رواية الاختيار الخطأ الفصل الثاني 2 بقلم رحاب القاضي
رواية الاختيار الخطأ الجزء الثاني
رواية الاختيار الخطأ البارت الثاني
رواية الاختيار الخطأ الحلقة الثانية
#الاختيار_الخطأ
_الحلقه الثانيه
ــــــــــــــــــــــــــــــــــــــــ
_وتاني بوم الصبح كانت سميره بتجهز الفطار في المطبخ ووشها كله كدمات، قربت منها بنتها وقالت..
تيا
ماما انا لبست هدومي لوحدي النهارده وكمان ملك، ممكن بقي ما تزعليش..
سميره ابتسمت وقالت
مين قالك اني زعلانه منكم يا حبايبي، ده انتو عمري واغلي حاجه في حياتي ولو زعلت من الدنيا كلها عمري ما هزعل منكم..
تيا بحزن
بس احنا عارفين ان بابا بيزعلك وبيخليكي تعيطي، انا مش بحبه يا ماما ومش هكلمه تاني..
سميره بهدوء
لا غلط كده وعلي فكره انا وبابا كنا بنهزر وانا كمان عملتله علامات زي دي في وشه بس هو عشان راجل العلمات دي بتمشي بسرعه من وشه، انما بابا بيحبكم اووي اوعي تقولي كده تاني عشان ما يزعلش منك..
تيا
حاضر مش هقول كده تاني بس ما تهزروش كده تاني عشان انا بخاف عليكي يا ماما اووي..
حضنتها سميره وفضلت تعيط وقالت
حاضر يا حبيبتي انا مش هخليكم تخافو تاني ابداً…
طلع ياسين من اوضته وقال
انتي لسه ما جهزتيش الفطار ما تخلصي يا بت انتي..
ابتسمت سميره عشان بنتها ما تخافش وقالت
حاضر يا حبيبي علي طول اهو هجهزلك الفطار، تحب اعملك حاجه معينه..
ياسين بحده
اي زفت انتي لسه هتسأليني..
تيا
حرام يا بابا ما ينفعش نقول علي نعمة ربنا كده..
ياسين
تعالي يا حبيبتي هنا انا النهارده هفطرك بنفسي، وهجيبلك شوكلاته وحاجات حلوه اووي واحنا رايحين الحضانه..
قربت منه تيا وقالت
وهتجيب لملك وماما معايا صح؟..
ياسين
صح يا حبيبتي، اخلصي يا سميره انا مش عارف امتي هتبقي ست بيت شاطره وتعملي كل حاجه بسرعه..
سميره بدموع وهي بتحط الاكل قدامه
الفطار اهو حاجه تاني..
ياسين
قبل ما اخلص الفطار يكون الشاي جاهز..
سميره
حاضر يا ياسين من عينيا..
_ وبعد شويه اخد بناته وراح يوصلهم للحضانه، وهي فضلت قااعده بتعيط في المطبخ والباب خبط قامت فتحت وكانت اميره اللي دخلت بسرعه وقالت..
اميره
يا نهار اسود هو اتجنن ايه اللي عملو فيكي ده؟..
سميره ببكاء
نصيبي وحظي بقي اعمل ايه؟..
وراحو قعدو في الصاله واميره قالت
طيب انتي عملتي حاجه تدايقه رغم ان مهما حصل هو مالوش حق يمد ايده عليكي بالشكل الهمجي ده..
سميره بدموع
تلاكيك جاي يتخانق مع دبان وشه وطلعهم عليا، انا صعبانين عليا البنات اووي يا اميره، ذنبهم ايه يشوفو ابوهم وامهم بالشكل ده..
اميره
وانتي كمان ذنبك ايه تشوفي الغلب ده كله، هو جايبك من الشارع اشحال ان ما كنتيش بنت عمه وبينكم عشرة عمر وموده قبل الجواز..
سميره
قولت لامي بلاش مش عايزااه، ما كنتش برتاحله قالتلي ابوكي الله يرحمه ولو اخدتي واحد غريب هيبيع ويشتري فيكي انما ابن عمك ده هيصونك ويحافظ عليكي، طلع الغريب انضف واشرف منه مليون مره..
اميره بحزن
اهدي يا سميره بقولك ايه طلعي موبيلك واتصوري وانتي كده وابعتي الصور لامك يلاا خلينا نشوف هتسكت لحد امتي..
سميره بخوف
لا لا هو لو عرف اني عملت حاجه زي دي هيتعصب عليا تاني..
اميره
انتي خايفه من ايه هيعمل فيكي ايه يعني اكتر من اللي فيكي ده يا بنتي، يلا اعملي زي ما بقولك..
_ وسمعت سميره كلامها واتصورت وبعتت الصور لامها، وبعد شويه امها شافت الصور وكلمتها وقالت..
زهره بعصبيه
هببتي ايه يا بت انتي يخلي جوزك يعمل فيكي كده..
سميره
تفتكري انتي يا ماما ايه السبب اللي يخليه يعمل فيا كده مثلاً؟..
زهره
الله واعلم بقي، المهم تراضيه وتسمعي كلتمه وده مش هيتكرر تاني..
سميره ببكاء
انتي ليه بتعملي فيا كده انا بنتك، هو انا ما بصعبش عليكي يا ماما؟..
زهره بضيق
انتي عايزه ايه دلوقتي، بقولك ايه طلاق مش هيحصل وجوزك راجل مرتاح والف مين تتمنااه بطلي بقي نكد وافهمي جوزك واعرفي طبعه وظبطي حياتك..
سميره
حاضر يا ماما وما تزعليش نفسك انا والله لو عمل فيا ايه ما هكلمك تاني ولا هقولك حاجه، وحتي لو حصلتلي حاجه علي ايده وربنا خدني مش هوصي غير بأن بناتي ما يتربوش معاكي عشان ما تخليش حظهم يبقي زي حظي..
_قالت كلامها وقفلت مع مامتها وفضلت تعيط اووي، قربت منها اميره وحضنتها وقالتلها..
اميره
انا مش عارفه اقولك ايه بجد.، بس عشان خاطر بناتك ما يطلعوش معقدين بسبب همجية ابوهم معاكي فكري في موضوع المحاميه تاني..
_ سكتت سميره وما ردتش عليها، وفي نفس اليوم بالليل كان راجع ياسين من الشغل وقابلته واحده جارتهم طالعه هي وابنهم الاسانسير وقالتله بهدوء..
جهاد
السلام عليكم يا استاذ ياسين..
ياسين بصلها وقال
الحمد لله يا ام اسر، انتي عامله ايه؟..
جهاد
بخير الحمد لله، اتفضل عشان نطلع كلنا في الاسانسير..
_ طلع معاها في الاسانسير وبصلها بخبث، وبعد ما وصلو الدور بتاعهم طلعت جهاد وبصتله بقرف وقالت..
جهاد
تصدق انك راجل مش محترم وقليل ربايه، وانا لولا الفضايح كنت فرجت عليك العماره كلها..
ياسين بخبث
هو ايه انا مش عاجبك ولا ايه، هو انتي مش جوزك الله يرحمه برضو انا بحل مكانه اهو..
اتعصبت جهاد وقالت
يا راجل يا ناقص ده انا ابني العيل الصغير واقف جنبي، بس اقول ايه انت لا عندك نخوه ولا رجوله ولا ضمير ولا دين وقلة الكلام معاك انت واللي زيك احسن، حسبي الله ونعم الوكيل..
ياسين بغيظ
يا حجه اسكتي خلاص انتي اللي وش فقر…
_ قال كلامه ودخل شقته ولقي سميره قاعده مستنيااه، فبصلها بقرف وقال..
ياسين
ايه اللي انتي لابسااه ده ما تطلعي يا اختي تشوفي النسوان بره لابسه ايه وعامله ازاي..
سميره بهدوء
ما انا طول عمري بلبس كده يا ياسين ايه اللي اتغير بس؟..
ياسين
زهقت منك ومن شكلك اتغيري شويه، وفي الاخر تلموني لما ابص بره، روحي جهزيلي العشا لحد ما اغير هدومي..
_ راحت سميره المطبخ وطلعت الاكل وقبل ما تسخنه بصت لنفسها وكانت لابسه عبايه بيتي من غير اكمام وقصيره شويه وشكلها حلو اووي وشعرها مفرود وقالت لنفسها..
سميره
انت شايف اهو يارب انا ما بقصرش معاه في حاجه، بس انا تعبت منه والله ومش قادره اتحمل اكتر من كده..
_ وجهزتله العشا وفضلت قااعده معاه لحد ما نام، وبعدين قامت من جنبيه وراحت تشوف بناتها اللي كانو نايمين وبصتلهم وهما نايمين وعيونها اتملو دموع وقالت بصوت واطي..
سميره
يعلم ربنا يا حبايبي اني بتحمل مع ابوكم اللي ما حدش يتحمله ابدا بس عشانكم وعشان ما تحتاجوش لحد لانه بيصرف عليكم وبيحبكم وانا مش عايزه احرمكم منه..
_قالت كلامها وطلعت من اوضتهم وراحت اوضتها ونامت جنبيه وهي مش طيقااه ولا طايقه نفسه حتي جنبيها.. بس هي اللي اختارت تسكت وتكتم جواها وتتحمل..
_ وتاني يوم الصبح كانت سميره قاعده بتفطر هي وجوزها وبناتها والباب خبط جامد، قاام ياسين وقال..
ياسين
ده مين قليل الذوق ده اللي بيخبط بالشكل ده، انا هروح افتح..
وراح فتح الباب وكان محمد صاحبه ومعاه مراته اميره اللي دخلت وقالت…
اميره
كويس انك لسه هنا يا اللي عامل فيها شيخ جامع اانت..
ياسين
في ايه يا مدام اميره ما تتكلمي كويس، ما تشوف مراتك يا محمد..
محمد
معلش يا ياسين هي ما تقصدش تعالي يا اميره والله العظيم ما ينفع اللي انتي بتعمليه ده..
اميره قفلت الباب وقالت
كده نتكلم من غير ما حد يسمعنا، ايه بقي يا استاذ يا محترم اللي انت عملته في جهاد ده؟..
جات سميره من جوه وقالت
جهاد مالها جهاد وايه اللي حصل..
ياسين بتوتر
اا انا عارف صحبتك بتخرف وجايه تعمل مشكله وخلاص..
اميره بغضب
جوزك اللي انتي محافظه علي بيته وكرامته وشكله حاول يعمل حاجه زفت مع جهاد امبارح في الاسانسير وقدام ابنها الصغير والبنت جات اشتكت لمحمد عشان يقوله يلم نفسه وما بعملش كده تاني…
بصتله سميره بصدمه وهو قال
دي بنت كدااابه انا اصلا ما شوفتهاش امبارح..دي واحده جوزها الله يرحمه ولسه صغيره تلاقيها غيرانه من مراتي وعايزه تاخدني منها..
محمد بسخريه
لا وانت النسوان بترمي نفسها عليك اووي يا اخويا، بقولك ايه انت تحترم نفسك ومالكش دعوه بيها تاني الست في حالها والعماره كلها بتشكر في اخلاقها..
ياسين
انتو برضو مصدقينها انا بقي هروح افضحها قدام العماره كلها..
اميره بعصبيه
كفايه بقي انت ايه شيطان ده انت معاك بنات يا اخي، راعي ربنا شويه في تصرفاتك وبص لمراتك اللي ما بتقصرش معاك في حاجه ومتحملاك بكل القرف اللي بتعمله قدامها ومن وراها..
ياسين
ممكن تخليكي في حالك يا مدام اميره، ولو سمحت يا محمد ما تجيبش مراتك تاني هنا عندنا وخليها تقطع علاقتها بمراتي، انا مش ناقص بيتي يتخرب بسببها..
محمد
عمرك ما هتتغير يا ياسين، ربنا بهديك يا شيخ وما ياخدش بناتك والست الغلبانه دي بذنبك وذنب القرف اللي بتعمله ده..
_ مشيو هما الاتنين وياسين قفل الباب وقرب من سميره وقالها بحزن..
ياسين
انا مش فاهم يا حبيبتي الناس دي ايه، بقي يتبلو علي راجل محترم زيي كده بالكلام اللي يغضب ربنا ده، اوعي تكوني مصدقااهم هزعل منك..
سميره بدموع
يعني انت ما عملتش كده فعلا يا ياسين؟..
ياسين
والله العظيم وغلاوتك عندي ما عملت كده وحياة بناتنا ااا..
قاطعته وقالت
لا لا بلاش البنات انا ما فيش حاجه مصبراني علي كل ده غيرهم، انت اصلا لو كنت بتحبهم ما كنتش هتحلف بحياتهم كدب دلوقتي..
ياسين بغيظ
اممممم ماشي يا ست هانم روحي بقي هاتي البنات عشان اوديهم الحضانه..
جات تمشي بس مسكها من دراعها جامد وقال
استني وحياة امك يا سميره لو الست اللي اسمها اميره دي دخلت البيت في غيابي هخليكي تندمي ندم عمرك، تقطعي علاقتك بيها خاالص وبأي حد هنا في العماره دي وتخليكي في بيتك وبس..
سميره بدموع
حاضر يا ياسين حاجه تاني؟..
ياسين
لا روحي هاتي البنات من جوه يلااا..
_ وراحت فعلا جابتله البنات عشان ياخدهم ويوديهم الحضانه، وبعد ما مشي غيرت هدومها وراحت لاميره اللي فتحتلها وقالت…
اميره
كنت عارفه انك هتيجي تعالي ادخلي..
سميره بحزن
لا مش هقدر ادخل هو منعني ادخل عندك، انا بس جايه اقولك انا اسفه ما تزعليش، وقولي كمان لجهاد حقها عليا واني مصدقااها وانها اشرف من الشرف..
اميره
انا مش فاهمه انتي ليه ساكته بعد كل اللي حصل ده، ليه بتعملي في نفسك كده ربنا هيحاسبك والله علي انك تقعدي مع راجل زيه ما بيفرقش بين الحرام والحلال..
سميره بحزن
نصيبي يا اميره بقي وعشان بناتي بكره تخلفي وهتعرفي وقتها ان عشان عيالك مستعده تعملي اي حاجه، همشي انا بقي ولما الامور تهدي نبقي نتقابل ونتكلم…
اميره
ماشي يا حبيبتي وخلي بالك من نفسك ومن بناتك ولو زودهم معاكي انا ومحمد زي اخواتك وبيتنا هو بيتك..
سميره
ربنا يخليكم يارب ويعوض عليكم خير يااارب..
ـــــــــــــــــــــــــــــــــــــــ
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الاختيار الخطأ)
