رواية كسور الفصل الثالث عشر 13 بقلم سهيلة سعيد
رواية كسور البارت الثالث عشر
رواية كسور الجزء الثالث عشر
رواية كسور الحلقة الثالثة عشر
عبدالله وهو بيمسك وشها ب ايده الأتنين : متندميش ع الي فات عشان خلاص فات ، انتبهي للي جاي ، هنقلع الأسود عشان هو ميستاهلش تحزني عليه ، وهنتعالج ، هنتعالج م القرف الي سممهولك ، متضيعيش كل الي عملته ع الأرض ، ماشي ي ريم ؟
ريم : حاضر والله 😥
*( بااااااااااك )*
( ييجي الليل ، ف بيت اسيل ، ف اوضتها ، واقفة هي وملك بيظبته الميكب بتاعهم )
اسيل بفرحة : مش مصدقة إني خارجة معاكي بصراحة 🥰
ملك : يعني تبقا اختي هتتجوز خلاص ومعملهاش حفلة وداع ، وبعدين اكرم بني ادم كئيب ومش هيسيبك تخرجي معايا بعد الجواز
اسيل : لا اكيد هيسيبني طبعاً !
ملك وهي بتبصلها : مظنش ي بطبوطة 😊
اسيل : ما علينا منسبقش الأحداث ، المهم احنا هنروح فين ؟
ملك : لا دي مفاجأة بقا
اسيل : طب قوليلي عشان اكرم سألني وقلتله هسألك
ملك بخضة : يادي النيلة وهو ماله !
اسيل : مهو لازم يعرف انا رايحة فين انتي فاهمة
ملك : قوليله ملك عملالي مفاجأة
اسيل : طيب ماشي
( يخلصه وينزله ، يطلبه اوبر ويمشوا ، ف الطريق ، اسيل بتتكلم ف الفون )
اسيل : م انا معرفش هي مش عاوزة تقولي ، حاضر اما اوصل هكلمك اقولك انا فين
( تبصلها ملك بتنهيدة )
اسيل : حاضر والله ، اوك ، باي
( تقفل اسيل )
ملك بتريقة : وتقوليلي هيسيبنا نخرج ، دة ف المشمش يختي !
اسيل : ههههه ي بنتي عاوز يطمن بس 😄
ملك : طب ابقي طمنيه اما نوصل بقا
اسيل : ايوة نوصل وهكلمه
ملك : ماشي
اسيل : متقوليلي رايحين فين بقا !
ملك بزهق : يووووه ع زنك ي شيخة ، عمتاً انا مودياكي مكان اول واخر مرة هتدخليه 💁🏻♀️
اسيل ب استغراب : ي ستار يارب ، انتي رايحة تدفنيني ولا ايه !!
ملك : لا ي قلبي ، بس الدخول فيه مش بالساهل كدة دة غالي فشخ وللطبقة الهاي هاي هاي كلاس
اسيل ب اندهاش : ايه دة هروح اشوف الناس الي بتلبس بالدولار 😃
ملك : وباليورو وحياتك
اسيل : هههههه شكلنا هنغسل الأطباق ف الأخر !
ملك : ههههه عيب عليكي دة انا مودياكي بتحويشة العمر
اسيل وهي بتمسك ف دراع ملك : ي روحي انتي ربنا يخليكي ليا يارب 🥺
ملك : حياتي 😊
( ف الأوتيل ، غالي ف مكتبه ، قاعد مع فريدة )
غالي بضيق : انا تعبت والله ي فريدة ، مش عارف الاقيها منين ولا منين ، من ابني الي بقا معقد نفسياً بسبب موت امه ، ولا من اختي الي بقت شبهوا بسبب الي جرالها ، ولا من اخويا الي دايماً شايفني مقصر واناني ، بجد مش عارف اعمل ايه 🤦🏻♂️
فريدة : طمنهم ، هما محتاجين يطمنه بس ، فريد محتاجك جنبه محتاجك تعوضه غياب امه ، مش محتاج إنك تفضل تقوله إن الي بيعمله دة غلط ومالوش لازمة ، بالعكس محتاجك تحسسه إن احزانه دي نهاية العالم وقصاد دة تطمنه وتهديه وتقوله انا جنبك وهنعدي دة كله سوا ، انت كمان متجوز صغير اوي وخلفته بدري ، الي ادك لسة متجوزوش ي غالي ، واختك الي مرت بيه مش قليل دي مصيبة ، واحمد ربنا إن دة موصلهاش للأنتحار ولا المرض لقدر الله !
غالي : والي هي بتعمله ف نفسها دة مش انتحار !
فريدة : بس زي م اتعالجت مرة قادرة تتعالج تاني
غالي : الأنتكاسة بتبقا مصيبة ي فريدة مش زي اول مرة ، وبعدين اول مرة كان القرف دة لسة منتشرش ف جسمها اوي ، اكيد دلوقتي الدنيا جواها مدمرة ، عبدالله عنده حق ، انا مش حاسس بحجم المصايب الي عندي واناني فعلاً !
فريدة : متقولش كدة ، عبدالله بس من صدمته ، انت عارف هو عانى اد ايه عشان يخرجها م الي هي فيه ، دة كان بيروح يبات معاها ف المصحة وبينيمها ف حضنه زي العيلة الصغيرة عشان يخفف وجعها ، ف هو زعل إن تعبه راح ع الأرض وهيعيد كل دة م الأول تاني !
( يتنهد غالي بضيق )
غالي وهو بيحط ايده ع وشه : اعمل ايه ، مش عارف اعمل ايه 🤦🏻♂️
فريدة : ربنا هيحلها من عنده ب اذن الله ، متشلش هم انت بس
غالي : يارب ، بنتك عاملة ايه صحيح ؟
فريدة : كويسة الحمدلله
غالي : الحمدلله ، لو احتاجتي اي حاجة تقوليلي ع طول
فريدة : طبعاً ي غالي انت اخويا
غالي : اكيد
( بعد شوية ، توصل ملك واسيل قدام night club ، ينزله م العربية )
اسيل بخضة : يخربيتك انتي جيباني فين !!
ملك : مش قلتلك هظبطك ، تعالي يلا
اسيل : اجي ايه اصبري ، انا لو اكرم عرف إن انا ف المكان دة هيبهدلني !
ملك : وهو هيعرف منين انتي لازم تقوليله يعني ، قوليله إنك ف اي مكان تاني ، قوليله سهرانين ف مطعم ولا ف كافيه ، ف اي حتة 🤷🏻♀️
اسيل : اكيد مش هكدب يعني ي ملك ، خلينا نروح اي مكان تاني طيب 😕
ملك : لا طبعاً انا حاجزة انتي عايزة تضيعي فلوسي ع الأرض ، بقولك تحويشة العمر حرام عليكي ي شيخة !
اسيل بحيرة : طب هعمل ايه دلوقتي ، مقلتيش ليه م الأول إنه night club ؟!
( تتنهد ملك بزهق )
اسيل : انا مقدرش ادخل المكان دة ، افرضي حد ضايقنا جوة الناس بتبقا سكرانة !
ملك : انتي هبلة ي بت هو انا مدخلاكي كباريه ، دة night club كبير ي حبيبتي ، يعني مليان امن جوة وبرة وف كل مكان واقفين ، وبعدين في بنات بتيجي لوحدها وولاد ناس مهمين ، مش معقول يعني هيسيبه الدنيا سداح مداح كدة ، هنا محدش يقدر يغلس ع حد ولا يضايق حد ، الناس بتيجي تنبسط وبس ، وبعدين م انا قيلالك في بنات جوة صحابي مستنينا ، يعني احنا مش لوحدنا متخافيش
اسيل بتردد : طب اقول ايه ل اكرم ، انا مش عايزة اخبي عليه 😕
ملك : لو انتي شايفة إنك لو قلتيله إنك هنا عادي بالنسباله ومش هيقولك روحي البيت ويفسدلنا اليوم ف قوليله إنك هنا ، لكن لو هيعترض قوليله إننا ف اي مكان بقا 🤷🏻♀️
اسيل وهي بتمسك الفون : طب هقوله إن احنا ف كافيه وإن انتي عملالي حفلة هناك وكدة انتي والبنات
ملك : اشطا اوك
اسيل بحيرة : ولا اجرب اقوله إن احنا ف night club مثلاً ، ولو اعترض اقوله خلاص هنمشي نروح اي كافيه ؟
ملك بزهق : اسيل ، ي تقوليله إن احنا جوة night club واكيد هيعترض طبعاً عن كلامك ، ي اما تقولي إن احنا ف كافيه ، لكن هتقوليله إن احنا جوة وترجعي تقولي خلاص رايحين كافيه هيكون بعدها اصلاً نكد عليكي وهزقك وقالك ازاي تروحي night club وازاي مش عارف ايه وهيبقا مودك وحش ، طب وع ايه النكد ، قوليله إنك ف كافيه وخلاص م الأول
اسيل بتنهيدة : طيب خلاص ي ملك هقوله إن احنا ف كافيه 😒
ملك : طب يلا خلصي عشان مش عايزين نتأخر ، انتي كدة بتضيعي وقتنا عشان امك متقعدش تزن وتروحنا !
اسيل وهي بتحط الفون ع ودنها : خلاص بكلمه اهو
ملك : ماشي
اسيل : الو ، ايه ي اكرم ، بص احنا وصلنا عند كافيه اهو ، اة هنقعد شوية ، البنات مستنيانا جوة ، لا م انا هبقا مع ملك والبنات ، عشان متتحرجش يعني ، لو اتأخرنا ولا حاجة هبقا اتصل بيك تجيبنا ، لوكيشن ايه ؟!
( تتخض ملك وتبصلها )
اسيل : انت يعني مش متأكد من كلامي ، طب اومال ايه ، لا اطمن ي اكرم انا قلتلك مع ملك واحنا ف كافيه ف البلد ، تمام ماشي ، هخلص واتصل بيك ، اوك باي
( تقفل اسيل )
ملك : هو عايزك تبعتيله لوكيشن المكان ؟!
اسيل : اة ، بيقولي عشان اطمن عليكي
ملك : عشان يطمن عليكي برضو ولا عشان يتأكد إن انتي فعلاً ف المكان !
اسيل بضيق : اياً كان بقا 😒
ملك : والله ي بنتي اليوم دة بكرة تحلفي وتتحلفي بيه لما تتجوزيه ، دة هيخنقك خنقة !
اسيل بزهق : خلاص بقا ي ملك ، يلا ندخل
( تدخل ملك واسيل المكان ، تنبهر اسيل بكبر المكان وشكل الناس الي جواه والأنوار وفعلاً بادي جارد ف كل حتة ودة يطمنها شوية ، تشاور ملك لشلة بنات قاعدة ويقربه يقعده معاهم ، واقف عاشور بعيد باصصلهم ومبتسم ، يطلع الدور الي فوق )
الأمن وهو بيصده : ايه ايه ي عم عاشور رايح فين ، م انت عارف إن هنا ممنوع !
عاشور : يابا جايلك ف مصلحة اهدى عليا بس
الأمن : مصلحة ايه ؟!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية كسور)
