روايات سيلا والنمر الفصل الثاني عشر 12 بقلم منار مصطفى
روايات سيلا والنمر البارت الثاني عشر
روايات سيلا والنمر الجزء الثاني عشر
روايات سيلا والنمر الحلقة الثانية عشر
فضلت سيلا وبدر.. ساكتين طول الطريق والتزمو الصمت ولا هو عارف يتكلم ويقولها علي اللي حاسس بيه لانه بكل صراحه نش قادر حتي يواجهه نفسه بأحساسه…ولا هي قادره تفتح اي كلام تاني بعد ما اكتفي بالسكوت..بس كانت مضايقه ومش عارفه ايه سبب تغييره وفنفس الوقت مضايقه من الصمت اللي ساد بينهم بس مكنتش لاقيه حاجه تاني تقولها…. وفجأه رن تليفونها … طلعته من الشنطه.. واتفاجئت… بأسم مراد منور عالشاشه… مكنتش عارفه ترد. واتوترت وبان عليها ولمحها بدر بس مرضيش يعلق حس انها اتوترت لسبب هو مش عارفه بس مرضيش يسأل……خصوصا ان هو شايف انه مش من حقه..فا اكتفي بالسكوت..فالوقت ده سكت صوت رن الموبايل…اما سيلا.. فا اتمنت انه يتصل تاني… لان جالها فكره في بالها تضايق بيها بدر.. وفعلا اتصل مراد لتاني مره..والمرادي…مستنتش لحد ما يفصل وداست علي زرار الرد…
سيلا…. الوووو.
مراد … اخيرا رديتي..
سيلا… سوري يامستر مراد ملحقتش ارد…
مراد… ولا يهمك… طبعا من غير اعتراض ولا هروب… انا عارف انك خلصتي شغل.. ومش وراكي حاجه انهرده…ممكن بقي تبقلي عزومتي عالعشا انهرده.. العزومه اللي متأجله من قبل ما تسافري بأسبوع تقريبا..
سيلا… بأبتسامه..وهي بتحاول تستفز بدر..انا فعلا مش ورايا حاجه انهرده…..خلصت شغل ولسه راجعه من عند الدكتور عشان الجرح اللي في ايدي.. وكنت مروحه.
مراد… يعني اخيرا هتحني عليا وتقبلي عزومتي…
سيلا…. اكيد هقبلها… عشان متزعلش…بس المعاد امته.
الساعه الوقت 8ونص..
مراد… 10اكون عندك مناسب ليكي..
سيلا.. 10مناسب اوي.. يادوب الحق اغير هدومي.. بس ممكن تقولي المكان وانا اجي علي طول افضل.
مراد… ماشي ياستي اللي يريحك انا بس مكنتش عايز اتعبك.
سيلا… لا مفيش تعب ولا حاجه وانا مش هتأخر عليك.
بس ابعتلي لوكيشن المكان عالواتس..
مراد… تمام هبعته باي مؤقتا..هشوفك.
سيلا… اوك باي..
قفلت سيلا… وحاولت تلمح بدر بحرف عينها بس مكنتش عارفه تفسر تعابير وشه..
بدر… كان طبيعي جدا سايق وبيشرب سيجارته ووشه هادي ومفيش اي علامه استفسار عليها..بس اللي هي مقدرتش تشوفه بركان الغضب اللي كان جواه…واللي هو نفسه مقدرش يفسره….
وفضل ساكت… بس كانت دماغه شغاله وحب يضايقها بس بطريقته… مسك موبايله واتصل علي عامر…
عامر….حبيبي يانمر…فينك.
بدر.. ايه عامر عامل ايه.
عامر.. تمام ايه اخبارك.
بدر… كله تمام.. كنت مع سيلا. بوديها للدكتور زي ما اتفقنا امبارح ومرجعها عالڤيلا اهو…
عامر… ماشي والعه ياعم..
بدر… فيك يارب
عامر.. بتدعي عليا اهون عليكي ياعمري.
بدر… ماتظبط ياد يوسف بهت عليك ولا ايه…المهم..فاضي ولا.
عامر… اه انا فالطريق مروح خلصت شغل انهرده كان عندي شغل اد كده فالشركه ولسه مخلص اهو وخلصت… المهم في حاجه ولا ايه..
بدر… لا لو فاضي.. اتصل بالعيال وتعالي نسهر شويه.. انهرده بكره راجع الشغل انا ومهاب واكيد اليومين الجاييين مش هكون فاضي ولا ايه.
عامر… انا قشطه طبعا عايز افصل بس مكان حلو بقي يابرنس.
بدر… ياسيدي اختار المكان وانا معاكم انشالله شارع الهرم..
عامر…. الله لا ده ايه الرضا ده انهرده..
سيلا… كانت فالحظه دي هتولع وابتدت تهز جامد في رجليها وهو لاحظ ده وابتسم ان طريقته في استفزازها نفعت..
بدر… طب كلم العيال بقي كده وخليهم يجهزو بسرعه .
عامر.. تمام بقولك ايه .
بدر.. يانعم…
عامر… ايه رأيك اكلم روكا والبنات لو فاضيين نخرج سوا.
بدر… مبتضيعش وقت انت ماشي ياعم كلمهم شوفهم لو تمام يجو معانا.
عامر.. اقف جمب صاحبك هو الصاحب ليه ايه عند صاحبه يعني…
بدر… ماشي يا اخويا كلم يوسف ومهاب الاول وبعدين كلم البنات….واتك بدر عالكلمه عشان يضايقها اكتر..
عامر.. خلاص اشطا هقفل معاك واتصل بيهم وارجعلك.
بدر.. تمام مستني تليفونك سلام…
قفل بدر.. مع عامر.. ونفخ دخان سيجارته وفضل زي ماهو
كانت سيلا منتظره اي رد. فعل منه بس ملاقتش كانت هتطق من الغيظ….
بدر… بعد مده بسيطه وصلو عاللڤيلا حمدالله عالسلامه.
سيلا.. ميرسي يابدر تعبتك معايا..
بدر… لا مفيش تعب ولا حاجه..
سيلا…بابتسامه كلها غيظ..تعالي اشرب حاجه عشان متقولش اني مش عايزه اعزمك علي حاجه…
بدر… بابتسامه .. رخمه.. لا ياستي اعتبريها وصلت ومش هقول كده.
سيلا.. بارتباك مش عارفه تقول ايه..
دي مش عزومه مراكبيه علي فكره ولا انت مشغول وعندك معاد…
بدر… انا فعلا عندي معاد بس مش مشغول كل الحكايه ان انتي كمان عندك معاد..
سيلا. بغيظ.. عموما اوك زي ماتحب..
بدر.. باستفزاز… يلا سلام وسهره سعيده..
سيلا.. اديته ضهرها ومشيت بسرعه وبغض
انا بدر فار كب عربيته بابتسامه نصر وكان مبسوط انه عرف يستفزها وخصوصا لو عامر كلم روكا والبنات اكيد هيرجعو يكلموها عشان يشفوها هتخرج ولا لا وهترجع تضايق تاني لما تعرف انه مش قالها واكتفي بس بأنه قال ادامها لعامر.. قولت للبنات….
اتصل عامر بالشباب واتفق معاهم ورجع اتصل بروكا..
عامر… ايه ياقمر عامله ايه.
روكا… مسحوله ياعامر.ولله
عامر… ليه كده بس.
روكا… بفنش التصميم ده عشان ابتدي اعمل بروڤات سريعه عالموديل وشويه حجات بسيطه كده عشان اكون جاهزه….
عامر… متقلقيش ان شاء الله هتعملي عرض محصلش..وهيكسر الدنيا.
روكا… يارب يارب ياعامر..
عامر… معني كده بقي انك مش فاضيه ..تسهري معانا.
روكا… اسهر معاكو فين عند نوني.
عامر… لا بدر كلمني كان راجع فالطريق يوصل سيلا بعد ماراحو للدكتور وقالي تعالي نسهر انهرده بره بما انه راجع بكره الشغل والاجازه خلصت بتاعته هو ومهاب..فا قولتله تمام وكلمت چو ومهاب اكدت عليهم قالو تمام… فا قولتله هكلم البنات قالي تمام واديني بكلمك اهو .
روكا..ياخبر ده انا نسيت اكلم سيلا خالص عشان اسأل عليها اتلخمت فالشغل ..المهم. انتو هتخرجو امته..
عامر… يعني لسه هنتقابل كمان ساعه كده…
روكا.. طيب انا ادامي حوالي ساعه ساعه وربع كده يعني.. شوفو هتروحو فين وعرفوني وانا اجيلك عالمكان.
عامر… بجد ولا بتخديني علي اد عقلي.
روكا… لا ولله العظيم بجد.
عامر… قلبي ياناس خلاص انا هبتدي اجهز كده.. واكلمهم وننزل واول ما اشوف هنروح فين هبلغك المهم كلمي ريم وسما..
روكا.. طيب تمام هكلمهم واشوفهم كده…
عامر… خلاص اشطا..
روكا… هشوفك.
عامر.. ماشي ياقمر..يلا باي مؤقتا.
روكا.. باي
قفلت روكا واتصلت علي ريم…اتفقت معاها…
ريم… تمام ياروكا خلاص..هو عموما چو لسه قافل معايا وقالي… وكلمت البت سما.. قالتلي هشوف بس مش عارفه هتيجي ولا لا.
روكا… انتي هتروحي لوحدك ولا يوسف هيعدي عليكي..
ريم.. لا هو مقاليش فاغالبا هروح لوحدي..
روكا.. انا كمان هروح علي هناك علي طول مع اني كنت عايزه اروح اغير بس ميتهيأليش هلحق..
ريم… انتي مش عندك لبس بتاعك بتسبيه فالشركه لاي ظرف طارئ البسي حاجه وخلاص..
روكا… هشوف كده معرفش هلاقي حاجه مناسبه ولا لا..المهم انا هكلم البت سما اشوفها كده.
ريم.. خلاص اشطا هروح انا اجهز..
روكا.. بقولك ايه صحيح. كلمتي سيلا انهرده.
ريم. اه كلمتها قبل ما تروح للدكتور قالنلي بدر هيعدي عليها يوديها بس مكلمتهاش تاني.. بس هي عارفه ما يوسف بيقول انه كلم عامر وهما راجعين وقاله قول للبنات يعني اكيد عارفه…
روكا… خلاص اشطا انا مش هكلمها بقي عشان مكلمتهاش انهرده خالص خليني احسن لما اشوفها علي طول اكيد هتهزقني وتفتحلي محضر وانا عايزه الحق اخلص.
ريم… ماشي يلا روحي بقي بطلي رغي..
روكا…اه ياكلبه طب يلا روحي..باي.
ريم. باي..
كلمت روكا سما بسرعه واكدت عليها..
سما.. ريم قالتلي ياروكا. بس بصراحه مش عارفه لسه.
روكا.. بلاش رخامه بقي.
سما..عشان مامي بس.
روكا… انا هكلمها اخلصي بقي…
وخدت روكا التليفون وكلمت مامت سما.. ومعترضتش واتفقو البنات.انهم يتقابلو. هناك
وبعد مده.. اتفقو يروحو كافيه الشباب ديما يسهرو فيه عالنيل ..وبيقدمو فيه فقرات اغاني والجو فيه جميل وديما ده مكان الشباب المفضل…
وصلو الشباب… وبعدهم.. وصلت ريم…وسلمت عليهم واعدت جمب چو..وشويه وجت سما..
وبعد شويه وصلت روكا…
روكا.. بدلع.. ازيكم ياحلوييين.
عامر… روكااااا. كل ده
يوسف… اهلااااا بالقمر.
مهاب.. ازيك ياؤوكا..
بدر…ازيك يا روكا..
روكا… بخير الحمد لله..اسفه عالتأخير.. ولله طلعان عيني
عامر.. في ايه بس اشحال ان مكنش اخر تصميم.
روما.. اهو اخر تصميم ده بيبقي اكتر تصميم متعب.لانك بتبقي فصلت خلاص وفنفس الوقت مينفعش تكروته..
سما… نعم ياست روكا جيتي سلمتي عليهم واحنا لا علي اساس بايتين في حضنك احنا..
روكا.. ياختي انتو طول الوقت في وشي.
ريم..المكان حلو اوي.
سما.. فعلا الجو تحفه والنيل مع النور شكله جميل اوي وريحه الزرع بجد مكان فظيع..
مهاب… ده بقي المكان بتاعنا المفضل..
سما.. بجد حلو اوي يامهاب..مريح كده وجميل.
مهاب… بغمزه.. اي خدمه.
سما.. بصت الناحيه التانيه باحراج..
جه الويتر …. تحبو تطلبو ايه…
عامر… انا مبدأيا كده عايزه شيشه تفاح وقهوه..
مهاب… انتو مش هتاكلو الاول ولا ايه انا جعااان.
يوسف… ياباي انت علي طول همك علي بطنك كده..
مهاب… ولله ما كلت اصلا انهرده… الصبح بس شربت نسكافيه .ومن ساعتها مكلتش..
بدر… ليه يعني تتحسد..
مهاب…. شوفت قريتو عليا..
عامر… طيب تمام لو هتاكلو الاول اوك..
بدر… هتاكلو ايه…
عامر… لروكا والبنات.. بقولكم ايه المكان ده المشاوي بتاعته فظيعه وبيعملو حواوشي عالفحم يجنن
روكا… فعلا الريحه بتاعت الشوي باينه وجوعتني.. انا كمان حاسه اني جعانه.
ريم… تتحسدي اول مره تسألي في الاكل ده انتي اعم حاجه عندك القهوه والسجاير..
روكا.. المكان بصراحه تحفه ويفتح النفس وكمان ريحت الشوي فظيعه..
عامر… خلاص ايه رأيك اطلبلك علي ذوقي..
روكا… ماشي ياسيدي اطلب..
طلب عامر… ليه هو وروكا.. والويتر كتب…
بدر… وانا نفس الطلب.
يوسف.. وانا كمان وبص لريم.. بقولك ايه وانتي كلي زينا بجد هيعجبك.
ريم… ماشي وانا زيهم
الويتر.. وحضراتكم..
مهاب… مش عارف..وبص لسما.. هتاكلي ايه.
سما… مش عارفه بس انا شايفه اكل زيهم ادام الكل بيقول حلو..
مهاب… للويتر…خلاص يبقي كلنا نفس الطلب…
الويتر… يعني كده سبع طلبات.
مهاب.. اه تمام.. ظبطنا بقي الله يكرمك.
الويتر..لعامر طيب.. الشيشه الوقت ولا بعد الاكل.
عامر… لا بعد الاكل..
الويتر.. تمام اي خدمه تاني.
بدر… شكرا…
مشي الويتر…
روكا… ياخبر نسينا البت سيلا هي اتأخرت كده ليه هتصل اشوفها واعرف هتاكل ولا لا.عشان لو قربت يعملها معانا..
بدر… هي قالت انها جايه..
روكا…الله هي مش كانت معاك اصلا انا فكرت هاجي الاقيها..فكرتكم هتيجو سوا.
بدر… لا خالص… بس هي تقريبا خارجه..
روكا… باستغراب… نعم خارجه.. ودي خارجه فين ان شاء الله هي سيلا بتخرج غير معانا.
بدر… ولله معرفش مسألتهاش هي مقالتش وانا مسألتش..
روكا… طيب هي عرفت اننا خارجين مع بعض.
بدر… لا انا اصلا كلمت عامر واتفقت معاه وهي معايا بس هي مسألتش بردو وبصراحه لما لقتها اتفقت مع اللي كانت بتكلمه محبتش اكون سخيف واقولها تخرج معانا
روكا… غريبه اوي..
عامر… ولا غريبه ولا حاجه.. انا اه كنت فاكرها هتيجي خصوصا ان بدر كان بيكلمني وهو مروحها بس فكرتها عارفه.. بس يمكن معاد شغل او حاجه.
روكا… استني اكلمها…..
اما عند سيلا… فا بعد ما سابها بدر… كانت واصله لاعلي درجات الغضب من طريقته معاها ومن تجاهله لانها بتكلم حد تاني وبتتفق معاه عالخروج.. ومن خروجه مع صحابه وبنات كمان ..
سيلا لنفسها… اه ايه اللي خلاني اتنيل واوافق علي عزومه مراد. كنت فاكره اني هغيظه اديني اهو غيظت نفسي وبليت نفسي بحاجه بهرب منها بقالي فتره..
طيب يعني هو لو كان سألني او قالي اي حاجه تحسسني انه مش عايزني اخرج كنت هعمل ايه مع مراد…
اكيد طبعا كنت هرفض.. كفايه انه يحسسني انه مش عايز بس انا مفرقتش معاه…
وطلعت غيرت وقررت تروح تقابل مراد وتعرف عايز منها ايه…وتخلص بسرعه من الورطه اللي حطت نفسها فيها…
وبعد وقت بسيط خلصت وكان مراد بعتلها اللوكيشن بتاع المكان…ولبست البدي الابيض اللي بدر طلعها تغيره . وبنطلون چينس ضيق وهيلز لونها ابيض.. كانت عايزه تضايق وتتحدي بدر بأي طريقه حتي لو هو مش معاها مجرد تفريغ طاقه غضب حست بيها…
وبعد وقت بسيط..وصلت المكان…اللي مراد فيه..سلمت عليه وسحبلها كرسي عشان تأعد…
مراد… انا مبسوط انك جيتي ياسيلا اوي..بجد المرادي لو مكنتيش جيتي كنت هزعل اوي..
سيلا… وانا ميرضنيش زعل حضرتك يامستر مراد.
مراد.. ما بلاش حضرتك ومستر دي بقي ياسيلا احنا هنا مش فالشغل.. ياستي اعتبرينا صحاب عالاقل بره الشغل..
سيلا… حاضر. بس الفكره ان فعلا انا اتعودت.
مراد… لا عشان خاطري افصلي بعد اذنك .عالاقل بره.
سيلا.. حاضر يا…
مراد… يا ايه قوليها بقي.
سيلا.. بابتسامه.. حاضر يامراد.
مراد…. يااااه اخيرا.. بس تعرفي اول مره اسمع اسمي حلو اوي كده..
سيلا …بأحراج.. نزلت عينها تحت وارتبكت وفضلت ترجع شعرها ورا ودنها…
مراد… ها نطلب بقي العشان انا ميت من الجوع.
سيلا… اوك بس مش هتقول كنت عايزني في ايه…
مراد… ياستي واحده واحده عليا ناكل بس الاول بقولك ميت من الجوع انتي مش جعانه ولا ايه.
سيلا بابتسامه.. خلاص ناكل الاول..
مراد.. نادي عالويتر.. عشان يطلب الاكل..
وطلبو…الاوردر اللي عايزينه…
وجاله تليفون…شغل. رد عليه..
اما سيلا.. فا كانت اعده مع مراد بس سرخانه في بدر كانت حاسه ان اللي هي بتعمله ده مضايقها بس هي اللي ورطت نفسها.. وكان لازم تكمل …فضلت سرحانه فيه لحد مراد ماخلص.
مراد… اسف.
سيلا.. لا عادي خد راحتك..
مراد.. ايدك عامله ايه الوقت
سيلا.. تمام الحمد الله هي شاده شويه عليا بس احسن من الاول.
مراد… انتي اتعورتي في ايه صحيح..
سيلا… الازاز عندي اتكسر وايدي اتجرحت..
مراد… الحمد لله انها جت علي اد كده ابقي هلي بالك..
سيلا.. حاضر… بعد شويه جه اللمل وابتدو ياكلو. وشويه وهلصو وجه الويتر شال الاطباق.. وطلب مراد قهوه وطلبت سيلا عصير…
مرا… بصي ياستي بقي
سيلا.. نعم.
مراد… انا هدخل فالموضوع علي طول.. ومن غير لف ودوران ومش عايزك تردي عليا غير لما اخلص كلام.
سيلا …بتوتر وبترجع شعرها ورا ودنها.. ماشي اتفضل
مراد… سيلا.. من يوم ماجيتي اشتغلتي فالجريده.. وانتي لفتي نظري بشغلك.. ديما شايفك رتمك سريع شغلك برفكت كل حاجه فيكي من ناحيه الشغل كانت هايله وفالبدايه ده لفت انتباهي بس بعد وقت بسيط ابتديت احس ان الاعجاب ده بيكبر وبيتحول من مجرد اعجاب ببنت شغلها حلو ومفيهوش غلطه وده بالنسبالي كان نادر ان اشوف بنت بالطاقه دي.. لبنت جميله وحلوه وطباعها حلوه هاديه رقيقه مجنونه طفله ليدي..يعني حسيتك تركيبه غريبه.. واتحول اعجابي لاعجاب اكبر بشخصيتك وبقيت معجب بيكي انتي شخصيا بعيدا عن الشغل.. ومع الوقت حسيت اني بتعلق بيكي اكتر.. بحب اشوفك ديما سعات بتلكك اني اتصل بيكي تجيلي المكتب في شغل او انا اجيلك..مبقتش اقدر يعدي يوم ومشوفكيش..باختصار ياسيلا.. انا اتمني تكملي معايا حياتي انا عايز اتجوزك..
سيلا….😲😲
مراد… ايه هتفضلي بصالي كده اتكلمي انا هلصت اللي عايز اقولهولك.
سيلا… بارتباك.. مستر مراد…
مراد… قبل ناتتحلمي بلاش مستر دي والنبي…
سيلا.. حاضر…بص يامراد.. انا مش هكدب عليك.. يمكن اكون كنت حاسه بتغير طريقتك معايا الانت بتقولها دي ويمكن اكون حاسه انك عايز تقول الكلام ده الكلم مره اللي طلبت فيهم اننا نخرج مع بعض.. كنت ديما بهرب ومش عارفه اصلا لو انا احساسي طلع صح وطلبت مني كده. هقول ايه.. بس لقيت ان مفيش حل من الهروب وكان لازم اجي اقابلك واعرف عايز ايه..
مراد..وبعدين.
سيلا.. مراد .. بص انت شاب اي بنت تتمناه بجد ودي مش مجامله..دي حقيقه انت سنك صغير ناجح في شغلك جدا..شكلك حلو.. حد معروف يعني تقريبا مش ناقصك اي حاجه ولا فيك عيب.. بس.
مراد. قاطعاها… من غير بس ياسيلا.. بصي انا مش عايز اسمع رأيك فيا ولا عايز اعرف رأيك في اللي طلبته بس عالاقل ادي نفسك فرصه تفكري.. وعايزك تعرفي حاجه مهمه جدا.. ايآ كان قرارك انا هتقبله وهحترمه وصدقيني علاقتنا فالشغل مش هتتهز حتي لو كان ردك كان الرفض.. انا معنديش استعداد اني اخسرك لاي سبب ..
سيلا… مراد… الانت بتقوله ده كفيل يخليني احترمك اكتر.. بس زي ماقولتلك بمكن كنت حاسه انك كنت هتكلمني في حاجه زي دي بس صراحه متوقعتش انك هتقولي جواز علي طول.
مراد.. ياستي وافقي عالمبدأ الاول ونتمل خطوبه ومستني فتره نعرف بعض اكتر وبعدين نتجوز مع ان لو عليا انا عارفك..كويس..واكيد انتي كمان بس بردو هديكي مساحتك فالتفكير..واوعدك اني مش هفاتحك فيه تاني انتي خدي وقتك فكري كويس ولما تحسي انك فكرتي كويس تيجي ياستي وتبلغيني بقرارك..انا مش عايز رأيك الوقت
سيلا… …. ساكته.
مراد… ها.. قولتي ايه.
سيلا… مراد انا مش عارفه حتي ارد عليك.. ولا عارفه اقولك ايه.
مراد.. ولا اي حاجه فكري بس واقولك احنا نقفل الموضوع الوقت.. وكأننا خارجين بس عشان نغير جو..وانتي وقت ما توصلي لاي قرار هكون مستنيكي ..تمام.
سيلا .. تمام…
مراد… ماشي.. بصي بقي.. خلينا فالشغل.. في قلق في البلد وفي حاجه بتحصل مريبه.. عايزين نكون مصحصحين كده عشان الايام الجايه دي شكلها كده في قضيه كبيره .. في حد حبيبي من الداخليه بيقول ان في عمليه ارهابيه هتحصل هما مراقبين الجماعه دي
.وهيبلغني قبلها بالمعاد…وعايزك تمسكي القضيه دي..
سيلا.. دي فالقاهره هنا…
مراد.. اه… بيقولي ان هي .وقاطعه رن تليفون سيلا..
سيلا.. معلش لحظه ارد.
مراد.. طبعا.. انا هروح التويلت وارجعلك.
سيلا.. تمام…
ردت.. سيلا…
الوووو.. لسه فاكره تعبريني..
روكا… انتي فين يابت انتي..
سيلا.. ايه في ايه مالك داخله زي القطر كده.
روكا.. قطر في عينك.. بقولك انتي فين.
سيلا.. في ايه ياروكا.. انتي عندي فالبيت ولا ايه.
روكا.. لا يا اختي انا مش فالبيت انتي فين ومع مين.
سيلا.. انا انا.انا مع مراد..
روكا.. ماتنطقي يابت مالك بتهتهي كده ليه انتي عامله عامله ولا مخطوفه
سيلا.. مخطوفه ايه ياروكا.. انا يعني مع مراد.
روكا.. نعم.. مراد . مع مراد ليه ان شاء الله..
سيلا.. ما انتي عارفه ان هو بيزن بقاله فتره عشان يقابلني.. وكنت بهرب منه فا قولت اشوفه عايز ايه.
روكا… نعم يا اختي ماهو علي طول بيطلب اشمعني انهرده وافقتي…
هنا بدر.. حس انها وافقت عشان تضايقه.فا ابتسم علي اد ما كان مضايق من وجودها مع حد تاني بس عرف انها راحت عشان تضايقه.
سيلا.. مش عارفه بقي..اهو. اللي حصل… المهم انتي فين.
روكا.. انا مع ريم وسما والشباب.
سيلا.. بصدمه شباب مين.
روكا.. شباب مين ايه واحنا نعرف غيرهم… عامر ويوسف ومهاب وبدر كمان…
سيلا.. بدر..معاكم.
روكا.. بتحاول تداري عالكلام عشان كلهم مركزين.
اه معانا. انتي متعرفيش.
سيلا.. بغضب.. لا معرفش… هو كان معايا بس مش قال وكلم عامر يتفق معاه وقاله كلم البنات انا فكرت انه يعرف بنات تانيه..
روكا… عشان كده خرجتي مع مراد.
سيلا.. لا مش كده بس هو استفزني وطريقته كانت رخمه فا لما مراد اتصل حبيت اضايقه بس هو عامل زي ابو الهول ولا اتهز وبعدها اتفق يخرج مع صحابه.. وحتي مش قالي.. وبعدين انت. لما عرفت. محدش فيكم قالي ليه.
روكا.. يابنتي احنا فكرناكي جايه عشان كنتي معاه
روكا.. المهم انتي فين خلصتي ولا لا.
سيلا.. تقريبا..
روكا.. طب ادام خلصتي تعالي هبعتلك اللوكيشن وتعالي..
سيلا..بغضب.. انا ولا جايه ولا متنيله .. واصلا مش عايزه اشوف وشه تاني…
روكا.. سيلا ممكن تهدي..وتعالي ونتكلم.
كل ده بدر والشباب مركزين مع روكا.
سيلا… متقوليليش اهدي.. انا بجد ولا طيقاه ولا طايقه نفسي ولا حتي طيقاكو.. يلا امشو..
وقفلت التليفون.
روكا… سيلا.. سيلا ..الووو
قفلت الموبايل الجزمه..
بدر… في ايه..
روكا.. مش عارفه شكلها قافشه
بدر. من ايه.
روكا… انا عارفه بق عي اصلا شكلها في حاجه مع مراد ده.. ومش عارفه ليه خرجت معاه.. شكلها مش طايقه نفسها وخصوصا انها عرفت اننا معاكم ومش قولنالها وانت كنت معاها ومش قولتلها..
بدر… انا عارف انها خارجه.. اقولها كنسلي وتعالي محبتش وخصوصا ان شكلها كان مبسوط بالخروجه دي..
روكا.. ولا مبسوطه ولا حاجه
عامر.. مين مراد ده.
روكا.. ده صاحب و رئيس تحرير جريده الحدث واللي بتشتغل معاه سيلا..بيطلب منها من فتره انه يقابلها وديما كانت ترفض معرفش ايه اللي هلاها تقبل خصوصا اني حساها مش طايقه نفسها…
وكده اتضحت الصوره ادام بدر….وعرف ليه سيلا عملت كده…
ومسك الموبايل.. وطلع رقمها… واتصل بيها……
…سيلا …الوووو
بدر.. ايوه ياسيلا…
سيلا… ايوه يابدر.
بدر… مالك…
سيلا.. قلبها بقي بيدق جامد
مفيش حاجه انا تمام.
بدر… ولما انتي تمام.. ليه زعلانه..
سيلا.. انا مش زعلانه..
بدر… طيب انتي خلصتي مشوارك.
سيلا.. اه تقريبا خلاص هروح.
بدر.. طيب هبعتلك اللوكيشن..علي موبايلك عدي علينا.
سيلا.. لا متبعتش انا مروحه عشان مصدعه اتبسطو انتو بوقتكم.. واظن يعني لو حضرتك حابب.و جودي من الاول كنت قولتلي وانا معاك..وفاللحظه دي لمحت مراد جاي.. فاقامت من عالكرسي.. ومشيت بعيد.شويه..
وكملت كلام بس انت مش قولت يعني وجودي مش مرغوب فيه..وانا مش بحب اكون لوود علي حد.
بدر… بصوت حاد نسبيا..
سيلا… هبعتلك اللوكيشن.. ولما تيجي نتكلم..
سيلا………..لا رد.
بدر… سمعتي ..تقومي حالا يلا.. انتي فين..
سيلا… بصوت حزين. انا في……….
بدر… تمام.. يعني نص ساعه بالكتير تكوني عندنا.. يلا قومي..
سيلا.. طيب…
بدر…هبعتلك اللوكيشن حالا.يلا باي.
سيلا.. باي…. كانت مبسوطه وطايره وكل شويه افكار متضاربه تجيلها مره يحسسها انها مهمه عنده ومرات يخذلها …راحت عالتربيزه..اللي فيها مراد..
سيلا.. اسفه عالتأخير.
مراد.. لا ولا يهمك..في حاجه شايفك مضايقه.
سيلا.. لا ابدا.. بس سوء تفاهم مع صحابي .. ومعلش انا هستأذن من حضرتك…لازم اعدي عليهم بسرعه قبل ما اروح.
مراد…تاني حضرتك بس ماشي ياستي تمام ولا يهمك انا كمان همشي.. المهم ياسيلا ياريت تفكري علي مهلك وتخدي وقتك..
سيلا.. حاضر …
ودفع الحساب…
مراد.. يلا بينا..
سيلا.. يلا..
وقامو خرجو.. وسلم عليها مراد… ومشيت سيلا واول حاجه عملتها فتحت تشوف اللوكيشن بتاع المكان وبعد مظبطت وجهتها عالطريق.. بصت فالمرايه عشان تظبط نفسها ظبطت الروچ وشعرها ومره واحده…..
سيلا…. يانهار مش فاااااايت🙈🙈😣 اووووووبس
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية سيلا والنمر)
