا بيفتح دراعه علشان ييجوا فى حضنة : أنا بحبكم أوي .
مالك: و إحنا كمان يا بابا بنحبك أوي .
فيه صوت جاي من وراء كفاية كدا لان الكلام الكتير غلط عليه
معاذ بيرد بدون ما يبص : حرام عليكِ أنت واخد بابا مننا وكمان مش عايزه يتكلم معانا أنا هشكيك ل ربنا , بابا قالى إللى يضيقك قول حسبي الله ونعم الوكيل فيه وربنا عادل هيجيب حقك, يارب عايز حقى من الظابط ده لان بابا مظلوم و هو….
آلاء: احمممم
معاذ لسه ماسك أيد الاب و مش قادر يقوم من حضنة : هيدخلني السجن زى بابا , عادى مش فارق معايا أنا راجل و هقدر استحمل أى حاجه..
مالك : أنا مش عايز أكون ظابط لانهم وحشي_
دنيا بسرعة: احمم
ماما : ينفع تشوفوا مين إللى بيتكلم .
مالك بدهشة ودون فهم : هو ظابط فى شكل دكتور صح؟
معاذ بإبتسامة: لابس زى الدكتور علشان نحبه بس هو ظالم علشان أخد بابا مننا .
آلاء بحكمة : لا هو فعلاً دكتور, الدكتور هو إللى بيعالج بابا بس مش هو إللى سجن بابا.
مالك : يعنى هو دكتور ولا ظابط أنا توهت؟
الدكتور بحب و إبتسامة : تعالوا نتكلم برة علشان بابا يرتاح .
^^
مالك : هو لو أنت دكتور يبقا طلع بابا من السجن .
الدكتور : هى القضية أى, أنا معرفش فعلاً أى حاجه انا بساعد كا دكتور وبس, مش بحب أدخل نفسي فى تفاصيل .
دنيا بكسرة و حزن : بابا هنا علشان أنا اتجوزت.
الدكتور بدون فهم : اتجوزتي ؟!!
دنيا مقدرتش أقف لاني مش هقدر أرد و مشيت بسرعة وأنا منهرة .
ماما : دنيا استنى اسمعينى طيب .
دنيا مش شايفه أى حاجه قدامي غير صورة بابا و هو تعبان إزاى أكون قاسية كدة ؟ إزاى أكون أنا السبب فى كله ده؟
ماما : رايحه فين .
دنيا بدموع : مينفعش تكون كل حاجه بتضيع و أنا واقفة أتفرج , هحاول حتى لو ملقتش حل اكون عملت إللى عليا وحاولت ..
ماما بدموع و حضن لدنيا : إحنا السبب, أنا حاسه نفس احساسك بس عماله أخبئ علشان مش عايزه حد منكم يضعف او يحس انه سبب لتعب أقرب الناس ليه .
دنيا بدموع : هو كأن معه حق , بابا قال حاجات كتير معرفتش قيمتها غير دلوقتى ياريت كنت سمعت كل كلمة منه قصدى كل حرف و كأنه كان خائف عليا من الدنيا كلها فضل يقولى كلام معرفتش أفهمه بس الدنيا شرحته بالمواقف الصعبة .
ماما بحضن : خلاص يا دنيا كل حاجه ليها حل ان شاء الله بابا كان ديما يقول كده.
شهاب داخل من باب المستشفى : عمو عامل أيه.
دنيا : مش كويس خالص .
ماما : هشوف اخواتك فوق.
شهاب : لى كده .
دنيا : علشان إحنا مش متعودين على البهدلة .
شهاب : ..
دنيا : بابا لازم يدفع الفلوس دى .
شهاب : و الحل اي .
دنيا : إنك تدفع الفلوس او نبيع الدهب و نساعد بابا .
شهاب ببرود : لا طبعاً , ده مش حل .
دنيا : عندك حل غير دول .
شهاب: هقولهم فى البيت علشان نقدر نجمع المبلغ .
دنيا : خليك عارف أنه معروف هيفضل فى رقبتي لحد ما أموت و على استعداد اشيل أمك و أهلك العمر كله بالله عليكِ خليك جنبي المره دي بس أنا كنت معاك فى كل مره و كل حاجه صعبة.
شهاب : ان شاء الله خير.
^^^تانى يوم و فى بيتنا^^^
دنيا بزعل : ما هو أنا لو متأكدة إنك مش معاك فلوس كنت هسكت, لكن أنا عارفه إنك تقدر تعمل حاجه ,اسمع كلامي ل مره واحده, علشان خاطري لو أنت بتحبني فعلاً ساعدني؟
شهاب بصوت عالى : بحبك بس مقدرش أتصرف.
دنيا بأستسلام: خلاص نبيع جزء من حاجات الجهاز و..
شهاب : ..
ماما وفاء بتخبط على الباب صوتكم عالى كده لى؟
دنيا : مفيش حاجه تعالى يا ماما.
ماما وفاء : مالكم بس.
دنيا : صدقاً مفيش حاجه.
ماما وفاء ببجاحة : من الأخر كده أنا سمعت كل حاجه .
دنيا بصدمة :..