رواية اغتصبني واعطيته قلبي الفصل السادس 6 بقلم اميرة محمود

هقتلك يامراد يعني هقتلك

مراد فضل يبعد السكينه لحد ما مسكها من سيفها وأيده اتعورت وبقت كلها دم وفضل يعافر لحد ما اخد منها السكينه ولف أيدها ورا ضهرها وراح مثبتها في الحيطه وقفل الباب برجله

نور ، سيبني يا حيوااااان

مراد ، أنا فعلا حيوان عارفه ليه عشان خفت علي اختك من الفضيحه عشان اقنعت صحبي يتجوزها عشان اقنعته يجيب ليكم شقه بعيد عن الحاره عشان الكلام اللي كتر عليها واكيد انتي هتطلطي فيه عشان بحاول اعرف اللي عمل كده اقولك كمان أنا حيوان ليه كمان عشان والله والله ماكنت اقصد اقول قدامها وراح معيط والله العظيم انا عملت كل ده عشان امك قلبها يرتاح بس للاسف بقيت في الاخر حيوان وراح سايب نور

نور بصت علي أيدها لقتها كلها دم

مراد ، اطمني ده دم نضيف مش هيو*سخك

نور جابت فوطه بسرعه ومسكت أيده وكتمت الدم

مراد ، غيرتي رايك ليه مش كنتي عايزه تموتيني

نور ، ممكن تسكت بقا

مراد ، نور صدقيني والله العظيم انتي ظلماني

نور ، اخرس يا بتاع الرقصات

مراد ، ههههه تصدقي وحشوني كنت بحب اتفرج عليهم وهما بيضربوا بعض اوى مكنتش بخلصهم كنت بقف اتفرج عليهم وهما بيقطعوا هدوم بعض

نور ، أنا قولت انك سافل و

مراد حط أيده علي بقها ، هششش

نور حركت دماغها بايه

الباب خبط

مراد ، مين

ايمان ، أنا يا مراد بيه

مراد ، ثواني هفتح اهو وراح باصص لنور وقال بصوت واطي

مراد ، خليكي هنا ورا الباب عشان متشوفكش

وقام شد نور وقفها ورا باب الاوضه وراح حاطط صوباعه علي بوقه

مراد ، هشش

نور حركت دماغها بماشي

مراد فتح الباب

مراد ، ايه ده

ايمان ، بسبوسه عمايل ايديا وحياه عنيا

مراد ، ليه بس تعبتي نفسك يا قمر

ايمان ، أنا مبعملهاش غير للغاليين

مراد ، هو مش المفروض في عزا عملتيها ازاي

ايمان ، احنا مالنا ومال العزا

مراد ، دي عمتك

ايمان ، عمتي عمتي دي كانت هربت زمان مع واحد من الغفر واتجوزوا في مصر و العيله كليتها متبريه منيها كانت فاج*ره و ابوي حرمها من الميراث

مراد فضل حاطت أيده قدام نور أنها متتحركش عشان ايمان متحسش أنها ورا الباب

نور لقت الدم بينزل جامد من أيده اللي حطتها في وشها راحت ضغطه عليها جامد بطرف الفستان بتاعها

مراد ، ااااه

ايمان ، مالك

مراد ، مفيش بطني وجعتني فجأه شكرا علي البسبوسه وراح قافل الباب

نور ، اا راح حاطط أيده علي بقها ومقرب منها وقالها في ودنها لسه واقفه بره

نور ، طب ابعد

مراد ، اممم آسف وراح حاطط ودنه عالباب وفتح براحه مشت خلاص

نور بعياط هيستيري ، دي حيوانه أنا مش عارفه ماما كانت عايزه تدفن هنا ليه وهما بيكرهوها كده انا مش عارفه انا سكتلها ازاي اصلا

نور ، مش ههدي غير أما انزل لابوها والله لهجيب حق امي

مراد ، يابنتي استني

نور مسمعتلوش ونزلت جرى علي تحت ومراد وراها

نور ، خالي فين

مرات خالها ، واجف بره مع الرجاله

نور ، طب أنا ريحاله

مراد ، مينفعش خليكي هنا وانا هندهله

نور ، ماشي

حور ، في ايه يا نور

ايمان ، شكلها اتجنت واللا ايه مش عارفه مراد عجباه علي ايه

نور ، ورحمه امي لهخلي امك اللي واقفه هناك دي تندم عاليوم اللي ولدتك فيه

الحاج ناصر ، في ايه بتزعجي ليه

نور ، هي امي اللي عمرك مسألت عليها اللي فضلت تنضف البيوت عشان تأكلنا وانت هايص هنا انت وولادك في فلوسها دي تستاهل واحده زى دي تقول عليها فاج*ره اختي اللي واقفه قدامك دي متجوزه اكبر رجل اعمال في مصر عارف اتجوزته ازاي

حور وحسام ومراد برقوا جامد

نور ، كانت بتشتغل عنده سكرتيره عشان ترحم امي من شغل البيوت امي تستاهل يا خالي يتقال عليها فاجره

ناصر ، وانتي مين جالك أنها جالت أكده

نور ، بالصدفه كنت بكلم مراد خطيبي سمعتها والحمد لله سجلتلها وراحت فاتحه التسجيل

ناصر ، أما انتي بت فاج*ره صحيح رايحه لخطيب بنت عمتك ليه

نور ، عملاله بسبوسه قال ايه بتغريه بالبسبوسه مين اللي ف*اجر اللي اتجوزت علي سنه الله ورسوله وأما مات جوزها اشتغلت في البيوت عشان تاكل بناتها واللا اللي رايحه لشاب اوضته تعطيه بسبوسه

ناصر ضرب بنته بالقلم ، اطلعي فوج مشوفش وشك خالص

ايمان بصت لنور بغل ، ماشي

نور ، احنا هنمشي مش هنقعد اكتر من كده

ناصر ، أن عوزتوا حاجه كلموني

نور ، أمم احنا مبنشحتش حاجه من حد احنا اتربينا بعرق وشقا وحده ست فاكر يا خالو أما امي جابتنا هنا وطلبت منك تعطيها اي حاجه من ورثها قولتلها أنا مبعطيش فلوس لواحده فاج*ره افتكر الكلمه دي كويس عشان دي هتتردلك في بنتك متفكرش أن اللي حصل انهارده هين لا ده لسه ربنا هيوريك ده مال أيتام وانت قبلته

ناصر ، اتصدجي انك قليلت ربايه وراح شدها من شعرها

مرات ناصر ، ماهي تربيه فاطمه

نور ، فاطمه دي اشرف منك ااااه

مراد ، انت عارف لو مسيبتهاش صدقني هتزعل مني اوي وانا زعلي مش هيعجبك

محمد ، وانت مين انت أن شاء الله عشان نخاف منيك

مراد شال ايد ناصر وراح زقه بعيد ، أنا ابن وزير الداخلية أنا مراد خيري القدرى و رحمه امي اللي هيلمسها له*ول*ع فيه حي

ناصر ، خلاص ياولدي اهدي بس احنا هنتكلم براحه

نور فرحانه باللي عمله مراد

نور ، حسام فين يا مراد

حور ، واقف بره في العزا

نور ، طب كلميه عشان يجي ياخودنا ونمشي من هنا

مرات ناصر ، ماتخليكي يا بتي اجعدي لحد التالت بكره

نور ، لا تالت ولا رابع ياللا يا مراد عشان نمشي

مراد ، ماشي ياللا بينا

حسام دخل ، في ايه مالكم

حور ، هنمشي ياللا

حسام ،، مش المفروض بكره

حور ، لا لا بكره ولا بعده ياللا

حسام خرج هو وحور ونور ومراد

نور ، ايدك لازم تتخيط

حسام ، هي ايدك مالها يا مراد ده جرح عميق

حسام ، مفيش كنت بلعب بسكينه رحت متعور وراح باصص لنور

حور ، اوعي تكوني انتي

نور ، اه أنا كنت عايزه اقتله

حور ، انتي اتجننتي ده ممكن يودينا في داهيه محناش قد أبوه

مراد سمعهم ، متخافيش يا حور مش هعمل حاجه بس اي ده يا نور ده الواحد يخاف منك بجد ده انتي هزقتي الراجل ومخوفتيش ومكمله تهزيق في مراته حتي وهو شدك من شعرك ههههههه لا بجد جدعه

نور ، ماشي

مراد ، ماشي هو الاسلوب تحس انها ولد تبصلها تلقيها بنت وبنت زى القمر كمان بس الولد مسيطر ياواد يا بت

حور ، ههههه بس لولاك والله كان فاتها اخده علقه موت

نور ، هههه أنا فعلا لقيت اللي انقض فوقي كنت حاسه اني هموت مكنتش اتصور بعد اللي عملته فيك يابتاع الرقاصات هتدافع عني

حسام ، هههههههه حلوه بتاع الرقاصات دي

نور ، عارف طلب يخش شرطه ليه

حسام ، ليه

نور ، عشان

حور ، نور بس بقي عيب كده

مراد رافع حجبه ، متسيبيها تكمل

نور ، اركب ياللا عشان نلحق ايدك دي قبل ما دمك يتصفا

مراد لنفسه ، والله ما عنت فاهمك خالص انتي حكايه لوحدك

حسام ، مراد اركب في ايه

مراد ، هاا ماشي وركب العربيه ومشوا

//////////

عند الحاج ناصر

ناصر ، بنت الفرطوس دي حرجالي دمي جوى أنا كان نفسي اموتها بيدي

مراته ، تموتها ايه انت شفت طلعت مخطوبه لمين لابن وزير الداخلية

ناصر ، بتك مكنتش عارفه توجعه منيها

مراته ، بتي اللي انت ضربتها وهينتها جدامنا كليتنا عشان بنت فاطمه الفا*جره

ناصر ، دمي محروج جوى ونفسي انتجم من البت هزجتني جامد

مراته ، خلاص يا حاج ميشيوا غاروا في داه*يه خلاص ياحاج أنسا ياللا يانسوان العزا انفض خلاص ياللا كل واحده تروح دوارها

ناصر ، روح يا محمد مشي الرجاله كفايه عليها يوم واحد عزا

مراته ، اصلا مكنتش تستحج يتعملها عزا دي ف*اجره

/////////

في المستشفي

مراد ، ااااه براحه يا دكتور

الدكتور ، اجمد يا ابني الجرح عميق

حور ، عجبك كده

نور ، بصراحه ااه

مراد ، ماشي ماشي حسابنا بعدين اااااه

نور فضلت تضحك ، احسن

حسام ، حور انتي مش جعانه

حور ، لا شكرا

حسام ، بس انتي متغدتيش

حور ، قولت شكرا يا حسام بيه

نور ، أنا متغدتش ممكن تغديني عادي

مراد ، مفجوعه والله مفجوعه البت دي شايفها الصبح وهي قاعده في المطبخ تاكل وتعيط واكلت تقريبا الاكل كله

حور ، نور أما بتبقي زعلانه بتاكل

نور ، هو انت كنت بتراقبني واللا ايه

مراد ، أنا ماشي سمعت حد بيعيط ببص لقيتك قاعده في التلاجه تاكلي وتعيطي بصراحه مسكت نفسي بالعافيه كنت هموت واضحك بس مرضتش ازعلك

حور ، ههههه ماما كانت دايما تقولك هموت واعرف الاكل ده بيروح فين

نور بصت لحور جامد وعنيها كلها دموع وراحت حضناها وفضلت تعيط جامد في حضنها

نور ، وحشتني اوي يا حور أنا بحاول اجمد نفسي بس مش قادره قلبي في ناااار مش قادره يا حور مش قادره

حور بعياط هيستيري ، اكيد في مكان احسن اكيد في مكان احسن اتعذبت كتير في الدنيا

الدكتور خلص مع مراد

مراد فضل واقف حزين هو صاحبه علي منظرهم

حور ، ياللا يا حبيبتي عشان نمشي وراحت ماسحه دموع اختها ياللا ياقلبي

نور ، ماشي ياللا بينا

نزلو كلهم في سكات ركبوا العربيه ومشوا

/////////

حسام ومراد وصلو نور وحور عند بيتهم وراحوا ماشيين

حسام ، رقم مجهول بيرن

مراد ، طب رد كده

حسام ، الو

حمدالله على السلامه يا حسام بيه ليك وحشه ياشيخ

حسام ، عايز ايه

اتفقنا متنسهوش الصفقه لسالها اربع ايام صدقني هتزعل اوي أما تشوف الفيديو في كل حته اه صحيح البقاء لله وراح قافل

حسام ، اللي بيتكلم عارف اني كنت في سفر وعرف أن ولدت حور ماتت يبقي فعلا أنا بتراقب كويس جدا

مراد ، الكاميرات اتركبت في الفيلا وانت مش فيها وكلت ضابط صحبي بالمهمه وهو قام بالواجب

حسام ، اوعا يكون فيه في اوضه نومي

مراد ، اه في

حسام ، يعني أنا مش هقعد براحتي حتي في اوضه نومي

مراد ، هههههه عندك الحمام اقعد براحتك فيه

حسام ، ههههه ماشي يا رخامه المهم ابقا خد العلاج عشان الجرح يلم

مراد ، البنت كانت هتقتلني ده كويس اني لحقت نفسي قبل ماتيجي في قلبي

حسام ، هي فعلا اجت في قلبك

مراد ، هي اي دي

حسام ، ههههه مفيش تصبح علي خير

مراد نزل من العربيه ، وانت من اهله