رواية غموض امرأة الفصل السابع 7 بقلم زينب رشدي
رواية غموض امرأة الجزء السابع
رواية غموض امرأة البارت السابع
رواية غموض امرأة الحلقة السابعة
غرام باستغراب: انت رايح فين
اسلام بتوتر: اصل الحصان اتعور جامد وابن عمى مضايق ف هروح اشوفه
غرام بحزن: مكنتش اقصد
اسلام باس راسها: حبيبتى انا عارف انك مكنتيش تقصدي نامى انتى وانا هخلص كل حاجه
غرام بتوتر: حاضر
اسلام بحب: بتبقى زي القمر وانتى متوتره
غرام بضيق: انا مش متوتره واخرج برا يلاا
اسلام: طيب باااى
نزل اسلام ونامت غرام من تعب اليوم وصحيت تانى يوم بدرى فضلت تدور على اسلام ملقتهوش وبعد فتره رجع
غرام بصدمه: مال وشك
اسلام بضيق: ملهوش كنت بهزر انا وصحبى
غرام بضحك: هههه بتهزر اومال لو كنتوا بتتخانقوا كان كسر ايدك التانيه
اسلام بعصبيه: غرام اصطبحى
غرام: الله انت مقدرتش على الحمار هتتشطر على البردعه
اسلام بعصبيه: غرام
غرام: خلاص تحب اعملك فطار
اسلام: لا انا عايز انام
غرام: طبعا بايت برا البيت وراجع الصبح
اسلام:متخفيش مش بخونك
غرام بكبرياء:متاكده انك مش هتخون
اسلام:اي الغرور ده
غرام بثقه وقربت منه: ده مش غرور ده ثقه انا واثقه انك عمرك ما هتبص على حد غيرى باختصار لان مفيش احسن منى
اسلام بحب وقرب منها: اي ده ما احنا بقينا حلوين اهو
غرام بثقه: انا حلوه من يومي
اسلام شدها لحضنه وقرب من شعرها وفضل يشم رحته: هتحسى بيا امتى ي غرام انا تعبت اوى انا بحبك اوى نفسى تحبينى زي ما بحبك ونعيش سوا
غرام بتوتر وخجل: اسلام
اسلام باحتياج: خلينى فى حضنك ي غرام انا بحلم ان احضنك واشم شعرك من سنين انتى عارفه انا مستحيل اخونك انا من قبل ما اتجوزك عمرى ما فكرت اتكلم حتى ما حد غيرك لانك بالنسبالى كل الستات انتى وبس
غرام بصدمه: انت بتتكلم جد اقصد يعنى ان عمرى ما قولتلك كلمه حلوه او عشمتك ان احبك ازاى مكمل تحبنى
اسلام شد فى الحضن: واكتر ي غرام الحب ده مش بايدينا عشان ابطل احبك وانا عندى امل فى ربنا يحققلى حلمى ايوه انا عمرى ما حلمت ولا اتمنيت غير اننا نكون سوا وتحبينى
ومره واحده شالها ودخل بيها الاوضه ونيمها على السرير
غرام بخضه: اسلام انت هتعمل ايه
اسلام بابتسامة: قولتلك متخفيش عمرى ما هعمل حاجه غصب عنك
نام جنبها وحضنها جامد كانه خايف ليفقدها
اسلام: عايز انام في حضنك
غرام بتوتر: اسلام مينفعش
اسلام: عشان خاطري ابقى قومى اول لما انام انا جسمى مكسر
غرام بابتسامة: طيب نام ي اسلام
اسلام: تصبحي على خير ي قره عينى ي نور عينى و
غرام بخجل: خلاص ناام
اسلام باس خدها: قمر وانتى مكسوفه
غرام بابتسامة: طيب نام
اسلام باس راسها: تصبحى على خير
نامت غرام من غير ما تحس وتانى يوم صحيت على صوت الباب فتحت عينها شافت انها في بيت غرام
غرام: وبعدين بقا
قامت فتحت الباب دخلت ندى وعلى وهما الاتنين متعصبين
غرام بضيق: لعله خير
على: شوفى صرفه في صحبتك انا تعبت
غرام باستغراب: صحبتى دلوقتي
طيب بصوا انا هعمل قهوه عشان افوق لمشاكلكم
غيرت هدومها وعملت قهوه ورجعتلهم
غرام: خير صدعونى
على: بصي ي ستى ميه مره اقولها لما يبقى معاكى شغل مع رجاله متروحيش لوحدك واروح معاكى
ندى: ي سلام يعنى صغيره اخد ولى امرى ثم في شغل بيبقى خاص محدش غريب معآ
على:طيب روحت قولتلك على الاقل عرفينى تقومى تخرجى معاه من ورايا
ندى: هو انا خارجه اتفسح ده شغل
على: ش….
غرام بعصبيه: بس كفايه انا صدعت
ندى: قولى رايك
غرام: بصي بصراحه هو عنده حق هو بيحبك وبيغير عليكى واقل حقوقه يعرف خارجه مع مين وفين مش قلت ثقه بس عشان يبقى مطمن والراجل بيبقى ليه نظره وفاهم
ندى بصدمه: انتى بتهزرى
على بصدمه: دي غرام
غرام: وانت ي على غلطان المفروض تتكلم معاها وتفهمها براحه وطبعا مينفعش تحضر معاها الشغل
على ل ندى: هو في اي غرام اول مره تسمع مشاكلنا وكمان تعطى نصايح
ندى: ده وغلطتنى وبتتكلم عن الحب
غرام باحراج: عادي يعنى انا بصلح بنكم بس
ندى: وده من امتى ي غرام انتى قولتى ان على بيحبنى وبيغير عليا وده عمره ما حصل
غرام: انا غلطانه ان بصالحكم على بعض صحيح شغل اي اللى خرجتيه
ندى: مش انتى قولتيلى اقابل ادم واخد منه المعلومات عشان مش فاضيه
غرام باستغراب: انا قولت كده
ندى: ايوه وقابلته وحضرت المقال مفيش غير انك تشوفيه وتنزليه
غرام شافت المنكير في ايدها وجابت الاب بسرعه وشافت الروايه متغيره ورسومات كتير زي وهى على الحصان ولما وقعت في حضن اسلام ولما روحوا ونامت في حضنه
غرام: اهو صدقتونى ان في حاجه غلط الروايه اتغيرت بصي انتى مش كنتى معايا وانا بكتبها
ندى: ايوه اللي كتبتيه اتغير فعلا بس انا سبتك بعدها كذا يوم ممكن تكوني كتبتيها ونسيتى
علي: غرام متخليش انك بتكتبى روايه رومانسيه لاول مره تاثر عليكى انتى شكلك اتاثرتى بيها
غرام: انتوا تقصدوا اي اتجننت مثلا
على: لا منقصدش كده والله
ندى: بصي ي حبيتي انتى شكلك اتاثرتى فعلا بصي شكلك في الرسومات انتى بتضحكى بجد طيب بلاش شوفتى طريقتك وانتى بتنصحينا متغيره ازاى انتى رافضه حبنا اصلا وبتقولى لعب عيال ودلوقتى بتصلحينا لبعض
غرام بعصبيه: قوموا سبونى لوحدي مش عايزه اتكلم
ندى: طيب اقعد معاكى
غرام بغضب: بقول سبونى لوحدي
دخلت اوضتها وفضلت تكسر كل اللى حواليها وبتصرخ وبتبكى وبدات تصدق انها اتجنت
غرام ببكاء: انا تعبت انا بحلم ولا اتجنيت بس انا حاسه ان عايشه مع اسلام بجد طيب ازاى كلمت ندى تكمل الشغل مع ادم
بصت على النتيجه شافت انها ماشيه صح يعنى ايامها مع اسلام محسوبه
غرام بخوف: يعنى اي انا عندى شوزفورنيا انا عندى انفصام شخصيه لا مستحيل ده حلم اكيد بس ازاى الايام ماشيه صح ومن بيغير الروايه
قعدت فضلت بتفكر لحد ما الباب خبط قامت تفتح بتعب كان طارق
طارق بقلق: مال وشك
غرام: جاي لوحدك ولا الجواسيس اللى عندى قلولك ان اتجننت
طارق: حبيبتى انتى ليه شايفه اننا بنراقبك احنا بنحبك
غرام حضنته: انا تعبت
طارق بقلق: مالك ي حبيبتى انتى اول مره تبقى كده انتى اول مره تحضنينى اصلا
غرام: انا عايزة اتكلم ممكن تصدقنى
طارق اخدها وقعدوا على الكنبه: اتكلمى وانا سامعك ومصدقك من قبل ما تكلمى
غرام قالتله على كل اللى حصل
غرام: سكت يعنى بس صدقنى انا حاسه ان بعيش مع اسلام بجد يعنى بحس بمشاعره بكلامه بحب ماما وبابا اقصد يعنى اللى فى الروايه الاول كانت ماشيه زي ما كتبها بعدين خرجت عن اردتى وبصحى القيها متغيره ومكتوب نفس اللى حصل
طارق: ي حبيبتي انا مصدقك بس مش يمكن حلم فعلا او بتتعمقى في تخيلك بجد
غرام: مستحيل يعنى اي انام السبت اصحي التلات يعنى اي اصحي الاقى الشغل بتاعى بتنفذه ندى وبتقول إن قولتلها
طارق: اومال ده معناه اي
غرام: انا خايفه هو انا اتجننت ي طارق اقصد يعنى عندى انفصام شخصيه انا لازم أروح لدكتور نفسانى
طارق: دكتور نفسانى اى بس انتى عبيطه مفيش الكلام ده
غرام بغضب: اومال تفسر كل اللى بيحصلى ده بايه غير ان اتجننت
طارق: طيب ما تشوفيها بطريقه تانيه يعنى ربنآ بعتلك اشاره مثلا او حاجه تغير حياتك
غرام بعدم فهم: تقصد اي
طارق: اقصد تمشى في الموضوع ده لحد الاخر يعنى انا عمرى ما غرام حضنتنى او بكت قدامى او اعتبرتنى اخ واتكلمت معايا ولا اتكلمت مع صحبتها وعلى بطريقه مختلفه وبتدى نصايح عن حب الروايه دى بتغيرك ي غرام
غرام بحزن: هو انا وحشه
طارق بحضن: عمرك ما كنتى وحشه ي حبيبتى انتى بس واخده فكره غلط عن الحياه يعني انتى اليومين اللى عيشتيهم فى الروايه حسيتى بايه
غرام بخجل: ان اسلام بيحبنى بجد وبابا وماما كمان
طارق: طب كويس يعنى في حب
غرام بضيق: بس انا مش مبسوطه بده انا حابه غرام التانيه اكتر
طارق بفقدان امل: اي كان غرام مين بس حابب تبقى مرتاحه وقريبه منى مش بعيده وشايفه ان مفيش اهل ولا حب سيبى نفسك ومتفكريش كتير
غرام بغضب: يوووووه
طارق بضيق: طيب ي غرام براحتك انا ماشي
غرام: طارق
طارق: نعم
غرام: اسفه
طارق بفرحه: هههه انا عمرى ما سمعت منك الكلمه دي بركاتك ي سي اسلام
غرام بخجل: طيب سكت السلامه انت
خرج طارق وغرام فضلت تفكر هتعمل اي غيرت هدومها وكلمت ندى تنزل معاها وغيرت لون شعرها واشترت هدوم كتير بس لاول مره تشترى فساتين مش بنطلونات وروحت البيت وكتبت الروايه وغيرت الباسورد بتاع الااب
غرام: لما نشوف اخرتها معاك ي استاذ اسلام
ندى: بس عارفه الروايه جامده واسلام رومانسي اوى
غرام: ده رخم وعنده كميه محن غريبه
ندى: اسكتى شوفتى وهو شايلها وخايف عليها من الحصان ولا هو نايم جنبها سيبك من كل ده الكلام اللى بيقوله فى الروايه طالع من قلبه بجد
غرام بخجل: شوفت بقولك ي غبيه كل ده عشته كانه بجد
ندى: تفتكرى كتفه عامل اي
غرام: معرفش
ندى: بس الولااا مز وجنتل اوووى
غرام: وبعدين هنفضل اليوم كله نتكلم عنه
ندى: طيب قوليلي ليه غيرتى لون شعرك
غرام: عشان اشوف لما اصحى هيغيره ازاى
ندى: والهدوم
غرام: بصراحه لما لبست النظام ده حبيته اووى
ندى بخبث: واسلام حبه اوووى
غرام: وبعدين
ندى: صحيح انتى ختى اجازه ليه
غرام: مش قادره اشتغل اليومين دول
ندى: طيب انا هروح انام بقا تصبحي على خير
غرام: وانتى من اهله
مسكت غرام الاااب وفضلت تقلب في رسومات الروايه وبتبسم وسرحت فى كلام ندى وانه مز وممكن يكون كتفه تاعبه
غرام بغضب: انتى اتجننتى دى شخصيه اكيد مش هتتعاطفى معاها نامى احسن
نااامت غرام بعد تفكير كتير وصحيت على حركه على وشها فتحت عينها ببطئ لاحظت انها نايمه في حضن اسلام وبيلعب فى شعرها
اسلام: صباح الخير ي حبيبتي
غرام بصراخ: اااااااااه
اسلام بخضه وحط ايده على بوقها: اششش هتفضحينى اهدى
غرام: انت ازاى نايم جنبى لحد دلوقتي
اسلام: والله الاتفاق انك تستنى لحد ما انام وتقومى بس الظاهر ارتحتى في حضنى
غرام بخجل: ابعد عنى انا بس راحت عليا نومه محستش
اسلام: والله طيب انا هغير ورايح الشغل
غرام: وكتفك
اسلام: احسن متقلقيش
غرام: واقلق ليه انا بس مستغربه هتشتغل ازاى
اسلام: شكلك ناسيه إن صاحب الشركه
غرام باستغراب: صاحب شركه؟ انت؟!
اسلام بغرور: ايوه انا يلا باااى
خرج اسلام وغرام فضلت في البيت وحاسه بملل وبدات تحضر الاكل وبعدين اخدت شاور وغيرت هدومها ولاحظت وهى قدام المرايه ان شعرها لونه القديم فضلت تفرك فيه عشان تشوف اي آثار للون الجديد بس ملقتش خبطت الازاز بالبرفان جامد وهى بتصرخ واتكسر
غرام: كده كتير بجد
فى اللحظه دي اسلام وصل البيت وسمع الصوت ودخل وهو قلقان على غرام اول لما شاف المنظر ده جرا عليها يطمن عليها
اسلام بقلق: انتى كويسه
غرام ببكاء: ابعد بقا انت من ساعه ما دخلت حياتى خربتها انا بقيت بتكلم بكلام غريب انا مش عارفه انا مين انا غرام ولا روان مش عارفه ده حلم ولا حقيقه انا مجنونه ولا عاقله
اسلام حضنها: اهدى اهدى عشان خاطري
غرام حاسه براحه في حضنه: انا تعبت ي اسلام انت مين انا مين ليه بيحصل معايا كده
اسلام: مش مهم اسمك اي ولا انا مين بس اتاكدى ان بحبك ولو حاسيت ان باذيكى هبعد عنك فورا
غرام في نفسها: انا هعمل زي ما قولت ي طارق هشوف اكيد ربنا ليه حكمه في ده
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية غموض امرأة)
