رواية قصة حنين الفصل الحادي عشر 11 بقلم صباح عبدالله

رواية قصة حنين الجزء الحادي عشر

رواية قصة حنين البارت الحادي عشر

رواية قصة حنين الحلقة الحادية عشر

#### في منزل عائلة عاصي
يذهب محمد البواب ليأذن لعلي وحنين بالدخول إلى المنزل، يردف محمد قائلاً:
“المدام نوال مستنياك جوا يا علي يا بني انت واللي معاك.”
ينظر علي إلى حنين بخجل مما فعل رياض، ثم ينظر إلى البواب ويقول:
“تسلم يا عمي محمد، تعبتك معايا.”
يرد محمد:
“الله يسلمك يا بني، ولا تعب ولا حاجه.”
ينظر علي إلى حنين ويقول:
“تعالي يا حنين.”
يذهب كل من علي وحنين، وبعد وقت كان كلا من علي وحنين يقفان أمام باب المنزل. تنظر إليهم نوال وهي تقول:
“اتفضل يا علي يا بني، واقف عندك ليه؟”
يدخل علي وخلفه حنين وهو يقول:
“مساء الخير يا مدام، دي حنين اللي كلمت حضرتك عليها.”
يقول ذلك وهو يشير إلى حنين، بينما نظرت نوال إلى حنين وهي تقول:
“بسم الله ما شاء الله، تبارك الرحمن عليكي يا بنتي، قمر 14 ربنا يحميكي.”
تبتسم حنين والحزن لا يفارق ملامح وجهها، بينما شعرت نوال بالحزن من أجل حنين. تذهب إليها وتضع يديها على رأس حنين بحنان أم وهي تقول:
“باين عليكي مؤمنة وعارفة ربنا وقريبة منه أوي. علشان كده، مش هاقول لكِ إن كل شيء قسمة ونصيب، وكل واحد مكتوب نصيبه من الدنيا، هايعيش زي ما ربنا سبحانه وتعالى كتبه له. بصي يا حبيبتي، أنا قلبي انفتح لكِ حتى من قبل ما أشوفك. انتي هنا هاتعيشي بنت لي مش هاتكوني خادمة عندي يا حنين. علشان كده، عاوزة واتمنى انك تعتبريني في مقام أم لكِ. أنا ربنا مش رزقني ببنت، ولو كان عندي ما كنتش فرقت بينك وبينها وربنا يعلم بكده.”
تنظر حنين إلى هذه المرأة الطيبة، بينما دمعت عيناها وهي تقول بحزن وصوت هادئ يدل على ما في قلبها من أحزان وآلام:
“ربنا يخليكي ويبارك في عمرك يا مدام. الأستاذ علي كان على حق لما قال عليكي إنسانة طيبة وعارفة ربنا. وشرف لي أن أكون خادمتك، لأن مقام بنتك ده كتير أوي عليا.”
نوال بحنان:
“هو أنا أطول يكون عندي بنت قمر زيك كده يا بنتي.”
حنين بابتسامة حزينة:
“ده شرف لي يا مدام والله.”
ترد نوال قائلة بزعل مصطنع:
“مدام بردك يا حنين، بقى أنا أقول بنتي وانتي تقولي مدام؟”
تنظر حنين إلى علي ثم إلى نوال وهي تقول:
“آسفة، بس لو مش قلت يا مدام، أقول إيه؟”
نوال بحب:
“قولي يا ماما نوال زي ما أنا بقولك يا بنتي، ولا إيه يا علي يا بني؟”
يرد علي قائلاً:
“ده انتي أحلى أم في الدنيا كلها يا ست الكل. خلاص يا حنين، قولي للست نوال يا ماما بدل مدام.”
حنين دون تفكير:
“بس يعني هي…”
تقاطعها نوال عن الحديث قائلة بحزن:
“إيه يا حنين يا بنتي؟ هو أنا مش أستاهل أكون في مقام أم لكِ؟”
ترد حنين بلهفة:
“لا والله العظيم، مش قصدي بس…”
ثم تصمت حنين بينما انفجرت في البكاء، تضمها نوال بحنان وهي تقول:
“اهدي يا حبيبتي، وطول ما انتي واثقة من نفسك اوعى تدوري على كلام الناس. ومنه الله اللي كان السبب. أنا علي حكى لي على كل حاجة حصلت معاكي وإن شاء الله ربنا هايظهر براءتك قريب.”
وفجأة يُطرق أحدهم باب المنزل، فيقول علي وهو ينظر إلى حنين بحزن:
“هاروح افتح الباب.”
تردف نوال قائلة وهي تضم حنين:
“تعالي يا حنين يا حبيبتي، أوريكي الأوضة بتاعتك.”
يذهب علي باتجاه الباب، بينما تأخذ نوال حنين إلى الداخل. وفي هذه اللحظة، ينزل كلا من رياض كاظم من على الدرج. يقول كاظم بصوت منخفض:
“أنا حذرتك يا رياض، لو فتحت بوقك بحرف، أنا مش هاقولك ها أعمل فيك إيه.”
يرد رياض قائلاً بحزن:
“حرام عليك يا كاظم، البنت مالهاش ذنب في اللي حصل. سبها في حالها بالله عليك.”
يرد كاظم بسخرية:
“إيه، يا حنيين قلبك هايحن ولا إيه؟ أوعى تنسى إنك اللي صممت الفيديوهات بإيدك، وانت اللي نشرتهم. أنا ما عملتش حاجة، أنا بس كنت بدفع فلوس.”
رياض بخوف:
“يعني إيه؟”
كاظم وهو يضع بعض المال في جيب رياض:
“يعني يا شاطر، لو الموضوع ده اكتشف، هاتدخل في سين وجيم، فاهمني صح؟”
ينظر رياض إلى المال ثم إلى كاظم، ويخرج المال من جيبه ويرميه في وجه كاظم وهو يقول:
“خلي فلوسك، يمكن تنفعك. أنا مش عاوزها، عن إذنك.”
ثم يذهب رياض دون أن يقول شيئًا آخر. وبينما يذهب باتجاه الباب، ينظر إلى علي بدهشة ويقول بخوف:
“يا نهار أبيض، علي هنا بيعمل اي! مش لازم يشوفني أو يعرف إني هنا.”
ويركض رياض ليختبئ من علي. وفجأة، يأتي عاصي وهو يقول:
“خير، مالك يا رياض؟ في حاجة؟”
يقف رياض أمام عاصي وهو ينظر إليه بدهشة ولا يعلم ما الذي يجيبه، فيردف عاصي بشك قائلاً:
” بدور على حاجة؟”
يرد رياض قائلاً بكذب، بينما يضع يديه على بطنه:
“آه، كنت عاوز أروح الحمام بس مش عارف فين. وبصراحة، أنا علي الآخر.”
يرد عاصي قائلاً:
“طيب تعال، هأوريك الطريق.”
يرد رياض وهو ينظر باتجاه علي بطرف عينه:
“طيب بسرعة، الله يخليك.”
وقبل أن يرد عاصي على رياض، يأتي صوت أنثوي رقيق من عند الباب قائلاً بلطف:
“دكتور عاصي.”
ينظر عاصي باتجاه مصدر الصوت وهو يقول بذهول:
“نوران! انتي بتعملي إيه هنا؟”
تركض نوران وتضم عاصي وهي تقول:
“إيه، وحشتيني. جيت أشوفك، انت مش مبسوط علشان أنا جيت عندكم؟”
يبعد عاصي نوران عنه وهو يقول:
“لا، مش قصدي بس فجئتني.”
ثم ينظر إلى رياض ويقول:
“أنا آسف، نسيت. تعال.”
يرد رياض قائلاً:
“عادي، ولا يهمك، قول لي بس فين الطريق وأنا هاروح وخليك أنت مع ضيوفك.”
في هذه اللحظة، كانت تقف سلوى عند الباب وهي تنظر إلى رياض بدهشة وهي تدمدم بكلمات غير مفهومة:
“لا مش معقولة، معقولة هو؟ لا، لا مش لازم خالد يشوف الشاب ده.”
يأتي خالد ويقول:
“خير، مالك يا سلوى؟ وقفة ليه كده؟ في حاجة؟”
ثم ينظر إلى ما تنظر إليه سلوى، لكن رياض كان قد لف وجهه إلى الاتجاه الآخر. يقترب عاصي من خالد ويقول:
“عمي خالد، اتفضل، واقف عندك ليه؟”
يسلم كلا من خالد وعاصي على بعضهما، ويرد خالد قائلاً:
“أنا الحمد لله بخير، والله. أنت عامل إيه يا عاصي؟ وأبوك عامل إيه؟ أنا عارف إنه زمانه واخد على خاطره مني، بس والله مش بإيدي، الشغل كتير وانت عارف.”
يرد عاصي قائلاً:
“والله عارف، الكل مشغول والله. اتفضل، هاطلع أقول لبابا إن حضرتك شرفتنا.”
ثم ينظر إلى سلوى قبل أن يذهب ويقول:
“أخبارك إيه يا آنسة سلوى؟ نورتي.”
ترد سلوى وهي تحاول أن تخفي علامات التوتر:
“الحمد لله، بخير. ده من ذوقك الراقي يا دكتور عاصي. نوران قالت إنك بقيت معيد في الجامعة، قولت بقى لازم أجي وأبارك لك بنفسي.”
يرد عاصي بلطف:
“الله يبارك فيكي يا رب، اتفضلوا البيت بيتكم.”
ثم يقول بصوت عالٍ:
“عمي محمد! عمي محمد!”
يأتي محمد وهو يقول:
“نعم يا أستاذ عاصي؟”
يرد عاصي قائلاً: “قول لأم سعيده تجيب واحد قهوة واتنين عصير وتدخل الضيوف الصالون علي ما أنزل.”
يرد محمد: “بس يا أستاذ عاصي، أم سعيده خلاص سابت الشغل وفي واحدة غيرها جات.”
يرد عاصي بلا مبالاة: “طيب، خليها تدخل الضيافة على ما أجي.”
محمد: “أمرك يا بيه.”
يتحرك عاصي باتجاه الطابق العلوي ليخبر والده بوصول خالد وسلوى، بينما يبقى رياض في المكانه، يحاول تجنب الأنظار. ويتوجه محمد نحو الغرفه التي تقيم فيها حنين لكي يطلب منها أن تجهيز الضيافة.
في هذه الأثناء، كانت نوال تفرج حنين علي الغرفة التي ستكون مكان إقامتها الجديد. تقول نوال بحنان:
“دي هتكون أوضتك، اعتبريها بيتك.”
حنين بعينين دامعتين:
“ربنا يخليكي يا ماما نوال.”
نوال بابتسامة حنونه:
“ويخليكي يا اجمل بنوتة كلمة ماما حلوه اوى من بؤق يا حنين يلا اسيبك هارتاحي شويه واعتبري البيت بيتك.”
وقبل ان تغادر نوال الغرفة يطرق احدهم الباب تردف نوال قائلاً.
“مين؟”
يجيب محمد من خلف الباب، قائلاً:
“أنا محمد يا ست نوال. الأستاذ خالد هنا مع بنته وأخته، والأستاذ عاصي طلب مني أعرف حضرتك وأقول للخادمة تجيب واحد قهوة واتنين عصير.”
ترد نوال بصوت واطي محدثه نفسها:
“غريبة، الأستاذ خالد هنا بعد الغياب ده كله ومع أخته ونوران بنته؟ أكيد في حاجة.”
ثم تقول بصوت عالي:
“طيب روح انت يا محمد، شوف شغلك.”
تنظر حنين إليها بذهول وتقول دون وعي:
“الأستاذ خالد مين؟ ومين عاصي؟”
ترد نوال قائلة:
“عاصي بيكون ابني يا حبيبتي، والأستاذ خالد راجل طيب أوي وهو صاحب نبيل جوزي وبيجي عندنا كل فتره، بس أول مرة يجيب سلوى ونوران بنته معاه. معلش يا حبيبتي، هاتي الضيافة وتعالي وراي، وأنا هاقوم أقعد مع الضيوف ما ينفعش أسبهم لوحدهم.”
تنظر حنين إلى نوال، ومن الصدمة لا تقدر أن تستوعب شيئًا، فتكتفي بهز رأسها. تتوجه نوال إلى الطابق السفلي لتجلس مع الضيوف، تاركة حنين لتجمع أفكارها وتحضر الضيافة.
في الصالون، يجلس خالد وسلوى ونوران يتبادلون الأحاديث مع عاصي الذي يحاول أن يكون مضيافًا رغم توتره الداخلي. تدخل نوال بابتسامة دافئة لتستقبل الضيوف.
نوال: “أهلاً وسهلاً يا جماعة، البيت منور بوجودكم.”
يرد خالد بابتسامة: “الله يخليكي يا نوال، إزايك؟”
نوال: “الحمد لله، بخير. وإنتو عاملين إيه؟”
تتدخل سلوى وتقول: “الحمد لله، جايين نبارك لعاصي ونتطمن عليكم.”
تتواصل الأحاديث بلطف وود، بينما تنتظر نوال وصول حنين بالضيافة. تشعر نوران بالسعادة لوجودها في منزل عاصي وتبادلها النظرات الودية معه، بينما كانت سلوى تراقب تحركات رياض الذي يحاول إن يغادر المنزل دون ان يلفت انتباه احد.
في هذه الأثناء، في المطبخ كانت حنين تجمع الضيافة بيدين مرتعشتين، تحاول استيعاب الموقف. تتنفس بعمق، تحمل الصينية وتغادر المطبخ متوجها إلى الصالون، حيث يتجمع الجميع.