رواية وكانت هي نصيبي الفصل الأول 1 بقلم شيماء ناصر

رواية وكانت هي نصيبي الجزء الأول

رواية وكانت هي نصيبي البارت الأول

رواية وكانت هي نصيبي الحلقة الأولى

بص حضرتك انا مش موافقه علي الجوازه دي مش قصدي حاجه انت تشرف اي حد وحد محترم جدا وده باين عليك بس انا مش جاي علي مزاجي اتجوز و مش بفكر في الجواز عندي حاجات اهم بكتير من الكلام ده
=لي ان شاءلله وراكي جامعه
-احم لا
=بتحضري دكتوراه
-لا
بتشتغلي
-لا
=انتي بتعملي اي في حياتك معلش محتاج افهم اي الي مخليكي مش عاوزه تتجوزي
-بربي عيالي مش عاوزه انشغل بي موضوع الجواز وانسا مسؤلياتي خصوصا ان ابوهم مش موجود وعلي طول بره ف انا باكلهم وبلعب معاهم وبحميهم الموضوع صعب الصراحه التربية صعبه وامهمم… قطع كلامها
=اتكلم وهو متنح وفاتح بوقه من الصدمه:نهارك اسود عندك عياال انتي متجوزه مش فاهم حاجه انا جاي علي اساس انك انسة معقول نكون دخلنا شقه غلط بس هي الشقه الي في الدور التالت مفيش غيركو اصلا انا مكنتش مستريح ليكي من الاول متجوزه وجوزك موجود وعايزه تتجوزي يابجحتك
-بس انا مش متجوزه…. انا
=انتي ااااي اومال جوزي وعيالي واحمي واربي ده اي انا الي مش موافق وسعيلي اعدي
-ياعم اصبر افهمك
=لااا انا فهمت كل حاجه
-ياساتر يارب والله انا مش متجوزه انا لسه انسة
اتكلم بغضب:وعيالك جيباهم منين من سوق العبور؟
-لا من مول في الشيخ زايد
=اانتي بتهزري
-لا والله طب اصبر انا هجبلك العيال عشان تشوفهم وتتاكد
=انا مالي ياستي
-راحت جبتهم بسرعه وجت: ااهم عيالي
=بق بيبص يمين وشمال جنبها: مش فاهم هما عفريت يعني ولا اي فين دول!!!
-اهم شيلاهم يابني بتبص جنبي لي …
قال بعلو صوته وهو مخضوض= فااار
-يالهوي وطي صوتك فار اي دول قطط
=اازاي قطط وهما بحجم الفيران
-استنا انت مشوفتش قطط صغيره في حياتك قبل كده دول بق عيالي عندي ٤كتاكيت ما شاءلله
=انا فهمت كل حاجه
-حلو فهمت اي بق
=اانك مجنونة وقعتي قلبي وفكرت اني جيت الشقه الغلط عشان كده مش عاوزه تتجوزي
-اه🤡
=كتك قوه….. وسبها وخرج
-بني ادم غريب اي بق ياكتاكيتي
منار: ها ياحبيبي اتكلمت مع البنت
زين في سره: ويارتني ما اتكلمت
ندا:باين عليه بيخجل ياماما
منار: بس يابت
خرجت نور وقعدت جنب منار ومدت اديها بكاس عصير :اتفضلي ياطنط
منار:يزيد فضلك ياحبيبتي
ندا همست لي زين:هي لحقت تعجبك ولا اي مش عارف تشيل عينك من عليها
زين بص لي ندا بعصبية خلاها تسكت
زين: استاذنك ياعمي عشان هنمشي وان شاءلله هرد عليك
خالد خال نور:نورتونا يابني
زين: تسلم ياعمي ده نورك يلا السلام عليكم
جنة:وعليكم السلام
ودعو بعض وزين خد امه واخته ومشيو
وخالد نزل معاهم يوصلهم لتحت
جنة:احكيلي اتكلمتو في اي سالك عن اي
نور بتوتر لو امي عرفت بالي هببته والكلام الي قولته انا هتشلوح:ولا حاجه ياماما سالني عندك كام سنه درستي اي ومعاكي اي كده وانا سالته برضو
جنة: زين فعلاً شخص كويس وابن ناس
نور باستغراب:مين زين ؟
جنة برفع حاجب:مساء الفل عليكي ده العريس اومال اي بق سالني وسالته
نور حاولت تلم الدنيا: اها عارفه ان اسمه زين انا بهزر بس
زين سايق العربية وفي طرقهم للبيت اتكلمت منار: عجبتني البنت مؤدبة وبسم الله ما شاءلله حاجه كده ربنا يحميها
زين:مجنونة
ندا: مين دي المجنونة
زين: بقول علي اسم مطعم فتح جديد اسمه الاكله المجنونة هبق اخدكو في يوم للمطعم ده
««««««««««««🤡»»»»»»»»»»»»»»»
ابطال حكايتنا♡🌷
زين العامري ٢٩سنة صاحب شركة استراد وتصدير مسك ادارة الشركة وبق مسؤل عن كل حاجه بعد ان توفاء ولده عيونة خضر مع وجود لحية خفيفه تبرز جمال وجهه مع جسم اشبة بي جسم كمال الاجسام
ندا اخت زين الوحيده ٢٥سنة ومتجوزه
بنت جميلة عيونها بني ومحجبه
نور بنت لطيفة وشبه مجنونة شويه كانت هربانه من مستشفى العباسية ونطت في الرواية بتاعتي احمم بهزر
نور عندها ٢٢سنة بباها متوفي وعايشة مع امها والقطط بتعها ملامحها بريئة عيونها عسلي قومها متناسق بس في حته من عقلها مش وصلها كهرباء وكلنا عرفين ان ربنا مش بيدي لي الانسان كل حاجه
نور بعصبيه: ياست الكاتبة انتي مين دي الي هربانه من المستشفى انا سكتالك من الصبح جرا اي انتي علشان شيفاني طيبه وكيوت ده انا……