رواية زهره الفصل الثالث 3 بقلم سيمو مو
رواية زهره البارت الثالث
رواية زهره الجزء الثالث
رواية زهره الحلقة الثالثة
بسمه: ايه هو بقاااا
عاصم: هقول اتكتمي ووطي صوتك
صابرين: بس ي واد قول يلا
عاصم: انا هتجوز النهارده
اول ما امه واخته سمعو الخبر صوتو
صابرين: يالهوااااااي هتتجوز من ورايه ي عاصم يابن بطني بقا دي اخرتها
بسمه: اه ي خاين بتتجوز من وره اهلك ده انا اختك حتى
عاصم: بااااااااس اييييه ده انا قولت بس هتجوز النهارده هو انا قولت حاجه تانيه مش تسمعو بقيه الكلام
صابرين: هنسمع ايه تاني ي عاصم وياترا عرفتها منين بقا وامتى وازاي
عاصم: براحه ي امي والله هحكي بس اهدو عليا وادوني فرصه اتكلم
بسمه: اتكلم ي اخويا اهو
عاصم: سكتي البت دي ي امي علشان مديهاش بضهر ايدي ع وشها
صابرين: اسكتي ي بسمه علشان نسمع اتكلم ي عاصم
ف حكالهم اللي حصل
صابرين: ايه الراجل ده ي ستار يارب
بسمه: عيب ي ماما مسمهوش راجل اسمه ست بدقن
عاصم بضحك: تصدقي اول مره تقولي حاجه صح جدعه يبت ي بسومه
بسمه: عيب عليك ده انا اختك
صابرين: طب ومش هتعمل فرح
عاصم: فرح ايه ي امي البنت لسه ١٥ سنه وبعدين زي ما قولتلك ده جواز ع الورق
صابرين: طب ليه تعمل كده فى نفسك يابني منا عايزه افرح بيك قبل ما اموت
عاصم: بعد الشر عليكي ي ست الكل ماتقوليش كده ربنا يطول فى عمرك
صابرين: يابني انا مش مطوله حرام تعمل فى نفسك كده
عاصم: ي ماما قولتلك ماتقوليش كده وبعدين انتي عارفه اني بساعد اي حد والبنت كويسه وغلبانه اوي
صابرين: طيب يابني
عاصم: احنا لازم نجهز علشان هنرجع سوهاج بعد ما نكتب الكتاب
صابرين: طيب يابني هنجهز
عاصم: ماشي .. وطلع يجهز شنطته ولبس وراح ل زهره بيتها وخبط
عاصم: ايه جهزتو
زهره: خلاص شويه ونبقا جاهزين اومال فين احمد
عاصم: انا افتكرته عندك
زهره: لا مجاش
عاصم: اومال هو فين يعني
زهره: معرفش والله اتفضل ادخل
عاصم: لا لا لما تجهزو رني عليا
زهره: بس انا معييش رقمك
عاصم: اه صح معلش سجليه طيب
زهره: حاضر ثواني اجيب الموبايل
عاصم: ماشي .. ودخلت جابته ورجعت
زهره: قول
عاصم: ********
زهره: تمام
عاصم: هاتي رقمك انتي كمان
زهره: ماشي اكتب *********
عاصم: تمام رني لما تخلصي علشان اجي اخدكو عبال ما اشوف اخوكي ده
زهره: ماشي
عاصم: يلا ادخلي .. ومشى وهى قفلت الباب
عاصم: صبرك عليا يعم احمد انا هوريك .. ورن ع احمد يشوفه
احمد: الو
عاصم: ايوه ي احمد انت فين
احمد: انا بجهز
عاصم: طيب مش هتروح ل زهره
احمد: هروح طبعا
عاصم: طيب سلام
احمد: سلام
قفل معاه اتصل ب امه
صابرين: الو
عاصم: ايوه ي ماما ايه جهزو
صابرين: اه خلاص هتيجو امتى
عاصم: زهره وابوها لسه بيجهزو قولتلها لما تخلصي رني عليا اجي اخدكو
صابرين: ماشي استر يارب
عاصم: يارب .. اهي بترن اقفلي بقا هروح
صابرين: ماشي يابني لا إله إلا الله
عاصم: سيدنا محمد رسول الله .. قفل ورد ع زهره: ايوه ي زهره
زهره: احنا جاهزين
عاصم: تمام انا جاي سلام
زهره: سلام .. ساق عربيته وراح عندها ولقى عربيه بتركن تحت العماره ف عرف انه احمد
احمد: ايه ي ابو نسب
عاصم: ايه
احمد: جاي تعمل ايه
عاصم: جاي اخد زهره وابوها
احمد: ونا بعمل ايه هنا
عاصم: معرفش
احمد: اقولك ع حاجه خودهم احسن فى عربيتك ونا همشي وراك
كان مشمئز منه وقال: طيب ماشي .. وطلع خبط ع بابها وفتحت
عاصم: يلا
زهره: ثواني هجيب بابا
عاصم: هاتيه انا هنزله .. ودخل اخده وطلع من العماره وزهره قفلت الباب وراها وركبت العربيه جمب بباها وعاصم ركب وراح بيته لان المأذون هيجي ع هناك واحمد راح وراهم
عاصم: يلا وصلنا .. ونزل ابوها ودخلو البيت وسلمو عليهم
عاصم: سلمي ي امي ع زهره
زهره: ازيك ي طنط
صابرين: ازيك انتي ي حبيبتي
زهره: الحمدلله
بسمه: انا اخت عاصم بسمه
زهره: اهلا بيكي
بسمه: شكلك زي القمر ي عسوله
زهره: ميرسي ليكي انتي احلى
محمد: انا اخوه محمد
زهره: اهلا بيك
عاصم: يلا ي زهره اقعدي هنا
زهره: حاضر
المأذون: يلا بسم الله .. وبعد ما خلصو المأذون مشى
صابرين: عايزاكي تاخدي علينا بقا ي حبيبتي ها
زهره: حاضر ي طنط
صابرين: يحضرلك الخير ي بنتي
بسمه: ونا بقا تعتبريني اختك الكبيره
زهره: حاضر
عاصم: دلوقتي احنا هنسافر سوهاج ي زهره وهتعيشي معانه وممكن لو حابه نبقا نرجع هنا نصيف وصح احنا محدش هيعرف اننا متجوزين ابدا
زهره: تمام بس لو ناس تعرفك شافوني معاكو هيقولو ايه
عاصم: قريبتنا وعايشه معانه عادي
زهره: كده ممكن اعملكم مشكله
عاصم: لا متخافيش يلا بس علشان نلحق خودهم ي محمد واركبو العربيه واستنوني عبال ما اخلص حاجه كده شويه وهاجي
محمد: اه تمام ماشي يلا ي ماما
صابرين: هتعمل ايه يابني
عاصم: ماتقلقيش ي امي شويه وهاجي
صابرين: طيب
واخدهم محمد وركبو العربيه واستنوه .. كان هو راح ي احمد وقاله عايزه ف حاجه
عاصم: احمد تعالى عايزك فى حاجه صغيره
احمد: خير
عاصم: انت قولتلي بقا انك بتضرب اختك
احمد: بضرب اختي؟
عاصم: ايوه
احمد: وانت عرفت منين بقا
عاصم: يعني ده بجد
احمد: اه يخصك فى حاجه بقا
عاصم: اه يخصني لأنها مراتي دلوقتي .. وضربه جامد فى وشه وقعه فى الارض ف اتعصب احمد وكان هيقوم يضربه راح ضربه مره تانيه جامد ف خاف
عاصم: شايف الضرب ده .. رد شاااايفه
رد بخوف: اااه شايفه
عاصم: اهي اختك كانت بتتوجع كده وكانت مكانك شوفت بقا احساسها ف زي الشاطر كده تطلع الشيك اللي كتبتهولك فى مهرها لانه خساره فيك
كان بيبصله بخوف ف قال: شكلك عايز تضرب تااني
احمد: لااا خلاص والله هطلعه خـ خد اهو
عاصم: هات ده اكتبهولها هى احسن مش ليك واه لو قولت لحد ع اللي عملته فيك دلوقتي اتأكد انك هتكون ميت بعدها ي احمد سااامع
احمد: سـ سامع والله حاضر
عاصم: شاطر ي حبيب قلبي يلا روح لمراتك اللي ممشياك ع كيفها
كان بيحاول يقوم ف قال عاصم: هعد ل تلاته لو مختفيتش من قدامي هتزعل جامد ١.. ٢..
قبل ما يقول تلاته قام جري ف فضل يضحك عليه ورجع ل اهله
عاصم: اتاخرت عليكم
بسمه: لا خالص كنت بتعمل ايه بقا
عاصم: لا مافيش كنت بلبي نداء الطبيعه يلا بينا ولا ايه
محمد: ما تسوق يعم الدريكسيون فى ايدك اهو
عاصم: انا بسألكم يمكن تكونو عايزين حاجه عايزه حاجه ي زهره
زهره: لا شكرا
عاصم: لا انا عايزك تاخدي علينا ومتتكسفيش ابدا واعتبرينا اهلك
زهره: حاضر
عاصم: ع العموم ي ستي انا هسيبك ع راحتك انا عاذرك بردو
وطت وشها علشان كانت مكسوفه ف ابتسم وأخوه شافه ف غمزله
عاصم: بتغمز ليه
محمد: لا ولا حاجه سوق يلا بقا
عاصم: حاضر بلداااااااي ي بلدااااي و ولدي ي بلداااااي
بسمه ومحمد: وتاتاتا اشوفك ي جلبي اتطمنت
فضلو يغنو ويتكلمو لحد ما وصلو وكانت زهره نامت ولما وصلو صحوها
صابرين: زهره ي حبيبتي احنا وصلنا اصحي
زهره بنوم: اممم
عاصم: سيبوها سيبوها انا هشيلها حرام تصحوها
وفعلا نزل شالها وطلع دخلها اوضتها ونيمها ع السرير وكانت زي الملاك مع انها عاديه جدا بس سبحان الله تحسها ملاك ف سرح فى ملامحها شويه بس بعدين اخد باله انه قريب منها اوي ف بعد بسرعه ونزل تحت وكان محمد نزل كرسي ابوها وحطو فيها ودخلو البيت كلهم
صابرين: حطيتها فين ي عاصم
عاصم: فى اوضتي
بسمه وصابرين ومحمد: اييه؟؟
عاصم: اللي لقيت رجلي ودتني ليها اعمل ايه المهم انا هدخل وبباها اوضته واوصي الداده عليه وارجع .. ومشى قبل ما يردو عليه
بسمه: ابنك ي ماما شكله وقع
صابرين: م ده اللي قلبي حاسس بيه من ساعه ما شافها بس بكدبه
بسمه: تعالي نروح اوضتك ونتكلم براحتناا
محمد: ونا خودوني معاكم
بسمه: تعالى ي اخويا يلا
وراحو كلهم اوضه صابرين وعاصم كان دخل ابوها اوضته
عاصم: دي اوضتك ي حج عجبتك
همهم بمعنى ايوه
عاصم: طب الحمدلله فى داده هتيجي تعملك كل اللي انت عاوزه وهوديك للدكتور علشان تخف وترجع زي الاول بس لازم تاخد ادويتك اتفقنا
همهم تاني بمعنى ايوه ونده عاصم ع الداده علشان تيجي تشوفه
عاصم: ملك تعالي
ملك: ايوه ي عاصم بيه
عاصم: زي ما اتفقت معاكي الحج هشام ابو زهره تحطيه فى عينك سامعه
ملك: متقلقش ي بيه ده زي ابويا
عاصم: تمام يلا عن اذنك ي حج
ومشى من عنده وراح اوضته وكان ناسي ان زهره نايمه جوه ف دخل لقاها لسه نايمه
عاصم: ايه ده؟ اااه ده انا جيبتها هنا .. طب اعمل ايه دلوقتي انا عايز اغير هدومي هصيحها بقا وأمري لله زهره زهره
زهره بنوم: ايوه ي عاصم
ابتسم لأنها اول مره تقوله ي عاصم وكان حلو اوي ف قال: ممكن تخرجي ي زهره علشان اغير هدومي
زهره: طب ما تغير ي عاصم هنا
عاصم: اغير وانتي موجوده عادي؟
فاقت واخدت بالها من اللي قالته ف اتخضت: انا اسفه والله مكنتش واخده بالي انا بقول ايه ي استاذ عاصم
عاصم: اهدي بس اهدي فى ايه مالك بتتخضي ليه كده
زهره: هى دي اوضتك
عاصم: ايوه
زهره: وايه اللي جابني هنا
عاصم: لما وصلنا كنتي نايمه ف مرضيتش اصحيكي ف جيبتك هنا
زهره: طيب هخرج حالا اهو
عاصم: طب اهدي فوقي الأول واخرجي
زهره: لا لا علشان تغير بس .. وقامت بسرعه ف داخت ولحقها قبل ما توقع ……
معلومه للي ميعرفش لما تبقو نايمين لفتره طويله وتعوزو تقومو قومو اقعودو شويه وبعدين اوقفو♥️
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية زهره)
