رواية حدوتة يسر الفصل الثاني 2 بقلم رونز مراد
رواية حدوتة يسر البارت الثاني
رواية حدوتة يسر الجزء الثاني
رواية حدوتة يسر الحلقة الثانية
الأب: السلام عليكم ورحمة الله وبركاته
نادين هي اللي ردت عليه بدلع أهلاً بيك محتاج حاجة من سليم بيه
الأب: نعم..انتِ مين وسليم فين؟
يُسر الدموع نزلت منها وساكتة ومامتها بتهديها
الأم: يُسر اهدي هنشوف ايه اللي بيحصل واتنهدت ودخلت تجهز الأكل وهي بتدعي ربنا يصلح بينهم الحال
نادين بدلع: ههههه خلاص يا سليم بيه بقى فيه ناس غريبة على الفون
الأب بصدمة: نعم هو سليم عندك!
نادين: امم بس مشغول شوية بيقولك هيكلمك كمان شوية
الأب عارف انها بتكدب: طب عيب يا بنت انتِ ولما سليم بيه يوصل يكلمني وأهو بالمرة نشوف كنت بتضحك على ايه فهماني
نادين اتوترت: هو..
يُسر من العصبية قفلت السكة
يُسر بغضب: طبعاً مع السنيورة ما هو مصدق بقى المغفلة مش موجودة ودخلت في عياط هستيري وبصت لـ باباها وأنا لا يمكن أكون على ذمته بعد النهاردة بابا ط..
الجرس رن والأم فتحت بسرعة
فهد: هي فين؟
الأم بتوتر: فهد هي في أوضتها بالله عليك هي فيها اللي مكفيها كفاية كلام البنت دي وهي أصلا مش طايقة نفسها
فهد: متخافيش يا طنط بنتك مجنونة واتحرك لـ مكان أوضتها وهو بيقول وانا هعالج الجنان دا
باب الأوضة خبط
الأب: ادخل
يُسر: بابا انا بشعري
فهد دخل: متخافيش دا أنا..ازيك يا عمي
الاب: أهلا يا فهد يبني عامل ايه
فهد بص لـ يُسر اللي أول ما شافته الدموع اتجمعت في عيونها ةبعدت عنه وبصت لـ الشباك
قال بخبث: الحمد لله يا عمي ابتلاء ربنا رحمة
الأب كتم ضحكته: ربنا يصبرم على ما ابتلاك يبني
يُسر فتحت بوقها من ردُّه: انت قصدك ايه انت قول كدا قصدك ايه لو جدع
الأب: عيب يا يُسر صوتك عالي..أسيبكم تتكلموا مع بعض شوية وبص لـ فهد وانتَ خد مراتك اللي قاعدة معانا بهرموناتها بقالها أسبوع واستحمل يا فهد يبني اومال عاوزة تكون أسرة ازاي
فهد: حاضر يا عمي واستنى لحد ما عمُّه خرج وقفل وراه الباب وبص ليها وبدأ يقرب خطوة وهي تبعد خطوة
هو: قولتيلي مين الجدع!
يُسر بعصبية: بقولك ايه امشي دلوقت من قدامي أنا مش طايقة أشوفك لو سمحت
فهد ببرود: ومين قالك إني جاي أشوفِك يا حلوة؟
يُسر الرد زعلها يعني غابت أسبوع ولا سأل فيها بس عنده حق واحدة حامل وكل ساعة هرمونات شكل هيسأل عنها ليه أكيد ارتاح
يُسر بدموع وغيرة: طبعاً وانت فاضي لـ يُسر لا ازاي فيه أحلى من يُسر دلوقت لكن يُسر قنبلة ذرية دلوقت خلاص..روح لـ الست نادين بتاعتك
فهد بيكتم ضحكته: ماشي بس أشوف ابني الأول
يُسر بطفولة: وابنك مش عاوز يشوفك هه
فهد: وانت ايش عرفك بتدخل بيني وبين ابني ليه يا حشرية
يُسر: أمه يا أخي دا انت غريب الأطوار بصحيح اتفضل اخرج دلوقت علشان بتعب لما بشوف برودك
فهد قرب منها: يعني عندك شك إني ممكن أشوف غير اللوز بتاعي!!
يُسر: لا كان زمان الكلام دا ايام ما كنت مش بتعرف تدخل الشقة وأنا مش فيها مش لوقت تقعد بالأسبوع ومصدقت طب ما كنت تقولي من زمان وأنا أسيبها وعيطت أكتر
فهد قرب مسح دموعها: طب بتعيط ليه دلوقت
يُسر ضربته: علشان تكلمني ست نادين كويس عارفة جوزي مين وواثقة فيك بس واحدة زي دي تقول إنها قاعدة معاك وأنا المفروض أتحمل بقى بص أنا تعبت منك انت وابنك اللي طول اليوم بيلعب كورة في بطني ومفكر نفسه كرستيانو
فهد بضحك: طب معلش يا حبيبة قلبي حقك عليا انت عارفة فهد بيحبك قد ايه ويعلم ربنا انا طول الاشبوع كنت بروح البيت آخد لبس وأروح لـ ماما وانت عارفة أنا مقدرش أستغنى عنك بس ست يُسر بتدلع شوية شويتين كدا
يُسر بتبص بنص عين: يعني م قعدت في الشقة علشان أنا مش فيها طب ولما كنت فيها سيبتها ليه
فهد بحنان: تؤ علشان ضحكة يُسر مش فيها ، يُسر أنا دلوقت في مكان غريب والحمل بيزيد والمفروض بعد ما كنت أولى اهتماماتك بقيت تفتكريني بالعافية ايوة بالعافية بعد ما كان مكالمات وانا في الشغل بقت اتصالات بس وياريت بتقوليلي عامل ايه لا وبيمثل كلامها فهد هنزل أشتري حاجات لـ زين اللي هو وأبو زين فين معلش ينفع بالله عليكِ
يُسر: فهد دا ابنك
فهد بزهق: يست ابني وحتة من قلبي بس أنا ليا حق عند مراتي برضو وإنها تهتم بيا زي الأول ، مش بقولك م تهتم بيه بس بقولك تعاملينا بالعدل أيوة أنا بغير واحمدي ربنا إني سايبه يقاسمني حبك بجد
يُسر بتضحك بدموع: انت عقلك صغنن ليه
فهد: علشان فهد البحيري رجل الأعمال اللي بيتهز ليه رجالة الأرض بيبقى مجرد طفل محتاج حضن أمه وحبيبته معاكِ يا يُسر أيوة أصل هلاقي حضن بالحب دا كله فين تاني معلش!
يُسر بخجل: عفوت عنك وبغضب بس برضو هتغير اللي اسمها نادين دي
فهد: لا دي ليها حساب تاني سيبك منها وقرب حضنها متحرمنيش من الحضن دا تاني وبص ليها أسبوع يا ظالمة تحرميني من حب يُسر وحضنها وضحكتها اللي بيتعافى بيها قلبي..أسبوع يا يُسر!
يُسر بخجل: حقك عليا كنت زعلانة منك وفاكرة إني هونت عليك وخلاص كدا حبك بدأ يقل
فهد بصدق: اوعي تفكري كدا دا انت حبك سجن يا يُسر بس سجن بحبُّه عارفة اللي هو انت سجين راضي عن اللي انت فيه أهو أنا بقى راضي بالسجن الي بالنسبة ليا جنة
يُسر بحب: وانتَ كل حاجة ليا يا فهد
فهد حضنها: حتى لما زين ينورنا
يُسر بإبتسامة: حتى لما زين ينورنا يا حبيبي ، انتَ ابني الأول يا فهد
الباب خبط
الأم بضحك: ايه يا حبايبي مش يلا الأكل جاهز من ساعتها وأبوك بيشتم بيقول عليك وعليه في ساعة واحدة
فهد ويُسر ضحكوا وطلعوا وأكلوا سوا وفهد أخدها ومشى
فهد في العربية: اسمع يا مصطفى انقل انت مكان نادين ونادين هتكون مكانك واعمل ليها خصم محترم كدا تتظبط بيه سلام
مصطفى: تمام يا فندم
فهد: راضية كدا
يُسر بفخر: كل الرضى
فهد بضحك: واحنا أوامر لـ الست يُسر
يُسر: حبيبي والله يا أبو زين
فهد: علشان تعرفي إنك هتحب الواد دا أكتر مني
يُسر بحب:
ومن يلومني على حُبَّك وأنا المذنب به
ألا تعلم أنك أول الأبناء وثاني الآباء وحبيب العُمر!
فهد مسك ايديها وباسها: يُسر طول عمىها بتغلبني بالحُّب
يُسر بإبتسامة: وبتكسب؟!
فهد بتنهيدة حب: بتكسب بكل جدارة والمقابل قلبي♥️.
تمت الحمد لله
لقراءة الرواية كاملة اضغط على : (رواية حدوتة يسر)
