روايات سيلا والنمر الفصل الرابع عشر 14 بقلم منار مصطفى
روايات سيلا والنمر البارت الرابع عشر
روايات سيلا والنمر الجزء الرابع عشر
روايات سيلا والنمر الحلقة الرابعة عشر
قبل معاد الديفيليه بيومين تقريبا مكنوش البنات شافو بعض هما كمان من اخر يوم اتقابلو فيه مع الشباب…كانو بس بيطمنو علي بعض.. عالموبايل.. وكانو تقريبا بيحكو لبعض كل تفاصيل يومهم….
كلمت سيلا روكا…كانت الساعه حوالي 9مساءآ
روكا… الووووو.
سيلا… ايوه ياقلبي..عامله ايه..
روكا..بتعب..الحمد لله بخير
سيلا… مال صوتك انتي كويسه.
روكا…. اه الحمد لله مرهقه بس شويه..
سيلا.. مرهقه ايه انت صوتك تعبان فيكي حاجه.
روكا… لا ولله مرهقه بس خلصنا خلاص الكوليكشن انهرده كنا بنظبطه عالموديل..اللي هيعرضوه..وكنا بنختار الاكسسوري المناسبه لكل فستان..والحمد لله اخيرا خلصنا.. بكره بقي الحاجه هتتكوي وتتكيس وهنجه ها عشان ابعتها الفندق عشان الموديل يروحو علي هناك ويبتدو يلبسو
سيلا… يعني كده مش وراكم حاجه تاني.
روكا…. انا بكره مش ورايا اي حاجه خلاص هروح بس الصبح اتمم علي كل حاجه ونظبط كل فستان مع الاكسسوري والحاجه الخاصه بيه وبس هسيبهم بقي هما يكوو الفساتين ويكيسوهم..وهمشي .
سيلا… اخيرا خلصتي الكوليكشن ده خدك مننا اوي.
روكا…ده خدني من نفسي مش منكم انتو بس ولله ياسيلا..بس خلاص تقريبا خلصت منه فاضل بس بعد بكره اخلص من الديفيليه ويارب كل حاجه تمشي زي مانا مرتبلها.
سيلا… ان شاء الله ياروكا.. هيبقي عرض يكسر الدنيا…
وانتي ادام خلصتي المهم كله خلاص متحمليش هم الديفيليه ..
روكا… ده انا ناقصني اهم حاجه..
سيلا…. ايه تاني..
روكا… انتي متخيله ياسيلا.. ابقي انا مصممه ومعملتش لنفسي حاجه البسها..
سيلا… بتهرجي. انا كنت هسألك اصلا هتلبسي ايه…
روكا… شوفتي الخيبه اللي انا فيها..
سيلا…طب هتعملي ايه تقريبا مفيش وقت..
روكا… مفيش حل ادامي غير بكره..بعد ما اخلص الحوار ده هروح اشوف..
سيلا.. هتجيبي منين.
روكا.. بصي لسه مش عارفه بس في محل اعرفه بيجيب كل اللبس بتاعه من بره من دار ازياء كبيره. غالبا هطلع عليه علي طول عشان مضيعش وقت.
سيلا… هتروحي امته وانا اجي معاكي…
روكا…. يعني علي الساعه اربعه كده هروح ..انتي هتلبسي ايه صحيح.
سيلا.. انا كمان مش عارفه ولله عشان كده هاجي معاكي عشان اشوف يمكن حاجه تعجبني.
روكا… طب والبت ريم وسما عرفو هيلبسو ايه.
سيلا… انا لسه قافله مع الاتنين وهما كمان مش عارفين..ومصدقو قولتلهم تعالو نشوف بكره مع بعض ونتقايل..
روكا.. طب قشطه.. اوي اهو بالمره اشوفكم وحشتوني اوي..
سيلا… انتو كمان ياجزم مفتقداكم جدا وحاسه اني تايهه من غيركم..
روكا… ايه اخبار المز لسه متصلش..
سيلا … بحزن بان علي صوتها..
لا.. بس عادي.يعني براحته.
روكا… طب يا بت اتحركي انتي وكلميه ايه البرود الانتي فيه ده.
سيلا… اكلمه اقوله ايه ده علي طول داخل فيا شمال..ومبيدنيش فرصه حتي اتكلم..
روكا… والنبي انتي مفتريه ده بدر ذوق وشيك وعسل..
سيلا… ذوق وشيك وعسل معاكو يا اختي مش معايا.
روكا… يابت ما ده لوحده يحسسك ان في حاجه من ناحيتك متبقيش غبيه مانتي مش مرات ابوه يعني عشان يستقصدك.
سيلا…. اصلا انا لو مرات ابوه مش هيتكلم معايا كده.. هو مضايق مني بسبب المواقف اللي اتحطينا فيها مع بعض..والمشكله انها مكنتش مقصوده..بس هو بردو مش قادر يفهم ده .
روكا.. يابت اسمعي مني انا قديمه وخبره بردو فالرجاله النوع ده بيحب الاهتمام اشغليه وحتي لو زي ما بتقولي مضايق منك بسبب المواقف دي انتي غيري فكرته …ويستحيل يعني يقفل في وشك التليفون او يكلمك بقله ذوق عشان بتطمني عليه .
سيلا… انا اتوقع منه اي حاجه..
روكا… بت انتي متجننيش معاكي.. انتي بتحبيه ومعجبه بيه ولا لا..
سيلا….. ساكته..
روكا… يابت انطقي هتشليني..
سيلا.. عايزه ايه ياروكا..
روكا… جاوبي عليا.
سيلا…. ايوه ياروكا.. بس يعني مش كفايه.
روكا.. هو ايه اللي مش كفايه.
سيلا.. مش كفايه اني احبه او انتي اعجب بيه او اتعلق بيه.. لازم عالاقل احسن من ناحيته باي حاجه حتي لو كان مجرد كلام بطريقه كويسه..لاكن هو مش مديني فرصه او عشان اكون واضحه اكتر هو مش في خاجه من ناحيته. عشان كده مش كفايه.. روكا انا مش حمل اني احب حد واتعلق بيه ويطلع وهم او حب من طرف واحد انا حياتي مش ناقصن صدقيني…
روكا.. بزعل عليها… عارفه حبيبتي بس صدقيني..حتي لو مش بيحبك زي ما بتقولي بس انا واثقه انه معجب بيكي وانا نظرتي فالرجاله متخيبش ابدا.. انتي مشوفتيش شكله لما كنت بتكلم علي مراد وانه معجب بيكي .
سيلا… ماله شكله يعني كان عادي..
روكا… ماهو من خيبتك يا اختي..هو باين عادي بس كان من جواه هيتجنن..بصي انا مش بقولك كده عشان اعلقك بيه اكتر بس انا واثقه من اللي بقوله…وبعدين من كلامك لما وصلك اخر مره لما قالك عالبدي تاني.. هو غيران عليكي..طب تقدري تقوليلي مقالش ليه لحد فينا ادام كلنا اصحابه.. او ليه مفيش حد من اصحابه علق عليكي..
بلاش تبقي غبيه وكل حاجه تقفشي يا سيلا..
سيلا… ولا هقفش ولا هنيل خلاص بدر حسم كل حاجه خلاص قال اخنا صحاب واخوات.
روكا… الله يخربيتك يابت انتي غبيه هو كان بيتكلم علينا ماانتي حكيالي بنفسك يقصدنا احنا مش انتي. بت انتي انا مش نقصاكي اطلعي من نافوخي.
سيلا… يعني انتي عيزاني اعمل ايه..
روكا… عيزاكي تركزي شويه وتبطلي شغل الاطفال ده شويه وتفضلي تزعلي وتتقمصي الراجله ياختي ملهاش خلق. ده اولا ثانيا بطلي كل حاجه تحصل تقوليله انت مش طايقني انتي عاملني وتحكي فالمواقف القديمه خلاص حوارات وحصلت ومش لازم كل شويه ندخلها في جمله مفيده…ده ثانيا..اما ثالثا وده الاهم…ادلعي شويه يا اختي. وفنفس الوقت متدلقيش.
سيلا.. ودي اعملها ازاي ياخبره هانم..
روكا.. حسسيه انكم مهتمه وفنفس الوقت انه مش في بالك..حسسيه انك محتجاله وفنفس الوقت حسسيه انك مش محتجاله.
سيلا.. نعم انا كده ابقي عندي انفصام وهروماناتي قايمه عليا.
روكا… ياختي يارب نفسي اشوفلك هرمون واحد .بت متجننيش امي مانا كمان غبيه بقولك انتي تعملي كده بصي باختصار.. ادعلي جننيه خليه يغير بس بطريقه متحسسهوش انك قاصده ده.. اتعاملي معاه عادي هزري واضحكي وخليكو صحاب زي ماقالك هزري مع كل الشباب مابقيش اعده بروطه كده..
سيلا… مش هعرف .
روكا.. يبقي خليكي يا اختي في خيبتك واياكي تيجي تشتكي..
سيلا… المهم سيبك مني انا انتي عامله ايه مع عامر.
روكا… عامر ده طلع حكايه بجد..مش بيعدي وقت غير لما يكلمني علي اد مانا مش بشوفه الفتره دي بس هو ديما معايا عالتليفون اتعلقت بيه بجد وهو كمان بس خايفه اوي يا سيلا..
سيلا… شوف مين اللي بيقول خايفه انتي ياخبره خايفه ليه ان شاء الله ادام كل حاجه تمام الحمد لله…
روكا… خايفه اعيد التجربه الاولي..
سيلا…مشكلهم زي بعض يا روكا.. جوزك ده كان زباله ازاي بعد حبكم لبعض يعمل معاكي كده ده اصلا ميستاهلش تفكري فيه.
روكا.. عشان كده خايفه يعني بعد الحب اللي انا و مازن حبيناه لبعض ده يخوني..
سيلا… مش كل الناس زي بعض يا روكا. اه كل الرجاله عينهم زايغه بس مش كلهم زباله كده..
روكا….المشكله انه لحد الوقت ميعرفش اني كنت متجوزه.
سيلا… بتهرجي.. انتي عبيطه ياروكا. ودي حاجه ينفع تخبيها اصلا.
روكا.. انا مخبتش ولا اتنيلت ولا قصدت كده اصلا كل الحكايه ان كل كلامي مع عامر…ضحك هزار يطمن عليا كلتي روحتي انتي فين بتعملي ايه لابسه ايه هتروحي فين.. بس مفيش اي سؤال عن حياتي اصلا هو حتي مسألنيش عن اهلي انا اللي قولتله بالصدفه لما سألني بشتغل ايه فا قولتله وعرفته ان اهلي في اسكندريه.. حتي هو مدخلش في تفاصيل وصراحه انا اتبسطت انه مدخلش في تفاصيل انتي عرفاني مليش فالحكاوي دي وصراحه مش جاهزه والشغل واخد كل وقتي غير كده مفيش اي حاجه حصلت في علاقتنا وعلي يدك. المرات اللي شوفتهم فيه كلنا بنكون مع بعض.. مخرجناش لوحدنا ولا مره يمكن عشان احنا لسه بنتعرف علي بعض..
سيلا… فهماكي ياروكا… بس لازم تعملي كده ولازم تأعدي وتتكلمي معاه.. لازم من البدايه يكون عارف عنك كل حاجه واهمهم موضوع جوازك.
روكا … طبعا يا بنتي اكيد هيحصل هي دي حاجه تستخبي.
سيلا… ان شاء الله خير المهم انتي فين.
روكا… انا وصلت عالبيت اهو بس لسه اعده فالعربيه مدخلتش.
سيلا .. انتي كل ده بتكلميني وانتي فالطريق..
روما… اه يا اختي ووصلت كمان واعده فالعربيه من ساعت ماوصلت كلتي دماغي.
سيلا.. تصدقي انا غلطانه اني عبرتك.
روكا… انا اقدر المهم ظبطي مع البنات وياريت نروح سوا منروحش بأسطول العربيات الفظيع ده مش ناقصه خايله.
سيلا… انا معنديش اي مانع بس هتيجي تاخديني من الجريده.
روكا.. وعربيتك…
سيلا… عادي بقي هسيبها فالشغل.. وابقي رجعيني علي هناك اخدها واروح.
روكا.. خلاص اشطا هعدب الاول عالبت سما هي في طريقي وبعدين ريم وهجيلك انتي فالاخر.
سيلا.. تمام اتفقنا انا هتصل أئكد عليهم الوقت
روكا .. ماشي ياروحي.. يلا امشي بقي عشان ادخل..
سيلا.. باي ياقلبي خدي بالك من نفسك وكلي حاجه ونامي هه.
روكا… خلاص يا سيلا حاضر اتعديتي من البت سما وبقيتي الام الحنون زيها.
سيلا… طبعا دي تبهت علي اي حد🤣🤣🤣
روكا… انتي هتقوليلي🤣🤣🤣يلا تصبحي علي خير ياروحي.
سيلا.. وانتي من اهله😍
بعد مكالمت روكا وسيلا اللي استمرت حوالي ساعتين..قفلو اخيرا.. واتصلت سيلا بروكا.. وسما واتفقت معاهم وقفلت..
خلص اليوم من غير اي احداث .جديده..
تاني يوم..
راحت روكا خلصت كل حاجه وراها تخص العرض.
وسيلا راحت عالجريده…كانت خلال الايام بتشوف مراد بس كانو بيتعاملو عادي جدا هو كان حابب يديها مساحتها فالتفكير وميضغطش عليها لدرجه انه حتي ملمحلهاش باي حاجه حتي نظراته ليها.. كانت طبيعيه جدا مكنش حابب يوترها.اما سيلا فا ارتاحت من معاملته معاها.. كان كل تفكيرها في حاجه واحده بس هو بدر..اللي لحد الوقت مكلمهاش ولا هي كلمته.. كان كلام روكا في دماغها.. اقتنعت بيه وحست ان روكا عندها حق.وانها لازم تاخد خطوه حتي لو مجرد انها تطمن عليه لاكن هي مكنتش قادره تاخد الخطوه دي خصوصا ان هي شخصيتها غير روكا.. روكا.. شخصيه قويه جريئه تعرف تتعامل لاكن سيلا لا…بعد تفكير طويل..بصت فالساعه لقتها 4ونص..مسكت موبايلها واتصلت بروكا.
روكا….الوووو
سيلا… ايوه يازڤته الساعه اربعه ونص انتي فين كل ده.
روكا.. زفته فعينك .. انا ياختي ادام بيت سما هانم…
سيلا.. نعم يعني لسه مروحتيش كمان لريم.
روكا… لا لسه مروحتش.. اتأخرت شويه قولت اعد لحد مايخلصو الحاجه زي مانا عايزه انتي عارفه اني لو سبتهم هيعكولي الدنيا ومش هيعملو اي حاجه زي مانا عايزه وانتي عارفه انا بحب النظام…
سيلا.. انتي هتقوليلي.طب بقولك ايه ادام لسه هتعدي علي ريم.. انا هروح وعدي عليا عالبيت اهو بالمره اودي العربيه بدل مارجع هنا تاني.. وعشان اهرب من مراد.
روكا… الله المز ليه يابت عملك ايه..
سيلا… ولا حاجه هو بصراحه ذوق ومفتحش معايا اي كلام علي امل اني بفكر وكده.بس انا متوتره.
روكا…. يابت في حد يتوتر من الرجاله.
سيلا… هتفضلي طول عمرك قليله الادب.
روكا… ماشي ياختي يعني انا هضطر ارجع كل واحده فيكم بيتها فالاخر..
سيلا… ولله مش عايزه اتعبك بس انا لو سبت العربيه ومراد لمحها هيتصل بيا لما يعرف اني مشيت وسايبه العربيه وصراحه انا مش عايزه اسيبله حجه يتصل بيها خالص.
روكا… اشطا فهمتك.
سما.. بتكلمي مين يابت انتي.
روكا.. اهي ست زفته وصلت.دي سيلا.
سما. بوسيهالي لحد ما اشوفها وتعالي انتي كمان هاتي بوسه وحشتييييييني .
روكا. اموووووه انتي اكتر ياروحي.. بتبوسك ياسيلا
سيلا.. بوسيهالي.. انا هروح بسرعه يلا.
روكا.. اه انجزي انا هطلع عالبت ريم اهو..
سيلا.. اوك باي…
روكا.. باي…
تسارع فالاحداث..
بعد مده بسيطه اتقابلو البنات وبعد السلام والاحضان راحو علي المكان اللي هيشوفو فيه اللبس…
وصلوو…اخيرا للمحل ودخلو وابتدو يدورو علي اللي يناسبهم… خدو وقت طويل وفضلو يقلعو ويقيسو واخيرا كل واحده اختارت اللي هيناسبها….
خلصو كان الوقت اتأخر وصلتهم روكا…
وطبعا خلال اليوم عامر كلم روكا ويوسف كلم ريم. ومهاب كلم سما….وبردو سيلا وبدر زي ماهما علي وضعهم… وده كان مضايق سيلا كان نفسها تكلمه او يكلمها صوته وحشها بس مش قادره.تكلمه..
خلص اليوم علي كده…
وجه اليوم الموعود… بتاع الديفيليه…
قامت روكا من بدري كانت قلقانه ومتوتره وخايفه مكنش اول عرض تعمله بس بالنسبالها ده كان اكبر عرض.. وكانت نفسها تثبت نفسها فيه عشان كده كانت خايفه ومتوتره….
رن جرس الباب…
نزلت تفتح…اول مافتحت الباب ملقتش حد بس لقت بوكس كبير ادام الباب…
وفي بلالين متعلقه عالبوكس… وكارت. مكتوب فيه..
صباح الخير عالقمر.. انا عارف انك متوتره وخايفه واكيد منمتيش عشان كده مخوفتش اني اقلقك عشان متأكد انك صاحيه حبيت بس افك التوتر اللي عندك ده شويه.. افتحي البوكس.. هتلاقي شويه ورد علي حبه شيكولاته علي دبدوب يعني كلام مراهقين بس عارف ان الستات هابله وبتفرح بالكلام ده صح ولا ايه…
قرت روكا.. الكلام..وهي مبتسمه عالاخر.. وابتدت تضحك بصوت علي طريقته في كتابت الكارت…
روكا…ولله مجنون..
طلع عامر.. ادامها مره واحده…
عامر.. طب بزمتك مش انتو هبل وبتحبو الحجات دي…
روكا ..حاطه ايدها في وسطها…
هو من ناحيت بنحب اه بنحب ..وضربته براحه علي كتفه بدلع بس مش هبل..
عامر… كنت واثق انك هتبقي صاحيه..
روكا… انا تقريبا منكتش اصلا.
عامر… اصلا.
روكا.. اصلا.
.بس بجد ياعامر ميرسي.
عامر.. علي ايه دي حاجه بسيطه.. وبعدين مش عايز القمر ده يروح العرض وهو متوتر كان لازم نفكه شويه..
روكا.. فطرت..
عامر…يعني.
روكا.. مسكته من ايديه طب تعالي نفطر سول.
عامر.. استني بس.. نفطر ايه انا يادوب اروح بسرعه عالشركه عشان اخلص اللي ورايا.. وارجع اخدك.
روكا.. باستغراب.. ترجع تاخدني.
عامر.. اه مالك مستغربه كده يعني ينفع القمر ده يسوق ويتعب نفسه انهرده انتي انهرده اعتبريني السواق..
روكا… احلي سواق ده ولا ايه.
عامر… رفع حواجبه لا اتلمي سواق ايه انتي هتظيطي فيها.
روكا… قلاب اوي..
عامر…طب يلا ادخلي افطري وظبطي نفسك .. وهعدي عليكي بليل.
روكا.. مش هتفطر طيب.
عامر… بعدين خليها وقت تاني.
روكا.. يغني انت عايز تقنعني انك جيت كل ده عشان تديني البوكس ده وتمشي.
عامر… ياستي انا غلطان.. وادي البوكس هخده وامشي..
روكا… لا لا خلاص.
عامر.. ايوه كده..اتعدلي….واه جيت عشان اديكي البوكش وامشي..عشان من امبارح صوتك متوتر وخايف..
روكا… انت احلي عامر فالدنيا علي فكره..
عامر.. بيعدل هدومه بغرور طبعا مانا عارف.
روكا.. ضربته علي كتفه. يخربيت الغرور.
مسكها عامر من خدها بايده الاتنين وباسها في اورتها..
عايزك متتوتريش وعايزك تكوني احلي حد انهرده.
روكا.. بابتسامه كلها فرح…حاضر.
عامر.. هسيبك انا بقي.. واشوفك بليل.
روكا.. اوك باي.
عامر…باي ياحبيبي.
عدت الساعات بسرعه كان كل واحده من البنات بتجهز
سيلا كلمت البنات وعرفت ان كل واحده فيهم هتروح مع حد من الشباب..
روكا مع عامر
يوسف مع ريم
سما. مع مهاب..
كان نفسها بدر يكلمها وتروح معاه اوي.. حست للحظه انها لوحدها صعب عليها نفسها جدا.. لدرجه انها دمعت..
فضلت اعده سرحانه شويه ادام الشباك.. الوقت جري منها وملاحظتش الساعه…وفجأه ياخرابي الساعه 8دول زمانهم راحو دي روكا هتقتلني..
قامت خلصت بسرعه ولبست…ونزلت بسرعه ركبت عربيتها وراحت علي مكان الفندق اللي هيتعمل فيه الديفيليه…
عند البنات بعد ما وصلو مع الشباب وكل واحد فيهم كان مبهور بشكل البنات كانو طالعين يجننو..
وصل بدر.. ومعاه نوني…
جريو عليها البنات سلمو علبها وباسوها.
ناهد… انا جيت عشان مزتعليش ياروكا بس انا زعلانه منكم .
روكا.. ليه بس يانوني.
ناهد… عشان مفيش حد فيكم سأل فيا مفيش غير سيلا بس..
روكا… ولله ياحبيبتي غصب عني التحضير كان واخد كل وقتي متزعليش الايام الجابه ياستي انا هزهقك مني وكمان هجيلك واعد معاكي ونعد ننم براحتنا.
ناهدد.. ماشي يابكاشه هنشوف طب وريم وسما .
ريم.. ولله يانوني انا مكنتش عايزه ازعجك.
سما.. وانا اتحرجت ولله يانوني اكلمك.
ناهد.. ليه بس انا مش بعض وبعدين ياستي انا مش هضايق.
ريم.. خلاص متزعليش
سما.. خفك عليا ياقمر انا كمان هزهقك.
ناهدد.. زهقوني انتو بس وملكوش دعوه.
روكا… ازيك يابدر باشا محدش سامعلك صوت يعني.
بدر.. كان اعد يدور علي سيلا بعينه
بدر… موجود ياروكا.. بس انتي عارفه الشغل بقي.
روكا.. ياراجل طب اسأل حتي بالموبايل.ايه مصدقت اتشغلنا شويه قولت اهلص منهم
بدر.. متقوليش كده انتو غاللييين عندي ولله عموما يستي اديني جيت اهو عشان متزعليش..
ناهد… هي فين سيلا صحيح مجتش.
روكا.. انا هطين عيشتها لما تيجي لسه مجتش الهانم..
اصل انا عامر عدي عليا خدني.. وريم ويوسف جم مع بعض. وسما ومهاب مع بعض وبصت لبدر وابتسمت..
ناهد… بصت لبدر. مش كنا عدينا غليها بدل ماتيجي لوحدها.
روكا.. بخبث.. ياريت يانوني خصوصا اني حسيت انها مضايقه انها جايه لوحدها.
بدر.. ماهي مقالتش ..لو اعرف كنت عديت عليها ولله.
روكا… هي عموما زمانها جايه…
وقبل ماتخلص روكا جملتها…اهي جت اهي..
كلهم لفو ناحيت سيلا..واتفاجئو من شكلها..
وصفر عامر ويوسف…
قربت سيلا عندهم واول حد سلمت عليه كانت نوني..
سيلا .. نوني حبيبتي وحشتيني.
ناهد.. ايه الحلاوه دي ملها انتي ازاي جايه لوحدك كده مش خايفه تتخطفي.
سيلا.. اتخطف ايه بس يانوني الساعه لسه مجتش 9وبعدين يعني هو انا لقيت حد عدي عليا وقولت لا العيال الجزم دول راحو مع عامر ومهاب ويوسف وسابوني
ناهد… ومقولتيش ليه لبدر وليا لبا كنا عدينا عليكي.
سيلا.. مرضيتش يانوني بقي عشان انتي متفضليش راحه جايه وتتبهدلي.
واديني جيت اهو..
روكا.. وحشتيني هاتي بوسه ايه القمر ده.
سيلا.. انتي اللي قمر..نسيت اسلم عليكو اسفه نوني كانت وحشاني..
سلمت عالبنات .
وسلمت عالشباب
عامر… ايه القمر ده ياسيلا..
سيلا.. ميرسي يا عامر بس لو عالقمر اكيد اللي جمبك دي هي اللي قمر .
روكا.. حبيبتي
عامر.. لا اللي جمبي قمرين
روكا. بكاش اوي.
سيلا.. بابتسامه.. ازيك يابدر..
بدر… مد ايده..ليها.. الحمد لله انتي عامله ايه.
سيلا.. تمام..
الكل ابتدو يتكلمو وراحو عالتربيزه الخاصه بيهم.
بدر. ماشي جمب سيلا..
مقولتليش ليه انك مش راحه معاهم.
سيلا.. يعني اكيد انت عارف
بدر.. وانا هعرف منين
سيلا… لو مش مني اكيد من صحابك اكيد عرفت انهم هيعدو عالبنات ياخدوهم او عالاقل من مهاب اللي شغال معاك..
رفع.. بدر حاجبه.. ولله ماشي عندك حق بس يعني انتي مش بتتكلمي من اخر مره شوفتك فيها فاقولت يمكن مش عايزه تتملمي معايا.
سيلا.. ومش هتكلم معاك ليه.
بدر.. قولت يمكن زعلانه.
سيلا.. حتي لو انت مجربتش
بدر… في دي عندك حق.
سيلا.. بابتسامه مصطنعه..غريبه..
بدر.. هي ايه اللي غريبه.
سيلا.. اول مره..تكون متفق معايا..
بدر.. عشان فعلا انتي معاكي حق..
سيلا.. ماشي ياسيدي. عموما انا مش زعلانه مفيش حاجه تزعل اصلا.
كانت سيلا بتحاول تنشف شويه وتتقل وتبان جامده وتاخد بنصيحه روكا..
استغرب بدر طريقتها وكان هيتجنن..
وصلو للتربيزه واعدو كانت سيلا اعده بعيد عنه كان هيتجنن..
ابتدا العرض….ومش هقولكم بردو حصل فيه ايه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية سيلا والنمر)
