رواية احلام في عيون وقحه الفصل الثالث عشر 13 بقلم منة محمد
رواية احلام في عيون وقحه الجزء الثالث عشر
رواية احلام في عيون وقحه البارت الثالث عشر
رواية احلام في عيون وقحه الحلقة الثالثة عشر
احلام قربت وحطت الصنيه بالقهوه ومشت من غير ولا كلمه كرفته وتجاهلته تماما
مروان هيتجنن انها متجاهله وقالها وهي ماشيه: استني ممكن اشرب كوبايه ميه
احلام لفت وبصتله وعيونها راحت ع الكوبايه الي محطوطه جنبه
مروان برتباك: دي هنا مشفتهاش
احلام لفت ومشت وهو اتغاظ وقفل الاب وقال لنفسه: مفكره نفسها ايه اني بدور عن عذر اتكلم معاها موضوع مايا كان غلط ازاي احلام هتصدق انها كانت صدفه ع اي حال مفيش داعي اهتم
لحد ما سمع صوت رنا بتتكلم وبتقول: المدرسه مفتوحه من فتره والكل بيسأل عنك وبيقوله احلام نسيت طريق المدرسه بعد الجواز ها ناويه ع ايه هترجعي ولا هتستقيلي
مروان فات من جنبهم وعامل نفسه مش مهتم واحلام لفت وعطته ضهرها
رنا: مروان تعال هنا
مروان قرب: في ايه
رنا: هو انت منعت احلام تروح المدرسه
مروان بصلها واتكتف : وليه امنعها هي مش بتعمل حاجه بأذني بتعمل الي هي عايزه وبس
احلام من غير ما تبصله قالت: ع الاقل انا بعمل الصح وانت عارف الغلط الي بتعمله بنفسك
مروان: افندم انتي قلتي ايه مفيش داعي تتريقي عليا وفاهم الي عايزه تقوليه دايما تكبري كل حاجه وتعملي منها مشكله كبيره وتتخانقي معايا غوري في داهيه
احلام وشها اتغير جدا وحست بسـ كينه تلمه غـ رست في صدرها ورفعت عيونها تبصله وفي جوفها قهر
رنا: انتم جرالكم ايه بتتخانقوا زي العيال , وانت يامروان امسك لسانك شويه بتطاول ع احلام كتير
مروان بنفعال: انا بتطاول , انا بعمل كل مصيبه وهي بريئه
رنا: الي يشوفكم كده يقول متجوزين من عشر سنين وبتتخانقوا من الملل في العلاقه
مروان موبيله رن طلع بره الجنينه يرد ع واحد صاحبه يخرج معاه
…………قصص منه محمد كاتب………….
سراج:انا مندهش منك
اسيا بقهر: عارفه اني غلطت لكن الواحد مننا بيكون عاجز قدام ولاده واحنا مش ملايكه لكن قلبك مش راضي يصفا
سراج: سيبي قلبي في حاله وقوليلي امتي بنتك ناويه ترجع بيتها؟!
اسيا: انت عارفها عنيده جدا سيبها يومين جوزها هياخدها
سراج: هو مش هيجي رفض, واتكلم معايا في منتهي الوقاحه قال علم بنتك الاحترام وعلمها ازاي تكلم جوزها وارجعهاله بعد ما ارجعها لعقلها
اسيا: ده قليل الادب. لو مايا سمعت الكلام ده هتعاند اكتر , والامر هيتعقد دور علي حل يا سراج
سراج بتهكم: بنتك لقت الحل, طالبه الطلاق قوللها تتقي الله وترحمنا وترجع بيتها
اسيا بغيظ: لو حصل مشكله مع احلام كنت هتقف معاها مهما كانت الظروف
سراج هزلها دماغه بمعني ان مفيش فايده معاكي في الكلام
اسيا دخلت تتكلم تاني وتقنعها ترجع شافتها بترص هدومها في الدولاب
اسيا: مايا بتعملي ايه لازم ترجعي حطي الهدوم في الشنطه
مايا بصتلها بنظره قـ اتله وكملت الي بتعمله
اسيا بتنهيده: يا بنتي انا مش عـ دوتك حاولي تفهمي , اقلقي من مراته الاولي لو مكنتيش معاه موقفها هيقوي
مايا: مفيش داعي اخاف من الجاهله دي لو كان بيحبها سلطان ليه اتجوزني مفيش داعي اخاف هو هيجي ياخدني لما يحس بغلطته ومش هيتجرء يعمل كده تاني
اسيا: الرجاله بيحسوا بغلاطهم لو مفيش زوجه اولي مستحيل يقدر مراته التانيه, والوقت هيقولنا بيقدر التانيه ولا انتي
مايا: يظهر مراته الاولي سيطرت ع تفكيرك , انا قلت ملهاش قيمه في حياته حتي هو بيقرف منها ومش عشان اتخانقنا انا وهو هيحب فريال
اسيا: انتي بتغلطي غلطه كبيره الدنيا كلها عارفنها كزوجه اولي بفكرك بكده
مايا: الناس عارفها في القرية وبس , وانا مش هسافر هناك , هي قاعده في قصرها الحجري طول العمر مفيش خطر منها سيبي سلطان ينحني مره ثم نشوف
اسيا: طب لو مجاش هتعملي ايه
مايا بصت للفراغ وقالت بينها وبين نفسها: لازم بأي طريقه يجي مفروض اتصل بمروان اسأله لو سلطان اتصل بيه من باب الغيره
……………..قصص منه محمد كاتب……………
رنا: واضح ان فيه سوء فهم بينكم ليه مش بتحاولوا تفهموا بعض
احلام بصلها بحزن وعيونها اتملت دموع محبوسه وبصوت مقهور : هيفضل بعيد كدا مهما اعمل, لانه مش بيحبني اتجوزني بالغصب , مستحيل يحصل اي تفاهم ما بينا هو بيحب مايا وهيفضل يحبها
رنا بنفي: احلام مفيش حاجه من الي بتقوليها, ولايمكن يفضل اثر بنت زي مايا ع قلب حد طول الوقت وحقيقه مايا الوضيعه ظهرت بعض الشئ في عيون مروان
احلام: احيانا الحب الاول في حياه البني ادم بيبقي حبه الاخير وانا متأكده مروان مش هيقدر يخرج مايا ما بينا ابدآ
رنا اتنهدت : هتكلم معاه ازاي قدر يخلق كل الشك ده جواكي من ناحيته
احلام مسكت ايدها برجاء: ارجوكي يارنا متقوليش حاجه هيفكر اني طلبت منك تتكلمي معاه بلاش ارجوكي _ وقفت_ هعمل ليمون
رنا شدتها تقعد تاني: اسمعيني الاول ايه قرارك عن المدرسه هترجعي
احلام: هسأل ماما وبصراحه بفكر امد الاجازه مش عايزه اسيبها لوحدها
رنا: قومي اعملي الليمون هطلع اطمن ع ماما
رنا طالعه عند سلوي سمعت موبيل مروان بيرن مسكته لقت اسم مايا
مروان طالع من الحمام بينشف وشه: مين بيتصل
رنا بحده: تقدر تفهمني ليه مايا بتتصل بيك
مروان برتباك : لاء مش متصله بيا اكيد متصله تكلم احلام
رنا بتضرب بعينها شافت احلام واقفه توزع نظرات ما بينهم ومروان بيلتفت شافها ارتبك جدا
احلام جريت دخلت المطبخ تمنع دموعها لحد ما حست بحد واقف وراها بتلف لقته مروان بعدت عنه كأنه عقرب لدغها وبصتله اوي وتنحت له
مروان بصلها بهدوء: ليه بصالي كده بعمل قهوه فكرتي ايه واقف متعمد وراكي ده بيتي اروح مطرح منا عايز
احلام هبدت الصنيه ع التربيزه وقالت بغضب: عارفه انه بيتك انت وبس وماليش مكان هنا انت متحملني لعظمتك
مروان بهدوء: انا قلت كده بلاش تقوليني كلام انا مقلتهوش لوسمحتي
احلام: الواحد مش محتاج كلام يقوله اسلوبه ولهجته كفايه وانت ماشاء الله مش بتخبي حاجه بتعمل وتقول بكل وضوح وصراحه !
مروان مسح وشه بغيظ : مصممه تتخانق معايا انا كنت جاي عشان اقولها معرفش ليه مايا بتتصل ومليش علاقه معاها وانتهي حبي ليها
………………..قصص منه محمد كاتب………………
بعد اسبوع من الاحداث الصبح جايه تاخد الريموت من قدامه شده منها راحت تقعد ع السفره قام مبقاش طايق وجودها حرفيا في الييت اسيا دخلت بتحاول تتكلم معاه وتحط ايدها ع كتفه زق ايدها وقطع الكلام معاهم لحد ما قلبه تعب ومره واحده وقع من طوله من الضغط النفسي
اسيا بدموع ورجاء: ابوكي تعب ووقع من طوله ابوس ايدك ارجعي
مايا: هو تعب بسببي السن له احكامه , انتي الي قلقانه ع الفاضي
اسيا بنرفزه: انتي امتي هتفهمي ابوكي ضغطه ارتفع والدكتور عطاله علاج وقال قدامنا بلاش حاجه تزعله والا صحته هتسوء لازم يبقي هادي
مايا ربعت ايدها وببرود : مين زعله هو كدا ع طول عادته بيعصب نفسه هو مبالغ من اللاول مش هيتغير وهو السبب في حالته دي
اسيا بحده : اخرسي, مش مكسوفه تتكلمي عن الطلاق قدامه, لو حياته عندك مش مهمه عندي انا مهمه هو كل حاجه ليا وعايزه دايما اشوفه بخير
مايا: وانا ايه عن حياتي الي بتـ دمر مش مهمه عندك
اسيا بصوت مقهور : ارجعي بيتك وارحمينا , صالحي جوزك وعيشي معاه في بيته , قبل ما تعرف الناس واضطر ارد ع اسئلتهم , امشي من هنا
مايا: مش قاره اتخيل ان ابويا وامي مش متحملين وجودي في البيت
اسيا:انا قلقانه بسبب صحه ابوكي , وضع ابوكي فعلا خوفني ,مقدرش اخاطر وده الافضل لحياتك انك ترجعي لجوزك وبيتك , متفرجيش علينا العالم يابنتي
مايا رفعت حاجت: ولو مرجعتش
اسيا: هوصلك بنفسي , ولازم تمشي بكره بأي طريقه , انا بلغت ابوكي بكده سمعتي
………….قصص منه محمد كاتب……………
سلوي: احلام سيبي الي في ايدك وتعالي
احلام طلعت بتنشف ايدها: نعم يا ماما
سلوي مبتسمه: اشترتلك شويه هدوم ايه رآيك فيهم
احلام بسعاده: الله حلوين اوي
سلوي: عجبوكي
احلام : اوي اوي يا ماما
سلوي: فرحتي قلبي كنت قلقاه وبقول ياتري هيعجبوها ولا لاء
احلام لمعة الحزن في عيونها : انتي ذوقك يجنن
سلوي: بس قوليلي هو فيه حاجه حصلت اكيد مروان قالك حاجه زعلتك هقوم اسأله
احلام: لاء ارجوكي متقوليش حاجه انا كويسه
سلوي: بتقولي الصراحه
احلام: ايوه صدقيني مفيش حاجه
سلوي: رنا بلغتني انك مش عايزه ترجعي المدرسه بسببي
احلام بغيظ: رنا دي رغايه ,مش بسببك انا عايزه افضل معاكي يومين كمان
سلوي: بس ده شغلك لازم تقفي ع رجلك عايزكي دايما قويه , لما تحبي ارجعي شغلك يله خدي الهدوم دي في اوضتك
احلام: هحطها في دولابك معنديش مكان في الدولاب عندي
سلوي: ماشي حطيها
احلام موبيلها رن: مايا بتتصل
سلوي: هقوم اصلي
احلام ردت بقتضاب: خير عايزه ايه
مايا: عايزه اقولك حاجه مهمه تعالي هنا حالا , عايزه اشوفك الي هقوله عن مروان مستنياكي
احلام: مش فاضيه
مايا: خالك تعبان الضغط عنده عالي جدا ببلغلك عشان تلاقي حجه تيجي بيها تعالي بسرعه
احلام بدون اي تفكير جريت ومروان وسلوي سألوها وقلتلهم ان خالها وقع من طوله وكلهم راحوا معاها ومايا سحبتها ع اوضتها
مايا بغيظ: مش قادره تيجي لوحدك ايه الداعي تجيبي البيت كله معاكي ازاي هنتكلم
احلام قفلت ملامحها بقتضاب: كلهم قلقوا لما سمعوا عن مرض خالي مقدرتش اخبي كان لازم اقولهم
مايا بحقد: طبعا الكل عارف صراحتك والكل بيمدح فيكي انا مش بعرف ابقي دبلوماسيه عشان كده الكل بيتعصب مني
احلام اضايقت وكشرت : اختصري ليه طلبتيني
مايا: عايزكي تعمليلي حاجه
احلام ضمت حواجبها: حاجه ايه
مايا: تروحي لسلطان وتتكلمي معاه
احلام وقفت برفض: انا لاهروح ولا هتكلم دي مسألتكم الشخصيه , حلوها بنفسكم ارجوكي متدخلنيش
مايا بكيد وغيظ : متنسيش ان المشكله حصلت بسبب مروان, والا سلطان بيحبني كتير وعشان غار عليا لو مروان مقعدنيش معاه بالعافيه في عربيته مكنش سلطان هيشوفني وتحصل الخـ ناقه مروان بيطاردني
احلام بتحاول تمسَك اعصابها: خلاص قولي لمروان يكلم سلطان, اما انا بقولك مش رايحه هناك
مايا بشويه عصبيه : انت المفروض تصلحي غلطه مروان انت مراته لان لو سلطان مسك فيه الدنيا هتتبهدل لازم تلحقي تصلحي , وتقولي لسلطان انه فاهم غلط وانتي ومروان عايشين في منتهي السعاده وبتحبوا بعض رغم عارفه ان مش دي الحقيقه ومروان مش بيحبك ومش مبسوطين سوي بس ممكن تكدبي الكدبه الصغيره عشان اختك ها وبعدها سلطان هيرجع ويحس بغلتطه وياخدني من هنا
احلام رمتها بنظره حاده: ولو مسمعتش كلامك
مايا: هتمسعي ياتري عارفه ان سبب وجودي هنا بابا مش كويس ,والضغط عنده عالي بستمرار , وكل ده عشان قولتله لو مخدنيش سلطان بنفسه هطلق منه
احلام : ايه قلتي الجنان ده لخالي حصلك ايه ؟
مايا بمكر وخبث: انا محصليش حاجه , لكن لو فضلت هنا مده اطول هيحصل حاجه لخالك حبيبك , وانا عايزه المشكله تتلم عشانه والا انا مش مهتمه بسلطان اطلاقا حقيقي
استوب وتعالوا نحضر خـ ناقه كبيره بين فريال ومايا …..ومروان ومايا….. وابراهيم ومايا……. وسلطان ومايا….وسراج ومايا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احلام في عيون وقحه)
