رواية وماذا بعد ذلك الفصل الثامن 8 بقلم جنى هاني
رواية وماذا بعد ذلك الجزء الثامن
رواية وماذا بعد ذلك البارت الثامن
رواية وماذا بعد ذلك الحلقة الثامنة
-يعني انت اخويا!!!أنا بحب اخويا؟
-عمر ومامته واقفين باصصنلي باستغراب ومش فاهمين حاجه
طلعت اجري علي برا وانا الدنيا كلها بتلف بيا ومش قادره افهم حاجه ولا عارفه افكر غير اني أنا في مصي*به روحت علي البيت كانت سيليا عندي دخلت عليها لقيتني منهارة من العياط
-عملتي اي مع عمر اي ده انتي مالك اي كل العياط ده
-ع ع عمر ياسيليا عمر اخويا
قعدت علي الارض فضلت اص*وت واعيط بهستريه سيليا قعدت جنبي وخدتني في حضنها وقعدت تهديني
-ممكن تفهميني اي حصل انا مش فاهمه حاجه
-سيليا اااا أنا حبيت اخويا اللي ما*ت ده يبقي ابويا يبقي ابويا
-سيليا فضلت بصالي باستغراب… الموضوع غريب اوي ياليله بس انتي اهدي كله هيعدي
نمت من كتر العياط تاني يوم صحيت أنا وسيليا علي تخبيط علي الباب قومت افتح لقيت عمر في وشي
-ممكن افهم اي اللي حصل امبارح ده
-تفهم اي تفهم اي بس
-ليله أنا مش هسمح تاني يحصل سوء تفاهم بينا انتي دلوقت هتفهميني في اي
طلعت سيليا علي صوتنا
-خش ياعمر واهدي
عمر دخل
-ليله اهدي وإتكلمي معاه وفهميه عشان خاطري
سيليا دخلت وسابتنا
-ممكن تفهميني دلوقت اي اللي حصل ده
– اللي مات ده ابويا يعني احنا الاتنين اخوات ياعمر احنا الاتنين اخوات
-ليله ده مش ابويا ياليله ده جوز امي اللي رباني
ليله قعدت في الأرض وحطت راسها بين ايديها وبدأت تعيط
-اطلع برا اطلع برااا اطلع أنا بكر*هك احنا مستحيل نكون مع بعض
عمر بدأ يعلي صوته
-اي اللي مش هينفع ليله اي اللي مش هينفع فهميني انتي بتعملي لي كده وازاي الشخص اللي مات ده يكون ابوكي
-انت امك تبقي الست اللي خدت ابويا مننا سامع امك هي اللي اتجوزته وعشان كده سابني أنا وأمي لوحدنا سامع سابني أنا عشان يربيك انت واختك سابني أنا عشانكو أنا مش هقدر اعرفك تاني ياعمر
-انا مصدوم من كل كلامك ده بس صديقني ماما قالتلي أن مامتك وباباكي كانو علي خلاص عشان كده سابو بعض وان مامتك كانت مانعه بابا انك تشوفيه
-اطلع برا ياعمر اطلع برا مش عايزاك مش عايزه حد اطلع برا ارجوك أنا مش هقدر اعرفك تاني
عمر مسكني من ايدي
-انا مش هقدر اسيبك لي ندفع تمن حاجه احنا الاتنين ملناش ذنب فيها لي ياليله
سيليا خرجت لقيتني من*هاره
-عمر سيبها دلوقت وانا ههديها وهكلمك
عمر بصلي ب اسف ومشي
سيليا خدتني في حضنها
-انا هسيبك تهدي خالص ياليله هنتكلم بعدها بس انتي محتاجه ترتاحي
-تمام ياسيليا
بعد مرور أسبوع كنت مش بنزل الشغل ولا بروح في حته كنت بحاول اتعافي من خذلان خالتو وياسين ليا ومن صدمتي في عمر وان هو يبقي ابن اللي الست اللي في نظري خدت بابا مني بس قررت اتخلص من كل أفكاري دي وانزل الشغل بعد ماكنت واخده اجازه كنت عارفه اني هقابل عمر هناك بس حطيت في دماغي اني اقوي من كل ده واني مش هتستلم لكل الحاجات دي وهركز في مستقبلي وبس نزلت الشغل كان أول يوم بعد الاجازه
دخلت الشركه لقيت مالك بيستقبلني
-اهلا بالناس اللي نورت الشركه
-اسفه بجد يامالك على كل الاجازه دي أنا بس كنت تعبانه شويه
-انتي براحتك يا لولا بس يلا بقي عايزين نركز في الشغل تعالي معايا علي المكتب عايزه اتكلم معاكي في الشغل شويه
روحت وراه علي المكتب لقيت عمر هناك
-حمد الله علي سلامتك ياليله
-الله يسلمك ياعمر
بدأنا نشتغل وانا عمر مش قادرين نشيل عينينا من علي بعض طول الوقت
كنت قاعده في المكتب وعمر كان خرج لقيت مالك داخل عليا المكتب
-يلا ياليله مش هتروحي
-اه هلم حاجتي وهروح
-هو عمر مشي
-لا خرج يتكلم في التليفون
-طب تمام يلا هروحك في طريقي
-لا متتعبش نفسك أنا هروح علاطول
لقيت مالك بيقرب مني وبيمسك ايدي
-انا مش بتعب معاكي ياليله انتي الراحه كلها
باصتله بتوتر ش ش شكرا يامالك
-شكرا علي اي بس ليله انا بحبك
وهو بيقولي كده لقيت عمر دخل علينا وفضل باصص علينا سحبت ايدي بسرعه من مالك.
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية وماذا بعد ذلك)
