رواية وراء كبرياءه عاشق الفصل الرابع 4 بقلم دودو محمد
رواية وراء كبرياءه عاشق البارت الرابع
رواية وراء كبرياءه عاشق الجزء الرابع
رواية وراء كبرياءه عاشق الحلقة الرابعة
فى شقة حسن جادالله
كانت حبيبه قاعده فى اوضتها وبتعيط ودخل ليها اخوها عمر
عمر :- شششش خلاص يا حبيبه متعيطيش اهدى كده واحنا هنشوف صرفه للموضوع ده
حبيبه :- وهى بتعيط انا استحاله اتجوز الكائن ده انا عندى الموت اهون من اعيش معاه
عمر :- بعد الشر عليكى يا حبيبتى انشالله هو وانتى لا
حبيبه :- بس ماما شكلها مصممه وانا عارفه ماما لما تصمم على حاجه مش بتسكت غير لما تمشيها
عمر :- لا أن شاءالله انا وابوكى نقدر نقنعوها
حبيبه :- يانهار اسود انا اعيش مع البنى أدم ده ده انا يجيلى على ايده شلل اطفال بتاع روح الروح اللهى تطلع روحه البعيد
عمر :- حضن حبيبه وقال هههههههه ايوه كده سبيها على ربنا وان شالله هتتحل
……………………………………………………
فى قصر عزالدين
كانت ديمه قاعده فى اوضتها وبتتكلم فى التليفون
ديمه :- اسكت يا حبيبى ده قلبى وقع فى رجليه لما ابيه شفنا وسألنى كنتى وقفه مع مين
عصام :- اوعى تكونى قولتى ليه حاجه
ديمه :- لا يا حبيبى قولت ليه ان كنت بسألك على حاجه فى المحاضره
عصام :- جدعه احسن انا مش قد أخوكى سيف لو عرف وانتى عارفه الظروف عامله ازاى ومقدرش اجى اتقدم ليكى دلوقتى
ديمه :- عارفه يا حبيبى وانا صابره معاك لحد ما الظروف تتعدل معاك
عصام :- ربنا يخليكى ليا يا حبيبتى
ديمه :- ويخليك ليا يا قلبى
عصام :- بقولك ايه عملتى ايه فى المبلغ اللى طلبته منك علشان عملية ماما
ديمه :- للاسف يا حبيبى معرفتش اتصرف غير فى نصهم
عصام :- ايه طب انا اعمل ايه دلوقتى ده الدكتور قلى لازم نعمل العمليه فى اقرب وقت وكنت معتمد عليكى
ديمه :- انا طلبت المبلغ اللى معايا بحجة ان عايزه اعمل شوبنج واشترى حاجات ليا
عصام :- خلاص يا ديمه خليهم معاكى وانا اسف لو كنت تقلت عليكى
ديمه :- انت زعلت انا مش قصدى اجرحك والله طب بص انا هحاول اطلب بقيت المبلغ من أدهم أخويه وهو مش هيقولى لا وهيكون الصبح المبلغ كامل عندك
عصام :- معلش يا حبيبتى تقلت عليكى بس انا مليش فى الدنيا غير حبيبت قلبى ديمه وان شاءالله فى اقرب وقت هردهملك وفوقيهم بوسه
ديمه :- لالا خليهم مش عايزاهم بس هاخد البوسه ههههههههههه
عصام :- يا سلام من عنيه طب ما يلا افتحى الكاميرا ومتعينى
ديمه :- لالالا مش هينفع
عصام :- هو ايه مش هينفع مااحنا علطول بنعمل كده ايه الجديد
ديمه :- بس بيقوله حرام
عصام :- بكدب حرام ليه هو انا بلمسك ده كل واحد بعيد عن التانى بس بنتمتع شويه مفهاش حاجه يعنى
ديمه :- يعنى مش حرام
عصام :- بكدب لا
ديمه :- ماشى
وبدء فى فعل المحرمات مثل غيرهم من الشباب اللى استخدموا التكنولوجيه اسوء استعمال
……………………………………………………
اشرقت شمس صباح يوم جديد فى سماء الاسكندريه بنورها الساطع لتداعب العيون البونيه لتفتح حبيبه عيونها وتغلقها عدة مرات من شدة الضوء حتى تعودت عليه قامت من على سريرها دخلت حمامها اخدت شاورها وطلعت لبست هدومها وخرجت من اوضتها
……………………………………………………
خرجت حبيبه من اوضتها بس مكانش فى حد موجود
حبيبه :- لنفسها امال فين اللى فى البيت راحو فين دول
ودخلت المطبخ بس ملاقتش حد راحت خبطت على باب اوضة النوم بتاعة امها
حبيبه :- بابا انت جوه وانتظرت الرد بس محدش رد عليها خبطت تانى وقالت ماما يا ماما حد فيكم يرد
بس محدش رد قالت هو فى ايه انا بدأت اقلق
عمر :- فى ايه يا بيبه وقفه عندك بتعملى ايه وبتكلمى نفسك ليه
حبيبه :- اخيرآ لقيت حد فى البيت ده انا كنت فقد الامل
عمر :- ليه هو بابا وماما فين
حبيبه :- مش عارفه انا دورت عليهم فى البيت كله ملاقتش حد
عمر :- غريبه دى
وسمعوا الباب اتفتح وكان حوريه وحسن
عمر :- ايه يا ماما كنتوا فين احنا قلقنا عليكم
حوريه :- ابوك تعب شويه وكنت بيه عند الدكتور
حبيبه :- جريت علي ابوها وحضنته وقالت سلامتك يابابا طب ليه محدش صحانى وصحه عمر نروح معاكم
حسن :- خفنا نقلق حد فيكم وانا الحمدالله كويس
عمر :- والدكتور قالك ايه يا ماما
حوريه :- قال عضلة القلب ضعيفه شويه ومحتاج لراحه وميتعرضش للانفعال
حبيبه :- بدموع انشالله انا يا بابا وانت لا
حسن :- طبطب على بنته وقال بعد الشر عليكى يا حبيبتى انا مكنتش عايز اعرفكم بس امكم مبتعرفش تخبى
عمر :- ليه يا بابا مش عايزنا نعرف
حسن :- علشان مشفش الزعل فى عين حد فيكم
حبيبه :- ربنا يخليك لينا يا بابا ويطولنا فى عمرك
عمر :- اقعد وارتاح ومتشلش هم المصاريف بتاعة علاجك ولا مصروف البيت انا هتكفل بيهم كلهم
حسن :- عينه دمعة وقال مش عايز اكون حمل تقيل عليكم
حبيبه :- ايه اللى انت بتقوله ده يا بابا ده احنا مهما عمالنا مش هنرد جزء صغير من خيرك وحنيتك علينا
عمر :- وبعدين يعنى يابابا انت مخلف راجل ليه مش علشان يبقى سندك وضهرك
حبيبه :- يا سلام يا اخويه هو انت الراجل بس طب ما انا بنت وبرضه اقدر اشتغل واساعد ومن بكره هنزل الشركه بتاعة بابا اللى كان شغال فيها
حسن :- ربنا يخليكم ليا بس انتى يا حبيبه انتبهى لجامعتك وفى الاجازه انزلى اشتغلى فى الشركه وانا كلمة الراجل وقالى تنزل فى اى وقت
عمر :- صح كلام بابا يا بيبه انتى خليكى فى جامعتك الاول وانا شغال ومتكفل بكل حاجه
حوريه :- خلاصتو كلام اسمعو كلامى للاخر حبيبه مفيش خروج من البيت ولا مرواح للجامعه الا لو وافقتى على ابن عمك وتمت الخطوبه وده اخر كلام عندى
عمر :- ايه اللى انتى بتقوليه ده يا ماما انتى عايزه تضيعى مستقبل بنتك علشان توافق على العريس
حوريه :- هو ده اللى عندى لو مكانش عجبكم
حسن :- حورررررريه انا علشان سكتلك هتسوقى فيها وحط ايده على قلبه
حبيبه :- حست ان هتحصل مشكله مع امها وابوها بسببها وممكن ابوها يروح فيها قالت وهى حبسه الدموع فى عنيها حاضر يا ماما اللى تشفيه
عمر :- اتصدم من رد اخته وقال حبيبه ايه اللى انتى بتقوليه ده انتى واخده بالك من كلامك
حبيبه :- اه يا عمر يمكن اشرف ده ميطلعش وحش واقدر احبه بعد الجواز
عمر :- لا يا حبيبه انتى عمرك ما هتحبيه وهتعيشى بقيت عمرك تعيسه مع شخص مفيش توافق فكرى مابينك وبينه
حبيبه :- خلاص يا عمر انا قولت موافقه ومفيش كلام تانى يتقال
حوريه :- راحت على بنتها وحضنتها وقالت بنتى حبيبتى اللى بتسمع كلام امها
حبيبه :- وهى الدموع فى عنيها عن اذنكم ودخلت اوضتها
عمر :- انا على جثتى اخلى الجوازه دى تتم
حوريه :- وانت مالك صاحبة الشأن موافقه ايه دخلك انت
عمر :- علشان انا عارف اختى كويس اوى وعارف هى بتكره اشرف ده قد ايه وفاهم هى وافقت غصب عنها ليه بس انا مش همشى الجوازه دى وبص لابوه وقال ساكت ليه يابابا ماتتكلم
حسن :- قام وقال لله الامر من قبل ومن بعد لله الامر من قبل ومن بعد وسبهم ودخل الاوضه
حوريه :- اهو شفت كله موافق اطلع انت منها
عمر :- يعنى انتى كده ارتحتى ماشى يا ماما ورينى الجوازه دى هتم ازاى وسبها ومشى
حوريه :- جريت على التليفون وطلبت رقم محمد وانتظرت الرد وشويه ومحمد رد عليها
محمد :- السلام عليكم
حوريه :- وعليكم السلام
محمد :- ازيك يا مرات أخويه
حوريه :- الحمدالله انا جبتلك بشرة الخير البت وافقت
محمد :- بجد يا الف نهار ابيض يا الف نهار مبروك
حوريه :- انا عملت بكل جهدى لحد ما اقنعتها شوف هتحليلى بؤقى بأيه بقى
محمد :- حلاوتك محفوظه يا مرات أخويه وهتكون عندك يوم ما نيجى نتقدم لبنتك
حوريه :- تشرفونا وتأنسونا
محمد :- خلاص يا حوريه يوم الجمعه هنكون عندكم ومعانا شبكة المحروسه بنتك
حوريه :- ماشى يا اخويه هبلغ حسن بالكلام ده مع السلامه
محمد :- الله يسلمك يا ام العروسه
وقفلت حوريه مع محمد ودخلت تبلغ الخبر لحسن
……………………………………………………
فى قصر عزالدين
استيقظ جميع من فى القصر واجتمعوا على سفرة الفطار
سيف :- جاهز يا آدهم
أدهم :- من غير نفس رد وقال اه
ديمه :- وهى بتكتم ضحكتها حنفى هتنزل المرادى
أدهم :- بس ابت اللعن ابو شكلك على الصبح
ديمه :- هههههههههههه شكلك مسخره والله
أدهم :- كده طب شوفى مين هيجيبلك الشيكولاته النهارده
ديمه :- لالالا ده انت حبيبى يا دومى ده انت ابو الرجوله كلها
سيف :- مش نبطل كلام على الاكل ونسكت شويه
ديمه :- احم سورى يا ابيه
والكل قام من على السفره وراح عزالدين مع السواق بعربيته لشركه وأدهم راح الشركه بعربيته وسيف وصل ديمه الجامعه وراح على الشركه
……………………………………………………
فى البلد عند محمد وابنه
اشرف :- بجد يا ابا وافقت
محمد:- اه والله امها لسه مبلغانى الخبر
واتفقت اننا هنروح يوم الجمعه ونتفق ونلبس شبكه
اشرف :- حبيبه كلها يومين وهتبقى خطيبتى مش مصدق نفسى
محمد :- هى ايه الحكايه هى البت عجبتك ولا ايه
أشرف :- الصراحه اه يا ابا البت مزه اوى
محمد :- اعمل حسابك انا مليش دعوه بكل ده انا اهم حاجه عندى الارض اللى بأسمها وبعد كده انت حر تبقى معاها او تطلقها
أشرف :- طبعآ يا ابا الارض هكتبها بأسمك بعد التنازل بس انا مش هفرط
فى لهطت القشطه دى يا ابا
محمد :- انا هتفق على اخر الشهر ده نعمل الفرح
اشرف : – ده بعيد اوى يا ابا
محمد :- بعيد ايه يا ابن العبيطه ده هيبقى كمان اسبوعين
اشرف :- طب ما تخلى يوم الجمعه شبكه وكتب كتاب
محمد :- بغيظ اشرف قوم روح شوف اللى وراك الله يكون فى عون البت منك ده هيجلها شلل رباعى من العيشه معاك
اشرف :- ليه بس ده انا هشخلعها وهدلعها اخر دلع
محمد :- قول إن شاءالله بس احسن ما تقف بوشك الفقرى ده
اشرف :- لالا ان شاءالله طبعآ يا ابا
……………………………………………………
فى بيت حسن جادالله
دخلت حوريه اوضة النوم لحسن تبلغه باللى قاله محمد
حوريه :- انا بلغت ابو اشرف بالموافقه وهو جاى يوم الجمعه ومعاه الجماعه وهيتفق ويلبس شبكه كمان
حسن :- بعصبيه برضه عملتى اللى فى دماغك ومشيتى الجوازه
حوريه :- ما خلاص بقى يا ابوعمر البت ووافقت وابن اخوك جاهز ومش هيدفعنا ولا مليم فى جهزها وحتى شنطة هدومها هو اللى هيجبها والولا مش وحش ودكتور يعنى متعلم زيها يبقى فى ايه يعيبه
حسن :- فى ان بنتك مش بتحبه ووافقت عليه وهى مغصوبه منك وخوف عليا احسن انفعل ويحصلى حاجه
حوريه :- يوووووه بقى يا حسن هما بنات اليومين دول كده بيدلعوا ويقول لا وبعد الجواز تلاقى الواحده مكلبشه فى الراجل وبتغير عليه وتخاف عليه من الهوا الطاير
حسن :- انا مش مسامحك على اللى هتعملى فى بنتك ده وعلى كسرة قلب بنتك
حوريه :- انا قولتلك وخلاص وابقى بلغ بنتك وسابته وطلعت من الاوضه
……………………………………………………
فى شركة عزالدين
وصل الكل على الشركه ودخل كل واحد مكتبه ودخل أدهم مع سيف فى المكتب
كريم : ايه ده أدهم عندنا فى الشركه ايه اللى حصل فى الدنيا
سيف :- انا نزلته علشان يبدء الشغل معانا فى الشركه.
كريم :- بس افرد وشك على الصبح علشان الرزق يدخل لينا
أدهم :- والله هو ده اللى عندى لو مكانش عجبكم
كريم :- ده انت واضح مغصوب عليك من الدرجه الاول
سيف :- هو اول يومين كده وبعدين هيتعود على روتين الشغل
كريم :- طب هيبقى فين مكتبه
سيف :- فى الاوضه اللى جمبى
كريم :- اوكى انا هبلغ العمال يجهزو ليه المكتب فى الاوضه وهنزل أعلان فى الجريده عن وظيفة سكرتير
أدهم :- لا انا عايز سكرتيره مش سكرتير مش هيبقى شغل ووشوش عكره كمان
كريم :- وهو بيكتم ضحكته ماشى
أدهم :- كاتمها ليه يا اخويه ما تضحك وخلص نفسك
كريم :- هههههههههههههههههه شكلك تحفه وانت مغصوب كده
أدهم :- بغيظ بقى انا أدهم عز جنتل الشله اقوم بدرى وانزل اشتغل وجو الشركات ده اه يا فضحتى يا انى
سيف :- بقى نزولك الشركه وتبقى راجل مسؤول فضيحه واللى انت بتعمله مع البنات والسهر مع الشله مش فضيحه
أدهم :- ياربى ليه ادتنى اخ كئيب شبه اسد خان فى مسلسل قبول (مسلسل هندى ) ليه مدتنيش اخ شبه رامز جلال كده فرفوش
كريم :- هههههههههههههههههههه ده انت مشكله
سيف :- كريم خده وامشى انت وهو من هنا
كريم :- وهولسه بيضحك ههههههههه حاضر حاضر وخرج كريم وأدهم من اوضة سيف
……………………………………………………
فى بيت حسن جادالله
كانت حبيبه قاعده فى اوضتها وعماله تعيط وسمعت خبط على الباب مسحت دموعها وقالت
حبيبه :- ادخل
حسن :- فتح الباب وقال حبيبت بابا بتعمل ايه
حبيبه :- وهى بتحاول تدارى زعلها ولا حاجه يا بابا كنت قاعده
حسن :- ليه يا بيبه وافقت على الجواز
حبيبه :- عادى يا بابا انا اختارت قبل كده وكان أختيارى مش صح يمكن كلام ماما صح ويكون اشرف كويس
حسن :- كنتى قولتى لا وانا واخوكى معاكى
حبيبه :- لا يا بابا انا مش عايزه مشاكل مع عمى وفى الاخر كل شئ قسمه ونصيب
حسن :- طب هو هيجى يوم الجمعه هيطلب أيدك ويلبسك الشبكه
حبيبه :- بصدمه ايه الجمعه الجايه بسرعه كده
حسن :- هتفرق ايه الميعاد مدام انتى موافقه على المبادئ
حبيبه :- بزعل عندك حق يا بابا
حسن :- ارفضى قبل مايفوت الاوان
حبيبه :- اترمت فى حضن ابوها وعيطت وقالت خلاص يا بابا معدش ينفع الكلام
حسن :- صعبت عليه حبيبه قعد يطبط عليها وقال ربنا قادر يريح قلبك من عنده يا بنتى
……………………………………………………
فى شركة عز الدين
كان أدهم قاعد فى مكتبه الجديد ودخلت ليه السكرتيره بتاعة مكتب ابوه
أدهم :- يا صباح المهلبات على القشطات على العسلات
السكرتيره :- احم صباح الخير يا فندم
أدهم :- فندم مين ده انت اللى افندم وباشا كمان
السكرتيره :- احم استاذ عز عايزك فى مكتبه حالا
أدهم :- جاى وراك علطول يا جميل
السكرتيره :- عن اذن حضرتك
أدهم :- اذنك معاك يا عسل
السكرتيره :- خرجت وقالت لنفسها سبحان الله اللى يشوف سيف ميقولش ان ده اخوه خالص يخربيته دمه زى العسل ومز اخر حاجه
أدهم :- الله يكرمك ده من ذوقك
السكرتيره :- ها
أدهم :- اصل مدام طلعتى من عندى وسرحتى كده يبقى بتشكرى فيا فى سرك فقولت اشكرك
سكرتيره :- ع.ع.عن أذنك وسبته ومشيت
أدهم :- هههههههه على مين كلها يومين وتبقى نايمه جمبى السرير
وراح المكتب لابوه
……………………………………………………
فى الجامعه عند ديمه
ديمه :- خد اهو المبلغ يا عصام انا كملتوا ليك امبارح
عصام :- شكرآ يا قلبى مش عارف اودى جمايلك فين فى كل مشكله تقابلنى الاقيكى واقفه جمبى
ديمه :- يا حبيبى انا معاك فى اى حاجه ولو طلبت عينى متغلاش عليك
عصام :- تسلملى عيونك بس انتى امبارح كنتى فرسه يا بنت اللذينه
ديمه :- بس بقى يا عصام
عصام :- اااااه امته يجى اليوم اللى يبقى كل حاجه على الطبيعه
ديمه :- ربنا يكرمك ويوسع رزقك وتيجى تخطبنى من بابا وابيه سيف
عصام :- ا.ا.اه طبعآ
ديمه :- بحبك اوى يا عصومى
عصام :- وانا بموت فيكى يا قلب عصومى
……………………………………………………
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وراء كبرياءه عاشق)
