رواية امتلكت قلب صعيدي الفصل الثامن والثلاثون 38 بقلم نرمين حمدي

رواية امتلكت قلب صعيدي الجزء الثامن والثلاثون

رواية امتلكت قلب صعيدي البارت الثامن والثلاثون

رواية امتلكت قلب صعيدي الحلقة الثامنة والثلاثون

ساره: أنا مليش دعوه بمشاكلك ياعمتي طلعيني برا الموضوع
ليلي بتمثيل: بجي كديه ياساره تكسري بخاطر عمتك الحج عليا اني عايزالك جوازه لجطه ذي دي وبعيدين انتي مش هتأذيه انتي هتجيبي حجي من الي افتروا عليا بس
ساره بتصعب عليها ليلي: سبيني افكر
في غرفه صخر ووعد
صخر دخل ياخد شاور وغير هدومه وبيسرح شعره
لتدخل وعد وبتحاول تفك في السوسته بتعت الفستان بس مبطولهاش
صخر لاحظ ليتجه اليها وبجمود: لفي
وعد باحراج: لا انا هحاول تاني
صخر بيلفها غصب عنها ولسه هينزل السوسته لتلتفت وعد اليه: طيب غمض عينك
صخر بحده: هنلعب يعني ولا ايه
وعد بترجع كام خطوه لورا وبتوتر: خلاص هبقي انزلها انا
ليمسكها صخر من زراعها ويجذبها اليه حتي اصبحت رأسها امام ملتصقه بصدره لترفع رأسها لاعلي وتنظر اليه: سيبني انا هبقي
ليقاطع حديثها عندما شعرت بيده تلامس ظهرها فاتسعت عينيها وانتفض جسد*ها حتي اغلقت عينيها بقوه
ويده ما زالت تتجول علي ظهرها ببطئ باحثا عن السوسته حتي وقعت بين يده وهو ينظر الي وعد التي ما زال جسد*ها ينتفض حتي انزلها ببطئ شديد لتمسك وعد الفستان من اعلي حين شعرت انه سيقع حتي لمست يده ظهرها دون وعي منه فهو يضع كل تركيزه علي تصرفات وعد لتنتفض وعد وترفع كتفيها لاعلي متشبثه بزراعه
صخر: خلصت
لتفتح وعد عينيها وتبتعد عنه بسرعه لتأخذ انفاسها: شكرا
ليأخذ صخر مفاتيحه وموبايله وينزل
***
في غرفه شمس ومروان
وعد وصفيه بيخبطوا وشمس بتفتح
وعد: الله الله الله ليه حق مروان يخبيكي بصراحه
صفيه: طلعتي حلوه جوي
شمس: شكرا اوي انتو الي عسلات
تعالو تعالو
وعد: اعرفك بنفسي انا وعد ودي صفيه
شمس: وعد مرات صخر مش كدا
وعد: اممم اه مراته
شمس: انا مبسوطه اوي اني عرفتكم
صفيه: متعرفيش انتي مروان عمل ايه عشانك هنيه
شمس: لااااا لازم تحكولي
وعد وصفيه وشمس فضلو يرغوا ساعتين
شمس: والله انتو طلعتوا سكر اوي انا حبيتكم اوي
وعد: واحنا كمان حبناكي اوي
***
هارون لكريمه: اومال البنات فين مش شايفهم يعني
لتأتي هنيه وبتسرع: جاعدين عن الست شمس تحب انديهوملك
ياهارون بيه
لتضع كريمه يدها علي رأسها من غباء هنيه
ويقف هارون غاضبا: نااااااااديهم😡
لتصعد هنيه الي غرفه شمس وتخبر وعد وصفيه لينزلو ويجدو هارون حاطط ايده ورا ظهره وغاضب جدا
هارون: انا جولت ايه
وعد بتوتر: احنا كنا عايزين
ليقاطعها هارون بغضب: بتكسروووووو كلامي والله عال
صفيه: ياجدي البت
هارون: مش عايز اسمع ولا كلمه روحوا من جدامي مش عاوز اشوف وشكم وااااااااااصل ولو سمعت بس ان واحده فيكم طلعتلها ولا اتكلمت معاها مش هيحصلها طيب والكلام دا لكل الي في البيت
لتصعد وعد لغرفتها وتذهب صفيه ايضا لغرفتها
*****
في غرفه وعد تاتيها مكالمه من حبيبه
وعد: ازيك ياحبيبه
حبيبه: انا كويسه ياروحي انتي عامله اي
وعد: انا كويسه
حبيبه: مش ناويه تقوليلي عملتي اي امبارح خليتي المستشفي كلها تتعالح ببلاش
وعد بتسرح في صخر: دا مش انا
حبيبه: مش انتي! امال مين
وعد: صخر….. صخر هو الي عمل كدا
حبيبه: بتهزري
وعد: بجد انا مفيش انسان حيرني قد صخر مش عارفه افهمه ياحبيبه مش عارفه
وعد فضلت ساعه كامله تحكي لحبيبه عن صخر وقد اي هو غريب
حبيبه: خلصتي
وعد: هااا
حبيبه: هااا اي ياوعد اقطع دراعي لو مكنتيش حبتيه
وعد: اي الكلام دا ياحبيبه انا بس مستغرباه
حبيبه: يابنتي انتي مش سامعه صوتك وانتي بتتكلمي عنه دا انتي مصدقتي جات سيرته
وعد بعند: لا لا مينفعش اصلا احبه انتي بتقولي ايييي
حبيبه: متكدبيش علي نفسك ياوعد ومتخبيش مشاعرك لو حاسه بحاجه من ناحيته قوليله يمكن يتفك الحاجز الي مابينكم
وعد فضلت ساكته لثواني وبعند: افهمي انا مبحبهوش احبه اي بس لا لا اكيد لا دي اوهام في دماغك
حبيبه: علي العموم براحتك
وعد: سلام ياحبيبه دلوقتي انتي قلبتيلي دماغي
لتترك وعد الموبايل وتضم رجليها ليها وتفضل تفكر: معقول معقول ياوعد تكوني ب اي دا لا هحبه لي اصلا حبيبه دي مش فاهمه حاجه دا حتي واحد متكبر ومش عاجبه حد ههه قال احبه قال حبيبه دي مسخر*ه
****
في الشركه
السكرتيره للموظفين: بقولكم ايه انتوا اليومين الي فاتوا دول اخدتوا راحتكم اوي انهارده صخر بيه جاي يعني كل واحد يحافظ علي كرامته
وبعد خمس دقائق صخر بيدخل وكالعاده كل واحد مكانه ومركزين في شغلهم ليدخل الي مكتبه
لتدخل وراه السكرتيره
صخر وهو مركز في اللاب توب: هاتيلي الورج الي محتاج توقيع
السكرتيره: حاضر
بعد خمس دقائق بتجيب السكرتيره الورق وكان كتير شويتين
صخر بغضب: ايه كل ديه
السكرتيره: حضرتك بقالك فتره مجتش
صخر بغضب: امال حسام بيعمل ايه هنيه ابعتيوهولييييي
السكرتيره: ح حاضر
ليأتي حسام: اي ياصخر
صخر: ايه كل ديه جاعد تعمل ايه انت هنيه اومال ز*فت التوكيل الي عاملهولك ديه ايه
حسام: انا بجالي يومين مجيتش كنت تعبان مجدرتش اجي
صخر: كنتتتت تجولي بدل مهما متكومين كديه
حسام: عندي انا دي هدي نفسك ياعم
صخر: روح من جدامي الساعه دي
ليذهب حسام ليكمل عمله وصخر يوقع علي الاوراق ولكن تظل صوره وعد تأتي وتذهب وتشتت تفكيره حتي انه ينسي توقيع بعض الاوراق
يظل يفكر بها في تلك الليله وهي بين زراعيه متشبسه بملابسه والي صورتها عندما تبكي وعندما تبتسم
ليضع صخر يده علي رأسه محاولا الا يفكر بها ويكمل عمله إلا انه لا يستطيع فهي شغلت تفكيره وسيطرت علي عقله
ليغضب صخر ويمسك بالملفات ويرميها بغضب شديد: يوووووووه في ايه صورتها مهتتشالش من عجلي ليه فيهااااا ايه البت ديييي
*******
في المساء في بيت ساره
ساره لليلي: انا فكرت ياعمتي
ليلي: وهااا وصلتي لاي
ساره: انا موافقه بس من غير أذيه منغير قتل والحاجات دي
ليلي: متجلحيش ياحبيبتي انت كل الي هتعمليه هتتجوزيه وتخليه يكتبلك كل حاجه بتعته ليكي وانتي تتنازليلي عنها وبكدا عمتك المسكينه تكون خدت حجها من العيله الجباره دي
ساره بزعل فزين ميستحقش كدا منها: طيب هو اصلا مقالش انه عايز يتجوزني
ليلي: هيجول انا عارفه زين مهيهتمش بواحده الا لما يكون هيحبها
ساره: تفتكري
ليلي: طبعا استني بس وتشوفي بعينك