رواية بنت الشيطان الفصل الخامس والخمسون 55 بقلم رحمة نبيل
رواية بنت الشيطان الجزء الخامس والخمسون
رواية بنت الشيطان البارت الخامس والخمسون
رواية بنت الشيطان الحلقة الخامسة والخمسون
كان مالك يركض بسرعه كبيره جدا وقلبه يكاد يخرج ذهب وققز في المسبح الي نور بسرعه رهيبه واخذها وضمها له ثم سحبها للخارج وقد انتشر دمها في المسبح كله وعلي ثياب مالك الذي يضمها بخوف كطفل رأي والدته تصاب بجرح مالك برعب / نور نوري حبيبتي افتحي عنيك يا قلبي نور بلاش تخوفيني عليكي
وكأن الشيطان الذي يرعب اعتي الرجال وصاحب الذكاء الكبير اختفي وحل محله طفل لايعرف كيف يتصرف في غياب والدته
اقتربت ايملي منه وهي تتحدث ببرود / لا داعي للقلق هي….
صرخ مالك فيها بنبره مرعبه / اذهبي من أمامي الان كي لا اقتلك
نظرت له برعب من نبرته ورحلت سريعا وهي تلف منشفه علي خصرها بينما مالك حمل نور وركض لغرفته واخذ هاتفه واتصل بشخص
مالك بخوف ورعب شديد / مازن الحقني
نظر عب الرحمن لرحمه المستكينه بين زراعيه بكل حب وابتسم بحنان وتحدث بمشاكسه / يااااااه يا عبصمد حلم حياتي اتحقق
فاقت رحمة من الغيمه التي كانت بها بسبب حديثه ونظرت له بفزع ثك ابتعدت
عبدالرحمن بحزن مصطنع / ليه خليكي
رحمه وهي تعدل نفسها وتنهض بتوتر / اسفه والله غصب عني مش اخدت بالي والله اسفه
عبدالرحمن ببسمه حنان / ولايهمك
صمت قليلا ثم تحدث مباشره وهو ينظر لعيونها /مين اللي كنتي بتترجيه ميضربكيش من شويه
نظرت له باعين حمراء بشده ثم اخذت الحقيبه وكادت تذهب وهي تقول / شئ ميخصكش
مسك عبدالرحمن يدها وتحدث بصوت جاد / طالما يخصك يبقي يحضني برضو فلو سمحتي اتكلمي انتي بدل ما انا اللي هعرف مين اللي عمل كده
قال آخر كلامه بصوت غاضب بشدة
نظرت هي له بدموع وتحدثت بسخريه / خلاص اللي عمل كده مات من زمان
نظر لها لتكمل
رحمه بألم يرتسم علي وجهها بوضوح / عمي ايمن الدمنهوري
فتح عبدالرحمن عينه بفزع من ايمن الدمنهوري عدو والده القديم والذي خطفه هو ودانه من قبل يكون عمها
تجمدت أطراف دانه وهي تنظر بصدمه له بعد كلمتها التي القتها كيف خرجت منها هذه الكلمه بينما هو لم يرأف بحالها ابدا بل ابتسم بخبث وتحدث باستمتاع /بتغيري عليا
نهضت دانه بسرعه وابتعدت عنه وأخذت حقيبتها وركضت للخارج كأن هناك من يلحقها لم تعتد ان تهرب من شئ لم تعتد ان تكون ضعيفه ولكن معه لا تعرف نفسها لاتعرف كيف تتغير اه قلبها حقا أصبح مجنون هذه الأيام يجب أن تريح نفسها تريد أن تتحدث مع احد ولكن من فعبدالرحمن ليس معها الان تذكرت ادم فابتسمت واخرجت هاتفها وتحدثت بحب / أدوم انت فين
دخل كلا من حسام وسما وخالد وناري لمول كبير لشراء الأشياء اللازمه ليوم غد اخذ خالد يد ناري وجذبها خلفه بمرح شديد نظر حسام وجد نظرات سما عليهم ببسمه متألمه وشرود المه قلبه علي حالها فغدا زواجها ولا تشعر باي فرحه اقترب منها وامسك يدها وضغط عليها قليلا بينما هي خرجت من شرودها ونظرت له بتعجب
ابتسم هو لها ابتسامه لم تراها منذ كانت فتاه صغيره وهو كان مجرد صبي يلاحقها
حسام وهو يجذبها خلفه بمرح شديد غريب عليه / تعالي عشان تجبيلي بدله يلا عايز ابقي احسن من خالد بكره
ثم وقف ونظر لها وجد عيونها مازالت تنظر له بصدمه / ولا عايزه خالد يكون احسن مني اكمنه اخوكي يعني
هبطت دموعها بشده وهو تهز رأسها بنفي وتبتسم مثل الطفله وتتحدث بصوت رقيق / لا انت احلي من خالد
ابتسم حسام لها واقترب ومسح دموعها وقال في اذنها بهمس / وانتي احسن من اي حد يا سما
نظرت له سما بدموع قهر وهزت رأسها بنفي / لا مش احسن من حد ابدا
امسك هو يدها وجذبها بمشاغبه وهي يغمز / خليني انا اقرر ياقمر
كان حسام يأخذ بيد سما ولا يتركها في اي مكان شعرت سما معه كأنها طفله مع والدها وتشتري ثياب العيد كانت سعيده ولأول مره ترتسم بسمه من كل قلبها
كان خالد ينظر لها من بعيد وهبطت دموعه بشده علي اخته واخيرا رأي بسمتها لم يراها تبتسم منذ كانت طفله تقريبا وان ابتسمت كانت بسمه متكلفه
وضعت ناري يدها علي كتف خالد وهي تبتسم له بحنان فجأه انطلق خالد يضمها له وهو يبكي بشده ويضحك في نفس الوقت ويتحدث بسرعه / شوفتي يا ناري سما بتضحك ازاي شوفتي بسمتها حلوه اوي انا فرحان اوي يا ناري
ناري ولأول مره تكتشف الجانب الاخوي منه /حسام بيحب سما اوي يا خالد وهيعوضها بإذن الله يا حبيبي
ابتعد خالد بسرعه ونظر لها / قولتي ايه
ناري وهي تتركه / لا معلش هي مره واحده طلعت كده
ركض خالد خلفها وهو يمسح دموعه وينادي بضحك/ خدي يابت هنا
نظر حسام لسما التي تنظر بشرود وبسمه جميله اقترب منها وهمس / مهو انا كده مش هعرف اختار بدله عدله بطلي تبصي البصه دي بدل اخدك من ايدك ونفضها سييره بقي ونطلع علي المأذون
نظرت له سما بتعجب ثم انفجرت ضحكا بينما هو نظر حوله بحده ثم تحدث / متضحكيش في اي مكان عام كده فاهمه
نظرت له من تغيره المفاجئ
بينما هو اخذ نفس ليهدئ نفسه /مش قصدي اتعصب بس فيه رجاله في المكان ومينفعش حد يسمع صوتك وهو عالي وكده
نظرت أمامها بشرود لايريد لرجل ان يسمع صوتها ماذا يفعل اذا علم ما حدث لها وانها كنت تنام في احضانهم اغمضت عينها بالم شديد رافضه سيل الذكريات الذي يغزو عقلها الان اخرجها صوت حسام وهو ينادي / سما تعالي شوفي البدله دي
نظرت له ببسمه متألمه ثم ذهبت اليه لتري ما يريد
حرج مازن من الغرفه ونظر لمالك الذي يدور برعب في المكان / اهدي يا مالك هي بخير بس برضو محتاجه اشعه مقطعية علي الراس عشان نتأكد انها بخير
هز مالك رأسه / تمام هنروح لعبدالله وكمان نعمل الاشعه معانا
هز مازن رأسه وهو يبتسم / تمام يا مالك امشي انا بقي عشان المستشفى
هز مالك رأسه ولم ينتظر رحيله بل انطلق للغرفة التي توجد بها نور
دخل وجدها تنظر له ببسمه عاشقه كما اعتادها ركض لها بسرعه وغمس نفسه بين احضانها بقوه وهو يستنشق رائحتها / اوعي يا نور تخلينا اخاف عليكي كده كنت هموت يا نور
نور وهي تضمه لها اكثر / بعد الشر يا قلب نور انا كويسه متقلقش
ثم ابعدته ونظرت له بتحذير وكأنها تحولت / عارف يامالك لو كنت شوفت الحربايه اللي اسمها ايملي بالمايوه لا…..
قاطعها مالك وهو يضحك بشده / يابنتي انا كنت في ايه ولا اية انا اساسا مكنتش طايق اشوفها قدامي بسبب اللي حصل فيكي
نور وهي تنظر له وتضيق عينها / بجد يعني مشوفتهاش
مالك وهو يهز رأسه برفض/والله ماشوفتش حاجه
نور وهي تضمه لها مجددا / طب خليك جنبي عشان عايزه انام
ضمها مالك بشده كبيره واغمض عينه بالم لمجرد فكره انه كاد يخسرها
كان عبدالرحمن في طريقه لمنزل ليث مجددا وهو يفكر في كم العذاب الذي تعرضت له رحمة علي يد عمها طفله صغيره لم تكن تعي شئ مات والديها في حادث وذهبت العيش مع عمها الذي لم يبخل بطريقه لتعذيبها وكل ذلك بسبب كرهه لاخيه كما لم ترحمها زوجه عمها وأولاد عمها المجانين حسنا مات الجميع وبقي ماهر سينتقم منه لكل شئ حدث لها دخل القصر وهو ينظر حوله لهذا الظلام شعر بشخص يجلس به نظر مدققا وتحدث بتعجب / ليث انت قاعد كده ليه في الضلمه
رفع ليث اعينه له وتحدث بتنهيده تحمل الكثير / تعبت يا عبدالرحمن تعبت اوي من بعدي عن دانه حكايه انها قدامي ومش عارف اني اخدها في حضني او اكلمها او اي حاجه تعباني جدا
عبدالرحمن وهو ينظر له / حصل حاجه
ليث / انهارده كنت هفقد اعصابي واقولها انها مراتي اتحكمت في نفسي بالعافيه يا عبده اه من وجع قلبي وهي مش جنبه عايز اخلص بأسرع وقت يا عبدالرحمن
عبدالرحمن وهو ينظر امامة باصرار / قريب اوي يا بلاك قريب اوي
في الصباح كان الجميع في منزل مالك يعدون الأشياء اللازمه لعقد قرآن أبناء العيله
بينما كانت ناري وسما مع الكوافير يعدون نفسهم والشباب في غرفه ايضا يجهزون أنفسهم كانت النساء في الأسفل يتحدثن بينما الرجال يزينون الحديقه
نظر سمر لنور بحزن علي ملامحها الحزينة
سمر وهي تحاول جعلها تضحك / ايه يابت يا نور لاويه بوزك كده ليه ولا يعني عشان هبقي حمي قبلك رغم ان عيالك هما الكبار
كانت سمر تتحدث معهم ولكن شعرت بشئ يقفز عليها من الخلف صرخت بفزع وهي تلتفت / آآآآآآه
دانه بعتاب / درامي كده اسمورتي تشمتي فيا اكمني بايره يعني وانت جوزتي بناتك الاتنين ها
سمر وهي تخمس في وجهها بمرح / الله اكبر في عينك يا سوسه انتي
دانه وهي تغمز لها / تربيتك ياباشا بعدين يعني هو انا سوسه لوحدي كده ما انا اتأهلت علي ايدك يا غاليه ولا مش فاكره
سمر وهي تنظر لها بضحك غبيه / لا مش فاكره
دانه وهي تبتسم بخبث / مش فاكره لما كنتي بتبقي مشغوله وتقوليلي روحي يا دانه رخمي علي عمك أسد وجميله
شهقت جميله وهي تنظر لها بتعجب / كده يا سمر يعني انتي اللي كنتي بتبعتيها وتلزق فينا
دانه ببراءه / بلاش دي مين اللي كان بيقولي روحي لطنط جنه خليها تعملك كيكه وهاتيها انا أكلها
جنه وهي تنظر لها بشر / بقي انا كنت كل شويه بتسحل في المطبخ بسببك يا جذمه
ابتسمت سمر ببراءه وهي تنظر في السقف
دانه بكل براءه وهي تنظر بحزن /نسيتي يا سمر نسيتي لما كنتي بتقوليلي روحي خبي جذمة طنط ساره في اي عزومه وكانت بتمشي حافيه
نظرت لها ساره بشر / يا جبروتك
دانه وهي تدعي الحزن وهي تنهض / اعذروني مش هقدر اكمل كلامي لان احزاني بتتراكم سمر بحنق / لا والنبي لتكملي
دانه وهي تنهض وتشير بيدها بحزن/ لا معلش الغي رحلتشي
وكادت تذهب الا انها شعرت بشخص يجذبها من الخلف نظرت للخلف وجدت سمر اعينها تقدح شرارا / ده انا هلغي رحله الدنيا واحجزلك واحده للاخره
دانه بتراجع / ده انا حبيبك يا كبير انتي نسيتي انا دانه
ثم نظرت لها بعين الهر اللطيف
سمر وهي تبتسم بسماجه / عارفه لو قطعتي شرايينك قدامي مش هرحمك يا دانة الكلب
دانه وهي تبعد يدها وتركض بسرعه / مش هرد عليكي وهكتفي بالصمت فالصمت لغة العظماء
كادت سمر تلحقها ولكن وجدت الجميع ينظر لها بشر وغيظ
سمر وهي تضحك بغباء / ايه يا جماعه هناخد علي كلام واحده زي دانه دي دانه يعني وانتم عارفين دانه احم فيه ايه يا ساره بتشمري ليه يا حبيبتي هتعجني ولا ايه
ساره وهي تبتسم بشر / فعلا هنعجن كلنا
مالك وهو ينظر لليث بانتباه / ايه ياليث مش معانا يعني
عبدالرحمن وهو ينظر له بمشاكسه / هو كده يامالك كل ما يرجع من الشركه يفضل مسهم تقولش قابل الملكه إليزابيث هناك دي دانه يا جدعان دي لو قصت شعرها هتبقي شبهي
امسكه ليث من تلابيب ثيابه بعنف وشده تجاهه / لو قولت كلمه واحده عنها هزعلك يا عبدالرحمن فاهم
عبدالرحمن ببسمه سمجة / تؤ تؤ مش فاهم بعدين اللي محموق عليها دي تبقي اختي
مالك بملل فهذه عادتهم منذ عرفوا بعضهم وخاصه. منذ عرف عبدالرحمن بحب ليث لاخته ومن وقتها وهو دائما يشاكسه
مالك بجدية / ركز منك ليه عايزين نخلص من الموضوع
سراج وقد خرج عن صمته الذي التزم يه منذ وجودهم / ماهر من قريب اجتمع مع راجل شاكين انه له يد وكلمه في مجموعه تكفيريه ساكنه احد الجبال المجموعه دي فجرت كماين كتير اوي وكانت بتاخد الاسلحه منهم مش عارفين دلوقتي هل هما بيعملوا كده عشان الاسلحه لا عشان معتقادتهم
مالك بخبث وهو ينظر لهم / ليه متقلش عشان الاتنين
عبدالرحمن وهو يكمل كلام والدة / اكيد ماهر بياخد منهم الاسلحه دي لان دي تجارته المشهور بيها وهما بيعملوا كده عشان معتقادتهم
سراج بتعجب/ وليه يعملوا كده مع ماهر
ليث بخبث وهو يبتسم لمالك الذي فهمه /عشان هو اللي مظبطهم
عبدالرحمن ببسمه وقد فهم كلامهم وكذلك سراج
مالك وهو ينظر لليث وعبدالرحمن / ليث وعبده الليله عايز يوصلني خبر ان مخازن الاسلحه بتاعتهم اتنسفت
عبدالرحمن وهو ينظر باستمتاع / علم وينفذ يا شيطان
نظر مالك أمامه بشرود / خلاص اللعبه قربت تخلص وكل حاجه هترجع زي الاول
كانت دانه تخرج من المشفي بعد أن كانت تقف علي غرفه عبدالرحمن وهي تنظر له بحزن انه ليس معهم كانت تسير بحزن الا ان ابتسمت وهي تتحدث بفرحه / ايوه صح اكيد لو كان موجود كان عمل كده
ذهبت لسيارتها ومرت دقائق حتي وصلت لذلك المنزل نظرت له ببسمه وهي تتذكر حديث عبدالرحمن (لا طبعا اسيبهم ازاي انا ودتهم بيت شادي الله يرحمه)
ابتسمت وهي تقول / الله يرحمك يا شادي انت والكل
ذهبت وطرقت الباب وانتظرت الرد
بينما في الداخل كانت رحمة تجلس بجانب احمد النائم سمعت صوت طرق الباب خرجت وجدت منال تتحدث مع احد ما نظرت جيدا وجدته فتاه هي تتذكر انها رأت هذا الوجه قبلا ولكن أين لا تتذكر
دانه ببسمه لمنال / السلام عليكم يا أمي أنا دانه اخت عبدالرحمن
ابتسمت منال وهي ترحب بها /اتفضلي يا بنتي البيت بيتك
دخلت دانه ونظرت حولها اخر مره جاءت هنا كانت مع عبدالرحمن وهو يريها الترتيبات لزواج شادي اغمضت عينها بحزن وحينما فتحتها وجدت فتاه شابه تقف وتنظر لها بتعجب ابتسمت دانه لها وتحدثت بفرحه وهي تعانقها / انتي رحمه صح
هزت رحمة رأسها بتعجب
دانه ببسمه وهي تنظر لها معشوقه وسارقه قلب أخيها / انا دانه اخت عبده
كانت سما تنظر لناري التي تتجهز في نفس الغرفه معها وتنظر لفرحتها تمنت لو كانت مثلها تمنت لو كانت مثل أي فتاه لأول يوم زفافها ولكن كلها امنيات تنهدت بحزن سمعت صوت رساله نظرت وجدتها من حسام ( السفر بعد كتب الكتاب يا سما) نظرت بخوف للهاتف وهي تهدأ ضربات قلبها سمعت صوت رساله اخري(صحيح نسيت اقولك انتي قمر اوي) نظرت لنفسها بتعجب هي لم تضع شئ بعد ولكن كيف عرف نظرت وجدت غرفه الشباب مقابله لهم وهو يقف وينظر لها ويبتسم
خالد من الداخل / يا كازانوفا معلش هنتعبك / تعالي هات مكنه الحلاقه يا عم
نظر حسام له بحنق ثم نظر لها وغمز بمشاكسه جعلت وجنتها تحمر ولاول مره تشعر بهذة المشاعر تداهمها دعت الله أن تكون حياتها سعيده معه
نظرت دانه بملل لسمر التي منذ أن أحضرت رحمة وهي لا ترحمها باسئلتها
سمر وهي تنظر لرحمة / ايوه بقي قوليلي اول بوسه ليكم كانت فين وياتري حد قفشكم قبل كدة ولا لا
احمرت خدود رحمه بينما الجميع انفجر ضاحكا
ذهبت دانه وعانقت رحمة وهي تضحك / معلش اصل سمر تخصص قفش
جميله بضحكه عاليه / علي يدي هههههههههههه
هزت نور رأسها بيأس علي سمر
سمر وهي مازالت تنتظر الاجابه / قولي يلا اصلي من زمان نفسي اشوف الواد عبده ده وهو رومانسي أصله شغال كوميدي واكشن بس نفسي اشوف النسخه الرومانسيه
ابتسمت رحمة بخجل وهي تتذكر احضانه لها وهمسه لها بكل حنان
اقتربت سمر منها بسرعه جعلتها تنظر لها بفزع وضعت سمر يدها علي مسند المقعد الخاص برحمة واقتربت منها وهي تقول كأنها مخبر ما / امممممم خدودك احمرت ده معناه حصل حاجه احكي وسرك في بير
ضحكت دانه بشده / لو منك مش هعمل المجازفه دي
سمر وهي تنظر لها ببسمه سمجه / بس يابايره بعدين البنت بس مكسوفه شويه وتعترف بكل حاجه اما انتي فمش هحتاج اخليكي تعترفي لأنك بنفسك هتقولي كل حاجه اصلك زي ما قلتي تربيتي
نور / كانت تربيه وسخه والله
سمر وهي تتجاهلهم وتنظر لرحمه / ها قولتلي اول بوسه كانت فين
كانت رحمه تبتلع ريقها بحرج
سمر وهي تنظر بدقه لملامحها / تحت السلم ولا في عربيه علي المقطم ولا في شقه المعادي
نظرت لها رحمه بتعجب / مش فاهمه
سمر / اصل دي الأماكن اللي كان سراج بي…. اامممممممم
شعرت بأحد يجذبها وهو يضع يده علي فمها / يخربيتك هيبتي هتضيع
نزعت سمر يد سراج وتحدثت / ايدك يابا لتوحشك
سراج بقرف وهو يدفعها / غوري انا شكلي اتخميت فيكي انا عايزه ارجع البضاعه
عمر وهو يجلس ويضع قدم علي قدم / معلش البضاعه المباعة لا ترد ولا تستبدل
سراج وهو ينظر له بحنق / بس ده غش تجاري والله المفروض اني بتجوز انثي رقيقه مع الزمن لقتها اتحولت لعبده موته
عمر بضحك / والله لو غنتلي غلطه وندمان عليها لهاني شاكر ما هرجع حاجه انا ناقص ابقي قاعد مع مراتي في امان الله الاقيها نطت لينا في النص
سمر وهي تنظر لهم باسف وتهز رأسها وهي تصطنع الحزن / اتكسفوا من نفسكم انتم ايه مش بشر بتبيعوا وتشتروا فيا كده عادي هو انا مش بني ادمه لي أحاسيس ومشاعير يعني لا ومصرين تحرجوني وتكسروني ليه كده كل يوم بيتكسر حاجه جوايا ليه ليه ليه
كانت تقول آخر كلمات وهي تسقط علي الارض بدراميه
سراج وهو يصفق ويصفر / الله عليكي يا ست الله عليكي يا فنانه ايه يا بنتي الحلاوه دي مش معقول والله
سمر وهي تقف وترمي شعرها للخلف / اقل حاجه عندي
نظرت لرحمه التي كانت علي وشك البكاء تأثرا من كلامها فهي لم تعرف سمر بعد
سمر وهي تشير لها / انا قررت اضمك في شلتنا مبروك عليكي العضويه يابنتي
سراج بسخريه / مبروك عليكي السجن يابنتي مشروع مجرم صغير
سمع الجميع صوت / خليكي بعيده عن مرات ابني يا سمر مش ناقصه كفايه دانه وعبده ونور مهو مش هيبقي انا الوحيد اللي فيكم
نظرت رحمة له رجل لا بل شاب تقريبا في الثلاثين من عمره يشبه عبده بدرجه كبيره وله هيبه حقا كبيره وحضور قوي
اقترب منها مالك ببسمه ابويه حنونه وأشار للجميع / اهلا بيكي في مسرح مصر
ضحكت رحمه بشده علي تعليقه
بينما هو نظر لها بحنان وتحدث / من يوم ما عبده قالي انه عايز يتجوزك وانتي بقيتي مننا وواحده من العيله دي اي نعم هي عيله مجنونه بس معلش مع الوقت هتتعودي عليها
دانه وهي تعانقها وتضحك / عيب عليك ياكبير انا موجوده هنا هظبطها
مالك وهو يجذب يد نور / يبقي عوض الله عليها
سمر وهي تصفر له / ايوه بقي اسحب المزه من وسطينا
نظرت لها نور واخرجت لسانها لها وصعدت مع مالك وهي تضحك بشده علي ملامح سمر
سمر لدانه / تعرفي أبت يا دانه ايه اكتر حاجه فرساني
دانه بضحك / ايه يا أبلتي
سمر/ الوحيدين اللي معرفتش اقطع عليهم مالك ونور
ضحك الجميع عليها ثم ذهبوا ليتجهزوا
كانت نرمين تجلس في الحديقه تنظر للسماء ببسمه
_جميله اوي
نظرت بفزع وجدته غيث ينظر لها ببسمه
نرمين وهي تحاول أن تتفادي النظر اليه خاصه بعد آخر مره وما حدث معها / اه فعلا السما جميله
غيث وهو يقترب بخبث / تؤ تؤ مش السما دي
اقترب وهمس / انتي
نظرت له نرمين باعين متسعه بشده ماذا قال هذا
غيث ببسمه وقد نجح في كسر برودها / انتي جميله اوي يا نرمين
نرمين ببلاهه / ها
غيث بضحكه اسرتها بشدة
لاحظ هو نظراتها له / قمور مش كده
احمرت خدود نرمين بشده وكانت علي وشك الدخول للمنزل ركضا ولكنه امسك يدها وهمس في اذنها من الخلف / انا هطلب ايدك من عمي عمر انهارده وهخلي الخطوبه في أقرب وقت ممكن
كانت تغمض عينها حتي لا يكتشف سيل المشاعر التي ضربتها بشده وكان صدرها يعلو ويهبط بشده
اقترب هو وهمس لها بنبره عاشقه / بعشقك يا نرمين
ثم ترك يدها بينما هي لم تحتمل الوقوف تحت نظراته التي تحرقها كليا وركض للداخل بسرعه شديده من يراها يظن ان هناك من يلاحقها
بينما ابتسم غيث بشده وتحدث بضحكه وهو يتذكر ملامحها / كنت فين من زمان يا ابو الليوث
تذكر كلمات ليث له
(رغم انك معفن ومعندكش اصل عشان يوم ما تيجي تشوفني يبقي عشان مصلحتك بس تمام انا هعديها البنت دي بتحبك
غيث بشك / ما اظنش دي بتعتبرني اخوها
ليث ببسمه صدقني / هي بتحاول تقنع نفسها بكده بدليل انها اعترفت بنفسها انها بتحبك
غيث وهو ينظر له بحيره / بس دي كانت لحظه حماس عادي عشان عملت ليها خدمه
ليث / اوووف مش عارف طالع غبي لمين اكيد لابوك اللي فضل يجب في امك اكتر من خمس سنين ومش عايز ينطق اسمع ياض انت كويس مفيش بنت عمرها هتقولك بحبك حتي لو تحت تأثير البنج الا اذا كانت فعلا بتحبك افهم بقي الموضوع واضح زي الشمس
غيث ببسمه بلهاء / طب اعمل ايه يا ليث
ليث وهو يضع قدم علي قدم / انكل ليث ياقليل الأدب
غيث بضحك / اسف اعمل ايه يا عمو
ليث ببسمه خبيثه / افضل الطرق هي الهجوم ياباشا)
ضحك غيث وهو يدخل ليلحق يالشباب / بركاتك يا شيخ ليث
كان ادم يجلس في الحديقه يقرأ كتاب وحده ولكن سمع صوت أطفال تلعب ضيق عينه باهتمام ماذا يفعل الاطفال هنا فهذه العائله خلت منهم منذ زمن وكان هو آخر الأطفال في هذا المنزل وضع كتابه علي الارجوحه وتحرك تجاه الصوت وجد أربعة أطفال يلعبون بالكره ابتسم من هؤلاء
انتبه له أحدهم فتوقفوا عن اللعب
نظر لهم ببسمه حنونه ثم جلس علي ركبته / ا….. انتم م…. مين وبتعملوا اي… هن… هنا
وعلي عكس ما توقع لم يسخروا منه مثل أي طفل سمع كلامه من قبل
تحدث يحمدي بعقل / احنا اخوات رحمة خطيبه عمو عبده وهنا عشان الفرح بنعتذر لو عملنا صوت عالي
ابتسم له بحنان ثم مسد علي شعره / ل.. لا مش ع… عالي
نظر للكره بيده/ ي… ينفع ال.. العب معاكم
ابتسم حمدي واعطاه الكره / اتفضل اكيد اخيرا هيبقي في ولد في فريقي اصلهم مش بيعرفوا يلعبوا
ماني بحنق وحدة /كداب انا بعرف العب علي فكره
ابتسم ادم وهو ينظر لهذه الصغيره صاحبه ااعنفوان الذي يذكره بدانه كثيرا وقع نظرة علي طفله أخري تبدو علي ملامحها الهدوء والبراءه / أسس…. اسمك ايه
تحدثت رحيل ببسمه خجل منه / اسمي رحيل
ابتسم ادم بحنان/ج….جميل وانتم!؟؟
حمدي وهو يعرفه / انا حمدي ودي ماني وده مروان وزي ما عرفت دي رحيل الشهيره بأم احمد
نظر له بتعجب سرعان ما انفجر ضحكا عليهم
ثم اخذ الكره /يلا ن… نلعب
بدأ الجميع باللعب وتعالت ضحكاتهم بشده بينما هي كانت تقف في النافذه تنظر لهم بحب وحنان يبدو ان ادم وجد من يرافقه ويقضي معه الوقت
مسحت دانه دمعه فرت من عينها وابتسمت / تستحق كل السعادة يا آدم كل السعاده يا قلبي
جاء المساء موعد ربط القلوب برباط شرعي ومقدس كان كلا من حسام وخالد يجلسون والرجال حولهم يتحدثون
بينما سمر كانت تجلس مع النساء وهي تأكل اللب وتنظر لهم بتسليه / يا حبه عيني يا جيمي يا ختي قلبي عندك عارفه صعب تبعدي عن السلطان بتاعك بس يلا اهو حتي تخفوا قلة أدب
نظرت. لها جميله بغيظ شديد ونفخت بضجر / اهو الحمدلله رجع يا سمر حبيبي كان وحشني اوي
سمر وهي تمتم / محن تو ماتش يعني
ضحكت رحمة وتحدثت لدانه الشارده بآخر لقاء بمعذب قلبها / هما علي طول كده
فاقت دانه ونظرت لما تشير له / ههههههه اه سمر علي طول كده هادمه لذات بتلاقي المتعة في إفساد وتعكير مزاج الآخرين
سمر وهى تأكل لب ببرود / سمعتك يا هبلة انتي واصبري عليا بس تتخطبي وانا هوريكى هادمه اللذات علي حق
ضحكت كلا من دانه ورحمة عليها
بينما كان ادم يجلس بجانب الصغار ويضحك معهم بحنان يود ان يعوض طفولته التي نبذه بها الأطفال
ثوانى وعم للصمت نظر الجميع وجدوا ناري وسما يهبطون مع أسد وسراج
نظرت روجى لاختها بدموع واخيرا ستصبح مع حب حياتها
شعرت بشخص يضمها من الخلف ويضع ذقنه علي كتفها / ملكة
ابتسمت بشده علي حبيب قلبها وهي تمسك يدة التي تعانق بطنها / وانت ملكي برضو
نظر حسام لسما وابتسم بحب ونظر لها نظره لم يستطع ان يخفيها واقترب منها وقبل رأسها وجذبها حيث يجلس الجميع وذهب خالد لناري وغمز لها / احنا ليلتنا فل ولا ايه
ضحكت بخفوت وسمعت صوت سمر وهي تقول / فل يا معفن مش قولتلك سافل
ضحكت جميله وجذبت ناري / مبارك حبيبتي
ضحك خالد واجابها / شكرا يا أمي ولكن ناري لا تتحدث التركيه
وغمز لها / ولكن انا سأعلمها
ضحكت جميله / اثق انك ستفعل عزيزي
سمر / شوف مسلسل حريم السلطان اللي البت وقعت فيه دلوقتي يعملوا رباطيه عليها لا وبيغمز ليها كمان اخص عليهم
سراج وهو يضمها ويضحك / يابنتي بقي هتموتيني
نظرت له سمر وغمزت / بعد الشر يا صقر
سراج وهو يقترب منها / قلب الصقر بقي
أسد وهو يقاطعهم/ لا لامش معقول يا سمر فيه شباب هنا سناجل كده ينحرفوا
نظرت له سمر بغيظ هل يرد لها ما كانت تفعله
سمر بسخريه وهي تعانق سراج / هما already انحرفوا خلاص
ضحك الجميع عليها وبدأوا في كتب الكتاب بسبب موعد الطائره لحسام
بينما في الأعلي كانت تتحدث بخفوت / نعم فعلت ما أمرت لا لم انسي ولو لمره واحده
………
لا أعرف هو غضب مني فقط لا اظنه شك في أمري
……….
لا تخاف ساستمر في فعل ذلك ولكن اريد ضعف ما اتفقنا عليه
………..
ابتسمت بخبث / جيد جدا لك هذا يا……
كان بلاك وعبدالرحمن ينظرون لهذا الجبل من المنظار
عبدالرحمن وهو يغمز له / جاهز يابلاكي
بلاك ببسمه شيطانية / جاهز يا ع
كبير
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بنت الشيطان)
