رواية تؤامي سبب تعاستي الفصل السابع 7 بقلم نوران أحمد
رواية تؤامي سبب تعاستي الجزء السابع
رواية تؤامي سبب تعاستي البارت السابع
رواية تؤامي سبب تعاستي الحلقة السابعة
بصلها بصدمه معاها غضب شديد ولسه هيرفع ايده يضربها اتفاجا بايد بتمسكها وبتبصله بغضب أما هي فاستخبت وري صاحب الايد بخوف ومسكت قميصه من الخلف
ندي : بت روحي شوفي اي اللي بيحصل عند الباب اخينا بيطلع منه دخان وشكله قلقان
بصتلها رنا باستغراب وراحت تشوف اي اللي بيحصل علي الباب واتصدمت
رنا : رانيا اخيرا رجعتي وحشتيني اوي تعالي في حضني قلبي كان واجعني عليكي طول ما احنا بعيد
سحبتها رنا بهدوء لاحضانها وسط نظرات التحدي والغضب بين الشابين
ندي : بت يا رانيا وقعتي علي المز الجامد الفرتيكه ده منين ها يا اختي انتم حظكو زي الفل في الرجاله امال أنا بيقع في طريقي أشباه كروان مشاكل ليه اي الحظ ده يا ربي بت عرفيني عليه مرتبط ها
مسكها امجد من قفاها بغضب : سمعيني كدا كنتي بتقولي اي يا روح امك عايز افهم بس
ندي : وانت مالك يا جدع بعاكس الراجل مش شايف عضلاته وبدجاته وحركاته يا نهار ابيض علي جمال الرجاله
امجد بغضب : اه البعيده شكلها حماره مبتفهمش تعاليلي بقا كدا ومسكها من قفاها و بعدها عن الباب
الجد : اي اللي عيوحصل عاد يا ولد منك ليه …… رانيا اي اللي جابك بعد اللي عملتيه ده
فهد بغضب : لازم تتجتل يا جدي دي عاصيه وسابت البيت وجيبالنا عشيجها كومان
قرب الجد ولسه هيضربها بالقلم نزل علي وش مازن
مازن : تسمحلي يا جدي نتكلم شويه علي انفراد انا مازن مدير شركه قابلت الانسه وصممت انها ترجع البيت
الجد بضيق : ادخل جدامي علي المكتب وانتي يا رنا خدي اختك علي ما ييجي دورها
دخل مازن والجد المكتب
الجد : معلش يا ولدي علي اللي حوصل بره تحت امرك عايز كام علي رجوعها
مازن : اسمع يا جدي برغم وشك المتضايق ده الا انك بتحبها اوي وبتخاف عليها وشايف في عيونك نظرات ندم حاسس انك ظلمتها
الجد بحزن وعصبيه : معايزش اسمع كلام ماسخ جول عايز اي وخلصني
مازن بابتسامه : عايز رانيا انا بحبها اوي وعايز اتجوزها وبتقدملك اهو مش هقدر اسيبها واهو بالمره تشوف سلوكي عشان تطمن عليها معايا ف هعيش معاكم لحد ما نتجوز
مسكه الجد من ياقه قميصه بغضب : ومين جالك اني عوافج عليك يا خبر اسود انت عملت اي في البت اني هجتلك واجتلها
مازن : لالالا حضرتك فهمت الموضوع غلط خالص بصراحه هي بتترعب من البغل اللي قابلني بره ده وانا خايف عليها تكون معاه في بيت واحد وبصراحه بغير بقا
الجد : انت عتتحدث معايا بعشم اكده كيف ومين جالك اني هوافق بالمهزله دي
مازن : بذمتك يا جدو يا عسل انت حد يرفض شب زي الورد زيي كدة ده انتم هتتحسدو علي دخولي في حياتكم وبعدين بجد بقا هي مبتحسش مع حد بالأمان غيري انا بعد ما فشلت انك تكون سند ليهم وكسرتهم بتحكمات الإنسان المريض اللي بره ده اسبوع واحد بس وبعدين لو ارتاحت معاكم وحست بالأمان ورفضت وجودي انا بنفسي همشي بس مش بسهوله بردو معلش
ابتسم الجد : روحك حلوه يا واد اني موافج بس عتساعدني في الأرض وتصليح علاجتي برانيا
مازن : اتفقنا يا ابو الصحاب
في الصاله
رنا : اهدي يا رانيا شويه بتترعشي كدا ليه اول مره اشوفك كدا هدخل اعملك عصير يهديكي كدا
قرب فهد منها وضربها قلم وقعت علي الارض مسكها من رقبتها دخلت رنا واول ما شافت المنظر ده رمت ازازه العصير علي ضهره ساب رانيا بغضب ولسه بيقرب من رنا ضربته بالقلم
اتصدمت رانيا سمع الجد أصوات فتح باب المكتب اول ما رانيا شافت مازن جريت حضنته بخوف واستخبت وراه لاحظ الجد تصرف رانيا
فهد بغضب : شوفت يا جدي جله الربايه والله وربيت تعابين في بيتك يا جدي لكن ملحوجه اني عربيهم
قرب الجد وضربه بالقلم : فعلا اني معرفتش اربي راجل في بيتي بناتي اني ربيتهم زين اما انت شكلك محتاج ربايه البنات هياخدو الدور التاني والرجاله الدور الاول واوعاك تجرب منيهم انت فاهم رنا جدعه يا بتي عرفتي تحمي اختك زين خديها واطلعوا اوضتكم
في جنينه الفيلا
ندي بفرحه : نعم نعم ساحبني زي البقره كدا ازاي يا استاذ انت مين انت عشان تعمل كدا خطيبي حبيبي الكراش بتاعي عشان تعمل كدا
امجد : لا والله يا اختي الكراش بتاعك يسحبك كدا عادي صح اقسم بالله لو لقيتك بتتكلمي عن شاب قدامي هنفخ اهلك انتي فاهمه
ندي بابتسامه : ايوه بقا ليه ها ليه بقا قول بقا اي ها
امجد : بعتبرك زي اختي وبخاف عليكي عادي يعني
ندي بغضب : لا وحياه امك خلي اختك تنفعك بارد
فهد بغضب : واقف لواحدك ليه يا زفت انت
امجد : عادي الجو حلو مال وشك ملون كدا ليه حد علم عليك ولا اي
فهد بضيق : جدي لاول مره يا جدع يضربني بسبب توأم الغم دول
امجد : يا عم فكك من الحوارات دي تعالا في حتتين كدا كلمتهم إنما اي جامدين جدا ما تيجي نقابلهم بقا فك معايا كدا يا جدع
فهد : خلينا نروح بدل الغفر اللي في البيت ده
في اوضه البنات
ندي بضيق : انا زهقت عايزه افك وافرفش كدا يا جدعان ما تيجو نخرج مع بعض
رنا : مليش نفس فكك مني في شويه حاجات بفكر ليها
رانيا : نعم متبصيش ليا كدا مش عايزه
ندي : الا صحيح يا بت مين المز اللي معاكي ده وقعتيه ازاي يا اروبه
رانيا بابتسامه خجل : خليكي في حالك مش عارفه انا اي الناس اللي بتدخل في حياه كل الناس دي رخمه
ندي : ده انتي عيله بومه انا خارجه احسن عيل كئيبه مفيش منكم منفعه
خرجت ندي وبعد شويه خبط الباب
مازن : اي يا جميل وحشتني ملبستيش ليه مش قولتلك هنخرج يييي نسيت اقولك صحيح بس ملحوقه يلا البسي هستناكي تحت بالنسبه لميدو قولتله ووافق
رانيا : ميدو مين وخروج اي لوحدنا جدو مش هيوافق واحترم نفسك واتلم
مازن : ايوه يا بنتي ميدو جدك موافق تقريبا كدا في حد لعب في دماغه وغيرها وغمز هستناكي تحت
رنا : خرجت ندي ورانيا وجدو والشباب دلوقتي لازم افكر بجد هقدر اكمل مع فهد هعرف اربيه ولا ابعد عن كل حاجه احسن لازم اخطط للخطوه الجايه
قدام البيت ناديه بخبث : زي مجولتلك اكده فتحتلك أبواب البيت كلياته ادخل ونفذ
رابح : ايوه يا ست ناديه جاي ع البيت اهو الا جولتيلي اخطفها كام يوم واطلب فلوس كد اي ولو اتجفشت هعمل اي
ناديه : اسئلتك كترت جوي ممنوش فايده دلوجتي كل حاجه في وجتها حلو بس لو اتجفشت انت عتعرف فهد ابني جول انه اللي دفعلك عشان تجتلها وتتاويها وانك جاي تخطف رانيا عتفهم يا ولد سلام
في طريق
ندي وهي بتكلم نفسها : مكنش حد من الجزم دول جه معايا نجيب اي حاجه اهو تغيير جو عيال نكديه اي ده امجد
دمعت عيونها وهي شايفاه في حضن واحده قربت منه ووو
في الفيلا دخل رابح وحط السلاح علي دماغ رنا علي غفله ووو
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية تؤامي سبب تعاستي)
