رواية بنت الشيطان الفصل الخمسون 50 بقلم رحمة نبيل
رواية بنت الشيطان الجزء الخمسون
رواية بنت الشيطان البارت الخمسون
رواية بنت الشيطان الحلقة الخمسون
#عشقتك_مجنوتني
#بنت_الشيطان2
#رحمة_نبيل
#الفصل_الثالث_والعشرين
🌸🎀 قال الحافظ ابن رجب رحمه اللّه تعالىٰ :
*« ذنوب العبد وإن عظمت فإن عفو الله ومغفرته أعظم منها وأعظم، فهي صغيرة في جنب عفو الله ومغفرته »*
📮 جامع العلوم والحكم (٤٠٦/٢) [
🌸💦قال العـلامـة ابن عثيمين رحمــه الله :
*” فينبغي للإنسان أن يتذكر دائما الموت لا على أساس الفراق للأحباب والمألوف ، لأن هذه نظرة قاصرة ولكـن على أسـاس فـراق : العمل والحرث للآخرة ، فإنه إذا نظر هذه النظرة استعد وزاد في عمل الآخرة “*.
📮الشـرح الممتـع ( ٥/٢٣١ )
*🌸🎀اغتنموا هَذِه الْفَضِيلَة فِي هَذِه الْأَيَّام القليلة*
🌷 قال الإمام ابن الجوزي رحمه الله تعالىٰ :
*” فَاللهَ اللهَ، اغتنموا هَذِه الْفَضِيلَة فِي هَذِه الْأَيَّام القليلة تعقبكم النِّعْمَة الجزيلة والدرجة الجليلة والراحة الطوِيلَة إِن شَاءَ الله، هَذِه وَالله الرَّاحَة الوافرة والمنزلة السائرة، وَالْحَالة الرضية، وَالْجـنَّة السّريَّة، وَالنعْمَة الهنية، والعيشة الرضية، لَا تنَال إِلَّا بالوقار لهَذَا الشَّهْر الَّذِي عظمه الْجَبَّار، وَفضل بِهِ مُحمَّد الْمُختَار، وَمن لَا يوقره كَانَ مصيره إِلَى النَّار “.*
📮بستان_الواعظين (٢٣١/١).
الفصل الثالث والعشرين
نظر خالد باعصاب تحترق لوالده ثم نهض بعنف / لا اتأخرت اوي انا هروح ادور عليها في اي حته
نظرت جميله بقلب موجوع له وخائف علي ابنتها ثواني وسمعت صوت طرق الباب لم يعطها خالد الفرصه بل ركض بسرعه للباب وفتحة وجد شقيقته الي جانب حسام الذي لم ينتبه له بل جذب شقيقته لاحضانه بسرعه / كنتي فين يا سما كنت هموت من الخوف عليكي اوعي تعملي كده تاني
ابتسم حسام بسخريه لاذعة ماذا ان عرف ما كانت علي وشك فعله
سما وهي تبتعد عن خالد باعصاب تكاد تنفلت من هذا الذي يحدق بها / هو انا ك…
قاطعها حسام وهو يبتسم لخالد / كانت في النادي وتعبت وودوها علي العياده هناك وبالصدفه انا كنت في النادي انهاردة وشوفتها عشان كده فضلت لحد ما قامت وجبتها وجيت بعتذر لو نسيت اكلمكم عشان تطمنوا
نظر له خالد والذي استوعب وجوده الان وعانقه / تسلم يا حسام
ابتسم حسام بسخريه عليها وهي تنظر للارض بخوف شديد
ادعي حسام المزاح/ لا ياعم انا مش عايز شكر انا عايز حاجه تانيه
نظر له خالد بتعجب / طب ادخل الأول
دخل الجميع ووجدوا جميله تركض لابنتها وتحتضنها بخوف فمنذ مكالمه كمال وهي مرتعبه من أن يؤذيها
أسد وهو يضمها / كنتي فين يا سما
ادمعت عين سما علي حنان أهلها معها هي لاتستحقه ابدا
قاطع ما كانت علي وشك قولة خالد وهو يحكي له ما حدث
أسد وهو يربت علي شعرها بحنان / احسن دلوقتي
بالكاد منعت نفسها من الانفجار في البكاء علي ما سيحدث لها علي يد هذا الذي يبتسم بسخريه عليها
نظر اسد لحسام ببسمه / معلش يا حسام نسيت أرحب بيك بس كنت قلقان عليها
حسام ببسمه /ولا يهمك يا عمي
خالد بتعجب / ايوه بقي كنت عايز تقول اية بره
حسام وهو ينظر لسما وينطق كلمات اصابتها كالسكين / كنت بقول اني طالب ايد سما منك يا عمي
نور وهي تضع يدها علي عين مالك وتصرخ / ايه اللي بتعمله دة والله لاكون قتلاها
بينما دانه تنظر وتصفر بمرح / انا قولت جشطه يخربيت حلاوه اهلك ياشيخه
ضربها عبدالرحمن الذي كان يعطيهم ظهره / اخلصي يابت وروحي غطيها بحاجة الله يحرقك
دانه وهي تبتسم بخبث / اوووه شوفوا المحترم هي العروسه خلتك محترم ولا ايه ياباشا
عبدالرحمن بشر / والله يا دانه اما روحتي جبتي اي حاجه تغطي بيها المانجه دي استغفر الله لاكون قاتلك انا بقولك اهو.
دانه وهي تتجه لغرفتها وتحضر مفرش السرير وتخرج وهي تتمتم بحنق علي عبدالرحمن وهبطت الدرج لتصل لايملي التي يبدو أنها سقطت من علي الدرج وكانت بثياب النوم الخاصه بها
دانه وهي تلف جسدها بالفراش / تعالي يا جوافه المستكاوي انتي
دانه وهي تنظر لهم /خلاص يا اخت نور تم السيطرة علي الوضع سيبي جوزك يا حبيبتي وانت يا شيخ عبده خلاص غطتها
نزعت نور يدها من علي مالك وهي تنظر لايملي بغضب شديد بينما عبده نظر لدانه بيأس / ملاية يا دانه جايبه ملاية انتي قفشتيها في شقه مفروشه
دانه وهي تضم ايميلي بدراميه / الحق عليا عايزه استر البنيه صحيح ياما في الحبس مظاليم
مالك ببرود / وده ايه علاقته بالموقف
دانه بغباء / معرفش بس هما بيقولوا كده
ثم نظرت لايملي / قومي يا اوختشي
ايملي وهي تدعي الألم وتتحدث بلغتها الروسيه المميزه / لا لا استطيع قدمي تؤلمني
ثم نظرت لمالك / هلا تكرمت وحملتني لا استطيع السير ابدا
نور بصراخ لدانه / بتقوله اية البت دي وعارفه لو كدبتي هقتلك
دانه بضحك / لا المره دي مش محتاجه اجود من عندي لأنك كده كده هتقتلي بتقول لجوزك شيلني يا مالوكه
مالك بحاجب مرفوع ببرود / مالوكه
دانه برعب وهي تبتلع ريقها من نبرته / يعني تقريبا كده أصلها قالتها بسهوكه كده
نور بصراخ / انتم بتتناقشوا في ايه وسع كده
دفعت مالك عنها ثم هبطت الدرج سريعا وركضت لايملي وجذبت شعرها بشده بينما هي أخذت تصرخ طلبا للمساعدة ودانه تفرق بينهم /صلي علي النبي يا نور البنت مغلطتش ما هو الصراحه جوزك هو اللي لهطه جشطه مش ذنبها
ثم نظرت لمالك والقت له قبله جعلته ينفجر بالضحك علي ابنته التي تشبه امها في الغباء تماما
نور وهي تجذب شعر ايملي اكثر /ولو ولو لازم اخليها قرعه
هبط عبدالرحمن وجذب والدته من فوق ايملي وحملها بعيدا عندما رأي مالك هذا خرج عن برودة وصرخ بحده / عبدالرحمن
نظر له بتعجب لما يصرخ عليه هو
وجده يهبط الدرج بعنف ويجذب نور من احضانه ويضعها داخل احضانه هو / حسك عينك تعمل كده تاني فاهم
عبدالرحمن بصدمه من والده / اعمل ايه بس يا مالك دي امي
مالك وهو يجذب نور للاعلي / بس يا عجل انت قال امك قال رايح تحضنها يا غبي
ثم تحدث لايملي / اعتذر يا ايملي علي ماحدث ارجو ان ترتاحي الان وغدا نتحدث
نظرت ايملي له بألم شديد بسبب جذب نور لشعرها / حسنا
نور وهي تكاد تهبط لها ولكن منعها جذب مالك / بتقول ايه البت دي
مالك بغيظ وهي ينحني ويحملها / اسكتي بقي كل ده كلام كلام كلام دي هي كلمه واحده قالتها يا شيخه
نور وهي تنظر له بغيظ / سكتنا
نظرت دانه لعبدالرحمن / شايف ابوك اتعلم عشان قريب لما تتجوز / اوعدنااااااا يارب
ضربها عبدالرحمن علي رقبتها / اظبطي يابت ويلا سربي القمر ده وروحي نامي تصبحي علي جنه
قال آخر كلامه وهو يقبلها في وجنتها
ابتسمت دانه / وانت من اهل الجنه
نظرت دانه لايملي وتحدثت باسف مصطنع / اوووه اعتذر حقا ايملي ولكن نور لا تحب أن يتقرب احد من زوجها تصبحين على خير
ثم تركتها وذهبت لغرفتها
بينما ايملي نظرت لهم بسخط كبير علي هذه العائله المجنونه
عاد حسام للمنزل وجد عائلته مجتمعه وتتحدث وتتشاجر كالعاده
عمر /بس يا نرمين بقي متضيقيش اخوكي
نرمين وهي تنظر لادم بغيظ / شايف يا عمر بيبصلي ازاي
نظر عمر لادم الذي كان يقوم بعمل أوجه مضحكه / ادم خلاص قلنا مش هنكمل لعب خلاص لموا بقي الكوتشينه دي ومش هنكمل
ادم بضحك / ك… كل ده ع… عشان خسرت يا ع.. عمر
عمر وهو يلقي الكوتشينه / طب اهو مفيش لعب يلا قوم يلا منك ليه
حسام وهو يتحدث بملل/ ايه يا عمر مش هتبطل لعب مع العيال دي
ادم بحنق / انا م… مش عيال
نرمين وهي تنظر له بتذمر / لو سمحت انا انسه كبيرة
حسام وهو يلعب في شعرها ويلقيه علي وجهها/ طب يا انسه
عمر / كنت فين ياض انت
حسام وهو يجلس بجانبه ويضحك /ياض ماشي يا بوب مقبوله منك كنت في مشوار وعايز ابلغك حاجه
عمر بتعجب/ ايه هي
حسام بشرود / لما ماما تيجي
ثواني وكانت جنه تخرج /ايوه يا حسام عايزني
ضحك الجميع عليها
جنه / فيه اية
عمر / اصل اول ما قال اسمك نطيتي مره واحده كده
جنه وهي تلوي فمها بامتعاض / هتقول عايز ايه ولا امشي
حسام وهو يبتسم / لا هقول انا الحقيقه قررت اني اتجوز
نظر له الجميع بصدمه وعم الصمت المكان
حسام بسخريه / فيه ايه ناقص صوت صرصار الحقل مالكم
خرج عمر عن صمته وتحدث بجدية / مفيش بس انت فجأتنا
نرمين بضحك / ايه يا والدي هو بيتقدم ليك انت ولا ايه يعني ايه فجأتنا
جنه / هي مين العروسه
حسام وهو ينظر لهم ويأخذ نفسه / سما بنت عمي أسد
نظر عمر لجنه بتعجب / سما اشمعنا
نظر حسام له بثقه /عشان بحبها يابابا
ابتسمت جنه وقامت وعانقته / ياقلبي ربنا يتمم بخير
عمر ببسمه /الف مبروك يا حبيبي وانا بأذن الله هكلم عمك أسد و….
حسام وهو يقاطعه / لا منا احم كلمته
نظر عمر بتعجب /كلمته ازاي
حسام / اصلي كنت عندهم ففتحت معاهم الموضوع ده
عمر وهو ينظر له بجمود /ولما انت فاتحته جاي تقولنا ليه.
نظرت له جنه بتوسل الا يحزنه ولكنه تجاهل نظراتها
حسام وهو يمسك يده ويقبلها/ والله يابابا ما قصدي اقلل منك ولا حاجه انا بس حبيت اخد موافقه مبدئية عشان تيجي انت بنفسك وتخطبها ليا حقك عليا يا غالي والله ما كان قصدي ازعلك
لان قلب له فهو رغم كل شئ صغيره الذي كان يلعب معه منذ صغره مهما كبر يظل طفله
ربت عمر علي كتفه ببسمه حنونه / الف مبروك يا باشمهندس
نظر له حسام بفرحه ثم عاتقه / الله يبارك فيك يا بابا
عانقه عمر بشده وهمس في اذنه / لو فاكر ان نظره الحزن اللي في عينك دي فاتت علي ابوك تبقي غلطان يا حسام بس هستناك انت تيجي تحكي
ابتعد عنه عمر بسبب جنه وهي تخبره ان يتركه لتعانقه
عانق حسام والدته وهو ينظر لوالده الذي يبتسم عليه
في الصباح
استيقظ عبدالرحمن وجهز نفسه وخرج مبكرا قبل استيقاظ الجميع وذهب لمكان بعيد عن المساكن وتوقف بسيارته وهبط منها وانتظر قليلا حتي ظهرت له سياره مدرعه جيب نظر لها بدقه حتي تبين له انها المطلوبه ثواني وهبط منها بكل شموخ
نظر له عبدالرحمن ببسمه / باشا البشوات كله هنا حبيب هارتي والله يا بلاك
تحدث المدعو بلاك ببسمه بارده / فيه ايه يا نمر ده انا لو خطيبتك مش هتقولي كده يا راجل
ضحك عبدالرحمن بشده وذهب وعانقه وتحدث بحب اخوي كبير / وحشتني والله
بلاك ببسمه / وانت اكتر يا عبده باشا
ثم ابتعد عنه / اها اية هي المصايب الجديدة اللي جايلي بيها
عبدالرحمن بمزاح / قاسي قاسي قاسي وجرح احساسي بقي انا يا بلاك قلبي وسواد حياتي باجي بمصايب اخص عليك
بلاك بضحكه رجوليه كبيره /لا استغفر الله هي بس اخر مهمه كانت راسنا هتطير بس
عبدالرحمن بضحك / ياااه ياراجل ايام
بلاك وهو يبتسم بشرود / ايام فعلا
عبدالرحمن بجديه / طب عشان مطولش عليك عايزين نقعد مع بعض عشان محتاج مساعدتك معايا في مهمه
بلاك وهو يتجه للسياره وهو يبتسم / مستنيك ياباشا
نظر عبدالرحمن له ببسمه / تمام
ثم صعد كلا منها لسيارته وانطلقت السيارات تشق طريقها في الصحراء
توقفت سياره عبدالرحمن أمام مركز المخابرات العامه وهبط منها ودخل وهو يرد التحية ولكن قاطع سيره رسالة لهاتفه نظر لها بتعجب سرعان ما تحول لبسمه خبيثه / والله ووقعتوا يا جذم بركاتك يا شيخ بلاك هههههههههههههه
ركضت دانه في مدخل الشركه وهي تنظر في ساعتها / اتأخرت
توقفت فجأه وهي تحدث نفسها / هو انا مذعوره ليه مهو العادي اتأخر يعني امال هاجي في ميعادي مثلا
ابتسمت دانه ثم سارت ببطئ وهي تصفر كانت تسير تجاه المصعد حتي رأت مشهد جعلها تبتسم بشر اقتربت من منصه الاستقبال ببطئ حتي وجدت هذه العقربه التي حدثتها اول يوم بنبره متعاليه وجدتها تقف مع شاب وتتحدث معه بنبرة اغراء واضحه للعيان وتقترب منه بطريقه قذره سمعتها دانه وهي تضع يدها خلف رقبته وتتحدث بدلع / لا انا زحلانه منك
الشاب بقذاره / ليه بس يا عمري
ادعت دانه انها تسير للمصعد ولا تنتبه لهم ثم نادت بصوت عالي وهي تشير بيدها لاتجاه خلفهم / ليث باشا اتفضل
نظرت الفتاه هي والشاب برعب شديد من وجود ليث لدرجه عدم ادراكهم انه حتي لو كان ليث هنا لم يكن ليراهم ولكن الرعب اخذ مجراه
نظرت الفتاة لدانه بشر
ضحكت دانه بشده / خلاص متزحليش كنت بهزر
ثم قالت وهي تدخل المصعد / يا عمري
قالت دانه لنفسها الناس دي لازم نقتلها قبل أن تتكاثر
وانتظرت حتي وصلت للدور المطلوب ثم خرجت واتجهت للمكتب طرقت الباب حتي سمعت صوت قاسم يأذن لها بالدخول
دخلت دانه وهي تفتح الباب وتنظر لهم ببسمه / مرحبا
سرعان ما انمحت بسمتها وهي تنظر لتلك التي تجلس ملتصقه بليث بطريقه قذره وتنظر له نظرات غير برئيه تماما وليث ففط يجلس بحمود كبير لا يتحرك وعيناه تسبح في الفراغ كالعاده تقدمت دانه ببطئ منهم وهي تحاول الوصول لسبب وجود هذه الحرباء الملونة كما أطلقت عليها اقترب والقت التحيه علي ليث وقاسم وتجاهلتها تماما
نظرت لها الفتاه بحاجب مرفوع ونظريه سخريه نظرت دانه لاحظت دانه نظرات الكره من قاسم تجاهها فنظرت بتقيم لثيابها فوجدتها ترتدي فستان اقل ما يقال عليه مبهر نظرت لملابسها وجدت نفسها ترتدي سولبت جينز وقميص اصفر
نظرة لشعر الفتاه وجدته مصفف بعنايه كبيره نظرت لنفسها وجدت نفسها مثل الطفال بذيل الفرس نظرت لحقيبتها وجدتها من أكبر الماركات المشهوره وهي ترفض هذه الأشياء وتحمل حقيبه ظهر مثل الأطفال
اقترب قاسم منها حينما لاحظ شرودها وتحدث بهمس / يخربيتك هتاكلي البت بعيونك اهدي كده
نظرت له وهي تلوي فمها / اسمها ايه القطه
كتم قاسم ضحكته عليها ثم نظر للفتاة بقرف واشمئزاز / كاترينا
نظرة لها دانه / نور يطلعلها ايملي وانا كاترينا بركاتك يا نور
كانت رحمه تقوم بترتيب الغرف كعادتها كل صباح الا ان هذا الصباح مختلف فقد ابلغتها منال ان عبدالرحمن حدثها ليأتي باهله لطلب يدها حسنا قد تقولون مجنونه لأنها عرفته فقط من فتره قليله ولكن هو حقا ترك في قلبها أثر كبير يكفي خفقانه بشده عند سماع صوته فقط
تنهدت بحالميه ولكن فاقت علي صوت حمدي الذي يجلس علي كرسي مقابل
حمدي وهو يضع يده أسفل خده ويتنهد مثلها / الحب وسنينه يا اوختي
نظرت له رحمه بحاجب مرفوع / حب يا حمدي وانت تعرف يعني ايه اساسا
حمدي وهو ينظر لها ويتنهد كشاب ذاق عذاب الحب وتجرعه حتي الثمالة / اه يا رحمه اقولك ايه الحب يا بنتي يعني تشوفي حد وتحسي قلبك عايز يخرج من مكانه ويروح ليه مجرد بس عينك تيجي في عينه بتلاقي نفسك من غير ما تحسي بتبتسمي وقلبك يدق كأنه في سباق ولا لما تسمعي صوته اه تحسي انك بتسمعي أجمل الألحان
نظرت رحمه له ببلاهه / ها
حمدي وهو ينظر لها / انتي شكلك جاهله متعرفيش يعني ايه حب
رحمة وهي تقترب منه / وحيات امك ده كلامك
حمدي وهو يعدل ثيابه / امال يعني كلام مين مش انتي شوفتيه بيخرج من بقي دلوقتي
رحمة وهي تهز رأسها بنفي / انت مش طفل عنده 10 سنين لا ده انت عجوز مات وطالع واندفن وطالع يتهوي شويه
ثم امسكته من ثيابه / انطق وقول ياض جبت الكلام ده منين
ابعد حمدي يدها بتكبر / الظاهر الفنان هنا مش بيتقدر
رحمه وهي تنظر له بتشنج / لا يا حيلتها مش بيتقدر هنا بياخد بالشبشب
قالت ذلك وهي تخلع شبشبها / انطق ياض بدل والله لاشرحنك
حمدي وهو ينظر لها بحنق / من كتب احمد اللي بيقرأها لقيت الكلام ده وحفظته عشان حبيته
رحمه / وانت فاهم معناه عشان تحفظه
حمدي ببسمه غبيه / لا
رحمه وهي تدفعه / طب غور وحسابي مع احمد اللي سايب الكتب بتاعته في كل حته ده
حمدي وهو يخرج ويشير بيده لعدم اهتمامه / هتعملي ايه يعني هترجعي في الاخر متخانقه معاه
رحمه وهي تنظر في اثره / ايه الواد الرخم ده اوووف عكرت مزاجي يا اخي نزار قباني في نفسه الواد ده انا كنت جربت ادمع من كلامه
دخلت ناري لمكتبها وهي تنظر للهاتف وتأكل سندويتش دخلت ولم تعير احد انتباهجلست علي مكتبها وهي تنظر للهاتف ثم ابعدته لتبدأ العمل ولكن وقع نظرها علي علبه كبيره من الشيكولا نظرت لها بعيون مفتوحه مثل الطفل وابتسمت وصفقت بيدها ونظرت حولها ان كانت هذه ملك لاحد ام لا ولكن لم تجد احد
فتحت العلبه وأخذت واحده منهم. ثم اكلتها بتلذذ كبير مثل الأطفال وهي تغمض عينها فتحت عينها بعد مرور ثواني لتشهق برعب شديد عندما وجدته يجلس أمامها وهو يبتسم له بمشاغبه وخبثناري وهي تنظر له بخجل بسبب مظهرها وتضحك بغباء / ايه ده انت جيت امتي
خالد وهو يقترب بخبث من مكتبها وانحني بجسده علي المكتب / من ساعه ما بدأتي تكلي شيكولاتي يا طفسه
احمر وجهها بشدة بسبب حديثه /ده… ده… ده
خالد ببسمه وترتها اكثر وجعلتها تخفض نظرها بخجل خاصا مع اقترابه الشديد
ناري وهي تكاد تحترق من الخجل فقالت بصوت خافت جدا / كانت علي مكتبي
خالد وهو يركز بصره علي عيناها ويتحدث بهمس خدرها / وهو اي حاجه علي مكتبك هتاخديها
ناري /لا بس انا بحب الشيكولاته
ثم اخفضت رأسها بخجل / اسفه والله اكلت واحدة بس
ضحك خالد بشده عليها وهو يتبعد عنها / هما بتوعك اساسا كليهم انتي انا جايبها ليكي امال هي علي مكتبتك ليه
خفضت نظرها بخجل من كلامه فضحك هو واشفق عليها لذا قرر العوده لمكتبه فخرج وهو يقول / هستناكي في استراحه الغدا
بمجرد خروجه اخذت نفسها وهي تقول /يخربيته كان هيوقف قلبي
تحدث خالد والذي كان مازال يقف عند الباب / سلامه قلبك يا جميل
نظرت له وفتحت عينها بشده بينما هو ضحك عليها وذهب لينجز اعماله
كان عبدالرحمن يقود سيارته ليصل لوجهته بعد مرور ساعتان هبط من سيارته وتوجه لسياره يقف بجانبها بعض الرجال يبدو من ثيابهم انهم من البدو
عبدالرحمن وهو يخلع نظارته / الشيخ محمد فين
أشار احد الرجال للسياره دخل عبدالرحمن المقعد الخلف بجانب احد الرجال الذين يبدو عليهم كبر السن والحكمه
ابتسم له الرجل / حضره الظابط عبدالرحمن عاش من شافك يا راجل لازمن يعني يكون فيه اخبار عشان نشوفك
عبدالرحمن وهو ينظر له ببسمه ويقبل يده / اسفه يا شيخنا بس انت عارف المشاغل
الشيخ وهو يربت علي كتفه / عارف يا ولدي الله يكون في العون وانا جبتك عشان كده
عبدالرحمن ببسمه امل / فيه اي اخبار جديده
الشيخ ببسمه تخفي وراها الكثير / واي جديد يا ولدي الجديد كله عندي
المدير وهو ينظر لحسام بتقيم / يعني ايه انت رفضت قبل كدة
ابتلع حسام ريقه / ودلوقتي ببلغ حضرتك بالموافقه انا اللي هسافر أستراليا عشان اشرف علي سيستم الأمن في الفندق
المدير ببسمه / تمام يا حسام جهز نفسك خلال اسبوعين هتسافر
حسام وهو يبتاع ريقه بخوف من المستقبل / تمام يا فندم
المدير / جهز اوراقك وانا هكلمهم يجهزوا ليك السكن
حسام وهو ينهض / شكرا جدا لحضرتك
هز المدير رأسه بايجاب
خرج حسام وهو يفكر في قراره لا يعرف هل اتخذ القرار الصحيح ام لا هو فقط يريد أن يأخذ سما ويبتعد عن هنا حتي يتسني له الفرصه لكي يفعل ما خطط له بقي فقط اقناع الجميع بتقديم الزواج
تنهد وهو يتذكر قلقه وخوفه في الصباح أن يكتشف احد امر إطلاقه للنار علي ذلك الشاب ولكن لم يجد اي خبر يدل علي ذلك لربما لم يبلغ الشرطه
ابتسم بخبث كيف يخبر الشرطه وهو يمكن أن يسجن بسبب وجود مخدرات عنده في منزله
نظرت دانه لليث لتجده يضغط علي يده بقوه عكس ملامحه الجامده
تحدث ليث بنبره بارده تخفي خلفها سيول من الجحيم / وحضرتك من بين كل الشركات اخترتي شركتي عشان الصفقه
ابتسمت كاترينا بدهاء / اها هو فيه ايه يمنعني يعني
نظر له قاسم بقرف وغضب هذة الحقيره بعد كل ما فعلته تعود بهذه السهوله
ابتسم ليث بسمه مرعبه / وانا موافق
نظر له قاسم بصدمه يوافق علي ماذا علي مشاركته امرأة كتلك امرأة خانته يشارك زوجته السابقه
نظرت دانه لهم بتعجب من نظراتهم وتحدثت / احم هو فيه حاجه هعملها يا فندم انهارده
اغمض ليث عينه بتعب / هممم
اخرجوا كلكم
نظر له قاسم بشفقه وكاترينا بدهاء
ثم حملت حقيبتها / هنتقابل قريب يا ليث قريب اوي
نظر قاسم لها وهي تخرج ثم تحدث بعصبيه / انت ازاي يا ليث توا…..
ليث وهو مازال يغمض عينه / سبني يا قاسم دلوقتي
نظر له قاسم لثواني ثم انسحب وذلك بعد رؤية حالته
بقي هو ودانه فقط
دانه بهمس رقيق يخرج منها نادرا / حضرتك محتاجني في حاجه
ظل ليث مغمض عينه فتره حتي ظنت انه نام
اقتربت دانه منه ونادته / باشمهندس ليث
لم يجيب لذا حملت حقيبتها وكادت تخرج لولا أن يده منعتها من الذهاب ومسكت يدها وتحدث بنبرة لأول مره تسمعها / خليكي
نظرت دانه بتعجب ثم اقتربت وجلست مجددا علي مقعدها ونظرت له وهو مازال يمسك يدها وتبدو ملامحه متشنجه ظلت تنظر له بدقائق حتي فتح عينه ونظر امامه بشرود وتحدث بنبره غامضه / دانه……….
كان معتز يجلس علي مقعد وينظر لصور رحمة بهوس ويضحك بجنون / ودعي حبيب القلب يا رحمه لان النهارده نهايته علي ايدي
رفع هاتفه واجري مكالمه / خليك وراه ولما تجيك الفرصه نفذ
……..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بنت الشيطان)
