رواية روح فارس الفصل الخامس 5 بقلم محمد منصور
رواية روح فارس البارت الخامس
رواية روح فارس الجزء الخامس
رواية روح فارس الحلقة الخامسة
خلصت الحلقة اللي فاتت علي ان جودا اللي قدر يغدر بيا وينقلني للزمن والارض اللي فيهم روح. وكنت اخر حاجة اشوفها هي امي وهي بتبص لي وحزينة علي اللي حصل فيا. ودموع عيونها نزلو علي الارض. وجريو ناحية الصورة بسرعة وقبل ما جسمي كله يتلاشي لحقت اخر نقطة من دموع عيونها علي كف ايدي. وبقيت محبوس جوة اللوحة ولقيت نفسي جوة معرض لوحات كبير ومن كلام الناس مع بعضيهم قدرت احدد انا فين. انا في القاهرة. عرفت ازاي انها هي ماعرفش ازاي فاهم كلام الناس مع بعض برضو ماعرفش كل اللي اعرفه اني مرسوم جوة لوحة واللي يشوفني. فهو شايف مجرد لوحة لكن انا لحم ودم وفي كف ايدي اخر نقطة من دموع امي. اللي ممكن احتاج لها وتكون مساعدة من امي ليا. وعن طريقها اقدر ارجع لزمني وارضي. لكني ومن غير ما حس لقيت اخر نقطة من دموع امي بتنزل من اللوحة بشكل غريب وفضلت تمشي زي الكورة الازاز لغاية ما خرجت من المكان اللي انا في. وساعتها لقيت. راجل في الستين من عمره اسمه شوقي واقف قدام اللوحة بتاعتي وبيقول
يا فرج انت يا فرج
فجة راجل عنده اربعين سنة وقف قدام منه وهو بيقول
خير يا فنان
شوقي وهو لسة بيبص للوحة بتاعتي قال
اللوحة دي جت منين
فبص فرج للوحة وقال
انا لقيتها النهاردة الصبح وسط لوحاتك
شوقي
بس انا ما رسمتش اللوحة دي
فرج
ازاي بس يا فنان. دة جاية في العربية بتاعتك مع باقي لوحاتك
شوقي وهو عمال يبص لي وبيقول
ممكن تكون اهداء من بسنت بنتي. لانها قالت لي انها محضرا لي مفاجاة بمناسبة المعرض. لما تيجي بسنت ابقي فكرني اسالها
وفي نفس الوقت كانت روح محجوزة في مستشفي وعلي السرير ومتعلق لها تحاليل وقدام منها صاحبتها سهيلة بتبص لها وهي عماله تضحك وروح اتعصبت وقالت
علي فكرة انا ما بهزرش وفعلا وانا تحت المية قدرت اخد نفسي لكام ثانية كدة وهو دة اللي خلاني عايشة لغاية دلوقتي قبل ما ينقذونا
سهيلة باستهزاء
يعني اتحولتي سمكة بلطي. ولا بقيتي عروسة البحر
روح
سهيلة مش كل حاجة تقلبيها هزار. لاني فعلا ما بهزرش
سهيلة
روح انتي سامعه نفسك بتقولي أية في حد مننا يقدر ياخد نفسه تحت المية الا. السمك. يا حبيبتي انتي كنتي بتغرقي وعادي جدا تكوني بتخرفي
روح بعد ما سكتت لكام ثانية مش مقتنعه قالت
بس انا متاكدة اني كان خلاص نفسي راح ولقيت نفسي فجاة قادرة اتنفس
في الوقت دة دخل مراد. وهو شاب في نفس سن روح واخوة سهيلة. ووقف قدام روح وهو قلقان عليها وقال
روح الف سلامه عليكي انتي ما تعرفيش انا كنت هاتجنن ازاي من القلق عليكي لما عرفت اللي حصل لك
روح
انا بخير يا مراد مالهوش لزوم تقلق كدة.
مراد
لا. باين عليكي تعبانه. ما انتي لو كنتي سمعتي كلامي وماتطلعيتش الرحلة دي ما كنش حصل لك اللي حصل
روح بعصبية
مراد. بجد انا مش قادرة اتكلم و قولت لك ميت مرة اني ما بحبش التحكمات
سهيلة
اهدئي شوية يا روح علي مراد دة برضو خطيبك وخايف عليكي
روح
احنا مش مخطوبين يا سهيلة وبلاش تكرري الكلمة دي قدام اخوكي كتير علشان بدأ يصدقها
مراد
في حكم المخطوبين
روح
مراد علشان خاطري. احنا متربين مع بعض وانت وسهيلة زي اخواتي ومن بعد موت بابا وماما وانا بعتبركم اهلي واصحابي بلاش تخليني اندم اني قربتك مني زيادة عن اللزوم.
فتضايق سهيلة من رد روح علي اخوها وتبص لمراد اللي كان بيقول
وانا مش هاقدر اشوفك غير خطيبتي ومسير الايام تغيرك وتحبيني وبعدها هاتكوني مراتي
روح
لغاية ما الايام تغيرني بلاش تنسي انت اية بالنسبة لي.
وتروح سهيلة عند باب الاوضة وتقول لمراد.
تعالي يا مراد علشان عايزاك وبالمرة نسيب روح ترتاح شوية
ويخرج مراد من الاوضة ومعه سهيلة ويقفوا بعيد عن باب الاوضة وتقول سهيلة لمراد بحدة
هو انت مش هاتبطل اللي بتعمله دة. روح ما بتحبكش بطل ترمي نفسك عليها بقي شكلك بقي وحش
مراد
ولا انا بحبها بس في شئ غريب بيربطني بيها
سهيلة
اية هو اللي بيربطك بيها
مراد
ماعرفش ومش قادر اعرف بس مهما بعت عنها لازم افضل قريب وكاني مش ملك نفسي وتصرفاتي ملك حد تاني
زي ما بيقوله كدة معمول لي عمل
سهيلة باستغراب
انت بتقول أية.
مراد
هو دة اللي انا حاسه
سهيلة
ومين بس عامل لك العمل دة، ،،،،،،،
وفي نفس الوقت ومن جوة قصر الملك غادر كان جودا بيمارس سحر اسود علي جسم صغير في صورة مراد وكانت امي بتراقبه من بعيد فحس بيها واختفي من مكانه وظهر قدام امي بالظبط اللي اتفزعت وهو ابتسم بشر وقال لها
طالما نفسك تشوفي انا بعمل اية. كنت قربي واسالي وانا
مش هاحرمك من اي اجابة
ومسك امي من رقبتها وراح بيها ناحية الجسم الصغير من مراد وبص للجسم وقال لها
دة مراد اللي عايش في زمن روح واللي جسمه ملك ليا وبيتحرك بأمر مني. واللي هايمنع روح من انها توصل لفارس
فتبص امي للجسم المصغر من مراد وهي مستغربة اللي بيتقال ومش قادرة تستوعب كمية الشر اللي في جودا وجودا بيبص لها وبيقول
الا لما اعوذ انا انها توصل له وتشوفه. ووقتها يموت فارس
ويضحك جودا بمنتهي الشر ويقرب من وصيفة ويقول لها
لكنه مش هايموت هايعيش تاني علشان انا عايزه يعيش
وصيفة
مش قادرة افهم انت بتخطط لي اية بالظبط
جودا
مش لازم تعرفي اكتر من اللي انا قولته دلوقتي. في وقتها هاتفهمي. وجه الوقت اللي ترجعي في بيتك لان سلطان عظيم هايحن ليكي ويتمني يشوفك
وصيفة بخوف شديد
هو والدي عرف، ،،،،،
جودا يقاطعها ويقول بشر
والدك واخوكي عمر في مملكة غادر. ورايحين لبيتك علشان يشوفوكي. وانتي اللي هاتخلصي عليهم. وبنهايتهم علي ايدك. ارضي ملوك الجن اللي سلطان عظيم ياما خلص علي كتير منهم
وصيفة
انت لية بتعمل كدة. لية بتخون جنسك واهلك وعايش خدام للجن
جودا بجنون
علشان الحكم والسلطة. علشان ارض الانس والجن يبقوا ملك ليا. علشان في النهاية تكوني يا وصيفة جارية من جواري الملك جودا.
وصيفة
ومش خايف افضحك عند والدي
جودا وهو ببضحك
انتي مش هاتفضلي فاكرة من كل اللي فات الا انك مستنية مايكل يرجع لك. لكن هاتعرفي ان سلطان عظيم واخوكي عمر. مايكل مات علي ايديهم.
وبص جودا في عيون وصيفة امي وحط ايدة علي دماغها. وسحب منها كل اللي شافته وعرفته وفجاة لقيت نفسها في بيتها وسمعت صوت حد واقف علي الباب وبصت للباب. وهي ناوية علي الشر
وفي نفس الوقت كانت الغنجمية قاعدة مع الملك غادر وبتقول له
مش لازم تثق في جودا. زيادة عن اللزوم
غادر
متخافيش علية. ولو عايزا تخافي خافي علي نفسك من جودا
الغنجمية بقلق
مش فاهمه تقصد اية
غادر
جودا بيخدم الجن.
الغنجمية
واية الجديد. من ايام العراف نديم وجودا جاسوسك في قبيلة سلطان واحنا عارفين انه بيستخدم السحر الاسود
غادر
الجديد ان جودا طمع في اللي اكتر من شوية ذهب وياقوت كان بياخدهم مني. وانه يهرب فارس للزمن اللي في روح فهو بيخطط لشئ مريب
الغنجمية
تفتكر ان جودا يغدر بينا
غادر
اللي يخون اهله وقبيلته. سهل يخون اللي مش منه. ولا انتي ناسية ان جودا هو اللي سلم لينا سلطان عظيم علشان نعمي
الغنجمية
جودا لو فكر يخون هاتكون نهايته نفس نهاية نديم
غادر بشر
جودا خطط وبينفذ مخططه وقريب ورقه هاينكشف لينا بس المهم عندي. اني اكمل اللوحة
الغنجمية
ازاي وفارس مابقاش في زمنا
غادر
نخلي يرسم في الزمن اللي هو في وبالسحر نسرق ارواح اللي بيرسمهم وتكمل اللوحة بتاعتي.
وفي نفس الوقت في المستشفي اللي فيها روح تدخل الدمعه بتاعت امي للاوضة اللي فيها روح وهي لسة في شكل كورة ازاز. وتروح الدمعه وتستقر علي جبين روح وتحس بيها روح ولسة هاتتحرك روح تدخل الدمعه في جبين روح وتختفي تماما. فتتحرك روح حركة بسيطة والدمعه بتجري في عروقها بمنتهي السرعه وينتفض جسم روح بشدة وهنا تنزل دموع روح من عيونها وتشوف فارس وهو جوة اللوحة محبوس فتبص له باستغراب شديد وتحس انها تعرفه وتقول
حاسة اني اعرفك انت مين
وتقوم روح وتنزل من فوق السرير بسرعه. بعد ما تفتح عيونها وتروح ناحية هدومها وتلبسها. وبعدها بشوية وانا جوة اللوحة لقيت مراد داخل المعرض وبيتكلم مع صاحب المعرض وفضل يبص ناحيتي وطلع فلوس واشتري اللوحة بتاعتي من صاحب المعرض وخرج من المعرض بعد ما اللوحة اتلفت وكان شايلني وفي نفس الوقت كانت داخلة للمعرض ساعتها روح وما شافتنيش رغم انها جاية علشاني ولا انا شوفتها رغم اني نفسي اشوفها ومن جوة المعرض كانت روح بتتكلم مع شوقي وبتقول
انا جاية علشان اللوحة اللي انت ما رسمتهاش وكنت فاكرها اهداء من بسنت بنتك
شوقي
اللوحة دي لسة متباعه حالا
روح
مين اللي اشترها
شوقي
ثواني اشوف لحضرتك في الكشف
لكن روح غمضت عيونها وشافت اللوحة وهي في عربية مراد. فخرجت جري من المعرض وركبت عربيتها ولسة هاتتحرك بالعربية وراء مراد شافت مراد قدام منها وبيقول
عرفت انك عايزا اللوحة دي
وساعتها شوفت روح وهي بتقول
اللوحة دي
وقبل ما تكمل كلامها كان مراد بيولع في اللوحة والنار بتدأت تنهش في لحمي وساعتها لقيت روح بتسحب طفاية الحريق من عربيتها بسرعه وبطفي النار اللي ماسكة في اللوحة وخطفت اللوحة من ايد مراد وقالت
ممكن اعرف عملت لية في اللوحة كدة
لكن مراد ضحك وساب اللوحة ومشي وبصت روح للوحة وكلمتني وقالت
انت فيك شئ غريب. شئ بيشدني ليك وكاني اعرفك من زمان. انت مين
ساعتها لقيت نفسي اتكلمت وقولت
انا فارس جاي من زمن غير زمني وارض غير ارضي علشانك يا روح
اتخضيت روح ورمت اللوحة بعيد عنها وقالت
انت عفريت ولا
لقيت نفسي بخرج من اللوحة وبمد ايدي ناحية شفايفها علشان ما تكملش وقولت لها وانا ببص في عيونها.
انا حبيبك.
بدات روح تهدي شوية بشوية وحسيت ان الكلام بدأ يمس قلبها ولحظت ان في حد شكله مش باين بيبص لها في الظلمة خافت واتحركت بالعربية بسرعه.
وفي نفس الوقت كانت امي بتفتح باب البيت علشان تلاقي قدام منها جدي سلطان وعمي عمر واول ما شافها سلطان قال باشتياق شديد
كل السنين اللي فاتت دي ولسة انتي زي ما انتي يا وصيفة بنتي اللي اتولدت علي ايدية
لكن وصيفة كانت بتبص له وبتقول بغل
فين مايكل ابني
بص سلطان لعمر باستغراب شديد وقال عمر
وصيفة مالك
وصيفة بشر مخيف
قتلت لية ابني يا سلطان. كنت تعالي خد حقك مني انا لكن ابني لا. لا.
وتصرخ وصيفة صرخة مخيفة وتخرج خنجر مسموم وتروح بالخنجر ناحية قلب سلطان لكن عمر مد ايدة بسرعه ودخل الخنجر في ايده. وبدأ السم يجري في ايد عمر عمي اللي استخدم السحر وقدر يبعد وصيفة عن والده سلطان. ولف حبل حوالين منها وقدر يسيطر علي وصيفة اللي فضلت تبص لهم وتصرخ. وايد عمر بدأ الدم يطير منها لكن دم اسود دم مسموم. وراح له سلطان
ومسك ايد عمر وقاله
الخنجر مسموم بسحر اسود خبيث. وايدك لازم تنقطع في الحال. قبل ما السم يجري في كل اعضائك
عمر وهو يتوجع قال
ومن امتي وصيفة اختي بقي ليها في السحر الاسود
سلطان
ساعدني الاول في علاجك وبعد كدة نبقي نشوف وصيفة وصلت ازاي للسحر الاسود. ولو فعلا وصيفة طلعت بتسخر الجن لخدمتها يبقي الموت عليها حق
وبص سلطان لوصيفة وطلع خنجرة من جرابة وقطع ايد ابنه عمر. وتالم عمر بشدة. ومن جوة شقة روح كانت روح حطة اللوحة بتاعتي قدام منها وخلتني احكي لها كل الحكاية وازاي بقيت في زمانها وارضها وبعد ما خلصت قالت روح
الحكاية اللي انت حكيتها ليا دي حكاية غريبة
فارس
حكاية اغرب من الخيال وعارف انك صعب تصدقي كل اللي حصل دة لكن هي دي الحقيقة
روح
وانت جاي الزمن دة علشان ترجعني زمني وارضي
فارس
لازم ننرجع سوي علشان نكمل المشوار مع بعض. مشوار الخلاص من ظلم الملك غادر. بس في الاول انا محتاج اخرج من اللوحة دي
روح
واقدر اخرجك ازاي من هنا
فارس
تساعديني ارسم لوحة. لحد من دمك وتخلطي دمك باللوحة وساعتها أقدر استرد جسمي وروحي
روح
ترسم مين بس وانا مافيش حد من دمي عايش
فارس
لو مافيش حد من دمك. يبقي لازم ارسم حد دمه اختلط بدمك. او اقرب حد ليكي
فتفكر روح لثواني ثم تقول
مافيش غير سهيلة. دي زي اختي
فارس
يبقي الليلة ارسم سهيلة
روح
هاترسمها ازاي طيب وهي مش معانا
فارس
معاكي صورة ليها
روح
معايا
فارس
هاتي الصورة وانزلي اشتري ادوات الرسم وانا عليه الباقي
وفعلا نزلت روح ورجعت ومعها ادوات الرسم وبصيت للورقة الفاضية وبصيت لصورة سهيلة وبدات الرسمة تترسم واللوحة تكمل وروح ما كنتش تعرف اني انا باخد روح سهيلة من جسمها وبنقلها للوحة الملك غادر لكن
ما كنش بايدية اللي انا بعمله دة ولا كنت عايز اعمله وفعلا خلصت اللوحة وسهيلة في سريرها بتصرخ وبقيت،،.،،،
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية روح فارس)
