رواية الاختيار الخطأ الفصل الأول 1 بقلم رحاب القاضي
رواية الاختيار الخطأ الجزء الأول
رواية الاختيار الخطأ البارت الأول
رواية الاختيار الخطأ الحلقة الأولى
ــــــــــــ
_ وقبل ما نبدأ حكايتنا اعرفم علي بطلتنا النهارده واللي اسمها سميره وعندها 27 سنه، وحيدة امها وابوها متوفي ومتجوزه ابن عمها وعايشه معاه في القاهره بعيد عن اهلهم اللي كانو في الشرقيه بسبب ظروف شغل ياسين جوزها…
_وفي يوم كانت قاعده هي وبناتها التوأم اللي عندهم ست سنين بيتفرجو علي التلفزيون، ودخل ياسين جوزها ولما شافته قامت وقفت قدامه وقالت بعصبيه..
سميره
انت كنت فين يا ياسين؟..
ياسين ببرود
عيل صغير انا قدامك هتفضلي تستجوبيني يا سميره اوعي كده من وشي..
سميره
طيب بلاش كنت فين، كنت مع مين يا ياسين مين البنت اللي كنت معاها من شويه..
ياسين بتوتر
انتي بتخرفي تقولي ايه انا مستحيل اعمل كده، ادخلي جهزيلي الغدا وبطلي تقولي كلام مالوش لازمه..
سميره بدموع
كفايه بقي انت ايه ما بتزهقش كل شويه تقولي الكلام ده وبتكدب عليا وانا بعمل نفسي مصدقه بس خلاص انا جيبت اخري بجد منك..
ياسين
هو ايه اللي حصل لكل ده، ولا انتي عايزه تكبري الموضوع وخلاص..
سميره
اكبر الموضوع وخلاص؟!
الموضوع كبير لوحده انا اتحملت تحكماتك فيا وفي حياتي بالشكل الفظيع ده في الاول عشان كنت بتحبني، واتحملت خيانتك ليا واهمالك سنه واتنين وتلاته عشان بناتنا بس انا تعبت ومش هتحمل تاني،بناتي انا هاخدهم وامشي…
ياسين بعصبيه
بطلي تخرفي بقي واهدي كده عشان طلوع من البيت ده مستحيل يا سميره…
سميره بغضب
مش عايزااك خلاص ولا عايزه اعيش معاك ولو عندك كرامه طلقني..
ياسين بهدوء
لا مش هطلقك ولا امك ولا ابويا واخواتي هيخلوكي تطلقي، ولا انا هسيبك وانتي مالكيش غيري بعد ما ابوكي الله يرحمه يا بنت عمي..
سميره
تمام انا همشي وهطلق منك لوحدي، انا مش صغيره ومش خايفه منك..
_ مسكها ياسين من ايدها وخلاها تدخل اوضتهم غصب عنها وقفل الباب عليهم وقال..
ياسين
انتي مصممه اقل منك يعني طيب بلاش قدام بناتك عشان متقليش من نظرهم..
سميره بخوف
انت كمان غلطان وعايز تمد ايدك..
ياسين
ما تخافيش مش همد ايدي بس تقومي زي الشاطره كده وتعقلي وتجهزيلي الغدا وتشيلي الكلام التافه ده من دماغك بتاع طلقني وهسيبك عشان انتي مالكيش اي كلمه وكلامي انا هو اللي يتنفذ فاهمه يا سوسو..
_قال كلامه وسابها واخد هدومه ودخل الحمام، وهي طلعت وقفت في المطبخ عشان تجهزله الاكل، وبالليل كان هو نايم وقامت من جنبيه وطلعت بره الاوضه وكلمت مامتها اللي ردت عليها وقالت..
زهره
سميره خير يا بنتي بتكلميني في وقت زي ده ليه، انتي كويسه وجوزك وبناتك كويسين؟
سميره بدموع
احنا كويسين يا ماما بس انا كنت عايزاكي في حاجه ونفسي بجد. تقفي جنبي فيها..
زهره
خير يا حبيبتي عينيا ليكي، عايزه ايه يا نور عيوني..
سميره بحزن
انا عايزه اطلق خلاص ما بقتش طايقه حياتي مع ياسين خالص..
زهره
استغفر الله العظيم يااارب، ليه بس كده يا بنتي ده جوزك طيب وابن حلال وبيحبك انتي وبناته وبيتمنالكم الرضا ترضو..
سميره ببكاء
ده منظر بيعمله هو قدامكم عشان يبان كويس بس الحقيقه والله غير كده ده عينيه زايغه وعصبي واسهل حاجه عنده هي مد الايد..
زهره
دي خيبه منك يا سميره، يا بنتي جوزك ده عجينه تشكليها زي ما انتي عايزه، وبعدين ما اخوه فريد متجوز اهو ومراته مرتاحه اخر راحه..
سميره
وانا مالي انا يا ماما بفريد متجوز ولا لا انا بكلمك عليا انا وجوزي انا، انتي ليه مش عايزه تفهميني وتحسي بيا…
زهره
يا بت انا قصدي ان فريد زيه زي ياسين الاتنين اخوات ونفس الطبع واهو فريد كويس ومراته مرتاحه، وانتي مش اقل من البنت دي ولا حتي اي بنت من قرايبنا عشان اقولك تطلقي واوافق علي الكلام اللي مالوش لازمه ده..
سميره بدموع
يعني عشان خاطر النااس هتخليني عايشه هنا مكسوره مع راجل مش بيحبني..
زهره
غلط جوزك بيحبك انتي بس اللي مش عارفه تريحيه ولا حتي تريحي نفسك..
سميره بدموع
خلاص يا ماما اعتبريني ما قولتش حاجه، تصبحي علي خير…
_ وقفلت مع مامتها ودخلت اوضتها ولقيت ياسين قااعد علي السرير وقالها بعصبيه..
ياسين
اشتكيتي لامك طلبتي منها تطلقي ولا لسه؟..
سميره بخوف
طط طلبت بس هي رفضت، بس لو انت وافقت ما حدش هيقدر يقولك حاجه..
ياسين قام وقالها
والله العظيم يا سميره لو سمعت منك كلمة طلاق تاني لمتعرفيش انا وقتها هعمل فيكي ايه…
سميره بخوف
ابعد عني يا ياسين البنات نايمين ولو مديت ايدك عليا هيصحو خايفين..
ياسين
يبقي تتلمي وتعيشي حياتك وانتي راضيه بنصيبك فاهمه ولا لا..
سميره بحزن
فاهمه يا ياسين ممكن بقي تسيبني انااام..
_ ما ردش عليها وراح نام وهي راحت ونامت جنبيه، وتاني يوم الصبح كانت قاعده بتفطر هي وبناتها وطلع هو من اوضته وقعد يفطر معاهم..
ياسين
انتي عامله ليه البيض كده انتي مش عارفه اني بحبه عيون..
سميره
طيب دقيقه واحده وهعملك بيض عيون..
ياسين بعصبيه
هو انتي لسه هتعملي انا بجد مش عارف انا متحملك علي ايه..
سميره بحزن
انا فهماك كويس عايزني اجيب سيرة الطلاق عشان تمد ايدك عليا، بس مدام مزاجك جايبك تتخانق ما فيش داعي تتلكك واتفضل اعمل اللي عايزه علي طول..
قالت ملك بنته وهي بتعيط
عشان خاطري يا بابا ما تزعلش ماما عشان خاطري..
قام ياسين وقال
بصي علي بناتك وبطلي تستفزيني لان ما حدش هيشيل ذنب خوفهم ده غيرك انتي يا وليه يا فقر..
سميره بدموع
يلا يا بنات عشان تروحو مع بابا يوصلكم للمدرسه، وتاكلو السندوتشات بتاعتكم كلها مفهوم ولا لا..
_ قالولها بناتها حاضر واخدهم. ياسين معاه ومشي، وهي فضلت تروق في البيت وبعد شويه جات عندها اميره جارتها وقعدو في الصاله مع بعض وقالتلها..
اميره
عملت كيكه بالبرتقان وقولت لازم اخليكي تدوقيها.
سميره
تسلم ايدك يا اميره بس انا ماليش نفس اكل اي حاجه..
اميره
شايفه ان وشك سليم مش واخده العلقه بتاعت كل كام يوم دي، اومال زعلانه ليه؟..
سميره
هي بالضرب بس يا اميره، ياسين كل يوم معاه بعيش في تعب نفسي وجسدي، انتي تعرفي انه بقي يقولها في وشي انه بيخوني وفي نفس الوقت مش مخليني اعرف اسيبه او حتي اطلق..
اميره
طيب ما تسمعي كلامي ونروح للمحاميه اياها صحبتي اللي قولتلك عليها، واما متأكده انها هتلاقيلك حل في مشكلتك دي..
سميره بخوف
لا لا انا ما اضمنش ياسين لو عرف ممكن يعمل فيا ايه ده ممكن يحرمني من بناتي وما اقدرش اشوفهم تاني..
اميره
ليه كده هي سايبه ولا سايبه، دول بناتك ومن حقك. حضانتهم ومن حقهم هما كمان ان ابوهم يصرف عليهم في سكنهم وتعليمهم، انتي اللي جباانه وخايفه وخوفك ده مخليه شايف نفسه وبيعمل فيكي ما بداله..
سميره ببكاء
عشان ماليش حد اهلي نفسهم لو طلبت الطلاق مش هيقفو جنبي، انا بطولي ومعايا بنتين تفتكري هعرف اكمل حياتي معاهم لوحدي..
اميره
استغفر الله العظيم ياارب اومال كنتي اتعلمتي ليه عشان تسبيه يتحكم فيكي، انتي ممكن تشتغلي وتعيشي مرتاحه لوحدك، بس الغلط علي اللي ربوكي وزرعو التفكير المتخلف ده في دماغك وان ضل راجل ولا ضل حيطه..
سميره بسخريه
بس ده مثل صح، مدام جوزي موجود يبقي كده الناس هتحترمني..
اميره
الناس هتحترمك باخلاقك وتعاملك معاهم ماحدش بيحترم حد عشان حد تاني، يعني نفرض مثلا واحد اخلاقه وحشه بس كان ابوه كويس هل الناس هتحبه عشان ابوه، وانتي ما حدش هيحبك ويكرهك عشان حد، كل بني ادم بنفسه يا سميره..
سميره
خلاص بقي والنبي انا فيا اللي مكفيني دي حياتي ولازم اتحملها، بقولك ايه انا هروح اعملنا شاي عشان ناكل الكيك ده ونجيب فيلم نتفرج عليه..
ضحكت اميره وقالت
ماشي يا ستي يلا، وما تزعليش حقك عليا انا وجوزك ده ربنا يهديه عليكي ويعرف قيمتك..
_وفي شغل ياسين دخل عنده مكتبه محمد جوز اميره وصاحبه، واتصدم لما لقااه بيلبس في القميص بتاعه وفي بنت من الموظفين بتظبط في هدومها…
محمد بعصبيه
امشي يا بت انتي اطلعي بره واياكي اشوفك هنا تاني..
البنت باحراج
ااا انا كنت جايه عشان الورق حتي اسأل ياسين بيه وو..
ياسين
اطلعي يا ناني يلا ونتقابل وقت تاني..
طلعت البنت ومحمد قفل الباب وزعق فيه وقال
انت ايه ما عندكش دم، ايه اللي انت كنت بتعمله ده؟..
ياسين وهو بيقعد علي مكتبه
عجبتني وقولت اتبسط شويه وبعدين ما حدش اخد باله من حاجه اهوو..
محمد
بس ربنا شايفك وانت بتعصيه وبتعمل جريمه من الكبائر وفين في مكان اكل عيشنا انت ايه يا ابني ما فيش عندك ضمير..
ياسين
يوووه بقي يا سين ما تكبرش الموضوع وهو مش مستاهل..
محمد
لا الموضوع كبير يا اخي بص علي مراتك وبناتك وافتكر ان اللي بتعمله ممكن جداً يترد فيهم..
ياسين بعصبيه
طيب خلي حد بس يقرب من مراتي وبناتي وانا كنت اكله بسناني..
محمد
واللي مش بترضااه علي اهل بيتك بترضااه علي بنات الناس ليه يا استاذ ياسين؟..
ياسين
بقولك ايه يا محمد. مش انت زعلان عشان ده حصل في الشركه هنا خلاص يا سيدي انا هعمل اللي انا عايزه بعد كده بره، ممكن بقي تكبر دماغك مني وتسيبني اشتغل..
محمد
بجد يا خساره يا ياسين هتندم ندم عمرك علي اللي بتعمله ده..
_قال كلامه وسابه وطلع، وبالليل رجع ياسين متأخر من بره وكانت سميره نايمه فزعق فيها وقالها..
ياسين
يووووه هو انا كل ما ادخل البيت الاقيكي نايمه..
سميره قامت وقالت
هو انت بتدخل امتي البيت يعني ما انت بترجع بعد نص الليل والله واعلم كنت فين..
ياسين
ما انتي لو ماليه عيني ما كنتش هفضل الوقت ده كله بره، بس اعمل ايه وشك والعيشه معاكي تسد نفس اي حد انه يعيش اصلا…
سميره
ماشي كتر خيرك، هتتعشي اقوم اجهزلك ولا ارجع انام..
ياسين
لا مش هتعشي ومش هتنامي هتفضلي صاحيه لحد ما انا انااام، وبعد كده تستنيني لحد ما ارجع من بره اومال مراتي ازاي..
سميره ببكاء
انت ايه ما عندكش رحمه ليه بتعمل فيا كده انا مراتك وقبل ما اكون مراتك انا بنت عمك مش واحده مشتريها عشان تهين وتذل فيها براحتك..
ياسين بعصبيه
اممم انتي وحشتك العلقه بتاعت زمان بس بسيطه اديهالك غالي والطلب رخيص يا بنت عمي..
_ وقفل الباب وسميره فضلت تعيط وتصوت، وبناتها طلعو من اوضتهم وفضلو واقفين بيعيطو وهما خايفين علي مامتهم من اللي بيعمله فيها ابوهم…
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الاختيار الخطأ)
