رواية متمردتي الصعيديه الفصل السادس 6 بقلم نوران أحمد
رواية متمردتي الصعيديه الجزء السادس
رواية متمردتي الصعيديه البارت السادس
رواية متمردتي الصعيديه الحلقة السادسة
دخلت بسرعه البيت تدور علي جدها بس
سحبها مراد بغضب : أنتي كنتي فين وبتعملي اي ومع مين وازاي متعرفينيش واي اللي عملتيه في المكتب ده انتي اتجننتي
غزل : ايدي يا مراد انت ملكش دعوة بيا انا كنت في شغلي حتي دي كمان لازم اخد فيها الأذن قبل ما اروح ولا اي
مراد بصوت عالي : ايوه اني كنت بصج فيكي وفي حدود لكل حاجه لو عدتيها معتزعليش من اللي هعمله عاد
غزل وهي بتترعش : انت انت م ملكش ااانك تتتدخل ففي ح حياتي انا ههنا ضض ضيفه ووومش هطول كتير
ساب ايديها وكسر كل اللي حواليه صوتت غزل بخوف ولسه بتجري مسكها
مراد بغضب : انتي عتحبي الراجل ده كيف كيف ركبتي مع راجل غريب انطجي
غزل بخوف ورعشه : انت انت ملكش دعوة بيا خليك مع حبيبه القلب هناء فضحتك وقالتلي علي كل حاجه من النهار ده انت ملكش دعوه بيا
مراد بعصبيه : ليه جيتي معاه لحديت اهنه جابلتيه فين وعملتو اي انطجي
غزل بدموع : ملكش دعوه يا جدو انت فين يا جدو
الجد : بعد عنيها يا ولدي مش أكده عتوجعها عاد خلنا نتفاهم ونعرف اي الحكايه سيبها عاد يا ولد
غزل بدموع : سيب ايدي انا انا مش مضطره اني ابررلك اي حاجه تخصني بعد كدا مش طلعت عامل كل الفيلم ده عليا وانك بتحبني عشان جدي
الجد : اي الحديث الماسخ ده يا مراد اوعي يكون حديث غزل صح يا ولدي
مراد بضيق : لع انتي مضطره انك تبرري كل حاجه من اهنه ورايح انتي فاهمه جدي متتدخلش بيني وبينها انت معتعرفش عملت اي وانتي بتصدجي اي حاجه بتتجالك أكده
غزل بخوف : لا مش هبرر ولا ليك انك تعرف اي حاجه عني ومن حقي احب واتجوز اي حد تاني غيرك
ضغط علي ايدها مراد : انتي معتكونيش غير ليا اني وبس انتي فاهمه
غزل : وده ليه أن شاء الله عشان الورث اللي جدي قالك هيكتبهولك لو اتجوزتني طبعا مش عارف ترد ست زفته بتاعتك كانت مسجله ليك وبعتتلي كل حاجه
مراد : عتعرفي ليه يا غزل … عشان بحبك وانتي ملكي انا وبس ومعسمحش واصل بحد يجرب من حاجه عتخصني
وقتها بس قلبي دق بسرعه وحاسيت بالفراشات في معدتي
مراد بغضب وصوت عالي فوقني وفزعني : ومن اهنه ورايح مفيش خروج الا بأذني وجت ما اجول انى وبس شغلك لو عتتمسكي بيه عوصلك كل يوم وعجيبك انتي فاهمه
غزل : جدو قول حاجه انا مش موافقه باللي بيحصل ده
الجد : مراد غزل لو معتوافجش علي حاحه مش عجبرها واصل اتصرف معاها زين وحلو مشاكلكم مع نفسكم مالي دخل
بصتله وسبته ودخلت اوضتي متضايقه وفي نفس الوقت فرحانه انه اعترف وكلامه عجبني رن الفون ورديت
غزل : هنيه انا فرحانه اوي هزقني جامد وكنت خايفه منه واول مره اخاف من حد غير ابويا برغم خوفي منه بس حمش حمش يا ناس
هنيه : الكرامه في ذمه الله اي يا بت مفيش كرامه خالص أكده اتلمي شويه
غزل : اسكوتشي بقا سبته بكل برود ودخلت قفلت عليا هستناه يصالحني بقا والسلعوه ام ارباعه واربعين دي لو قربت منه تاني هعضها
هنيه : ده انتي واجعه علي الاخر خالص امال كنتي عتجوليلي مش مهتمه ليه
غزل : حد يشوف الحلاوه دي والعضلات دي يا وليه ويفضل علي مبداه الواد فتاك فظيع فظيع فظيع
هنيه بقرف : اتفو علي الأشكال اللي من فصيلتك فصيله الكلب ابو شكلك
غزل : مش مهم مش مهم مش الكلب وفي انا راضيه اطلعي بره الموضوع انتي بس اي ده اي ده انتي إزاي بتتكلمي معايا اصلا في حاجات خاصه زي دي ابو الفضول اللي عندكم يا شيخه وقفلت في وشها
هنيه : لع البت دي مخبوله رسمي جيبالي وجع الراس وعتجفل في وشي اصبري عليا
غزل : اعمل زعلانه واقفل علي نفسي فتره من غير اكل ولا شرب احتجاج ولا اعمل اي ….. اي ده ما عاش ولا كان اللي يحبسني ويقعدني في اوضتي لا والف لا ده انا هاكل واشرب واخرج وطز في الناس كلها نزلت المطبخ اعمل اكل
الجد : عتعملي وكل زين اعملي حسابي معاكي يا بتي الله يحراجكم سديتو نفسي النهار ده
مراد : احم واني كومان اعمل حسابي في الوكل معاك يا جدي من امبارح مدخلش اي وكل بطني ها
غزل : احسن اصلا كان يوم اسود يوم ما فكرت انزل اعمل اكل انا بس هعمل عشانك يا جدي
وبعد ساعتين طلعت من المطبخ وشها متبهدل وكان في دخان بسيط
غزل بفخر : كل يا جدي وقولي رايك عمايل ايديا وحياه عينيا
قرب الجد واول ما شم الريحه
الجد : اني مش جعان يا بتي الوكل بالليل غلط عليا هنام خفيف احسن
مراد : وكمان حرجتي الوكل معتعرفيش تطبخي كمان
بصتله بضيق غزل : متاكلش اصلا ….. علي فكره انا اصلا قاصده اعمله كدا عشان يوجع بطنك ابو شكلك ومشيت
دخلت اوضتي مش عارفه انام ولا ارتاح ومش عارفه اعمل اي وبكرا اجازه مفيش مدرسه مللل لازم افكر ادي دروس بقا ولا اعمل دروس ليليه في المدرسه واهو نمحي اميه الناس اللي هنا فكره كويسه رن الفون
غزل : اهلا استاذ أكرم حد يتصل بحد في الوقت ده بردو
أكرم : وحد يرد علي حد في الوقت ده بردو يا استاذه يا محترمه
غزل : احم مش مهم براحتي اخلص عايز اي
أكرم : كان في حد بيطلع دخان وانا بوصلك وعرفت انه قريبك وبما أننا في الصعيد قولت يمكن كلك علقه والا حاجه ف اتصلت اطمن انتي عارفه بكرا اجازه ومش هعرف اجيلك اطمن يعني
غزل : حاسه في حاجه ما بين السطور عندك لو ده إعجاب واهتمام والجو ده انا مليش فيه انا بحترمك علشان ساعدتني قبل كدة وابنك مهم عندي
أكرم : طيب بما انك قفشتيني ودماغك سوحتك في حاجات تانيه خالص بصراحه بقا انا معجب بهنيه وعرفت انها صاحبتك ومحدش عارف يقنعها وانا طول الوقت بحاول معاها وهي رافضه
غزل : وليه مدخلتش دغري كدا علي طول ونطقت بدل الجو ده ثانيه واحده بس ازاي هتتجوز وأم ابنك تعرف بالحوار ده انت مش متجوز ولا انتم صنف ميملاش عينه غير التراب ها وبعدين ثانيه واحده تاني هنيه بتحب اصلا وعايشه قصه حب من سنين من ايام اعدادي أبن عمها مروان اكيد انت تعرفه اكيد عارف قصتهم
أكرم : ام محمود اتوفت وهي بتولده ومن وقتها وابني مش كويس نفسيا وكان في ناس بتحاول تخطف محمود وهنيه الوحيده اللي انقذته ومن وقتها مبيحسش بالأمان غير معاها وبيقول ليها يا ماما وانا حبيتها اول لقاء لينا كان وحش بس حصلت حاجات كتير بينا وبعدين مروان اللي بتتكلمي عليه ده ميت
غزل بصدمه : نعم …. شوفت من الشباك حد بيتسحب ومتغطي وماشي ناحيه القصر
نزلت اتسحب ومسكت عصايه ووقفت اشوف هيدخل منين لحد ما لقيت صوت جاي من الباب الخلفي دخلت بسرعه ولسه هضرب اتصدمت
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية متمردتي الصعيديه)
