رواية عشق بالخطأ (أحببت مجنونة 5) الفصل العشرون 20 بقلم نجمة براقة
رواية عشق بالخطأ (أحببت مجنونة 5) الجزء العشرون
رواية عشق بالخطأ (أحببت مجنونة 5) البارت العشرون
رواية عشق بالخطأ (أحببت مجنونة 5) الحلقة العشرون
#ياسر
بعد دقايق فتحت التليفون ف وصلتني رسالة على الواتساب من نفس الرقم، فتحتها لقيت رساله بتقول(( لو هتتقبلني بعد ما عرفت الحقيقه انا هستناك زي ما كنت عاوزني)) وفوق الرساله، فيديو…. تقريباً فهمت ان الفيديو ده يخص الليله اياها، وكنت متردد افتحه وقلقان من اللى ممكن اشوفه… لكن في النهاية فتحته وهنا كانت الصدمه، لما شوفت شاهر بيدخل الشقة وهو شايل مريم، وبعد وقت بيخرج زي الحرا*مي لما قربت اوصل، وبعد ما انا دخلت الشقه هو بينزل من فوق ويطلع من العمارة كلها .. حسيت بالق*هر والدم بيغلي في عروقي وكان جوايا رغبه اني اق*تله بأيدي.. افصل جسمه عن بعضه ومش هيبرد ناري بردو، .. طلعت من ال Nightclub قاصد بيته، لكن وقفت على بعد مسافه، لما افتكرت انه مشي بعد ما قولتله ان مريم في الشقه، وجه على بالي انه أكيد راح لها … رجعت تاني، ومشيت في طريقي لشقه، وفي الوقت ده فتحت الكاميرات من تليفوني وشفته هناك وهو بيحاول يوصلها من حولين التربيزه، وهي كانت لابسة نفس القمي*ص اللي قولتلها عليه … بقيت اسوق بسرعه وابص عليهم واسمع كلامهم
مريم وهي بتدور حولين التربيزه_ ياسر هيعرف كل حآجه، وهيقت*لك
شاهر يدور حولين التربيزه للامساك بها _ مش هيصدقك مهما تقولي، تعالي بذوق احسنلك
مريم _ وحيات ربنا هلم عليك الناس لو مبعدتش من هنا
شاهر _ لميهم ونشوف مين هيصدقك وانتي لابسة كده، ومظبطه نفسك وجوزك مش موجود
مريم بدموع _ ياسر وصله فيديو وهيق*تلك، امشي احسنلك
شاهر ببرود _ تعالي يا حبيبتي، تعالى وبطلي رغي عشان محدش هيحوشك من ايدي النهارده
مريم بانفعال _ انت عاوز مني ايه تاني مش كفايه اللي عملته فيه
شاهر _ عاوزك، من اول يوم شوفتك فيه وانتي دخلتي دماغي ومش راضيه تطلعي منها، ولو جتيلي انا بدال ياسر مكنش حصل اللي حصل، بس نقول ايه صنف عو*ج وبيجري علي اللي مش عاوزة
مريم _ اديك انت بتجري ورايا وانا مش بطيقك ولا عمري هبصلك،
شاهر يركب فوق التربيزه فجأه ويمسكها ويشدها ليه وتيجي تصر*خ وهو يسدلها فمها
شاهر وهو يست*نشق شعرها _ بتهر*بي من اللي بيحبك عشان واحد عمره ما بصلك…… بصي مش عايزك تزعلي، هو مشي وسابك، بس انا هنا
مريم تع*ض ايده وتيجي تجري ف يمسكها من شعرها، ويضر*بها فوق دماغها بكوعه لتقع بين ذراعيه فاقده للو*عي… كل ده وياسر شايف وسامع اللي بيحصل لتظهر عروقه من شدة الغض*ب ويزيد سرعة سيارته ليصل سريعآ
#شاهر
شيلتها وحطيتها على الكنبه وقعدت جمبها اتحس*س جسدها الناعم و وجهها…. من وقت ما شوفتها وانا مش عاوز غيرها بس هي ملعو*نه مش بتفكر غير في ياسر … ياسر اللي حظه ضارب في كل حآجه.. فلوس وقوه ونسو*ان، حتي ابوه، قدر يعمل ثروه في حين ان ابويا مضيع كل فلوسه في الحش*يش والجوازات من بنات أصغر مني،
كنت بحاول اقربلها واعيد اللي عملته قبل كده، بس وقفني صوت عربيه بتوقف تحت، طلعت عند الشباك، لقيت عربية ياسر واقفه تحت وهو نازل منها وطلع يجر*ي جوه العماره، ف سبت مريم لاني متأكد انها لما تقوله مش هيصدقها، ف طلعت بسرعه وروحت فوق السطوح يكون دخل علشان امشي، بس اللي حصل لما طلعت فوق السطح لقيته جاي ورايا
ياسر _ اه يا و*سخ
شاهر _ في ايه
ياسر يمسكه ويسد*د ليه عدة ضر*بات في وجهه وصدره الا ان يجتمعو الجيران ويمسكو*ه
ياسر شد في نفسه بغضب _ سيبوني، هق*تلك، يا**** محدش هيعتقك من ايدي النهارده
شاهر يمسح شفته من الد*م ببرود _ هو انت عرفت
ياسر بغضب _ عرفت متأخر لكن والله ما هسيبك، بيفلت نفسه من الناس ويضر*به برجله يوقعه على الأرض وينزل يكمل عليه ضر*ب لغيت ما بيبعدوه عنه
شاهر يرتفع بنصف جسده _ ههههه زعلان ليه ها… وفيها ايه يعني لما اخد منك واحده ما انت ياما خدت مني، مزعلتش ليه
ياسر يحاول يمسكه تاني _ عشان انت رخي*ص ومعندكش نخو*ه، سيبوني لازم اقتله الو*سخ ده
شاهر يقوم بغيظ _ طول عمرك طماع وشافط كل حآجه في كرشك انت وابوك ، عمركم ما قولتلو ندي حاجه للكلاب اللي في الوحل دول، انتو عايزين كل حآجه، حتي النسوان
ياسر بغضب _ محدش قالك انت وابوك تكونو صيع جاتلكم الفرصه وضيعتوها، بس ده مش مبرر انك تط*عني في ضهري، اقسملك هق*تلك.. سيبوووني
شاهر _ وفيها ايه لما اخدها منك زعلت عليها اوي تفرق ايه عن غيرها
ياسر يفلت نفسه منهم ويمسكوه بغضب _ تفرق انها بقت مراتي، ثم يسدد له ضر*به في عنقه ينز*ف بسببها وتفقده وعيه،
#ياسر
ضر*بته وفكرته ما*ت وبردو ناري مبردتش، لكن كنت مطر اسيبه عشان الحق مريم، ولما روحت الشقه لقيتها نايمه علي الكنبه و في ورم في جبهتها، .. جريت عليها وسندتها على ايدي وبقيت اطبطب علي خدها علشان تفوق بس مفقتش ف سبتها وروحت جبت ميه من المطبخ ومسحت وشها بيها، لغيت ما فاقت
ياسر بقلق _ مريم
مريم بدوخ _ ياسر.. شوفت الفيديو
ياسر _ اه.. طمنيني.. حاسه ب أيه
مريم بتعب _ دماغي وجعاني.. هو فين، كان هنا
ياسر _ غار… تعالي هتغيري ونروح الدكتور
مريم بدوخ _ لأ
ياسر يشيلها _ يلا
دخلتها جوه وساعدتها تلبس وخدتها لدكتور، وبعد ما كشف قالي بسيطه ومفيش قلق، وبعدين خدتها ومشينا بالعربية و و وقفنا عند مكان بعيد عن الناس
مريم_ هو ايه اللي حصل
ياسر بخيبه _ حصل كتير،.. مش عارف اقولك ايه
مريم _ المهم انك تكون عرفت الحقيقة
ياسر _ عرفت… واتمنيت اني كنت افضل غبي علي طول أحسن ما اتصدم في صاحب عمري
مريم _ لسه بتقول صاحب
ياسر بقهر _ كان صاحبي، بس انا نفسي اعرف دلوقتي هو عمل معايا كده ليه… لو تشوفيه وهو بيتكلم ويقولي واخدين كل حآجه، كنتي قدرتي تشوفي كمية الح*قد في نظراته وكلامه،… طيب ازاي قادر يخفي الح*قد ده كل السنين دي وانا محسش.. ازااي
مريم بدموع _ المهم انك عرفته في النهاية، احمد ربنا بدل ما كنت تعيش طول عمرك مخدوع
ياسر بغضب _ طيب واللهي لو كان طلب عين من عينيا كنت ادتهالو، شوفتي واللهي دي،.. واللهي كنت ادتهالو،… ازاي قدر يغدر بيه بعد العشره دي، دا انا مليش اخوات اعتبرته هو اخويا
مريم تمسك ايده وهو يشدها منها
ياسر _ لا لا لأ، انسي انك تلمسيني.. اللي حصل مش هيغير حاجه، دا زاد رغبتي انك تمشي…. انتي تخفي وتمشي مش عاوز اشوفك تاني
مريم بدموع _ حتي بعد ما عرفت اني مظلومه
ياسر _ مظلومه بقا او لأ، انتي متحرمه عليه، مقدرش ابصلك او المسك بعد ما عمل فيكي كده… انا اسف اني بقول كده بس مش هينفع
مريم بوجع _ حتي بعد ما عرفت اني مليش ذنب
ياسر بانفعال _ ولا انا ليه ذنب،.. انا اصلح غلطت واحد غيري ليه، روحيلوه يمكن تلاقي فيه النفس خليه هو اللي يتجوزك انا لأ
مريم بدموع _ لا انت ولا هو
بتيجي تفتح الباب وهو بيوقفها _ انا مش عارف بقول ايه… خلينا نروح وبعدين نشوف الموضوع ده
مريم _ مفيش حآجه تانيه تتقال، انت قولتلها مش مجبر تصلح غلطت غيرك،
ياسر بخنقه _ خلينا نتكلم بعدين ونقرر مع بعض
مريم تفتح الباب وهو يشدها من ايدها ويقفل الباب تانى
ياسر بغضب _ قولت استني انا دلوقتي مش عارف افكر ولا مركز في كلامي.. اقعدي بقا
مريم ببكاء _ انا عايزة انزل من فضلك سبني
ياسر _ بطلي عياط
مريم تبكي _ مش هبطل وهفضل ابكي كده طول العمر، افتحلي ممكن
ياسر يحض*نها وهي تضرب فيه لكنه بيفضل متمسك بها الا ان تهداء
مريم ببكاء _ كل غلطي اني مشيت ورا قلبي وروحت وراك، لو اعرف ان كل دة هيحصل كنت دوست على قلبي بالجزمة
ياسر _ صح انتي غلطانه مش هقولك لأ… مكنش لازم تيجي، لو كنتي استنيتي شويه كنت انا اللي هاجيلك لغيت عندك
مريم تكف عن البكاء وتبتعد عنه _ ايه
ياسر يعتدل _ مفيش. خلينا نمشي
مريم _ لا قولي كنت بتقول ايه
ياسر بخنقه _ مفيش انا مش عاوز اتكلم دلوقتي
مريم _ تمام
#سيف
كان قريب الفجر وانا كنت صاحي وبفكر هرجع سليم ازاي ومن جه تانيه دماغي مشغوله بمسك ومش عارف خالد ممكن يعمل ايه علشان يوصلها، لغيت ما قطع تفكيري صوت الجرس، قومت بسرعه اشوف مين اللي جاي دلوقتي، ولما فتحت لقيتها مسك
سيف بفرحه _ مسك
مسك تحضنه _ وحشتني
سيف يضمها ويغلق الباب _ وانتي كمان، ايه المفاجأة دي مش مصدق
مسك _ انا اسفه على كل حآجه
سيف يضمها أكثر _ تبقي صدقتيني
مسك _ لازم اصدقك
سيف _ اخيرااا… انتي وحشتيني اوي ياشيخه
مسك _ مش اكتر مني، ربنا يعلم انك كنت واحشني وانت جمبي
سيف يبتعد عنها وينظر لها بإبتسامه _ نورتي بيتك وحياتي كلها
مسك بإبتسامه _ حبيبي
سيف بتنهيده _ لو مش عيب كنت عيطت دلوقتي
مسك _ وانا نفسي اعيط تيجي نعيط سوا ههههه
سيف يمسك ايدها _ من غير عياط، تعالي
رجعت بعد فترة كانت الاصعب في حياتي … برغم اني كنت معاها من ساعات بس لما رجعتلي مسك اللي اعرفها حسيت انها وحشاني اوي، نسيت مشكلة سليم ورودينا ونسيت اسر وقعدت معاها لغيت الصبح
مسك بإبتسامة _ ياااسيف ياسيف مش تقولي ماما خرجت من المستشفى ولا لسه، واسر مع مين
سيف يحضنها _ كلهم تمام، انسيهم دلوقتى، انا لسه مشبعتش منك
مسك _ لسه هنشبع من بعض كتير بس خلينا نطمن عليهم الاول
سيف يبعد عنها _ نطمن عليهم وتفضيلي شويه مش ترجعي الشغل
مسك _ مفيش شغل تانى خلاص، انا هسيب كل حآجه واقعد معاكم
سيف _ لأ مش عاوز كده، مينفعش تسيبي شغلك اللي تعبتي فيه… بس نوفق بين الشغل والحياه العاديه
مسك _ مش عايزة،
سيف _ اسمعي الكلام وانا عندي الحل
مسك _ هو اية
سيف _ في كتير شباب محتاجين فرصه للأخراج، انتي شغلي ناس منهم ، وهما يساعدوكي ويحلو محلك وانتي في البيت.. بس مش هينفع تسيبي شغلك واسمك اللي تعبتي فيهم
مسك _ تمام هفكر في الموضوع ده
سيف ينظر لها بإبتسامة
مسك _ ايييه
سيف _ مبسوط
مسك _ وانا كمان
سيف _ بس مقولتليش ايه اللي خلاكي تصدقيني من غير دليل
مسك _ عادي
سيف _ هو ايه اللي عادي… في حآجه حصلت هناك … الواد ده كلمك
مسك _ لا خالص انا مقابلتهوش اصلا
سيف بشك _ مسك اتكلمي علي طول الواد ده كلمك؟
مسك _ لا ياسيف ، بقولك مقابلتهوش
سيف _ طيب رجعتي ازاي من غير باسبور
مسك _ البوليس لقاه وبعتهولي
سيف _ مسك انتي بتباني لما بتكدبي قولي ايه اللي حصل
مسك بتهرب _ مفيش… يلا خلينا نروح عند ماما
سيف _ لا فى… قولي يا مسك
مسك بتردد _ اصل
سيف _ اصل ايه
مسك _ اصل خالد هو اللي كان سارقه عشان مرجعش
سيف _ وانتي مين قالك
مسك _ محدش بس انا فهمت لما جابهولي،
سيف _ جاااابهولك ازاي.. وقالك ايه اتكلمي علي طول
مسك _ أبداً هو خبط عليه و ..
سيف بانفعال _ ولسه فيه و… عمل ايه تانى اتكلمي
مسك _ و ادهوني وقالي انه لقاه بس انا مصدقتهوش وضر*بته بالفازه
سيف _ دخل الاوضه
مسك _ لا طبعا يدخل فين
سيف بعصبيه _ يعني وقف على الباب وانتي دخلتي جبتي الفازه ورجعتي ضر*بتيه وهو وقف يستناكي… ما تعقلي الكلام شويه
مسك _ لا ماهو انا فهمته اني هروح اجيب حاجه وخليته يستناني ف خبيتها ورا ضهري وضر*بته فجأه
سيف _ يعني ضر*بتيه بره الباب.. لا ولحقتي تلمي شنطة هدومك من غير ما حد يشوف ويخدوكي علي القسم
مسك _ في ايه يا سيف انت عاوزة يعمل ايه يعني… بقولك معملش حآجه
سيف يجز علي سنانه _ لو شميت خبر انك مخبيه عني حاجه هعلقك… هصفي*ييكي
مسك _ ايه اصفي*كي كل شويه دي انت مبتتعبش
سيف _ مبهددش… انا المره دي هصفي*كي بجد انتي وهو
مسك تداري ضحكتها
سيف _ بتضحكي ليه
مسك بضحك _ ههههه اصلي من ساعة ما عرفتك وانت بتهدد انك تصف*يني ومش بتصفي*ني لا انا ولا غيري
سيف _ لأ ياشيخه يعنى انتي عايزة تجربي
مسك بإبتسامة _ ايوه
سيف _ عاوزة تمو*تي؟
مسك _ مش هكدب لو قولتلك نفسي امو*ت على ايدك
سيف _ اعتبرها رومانسيه دي يعني ولا ايه
مسك _ ههههه بحبك ياخي، بجد والله لو همو*ت علي ايدك هكون مبسوطه
سيف يمسكها من رقبتها _ اخنق*ك يعني
مسك بإبتسامه _ ايوه
سيف _ اوكى هخن*قك بس شويه كده
مسك تنظر له بتأمل _ وحشتني
سيف يبادلها النظرات ويتنقل بعينيه في تفاصيل وجهها مره لعينيها واخري لشفتيها ثم يتحسسهم بيده ويقتر*ب منها ليقبلها قبله شوق لتذوب بين يديه ( ما علينا******)
تاني يوم
#خالد
رجعت مصر اول ما عرفت ان مسك رجعت وروحت على البيت علي طول ودخلت اوضة ميرال عشان اشوفها، ف لقيت سليم جمبها وبيلعبها،.. دمي غلي في عروقي بالاضافة لاني متعصب خلقه ف مسكته من دراعه بغض*ب
خالد بغضب _ مين قالك تلعب معاها
سليم بغيظ _ سيبني بابا سيف هيضربك برصا*ص
خالد يضر*به بالقلم _ بابا؟ هوريك انت وبابا ومرات بابا ايام اسود من شعر راسكم، قوم
سليم _ لا
خالد يشده من شعره ويقومه، وميرال تخاف وتبكي
سليم _ اااه سيبني انت خوفت النونو يا 🐶
خالد يمسكه من دراع واحد ويطلع بيه بره ويرميه في المخزن
خالد _ انت مكانك هنا وهحاسب الكلا*ب اللي قعدوك مع ميرال
سليم _ بس اكبر هقطع وش*ك
خالد بغيظ _ دا لو كبرت
سليم يبصله ويسكت
خالد _ وحيات عينيك دول اللي بترفعهم فيه لا اربيك انت و بابا
سليم _ متقدرش بابا يضربك بالمسد*س
خالد يذقه في وشه _ انت عيل افعصك برجلي جايب الجبر*وت ده منين
سليم ببكاء _ انا عاوز اروح ل بابا وهقولك الحرامي ضر*بني تاني
خالد يضر*به بالقلم بغيظ لتعلم اصابعه على وجهه _ انا هعرف اقصلك جناحك ازاي قبل ما تكبر
سليم ببكاء _ بكرهك انت و*حش
خوفت اسيب نفسي عليه يمو*ت في ايدي ف سبته وطلعت بهدلته البهايم اللي جابوه في اوضة ميرال.. وبعد وقت لقيت سيف جاي ومعاه اتنين
سيف _ فين سليم
خالد _ سليم مين
سيف بغضب_ انت عارف سليم مين
خالد ببرود _ اه سليييم.. اه عارفة ، مالو ده
سيف _ رجعهوولي
خالد _ ابنك هو وانا معرفش
سيف بحده _ فييين سليييم
خالد _ سفرته مع بنتي، اصلي اتبنيتوه
سيف يمسكه من قميصه _ انطق بقولك فين سليم
خالد يبعده عنه _ انسا انك تاخده… مش كفايه خدت مسك مني
سيف _ انت لو مبطلتش رغي كتير وجبت سليم هطلب البو*ليس وهو يجيبه بمعرفته
خالد يمط شفتيه _ طيب ما تبلغو ونشوف هتقولهم ايه
سيف _ سليم اللي هيقول مش انا
خالد _ البو*ليس مش هيصدق عيل صغير
سيف بغضب _ اوكي هنشوف هتجيبه ولا لأ
خالد _ مستني اشوف ممكن تعمل ايه يا دون
#نسمه
كنت قاعده في اوضتي وبابا جه وقعد معايا
سليمان _ لسه بردو
نسمه بشرود _ عادي
سليمان بتنهيده _ عارف انه مش وقته بس لازم تعرفي
نسمه _ في ايه تاني يا بابا
سليمان _ النهاردة زين انقذ اسراء من الموت لتاني مره
نسمه _ انقذها ازاي
سليمان _ كان رايح عندها ف شاف واحد بيكتم نفسها بالمخده، ف المجرم ده ضر*به بالمطوه وهرب
نسمه تقوم فجأه _ مين ده اللي اتضرب
سليمان يوقف _ زين بس بسيطة جت في دراعه
نسمه بدموع _ اتعور اوي؟
سليمان _ مش هي دي المشكله اللي جايلك علشانها
نسمه _ هو في مشكله اكبر من كده
سليمان _ للأسف فيه
نسمه _ في ايه
سليمان _ احنا وبنشوف الكاميرا، شوفنا اللي بيحاول يقتلها،… عارفه طلع مين
نسمه بترقب _ مين
سليمان _ حسام
نسمه بذهول _ حسام؟…. حسام يعوذ يمو*ت اسراء ليه، وهو يعرفها منين اصلا
سليمان _ ماهو لما البو*ليس جه قالولنا ان هو كان علي تواصل دايم معاها من سنين واخر مكالمه كانت قبل ما تتعرض للقت*ل بدقايق
نسمه لا تحملها قدميها وتجلس _ لا لا لا… في حاجه غلط اكيد . مستحيل
سليمان _ زي ما سمعتي، حسام المتهم الاول في قتل*ها، البصمات متطابقه ليه وغير المكالمات اللي بينهم،
نسمه ببكاء حد الانهيار _ هو في ايه، نفسي افهم، فجأه كده كل اعرفهم طلعو بيخدعوني
سليمان _ اهدي مش كده
نسمه _ محدش يقولي اهدي، يعني انا كنت غبيه كل السنين دي.. مش ممكن يا بابا اكيد انتو غلطانين والكاميرات غلطانين كلكم غلط
سليمان يحضنها _ اهدي طيب
نسمه ببكاء _ يعني كانو بيضحكو عليه عشان ياخدو فلوس من ورايا وانا اللي كنت دايما بعاند معاكم علي اساس انا عرفاهم اكتر منكم ومستحيل يخونوني، اتاريني كنت غبيه
سليمان _ مش غبيه ولا حاجه… انتي طيبه بس دي حاجه عيب دلوقتي، مينفعش الطيبه مع الكل يابنتي
#زين
كنت سامعها بتبكي بس مكنتش قادر اروحلها، لغيت ما شوفت دكتر سليمان خارج وكانت مراته خرجت قبل شويه، ف نزلت بسرعه وروحتلها واسينات فتحتلي
زين _ فين نسمه
اسينات بحزن _ في اوضتها وتعبانه
زين _ طيب ممكن اشوفها
اسينات _ دقيقة اقولها
زين _ انا هدخلها وانتي خلي بالك عشان بابا ميزعلش ممكن
اسينات _ طيب بس متتأخرش
زين _ اوكي خمس دقايق وجاي
دخلت عندها لقيتها نايمة ودموعها علي خدها، قربت منها وقعدت قدامها وبدات امشي ايدي على شعرها ف فتحت عينيها وقامت بسرعه
نسمه _ ايه دخلك هنا
زين _ قلقت عليكي
نسمه _ علشان قلقت عليه تيجي اوضة النوم، امشي يلا
زين يحاول يقربلها وهي تبعده
نسمه _ انت بتعمل ايه
زين _ مش عارف بس مش مبسوط وانتي كده
نسمه بدموع _ امشي الله يخليك .. امشي انا مش عايزة حد معايا
زين _ بس انا عايزك معايا
نسمه بدموع _ مبقاش عندي ثقه في حد ولا حتي في نفسي، سيبوني في حالي
زين _ كله هيكون تمام، بس اديني فرصه اساعدك تخرجي من الحاله دي
نسمه ببكاء _ مفتكرش اني ممكن اطلع من الحاله دي غير بالموت، …. لو تقدر تموتني اتفضل
زين _ اقدر احتويكي وانسيكي كل حآجه من غير موت، اوعدك.. بس اديني فرصة واحده
نسمه بدموع _ دلوقتي محتاجه انام وبس لما اشبع نوم هديلك الفرصة دي
زين _ طيب يلا نامي
نسمه _ لما تمشي الاول
زين _ لسه الخمسه دقايق مخلصوش
نسمه _ مش هعرف انام طول مانت هنا
زين ينومها على السرير ويغطيها
نسمه _ ايه ده في ايه
زين يمشي ايده علي شعرها بلطف _ غمضي عينيكي
نسمه _ لا لما تمشي
زين _ غمضي
نسمه تغمّض ببطئ ثم يقبل*ها فوق جبينها لتفتح عينيها مره أخرى وتجده قريب منها ، ثم تنظر له وتلتقي اعينهم لبعض الوقت
نسمه _ كفايه كده
زين ومازال قريب منها _ باقي دقيقه
نسمه _ بابا ممكن يجي
زين _ متفكريش، ونامى
نسمه _ مش هقدر انام وانت قاعد كده
زين _ اوكي، خليكي صاحيه يكون خلصت الدقيقة
نسمه _ انت ليه الوقت عندك بيمشي ببطئ. خلصت نص ساعة من وقت ما جيت
زين _ بيتهيألك لسه باقي 20 ثانيه
نسمه بتنهيده _ 19 18 17 16 15 14 13
زين _ انا هكمل i l o v e y o u n e s m a
نسمه _ ايه الحروف دي
زين _ دول 13 حرف بدال العد بالارقام
نسمه _ اه بس الحروف دي تحمل جمله صح
زين بإبتسامة _ عرفتيها
نسمه _ لأ
زين _ لا عرفتيها.. قولي
نسمه _ مفهمتهاش
زين بإبتسامة _ اوكى… فكري فيها وقولهالي لما نتقابل تاني
نسمه _ ماشي
زين يقوم من جمبها ويتجه للباب ويقف _ هستناكي
نسمه تأوم برأسها بالموافقه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشق بالخطأ (أحببت مجنونة 5))
