رواية انكسار الياسمين الفصل الأول 1 بقلم أمل مهدي

رواية انكسار الياسمين الجزء الأول

رواية انكسار الياسمين البارت الأول

رواية انكسار الياسمين الحلقة الأولى

في احد ازقة بغداد الشعبيه
ندخل احد بيوتها لنعيش معهم تفاصيل الحكايه
السنه ١٩٩٤
راجحه _ اتمشي ابتسام خل تسهل
ولادتج
ابتسام _ مابيه حيل اكرم من راح اخذ حيلي ويا
راجحه _ هاذا بعد يومه يا خيتي عندج رافع وهذا الراح يجي انشالله يعوضوج
ابتسام _ ١٧ سنه بعد رافع ما صار عندي حمل واكرم جان يتمنه بعد اخلفله بس الله ماراد
تالي من صار هذا ابطني هو يموت
الك بيه أراده ربي…
احمدك وشكرك على وعدك
اخخخ يمه
الحكيلي راجحه روحي جيبيلي القابله
راح اولد الوجع موتني
راجحه _ اي هسه ياعيني دزيت رافع عليها
اصبري خيه
ابتسام _ وينك اكرم عفتني ورحت تدري بيه لا ام ولا اب
راجحه _ ولج واني لعد نكرتيني مو اختج
ابتسام _ اي همزين عندي انتي
جان اشلون حالي حتى خضر اخونه الوحيد لا يمر ولا يسال اشلون دنيا
راجحه _ يمعوده الاخو اخو مرته
ابتسام _ لا معذور حمله ثكيل
الله يساعده
والله لو مو انتي وياي جان شنو حالي
راجحه _ دكومي اتمشي اصعدي الدرج ونزلي بلكت الله يسهلج
خطيه رافع عيونه حايره وخايف عليج
ابتسام _ هذا المسكين تيتم من وكت وشال المسؤليه هذا هم حظه
راجحه يمعوده رافع رجال من زغره شتكوليت على عباس شيب راسه وما حاس على المسؤليه امخليني متكلوطه بالعيشه اني وجهاله
ابتسام _ خيه اني وياج حظ ما عدنه اني عبنه زين اخذته المكابر
راجحه _ واني عبنه اعوج
نايم على كلبي
احمدك وشكرك ربي
ابتسام _ هيه هاي الدنيه ما نصفت احد
رحمه من باقيات وحده تواسي الثانيه
راجحه شنو قصتج ابتسام جنج امايسه
ابتسام _ ما بيه حيل تعبانه
رافع _ خاله راجحه اجتي القابله
راجحه _ اي يمه هله بيها تفضلي ام ياس
ام ياس _ ياالله اشلونكم عيني
ابتسام _ فدوه ام ياس الحكيلي
متت من الوجع
ام ياس _ يمه شو دنامي خل افحصج
اي يا الله عندج ولاده دكومي اشويه اتمشي بالحوش
هسه الله يسهل
ابتسام _ متت من الوجع واحس روحي ثكيله وتعبانه
ام ياس _ عادي عيني هيه
هاي الولاده هسه تجيبين وتنسين كل الوجع
ابتسام _ طلعت اتمشه بالهول لكيت رافع كاعد وحاط ايده على خده
اباوعله واحجي بگلبي…..
سوده عليه كبرت ابساع يمه
خايف عليه وشايل هم العيشه والبيت …
بعدك زغير يا عمري على الهم
رافع _ ها يمه خيرج… وكف
ابتسام _ فدوه لعيونك يمه ما بيه شي لا اشيل همي
رافع _ ابتسم بوجهي لا ما خايف اني فرحان راح اجيبيلي اخو عاد ما اظل وحيد
راجحه _ وين صرتي ابتسام
ابتسام _ انشالله يجيك اخو يسند ظهرك ويحبك بس اريدك اصيرله اب واخ ولا تعوفه ابيوم
رافع _ هههه شنو القصه
وانتي وين يمه
ابتسام _ انشالله موجوده
راجحه _ يا هاي انته هنا كوم رافع شوفلي حمودي وين صار
رافع _ اي خاله رايح
ابتسام _ كمت وكفت والوجع اخذني
ساعتين ابيضت عيوني الا الله فرجلي
ام ياس _ صلوات على محمد وال محمد
اشلون بنيه اجتكم كمر
راجحه _ فدوه ما شاللله
لفيته وخليته بصف امه
ابتسام _ اشكد تعبانه خويت ما عندي قوه
بس من جابوها الطفله يمي احس
روحي ردتلي
الحمد لله ربي على تمام الخلقه
سبحان الله رافع يتمنه يجي اخو
راجحه _ وهاي اجته اخت تحبه وتحن عليه نعمه البنيه نعمه ورحمه
شراح تسميه
ابتسام _ اخوهه يسميه
راجحه _ رافع شسمي اختك
رافع _ حضنتها باديه الثنين حلوه بيضه
وزغيرونه
كبرت وشاهدة باذنه
انت اسمج ياسمين يعني
ورد الياسمين
جان المفروض ابويه هسه شايلج
وفرحان بيج
بس ربج كتب عليج تنولدين يتيمه
واني راح اصير ابوج واخوج وشيلج بعيوني… ٠
يمه اسميه ياسمين
ابتسام _ هاي هيه اسمه ياسمين
الله يكمله باخلاقه ويحفظه
ابتسام _
مرت الايام ثقيله باحزانه فراك اكرم اذاني
جان مو بس زوج
جان الي اب واخ وسند جان عائلتي وكرايبي
ما فد يوم سمعني كلمه موزينه
ما قصر بحقنه بيوم اني وابنه
حسيت بغربه من مات رغم اختي راجحه وجهالها محمد وامونه ما يفاركونه
راجحه _ ابتسام وينج
ابتسام _ هاعيني
_ اخذي هذا الخبز الكم
_ ياعيني هو انت كوه مدبرته انوبه تجيبيلي خبز
_ دهاج اخذي مني ماعليج الله مدبرهه ولا منية عباس
_ شنو ما رجع
_ صارله اسبوع دكول شياكلون شيشربون عايفني اني وجهاله
_ اخاف صار عليه شي ما تودين على بيت اخو بلكن هناك
_ ولا اسأل من عسى لا يجي
_ ها من كلبج راجحه
_ اي والله من لبة كلبي خل اروح اودي خبز الناس لهيتيني
_ ههههههه الله يرزقج ام حمودي
_ راجحه عيني شوفيلي النسوان اليخبزن يمج بلكت يردن خياط
_ ولج ابتسام تخيطين للناس
تاليتج
_ اي والله هاي الشغله الوحيده الاعرفله
واكرم جان ما يخليني اطلع باب البيت
ظليت حتى الدرب ما اندله والفلوس العندي راح يخلصن اشلون أمد ايدي للعالم.؟؟
_ عندج وليدج رافع رجال
_ لا رافع ما ريده يشتغل أريده يكمل دراسه مثل ما أبو المرحوم يريدله
_ شكلج ابكيفج مكتوب علينه شلعان الكلب
راحت راجحه وانه وكتي كله افكر اشلون أدبر عيشة جهالي وما احتاج لاحد
كلشي ما اعرف اشتغل أكرم جان مدللني وما يرضه اتعب روحي
أكرم جان ولد يتيم وفقير وابويه من كد ما يحبه زوجني اله
جان شاغول بعد زواجنه ماخله شغله تعتب عليه
دللني وداراني اشكد يتعب من يطب البيت وجه يضحك يحسسني بالراحه والسعاده
ومن اجانه رافع دللني اكثر جان يخاف عليه من الهوى
كان عنده بسطيه بالشورجه كلشي يبيع بيه كافيتنه
وزايده
ويه الوكت مشى شغله وبسطيته كبرت
كان كلشي يخص البيت يعرضه بيه
حتى خله ويا عامل يساعده
ولمينه فلوس وشترينه هذا البيت
جنه كلش مرتاحين
شي واحد كان يتمنى هو يصير عنده جهال بعد غير رافع
كان يكول اني وحيد ويتيم اريد
عائله جبيره اريد اخوان الرافع
وما تحققت امنيته الا قبل وفاته بخمس شهور
حملت بياسمين….
من مات بين علينه
مصاريف الولاده ورافع يداوم مدرسه
بدت الفلوس العندي تخلص
واني محتاره اشلون بالايام الجايه
فكرت اخيط للنسوان لان هاي المهنه الوحيده الاعرفله
كاعده بالهول وبحضني ياسمين
ورافع كاعد كبالي يقره صف رابع اعدادي
دخلت علينه راجحه وبديهه قطع قماش..
شنو ما تسمعون جنت ادك بالباب
ابتسام _ والله التهيت ويه بنيتي
انيمه
_ هاي جبتلج شغل يله اشتغلي وبيضي وجهي بخياط زين
ابتسام _ ابتسمت هاي المن
_ هاي لام حسنين هيه وبناته دشاديش
_ اي خوش راح ابدي من اليوم
بيهن
_ اني اروح عفت جهالي لوحيدهم
_ جيبيهم وتعالي شويه يمي
_ لا هذا محمد موتني لا يقره ولا يكتب
وبس اعوفه يبسط اخته طالع على ابو ارعن
_ الله وياج لعد روحي
ياسمين نامت بحضني شلته وديته بفراشه
رافع _ يمه
_ بسم الله فززتني يمه خيرك
_ يمه شنو تردين تشتغلين
_ اي يمه مابيه شي اخيط للجيران واني بالبيت ما اطلع
_ لا يمه اني اشتغل
والقماش هسه ترجعي
_ انت ما ريدك تشتغل نسيت ابوك يريدك تكمل دراسه
_ يمه ما ابطل انقل على المسائي واشتغل
والله اذا اشوفج تخيطين اهج من البيت وبعد ما تشوفيني
شنو اشايفتني مو رجال
_ يمه افهمني الخياط ما يتعب
وهيه كم سنه تخلصهن وانت
تشتغل
لا توجع كلبي وليدي
_ يمه اني كلت ماكو خياط
شو أنطيني القماش اخذهن وطلع
_ رافع ولك رافع
ثاني يوم….
بالمدرسه…
سيد علي _ اشبيك رافع كالب وجهك اليوم
رافع _ اكلك اريد اشتغل ابوك ما يريدله صانع
احمد _ شنو والمدرسه
رافع _ انقل مسائي
علي _ ليش محتاج كول اني اخوك
رافع _ مو قضية محتاج بس اخاف احتاج بالمستقبل اريد ارتب وضعي بشغل والمدرس براحتي عندي وقت
مسائي اكمل
سيدعلي _ ابويه هسه ديغير المحل مالته اصبر فتره
احمد _ اذا تريد تعال اشتغل ويه اخويه بالقالب مال صب البيوت
رافع _ ياريت اجيكم ورى المدرسه
احمد _ تعال اني هم مرات اطلع وياهم تره واطلع مصرف جيبي
احسن ما اطلب من ابويه
سيد علي _ رافع اني اخوك محتاج كول
رافع _ يعني اليوم محتاج وباجر اشلون
لازم اشتغل وصرف على امي واختي
رافع _؛
اشتغلت بالقالب
وجاسم اخو أحمد هوايه عجبته
حريص وسريع
بشغلي اسبوع غبت عن المدرسه
ورحت ويه جاسم
ارجع العصر اكول لأمي جنت يم السيد نقره
الشغله عجبتني وشغل فوكه فوكه
واني اخذني الواهس
رحت نقلت من الصباحي للمسائي
اطلع من الشغل علمدرسه المسائيه بالسته ارجع للبيت
امي بدت تتفكدني من اتأخر وتحاسبني
شنو تتأخر ووين تروح
_ دخلت بيدي الفايل يمه هسه أكدر احجيلج كلشي
_ خير شتحجيلي
_ يمه اني حصلت شغل
…… لا يمه شحجينه ذاك اليوم
_ يمه اشتغل أصبح واطلع للمدرسه اداوم وارجع
_ راح تتعب
_ يمه الشغل الكيته حلو وبي خوش فلوس خصوصا اذا تعلمت المهنه واصير اسطه
_ شغليش رافع كول تريد اتعوف الدراسه
_ لا يمه ما اعوفه وهاج صار اسبوع اشتغل وهاي يوميتي
_ هيج رافع اضم على امك
_ دنكت بست ايدهه
يمه ما أكدر اكعد شنو شايفتني مو رجال
_ دمعت عيني واني اباوعله
انت رجال ونص
صدك الخلف ما مات
_ ههههه خلص اتفقنه من اليوم اني رجال البيت َما اريدج تتعبين
انت وياسمين
مسؤليتج بهاي الركبه
وشال ايده ولزم ركبته
رافع _
مشت أموري وتعلمت ادك القالب واتفنن بي إلى درجه جاسم كام يعتمد عليه يلزمني بيوت بحالها وحتى هو يتعجب من شغلي
بالبدايه اخذ يوميه بعدين كام ينطيني قطعي
مشت اموري خبرتي زادت والفلوس مشت بيدي وامي
وحبيبتي ياسمين ما مقصر عليهن ابد
والزايد بيد امي اسلمه
علاقتي بسيد واحمد مستمره
دائما نتلاكه بليل نكعد ابابنه اشويه
لو نطلع نتمشه بيوم الماعندي شغل
اول سنه نجحت للخامس وجنت كلش متحمس اوفق بين شغلي ومدرستي
وثاني سنه كذلك
اما السنه الثالثه بديت اتعب وابتعد عن الدراسه لان كمت اخذ شغل وحدي واطلع مكانات بعيده
واهس الشغل اخذني وخصوصا من شفت اموري ماشيه وعال العال
صارو عندي معاميل وناس
ما تقبل الا بشغلي
كمت اخذ بيوت واشتغل وحدي واني اشغل عمال ويايه
هاي السنه رسبت بالسادس وخلص اكتفيت بعد واهسي الهنا ووكف من الدراسه
السيد _ احمد تجي ويايه للمصور
احمد _ اشعدك يم المصور
السيد _ عندي هاي الكامره قبط الفلم اريد انطيهيا يغسله ويحطلي فلم ثاني
احمد _ ها يله امشي
رحنه للستوديو طلعنه الفلم المصور يطبعه وركبلي فلم جديد
اني هوايتي التصوير وين اروح الكامره ويايه احبه
احمد _ اكلك مملاحظ رافع ماكو
سيد علي _ ذكرتني امشي اروحله البيتهم
احمد _ يله امشي
دكينه الباب
جان الباب مردود
طلعت ابنيه شكره وعيونه كبار صفر والشعر ملفلف ومنثور على
وجه
السيد _ هلو هاي منو الحلوه
ياسمين _ اني ياسمين
احمد _ لك هاي اخت رافع والله عبالي جبيره اشو زيغيرونه
السيد _ ظليت صافن عليهه هاي لو تكبر تكتل بجماله
_ وينه رافع
ياسمين _ ماكو طالع
ابتسام ولج منو بالباب
رجعت ياسمين
… ماما لجال
ابتسام….. هله يمه هله بيكم
السيد _ اشلونج خاله جايين على رافع
_ والله بالشغل
احمد _ ها لعد انمرله غير وكت
السيد _ جانت الكامره بيدي سحبتها ياسمين متعجبه بيها
خاله ام رافع تسمحلي اصور ياسمين
ابتسام _ اي يمه صور
السيد _ صورتها كم صوره وهلك ما عجبتني كلت اصور وياها
هاك احمد صوره سويه
كمبصت بالكاع وياسمين ابصفي
احمد _ صورتكم كلش حلوه هسه تطلع
خاله احنه رايحين
ابتسام الله وياكم
منطقته شعبيه ومن عاداتنه العصريه نكعد بالباب والجارات وحده تسير على الثانيه
خصوصا بالصيف والجو حار
ما عدنه غير كعدت الباب ولمة الحبايب
راجحه _ شفت ابتسام كاعده بالباب اني هم لبست عباتي واجيت يمهه كعدت بيتي ابنفس الشارع بعد ثلاث بيوت
ابتسام _ ها شبيج جنج مغثوثه
اليوم
_ والله مليت يختي هذا محمد ما يروح للمدرسه؛ شالع كلبي
وابو يجيني يومين ويغب اسبوع
واني محتاره بالعيشه
لو الله ياخذني احسن من هاي الحياة الما بيه حظ
_ لا ام َمحمد لا تدعين على روحج وليداتج محتاجيج
_ والله تعبت ايمان كبرت وتريد وتطلب مثل البنات
واني بطرك هلخبزات يادوب اوكلهم بيهن
لو الله يجيبله قسمه وازوجه واخلص
_ يا شبيج راجحه تره كله ١٥ سنه
عمره
وين تزوجيهه
_ احسن حتى يخف حملي
_ سكتت وفكرت لو اخذها الرافع
اي هم ازغيره وحليوه وبنت اختي
اليوم احجي ويه رافع
اشو شغل ويشتغل ازوجه احسن
_ شبيج ابتسام اشو سكتي
وين صفنتي
_ يمج وين اروح خل اشوف ياسمين وين راحت
دخلت جوه لكيته تلعب بلعابته
يمه فدوه للبنيات
ياسمين _ هههه
ابتسام _ فدوه لبنيتي التضحك
رجعت كعدت بالباب
وسولف ويه راجحه وجيرانه ام علي هم كاعده ويانه….
مر بالشارع رجال شايب ضرير يتوجه على عوجيه
يسأل الناس اساعده
ويا تمشي بنيه تطلع عمرهه ثمان سنوات
راجحه _ يا خطيه هذا انوب ما يشوف يا والحض
تعال عمي
كادته البنيه الويا وتجه علينه
الضرير _ مساجن الله بالخير
كلنه ردينه
هله عمي هله بيك
ابتسام _ اكعد ارتاح اجيبلك اكل
الضرير _ جزاجن الله خير
اريد اميه اذا ما بيه زحمه عليجن
راجحه _ لا ماكو زحمه عمي
استريح اجيبلك مي واكل خطيه
بنيتك مصوفر وجه من الجوع
الضرير _ اي والله كعد بالباب
وتجه ظهره على الحايط
طلعت ابتسام وبيدهه صينيه بالموجود وحطته أبين ايده
تفضل اكل عمي
الضرير سرفن اردان دشداشته الرثه القديمه ومد ايده يتلمس
المواعين وياكل
اكلي جدي _ يكول للبنيه الويا
اجتي ياسمين تركض
وكعدت بحضني
تظحك وتباوع على البنيه. وترا ويها العابه مالتها
الضرير ظل ياكل ويرفع راسه بتجاه ياسمين لو ما عيونه بيض ويتكلبن جان كلت يشوف
كمل اكل جابتله راجحه ماعون بي مي غسل
ووكف يريد يروح
الضرير _ هاي الزغيرونه بنتج
ابتسام _ اي بنيتي
الضرير _ راح تمشي الدرب وحيده وتنكسر من اقرب الناس
ابتسام _ كلامه خوفني
سحبت بنتي بحضني يمه اسم الله لعد اني وين رحت
كمل كلامه….
راح تكبر وحيده وغريبه وتعيش مثل اليزرع ورد ويحصد شوك
وسنده هيه التسنده
ابتسام…. عمي تحجي صدك
عبالي تشاقه
الضرير _ لا ما اشاقه اني هسه شفت عمرها كدامي
اودعناج مشكوره عسى الله يلطف بيكم
ابتسام _ ظليت مصدومه وساكته من حجيه امبين عليه يحجي صدك
باوعت الياسمين
حضنته يا بعد امج..
خفت عليه حيل احنه ما نعرفه
وهو اصلا ما يشوف اشلون عرف
راجحه _ دعوفج منه مبين مخرف ويشمر بالحجي
ابتسام _ لا ما مبين عليه يجذب
راجحه _ اكوم اني اشوف محمد
وين وله صار المغرب وهو صايع
ابتسام _ اني هم اكوم
دخلت البيت واني كلبي مقبوض من حجي هاذا الشايب الضرير
انسى ومن اشوف بنيتي تلعب وتضحك ارجع اذكر وانقهر
اشيقصد سندهه هيه التسنده
هو منو سندهه غير ضوه عيوني رافع
رفعت ايدي ادعي
ربي احفظ وليدي رافع ورفعه
وعلى مراتبه وحفظ بنيتي ياسمين
ربي ما عندي غيرهم
مرت الايام ونسيت الضرير ونسيت حجاياته
رافع على زغر عمره صار خبره بشغله وكام يلزم بيوت الوحده ويشغل عمال ويا احواله خير من الله اشترى خشب مال قالب وشتره سياره خاصه
يمه رافع اريد ازوجك شتكول
رافع…. ههه اني ازوج لا بعد وكت
…… شنو بعد وكت عمرك ٢٢ وشاغول والله مو فقك عوزك بس المره
واني اريد افرح بيك
رافع……. يمه بعد وكت اريد ألم بعد فلوس واستقر بشغلي وبعدين ازوج ما مستعجل
ابتسام _ عفيه عليك يمه بارك الله بيك وبرزقك ويحفظك انشالله
رافع _ السنه التجي انسجل ياسمين بالمدرسه مو يمه
ابتسام _ اي انشالله
_وينج راجحه
_هله ام رافع فوتي عيني داعجن
هم يالله منا الساعه اخبز وودي للناس
– هاج اخذي من ايدي المسواك..
_ يا خيه عندي والله
_ دخذي جبتلج لحم الحمد لله رافع الله رازقه …
اكلج عباس ما اجه
-لا خيه مو بالحيف يجي
تلكي نايم بحضن وحده من صاحباته
– هههه الله عليج هم تغارين عليه
– والله عليج سولف ابتسام ياغيره
هو شخله بكلبي وغار عليه
– ادري دسالي عنه شوفي عايش ميت
– تحجي ودثر بالعجين
لا تخافين عليه العار ما يموت
واني تعلمت اخبز وصرف على وليداتي بعد بيش احتاجه
الله وكيلج من يجي يخلصه نوم وعرايك
_ لعد امونه ماكو..
_ راحت للمدرسه اجنها بنات ام حسين وراحن سويه
_ اي خليها بلكت تاخذ شهاده اتفيد نفسه
_ يمعوده بس تجيها قسمه زينه ما خليها احطها بركبة رجال احسن
_ شبيج راجحه مستعجله علبنيه ليش احنه شحصلنه من قسمه دعوفيها…
يله اني اروح
اخاف يرجع رافع من السوك
– لعد ياسمين وين اشو مو وياج
– والله رافع اخذهه يشتريله ملابس مدرسه وقرطاسيه
– شنو من هسه دخل تخلص السنه بالاول
– ما تعرفين رافع النفس مالته ياسمينه
– الله يحفظه ويديمه على راسهه
– آمين يا رب العالمين
رافع _
اَمشي بالسوك وكايد ياسمين
ما حسه اختي احسه قطعه من كلبي
اشتريتله أقلام ورسم وجنطه
شايلتهن وفرحانه
– شلون ياسمين صدريه مالكيت جاهزه
خلي نمر على سيد علي اخذلج قماش وأمنه تخيطه شتكولين
– اي كيفك
سيد علي صاحبي من الطفوله وعنده
محل مال قماش بالسوك اصلهم ساده نجفيين وناس ملتزمين
ما تفاركنه من احنه طلاب ولليوم ثلاثتنه على صداقته احمد واني والسيد
جان ابو لازم محل القماش بس فتحله محل بالشورجه
وعاف هذا المحل العلي أحوالهم خير من يومهم
بيتهم مرتب وعدهم سياره وحتى
من علي دخل كليه ما عافنه ولد بسيط وحباب مايشوف نفسه علينه
– السلام عليَكم
– يا هله ومرحبه عليكم السلام
– اشونك سيد
– يابه اشلوني بنص الخير
ست ياسمين اليوم امشرفه محلي واني اكول اليوم المحل نور
– شنو هاي
– رافع _ هههه اميرتي جايه تشتري منك قماش للمدرسه اريد منك أرقى شي تنطينه
السيد _ مو بالحيف
هاي أرقى قطعه متلوك للا لورد الياسمين
رافع _ بعد شتريد اميرتي
السيد _ وهاي قطعه الخالتي مني هديه هيه والصدريه
رافع _ لا ما اقبل هاك فلوس خير عندي
سيد علي _ شنو ما ادري عدك فلوس
ازعل والله …
رافع _ لا بشرفك سيد لا تردهن
سيد علي _ اشككهن والله اكلك هديه
دتعال عندي شغله الك وطلع من جيبه صوره
شوف رافع هاي اخذت صوره ويه اختك هم تكدر تحجي
السيد واحمد يدرون بيه اغار عليها حتى وهيه زغيره يتعمدون يشاقون وياي
بهلطريقه
رافع _ نعلعلا هاي اشوكت مصوره
السيد _ هاي يمي تبقى للذكرى
رافع _ ولج هاي اشوكت اصورتي ويا
ياسمين _ من اجانه ذاك اليوم
رافع _ على هلحسبه ياهي يجي يكلج صوره تاخذين ويا
لا يصوروج بعد خصوصا هذا دومه شايل كامره واشر على السيد…
السيد _ههههه لا بس اني بعناد اخوج….
اصورج تقبلين مو
ياسمين _ اي اقبل
رافع _ لعد اشحجينه مو كلنه ماكو صوره
ياسمين _ بس عمو
احبه ….