روايات سيلا والنمر الفصل الحادي عشر 11 بقلم منار مصطفى
روايات سيلا والنمر البارت الحادي عشر
روايات سيلا والنمر الجزء الحادي عشر
روايات سيلا والنمر الحلقة الحادية عشر
وصلو البنات.. بيت بدر…سلمو عالشباب..ونوني سلمت عليهم كلهم..
وقدمولها الورد والشوكولاته..
سيلا….عامله ايه الوقت يانوني
ناهد…احسن كتير الحمد لله انتي ايدك عامله ايه
سيلا… لا تمام امبارح بس كانت شاده عليا اوي وخدت مسكنات كتير بس مكانتش عامله حاجه.
ناهد… لا خدي بالك المسكنات كتير دي غلط وانتي جسمك قليل لازم تاكلي كويس وبعدين معدتك هتتعبك.
سيلا.. فعلا انا معدتي من امبارح تعباني جدا بس غصب عني ولله.
ناهد… معلش بردو استحملي انتي هتفكيها امته.
سيلا… انا المفروض هروح بكره للدكتور ..بس معلش ثانيه هو ايه ده اللي هفك ايه.
ناهد… الخياطه.
سيلا… بخوف نعم هي بتتفك.
ريم … مابلاش السيره دي يانوني… انتي ملاقتيش غير سيلا دي خوافه..
يوسف… ياواد انت ياجامد..
ريم.. لا انا جبانه بردو بس مش اكتر من سيلا
نوني… يعني هتيجي اصعب من الخياطه دي بسيطه ياسيلا متخافيش…
سيلا… لا ثانيه بس بجد هو ايه ده اللي يتفك هي الخياطه دي بتتفك..
ناهد… ايوه طبعا امال هتفضل كده.
سيلا… لا والله لو هفضل كده العمر كله مش هلمسها ولا هخلي حد يلمسها انا ايدي اصلا وجعاني جدا زحساها مشدوده مش قادره اجي جمبها انا بقي اروح وافك خياطه والدكتور اصلا يلمسني لا استحاله.
بدر… عاجبك كده يانوني رعبتيها اكتر..عموما متخافيش ياسيلا.. انتي هتغيري عالجرح مش اكتر وهيبص علي الجرح وعموما انتي مش هتفكي خياطه ولا حاجه دي تجميل وبعدين ده خيط حراري لما الجرح بيقفل هو بيقع لوحده..
سيلا.. اه زي ماقولتلي كده مش هتوجعني الخياطه وخليت الدكتور يخيطها بالعافيه..
بدر.. لا ولله ابدا .
سيلا.. انا عموما لا هغير عليها ولا هلمسها ولا هروح لدكتور من الاساس.
روكا… يابت اجمدي كده وانشفي ايه العبط اللي انتي فيه ده..عموما متخافيش شوفي معاده امته وانا هظبط نفسي واجي معاكي…
عامر… ابوه كده اعملي زي البطل بتاعنا كده قطر داخله عالدنيا بصدرها..
روكا… اتلم.. وبعدين مش حكايه داخله عالدنيا بصدري بس موقف وهيعدي حلو بقي وحش لازم يعدي انما دي خوافه.
سيلا.. خليكي في حالك ياروكا.. قولت مش هروح يعني مش هروح وبعدين تيجي معايا فين انتي مسحوله فالشركه عشان الديفيليه قرب…
سما.. انا اجي معاكي يا قلبي.
روكا… اتنيلي ما اسخن من ستي إلا سيدي ما انتي زيها.
بدر… خليكو انتو انا هروح معاها وبعدين دي مينفعش معاها اي حد..
روكا.. احسن اهو جالك الموت..
سيلا.. قولت مش راحه.
بدر… هنشوف.
روكا.. صحيح بخصوص الديفيله ياجماعه انتو كلكو معزومين عليه اديني قولت من الوقت اهو عشان محدش يعتزر….
نوني… ديفيله ايه…
روكا… الديفيله بتاعي
نوني… انتي مودل يعني.
روكا.. لا مودل ايه يانوني.. انا عندي شركه فاشون ديزاينر. علي ادي كده لو تعرفيها اسمها R..F
واخر تصميم اهو شغاىه عليه وان شاء الله التصاميم الجديده بتاعتي هتتعرض في الديفيله..
نوني… ايه ده الله انا بحب الحاجات دي اوي وعلي فكره انا عرفاها.. انتي بتعملي تصاميم هايله.
روكا… ميرسي يانوني ده من ذوقك..المهم هتيجو صح..انا تقريبا كده مبقاش ليا غيركم…
نوني… طبعا انا عن نفسي جايه ..
روكا… بدر انت ويوسف ومهاب وعامر جايين طبعا.
يوسف… انا بيييس اكيد هاجي.
عامر.. انا عزمت نفسي اصلا.
مهاب… بأمر الله هاجي بس ادعي ميبقاش عندنا عمليات خصوصا اننا نازليين الشغل بعد بكره اجازتنا هوخلص.
روكا… مليش فيه هتيجو بعني هتيجو. ولا ايه يابدر.
بدر… ان شاء الله ولله لو مفيش مانع اكيد هتلاقينا كلنا معاكي..
نوني… انتو هتفضلو ترغو كده مجعتوش ولا ايه يلا انا مت من الجوع..يلا ياواد انت وهو تعالو ساعدوني
سما.. لا لا احنا موجودين هنساعدك.
نوني…ودول لزمتعم ايه ان شاء الله بياكلو عالجاهز يقومو يعملو بلقمتهم وبعدين انتو تأعدو وترتاحو وهما يخدمو عليكو كمان..
بدر… نعم ليه ان شاء الله الشغاليين بتوعهم..
نوني.. اي ه طبعا امال احنا اللي خدامين عندكم.
روكا… نعم ياسي بدر طب تصدق بقي انتو مينفعش معاكم غير نوني..
نوني… ايوه انا عارفه اتعامل ازاي مع الاشكال دي..
سما… خلاص يانوني قلبك ابيض اقولك كلنا هنقوم نساعدك خليهم هما يحضرو السفره واحنا نيجي معاكي عالمطبخ.
سيلا.. صح يانوني.. وبعدين انتي معتبرانا ضيوف ولا ايه.
نوني…لا ضيوف ايه انت. بقيتو صحاب بيت واعملو حسابكم انتو كل شويه هتيجو وتعدو عليا انا مصدقت ده البيت انهرده ليه حس ولله.
بدر…نعم ان شاء الله ياست نوني واحنا ايه كنا سايلنت معاكي.. تصدقي يانوني انتي مبيطمرش فيكي…
نوني… اتلم يابدر.. وبتدين اه صراحه انتو ولا ليكو لازمه شوف كده البنات اعدتهم حلوه ازاي مش غفر.
يوسف… الله مافي ايه يانوني تصدقي احنا غلطانين عشان عرفناهم عليكي
نوني..للبنات…غيرانين اوي.
البنات… ضحكو…
سيلا… يلا بينا.
نوني. يلا..
ابتدو يحضرو الاكل معاها والشباب حضرو السفره
واعدو ياكلو في جو مليان ضحك وهزار ومشاكسه بين نوني والشباب كان جو مليان فرح وسعاده…والبنات عملو روح حلوه اما بدر كان فاكك خالص وكانت والدته وصحابه ملاحظين ده حتي البنات وتحديدا سيلا. كان بيهزر ويضحك وفاكك خالص وطريقته متغيره
بعد وقت بسيط خلصو اكل اخيرا وساعدو ناهد في شيل السفره وبعد فتره بسيطه رجعو تاني اعدو كلهم مع بعض
بعد ما عملو شاي وقهوه ونسكافيه.. وعصير لكل واحد فيهم
روكا…انتي محتاجه حد يجي يشتغل معاكي هنا فالبيت يانوني..
بدر.. قوليلها والنبي احسن انا قرب يجيلي جلطه منها.
ناهد… لا لا انا مليش في الجو ده خالص..
روكا.. ايوه بس ده مجهود عليكي الڤيلا والمطبخ لازم حد يساعدك.
ناهد… انا مش بعرف مرحسش اني علي راحتي وبعدين هتأيد في بيتي وبعدين انا مش بعرف اكل من ايد حد ثم ان اغلبهم بيوسخو مش بينضفو انا بس كل اسبوعين كده بتيجي واحده تساعدني في الڤيلا وباقي الاسبوعين انا بعمل االي يتبهدل اول بأول وبعدين بيني وبينك اه. بتسلي
طول الوقت اعده لوحدي ميغركوش ان بدر. العيال دول اعدين دول بس عشان اجازه غير كده مبشوفش وشهم غير كل فين وفين.
مهاب… بلاش افتري بقي ده انا بشوفك اكتر ما بشوف امي.
يوسف… قولها والنبي ده انا ناقص اجيب غيراتي الداخليه واعمل لنفسي اوضه واحطها فيها..
ناهد… اتلم باواد ايه قلت الادب دي داخلبه ايه وخارجيه ايه في بنات اعده…
الكل مات من الضحك عليها هي ويوسف.
يوسف.. طب بزمتك انا بكدب انا يوم ما اتأخر عليكي يبقي بقالي يوم مشوفتكيش.هتحوري بقي يانوني.
بدر… ضربه علي راسه.. اتلم كلم نوني عدل..
ناهد.. لبدر… ماهو معرفتك. ياحمش.
بدر… حقك يانوني.
البنات مش قادرين يبطلو ضحك علي نوني والشباب اد ايه هي جميله ومرحه وروحها حلوه والشباب بيحبوها جدا وعاملين زي توم وچيري مع بعض.
روكا… انتي محصلتيش يانوني بجد انا مشوفتش حد جميل كده.
ناهد.. وانبي انتي اللي جميله..
عامر قام وقف.. هستأذنكم خمسه وراجع.
ناهد.. علي فين ان شاء الله.
عامر.. هشرب سيجاره فالجنينه.
ناهد.. ماتتنيل اشربها هنا ولا مكسوف
عامر… بدر.. ابعد امك عني قال مكسوف قال.
ناهد… ايه امك دي.. انت شكل ابو ورده وحشك
عامر… لا ابو ورده ايه وعلي ايه ادي اعده الحق عليا اني خايف عليكي عشان متتعبيش.
ناهد .. لا ياخويا مش تعبانه انا صحتي احسن منكم كلكم.
مهاب…لا ماهو واضح يانوني.
ناهد.. انت بتحسدني ياواد.
مهاب… انا عارف ان انهرده مش هيعدي بالسهل كده..
فتح عامر السيجاره .. وبدر.. ويوسف..
ناهد..لمهاب ماتشرب انت كمان هي جت عليك. ماانتو قلبتوها غرزه.
مهاب… ياستي انتي مالك ومالي مستقصداني ليه وبعدين ما الراجل جه يطلع بره قولتيله ياعد يبقي استحملي الغرزه بقي.
عامر.. طلع سيجاره يديها لروكا..
روكا… برقتله. باحراج..من نوني.
عامر.. خدي خدي متتكسفيش دي نوني فري.
روكا.. لا انا مش عايزه..وكملت براحه.. اصبر عليا بس
ناهد.. انتي بتشربي ياروكا..
روكا. انا . ايه لا اصل .
عامر… ايه ياسبع الرجال قلبتي قطه ليه.
روكا. من بين سننها وديني لاوريك ياعامر..
بدر.. بضحك.. اشربي ياروكا. عادي
ناهد.. اشربي انتي عامله علبا بصي بقي. انا ام فري يعني كل العيال دي مش بس صحاب ابني دول ولادي اللي مخلفتهمش وانا بطبعي بحب اسيب كل واحد علي راحته ومصحباهم جدا عشان كده زي ما انتي شايفه هما بيحبوني .
عامر.. فعلا بعيدا عن الهزار والحرب اللي بتحصل بينا دي. بس نوني دي مش هتتكرر تاني.بجد احنا زي ما يوسف ومهاب قالو ديما عدين هنا.. وبنشوفها وناعد معانا اكتر مابنشوف اهلنا.. طب. انا سعات بعدي اشرب معاها القهوه وبدر بيكون فالشغل.. بفضل اعد معاها واجي اتكلم معاها في حجات يمكن محدش فيهم يعرفها..وباخد رأيها في حجات.. يعني نوني صحبتنا وامنا واختنا..
يوسف.. فعلا نوني تعرف عني حجات ولا اهلي ولا العيال دي تعرفها.
روكا.. شكلك بير اسرار يانوني.
ناهد… طبعا انا عارفه كل بلاويهم بس اعمل ايه بحبهم
روكا.. انا شكلي كده هغير لا انا لازم اجيلك واتكلم معاكي زيهم انا كمان.
ناهد.. ياسلام. وانا جاهزه.. انتي عارفه.. انا كنت بدخن وكنت بشرب مع العيال دي حتي بدر.. كنا كل يوم بليل كده نعمل فنجانين قهوه ونخرج ناعد فالجنينه ونشغل ام كلثوم ونعد نشرب مع بعض.. اه كان نفسي انه ميشربش عشان صحته بس الولاد متقدريش تمنعيهم اصل ادام حطوها في دماغهم هيعملوها هيعملوها يبقي الاحسن انك تصاحبيهم ولا انك تقفلهم بالمرصاد وسعتها هتبقي بدأتي في خلق. عداوه بينكم فالحته دي وبرضو هيعملها من وراكي ومش هتقدري تمنعيه مانا مش طول اليوم معاه فا لما عملت كده وصاحبته وكمان بشرب معاه بقي بيشرب عادي بس الحمد لله مش لطريقه مبالغ فيها ما اصل الممنوع مرغوب زي ما بيقولو.
سيلا.. انتي جميله اوي يانوني..
ناهد … حضنتها.. انتي الاجمل ياقلب نوني
روكا… انتي عارفه يانوني انتي شبههي اوي.. انا كمان بشوف ان كل واحد يعمل اللي يريحه بعيدا عن اي حاجه غلط او حرام بس ماهو مش احنا اللي هنحاسب بعض.
ناهد… بالظبط كده.. مفيش في ايدنا غير النصيحه وبطريقه تدخل القلب عشان النصيحه يتاخد بيها مش تخلي اللي ادامك ينفر منك.
سما… عندك حق يانوني. فعلا اهم من النصيحه نفسها الطريقه اللي بتقدمي بيها النصيحه
ناهد… صح برافو عليكي.
نستوني الكيك…
ريم.. كيك ايه
ناهد… انا عملالكم شوكلت كيك انما ايه..
يوسف… هتدمنوه بجد..
راحت نوني .. تجيب الكيك.. ورجعت..
وابتدت تقطع وتقدملهم..
ريم.. اللله تحفففه بجد
سيلا.. فعلا يانوني.. انتي لازم تقوليلي طريقته اصل انا بحبها اوي ..
ناهد… ياسلام عيني.. بس بردو لما تعوزيها قوليل اهو اضمن انك تيجي .
سيلا.. انا اصلا هعمل كده من غير ما تقولي..
ناهد.. هنشوف..
بعد مده طويله من الاعده الحلوه .جه وقت المشي..
سيلا.. يلا يابنات بقي عشان نوني ترتاح انتو ناقص تباتو هنا.
بدر.. اه صراحه حسيت انكم هتصاحبونا بقي وكده وخدتو علينا.
سيلا ياساتر.
روكا… ياباي بتحدف دبش.. تصدق بقي احنا بقينا علي قلبكم خلاص.
ناهد.. ماتتلم ياواد هما اعدين علي قلبك.ولا غيران..
يوسف.. صراحه مش هو بس كلنا غيرانين هما هيخدوكي مننا ولا ايه يانوني ده احنا الاصل…
ناهد…. هما خدوني منكم اصلا خلاص..وبعدين انتو فلصو مش اصل..
بدر… انا بهزر ولله خليكو اعدين لسه بدري الساعه 10ونص.
سيلا.. كفايه كده احنا ناقص نبات فعلا وبعدين عندي شغل بكره بدري..
بدر.. والدكتور متنسيش.
سيلا.. مش راحه.
بدر… هتروحي..
سيلا… 😔
بدر… معادك الساعه كام.
سيلا.. يعني علي سبعه
بدر… خلاص هكلمك ونظبط مع بعض.
سيلا.. هشوف..
بدر.. هكلمك..
سيلا….حاضر😡
قامو البنات وسلمو عليهم..
روكا.. بجد يانوني… انتي محصلتيش انا حبيتك اوي وبجد يابدر.. يابختك بمامتك ربنا يخليهالك..
ناهد… حبيبتي انا اللي حبيتكو اوي.. ابقي تعالولي واللي فاضي فيكم يجي حتي لو الباقي مشغول.
روكا.. انا عن نفسي هعمل كده.. وقت ما اكون فاضيه هكلمهم جايين اوك مش جايين براحتهم هاجي كده اعد معاكي وافضي دماغي وانسي الدنيا..
سيلا.. وانا كمان ولله يانوني.. هجيلك.
سما.. وانا كمان يانوني
رسم.. وانا وانا وانا.
يوسف.. ايه سرينه ودني اتخرمت..
ريم.. بضحك زي العبيطه.. رخم.
يوسف.. والنبي عسل.
ناهد… اتلم ياواد انت هتعاكسها ادامي.
يوسف.. ياساتر..
سلمو البنات عليها وخرجو وخرج وراهم الشباب عشان يروحو هما كمان..وخرج معاهم بدر يوصلهم…
ومشيو الشباب والبنات….وخلص اليوم الجميل علي كده.
وكل واحد فيهم خارج عنده طاقه ايجابيه وسعاده متتوصفش وقدرت نوني تبسطهم بالوقت اللي قضوه معاها..
……
اما في اليوم التاني…
نزلت سيلا تشوف شغلها….لحد معاد الدكتور ..
ونزلت روكا عالشركه..عشان تلحق تخلص التصاميم بتاعتها. قبل معاد الديفليه..
ونزل يوسف وعامر شركاتهم…
اما بدر. ومهاب كان لسه فاضل يوم علي قطع اجازتهم.
وسما.. كالعاده كانت مشغوله مع والدتها ووالدها واختها..
اما ريم.. فاكان الزهق مسيطر عليها.. لسه معرفتش هي عايزه ايه علي اد ماهي مش محتاجه تشتغل عشان الفلوس لاكن كانت محتاجه تضيع وقتها وتعمل حاجه صح.. خصوصا ان هي وعيلتها كل واحد فيهم في وادي…
جه معاد الدكتور… وبعد ما بدر اتفق مع سيلا رجعت سيلا بعد ماخلصت شغل…عالبيت غيرت هدومها…واستنت بدر يعدي عليها..
علي اد ما كانت خايفه من المعاد بتاع الدكتور علي اد ما كانت مبسوطه انها هتشوف بدر..كانت لابسه بنطلون برمودا اسود..وفي رباط من كل جنب.. ولابسه بدي كت ابيض… وكوتشي ابيض… وكان البدي شفاف شويه وباين جزء من ملابسها الداخليه.. عشان لون البدي الابيض.. وصففت شعرها بطريقه جميله سابته سايب بس جابته كله علي جمب واحد وحطت ميكب هادي ورقيق مع البرفيوم الفظيع.. ودقايق بسيطه اتصل بيها بدر..
سيلا… الوووو.
بدر…. انا بره..
سيلا.. حاضر ثواني وهاجي.
بدر.. مستنيكي…
قفلت معاه سيلا.. وهي حاطه ايدها علي قلبها وخرجت منها تنهيده…
سيلا لنفسها… اهدي اهدي ياسيلا.. متبقيش فاضحه نفسك كده علي طول….وفضلت تاخد نفسها وتخرجه في محاوله لتهدئت نفسها..
ونزلت علي تحت .. وخرجت من باب الڤيلا كان بدر واقف ادام عربيته… وساند عليها ومولع سيجاره.. كان لابس بنطلون چينس وتيشيرت. مجسم عليه لونه اسود…وكوتشي ابيض كان شكله يقتل…
اول مالمح سيلا حس ان الدم جري في عروقه من منظرها بس كتم غيظه منها..
سيلا… ازيك يابدر..
بدر… الحمد لله.. ملبستيش ليه عشان منتأخرش علي معاد الدكتور .
سيلا.. بصت علي هدومها..ورفعت وشها لبدر…انا لبست انا جاهزه يلا بينا..
بدر.. بينا علي فين انتي كده جاهزه…
سيلا… اه في ايه..
بدر.. في انك جاهزه تنامي تاعدي تتفرجي علي تلفزيون بكتيرك اوي تاعدي باللي انتي لبساه ده فالجنينه مش اكتر..
سيلا.. يعني ايه هو وحش.
بدر.. لا مش وحش بس ميتخرجش بيه انتي مبصتيش فالمرايه قبل ماتنزلي…
سيلا… لسه مش فاهمه وكل اللي فهمته انه مش عاجبه..
لا بصيت وعاجبني علي فكره..وشكله حلو..
بدر.. بجرئه واحراج ليها عشان تفهم وبالنسبه لهدومك الداخليه اللي باينه دي. انتي ناسيه انك لابسه ابيض ولا ايه..
سيلا.. وشها جاب الوان من جرئته ومعرفتش ترد عليه…
بدر.. ها.. عرفتي اقصد ايه ولا لا.
سيلا.. انا يعني مش خدت بالي وبعدين انا كنت لابسه مايوه فشرم يعني كان عادي.
بدر.. اديكي قولتي في شرم يعني في بحر.. مع انه بالنسبالي مرفوض بس هنقول بحر لاكن هنا وانتي اصلا راحه لدكتور. قدامك خمس دقايق تطلعي بسرعه..تغيري البدي ده ويلا عشان منتأخرش..
سيلا.. فضلت واقفه بصاله ومش طيقاه ولا طايقه نفسها بس مش قادره ولا ترد ولا قادره تعترض..
بدر… هتفضلي باصه كده اخلصي يلا..
سيلا.. اووووف. وسابته ومشيت وهي هتطق من الغضب..اما بدر فا رجع سند عالعربيه وهو بيشرب السيجاره وملامحه باين عليها الغضب..
طلعت سيلا وفتحت دولابها بغضب.. وبقت حاسه مش عارفه تلبس ايه.. وعلي اد ما كانت مضايقه بس كانت طايره… وابتدت تكلم نفسها ايه ده هو بيغير عليا بجد ولا فعلا المنظر كان اوڤر بس طريقته معايا فعلا تبين انه غيران…وفضلت تكلم نفسها شويه وفاقت مره واحده..
ياخبر انا نسيت البس… وخدت بدي لونه ابيض بردو بنص كم بس كان اتقل شويه ومش شفاف.. وعليه رسومات شفايف باللون الاسود صغيره…
نزلت بسرعه عنده.. ووقفت ادامه.. انا جاهزه… بص عليها اول ما سمع صوتها. وبص عالبدي اللي كانت لبساه…ووقف وراح فتحلها الباب من غير ولا كلمه. وهي ركبت من غير كلام..وراح هو عالكرسي بتاعه. وشغل العربيه وراحو عالدكتور وطول الطريق كان ساكت وهي كل فتره تبص عليه بطرف عينها وتبعدها بسرعه…
راحو وبعد ما الدكتور اطمن عالجرح وغير عليه…
سيلا… هو الخياطهي هتتفك يادكتور.
الدكتور… لا دي خياطه تجميليه… والخيط ده بيقع لوحده بس لازم نغير عليه عشان ميعملش ميكروب..
بصت سيلا .. علي بدر لما لقت ان كلامه طلع صح…
اما بدر.. فا كان رافع حاجبه ولسه علامات الغضب علي وشه…
بعد شويه خلصو ومشيو…وفضل بدر.. ساكت وهي عايزه تتكلم بس مش عارفه..
واخيرا اتكلمت.
سيلا… شكرا…
بدر… بجمود.. العفو .. بس علي ايه.
سيلا.. يعني عشان جيت معايا .
بدر.. العفو .
ورجع سكت تاني وهي مش لاقيه كلام تقوله…
اما سيلا فاكانت مضايقه من سكوته ومعاملته اللي اتغيرت
تاني…
سيلا… واضح كده اني شغلتك عن حاجه مهمه عشان كده قالب وشك.. كان ممكن علي فكره.. تقولي انك مشغول عادي كنت هروح لوحدي…
بصلها بدر.. بطرف عينه…علي فكره انا مش ورايا حاجه.. ولو انا عندي حاجه كنت كلمتك مش هخاف يعني..
نطق. سيلا بغضب.. هو انت مش طبيعي..
بدر.. نعم..
سيلا. بارتباك. يعني اقصد شويه تكون كويس وشويه تتكلم بطريقتك دي.
بدر.. كان مضايق من وقت ماشافها بالبدي بس مكنش قادر يقولها كده.. بصلها واكتفي بالسكوت…
اما هي .. فا رجعت بصت ادامها وهي مش طايقه نفسها ومضايقه من طريقته…
وفضلو ساكتين طول الطريق.. وفجأه🙄🙄
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية سيلا والنمر)
