رواية احلام في عيون وقحه الفصل الرابع 4 بقلم منة محمد
رواية احلام في عيون وقحه الجزء الرابع
رواية احلام في عيون وقحه البارت الرابع
رواية احلام في عيون وقحه الحلقة الرابعة
سراج بصلها: الحمد لله رجعلكم عقلكم وفرحان جدا ده انتم احبطوني كتير
اسيا: انت الي مش بتحاول تفهمني ابدآ رغم وقفت جنبك ع كل حال مشتكتش مره رغم جوايا حاجات كتير نفسي احققها بس خلاص لهنا مبقتش قادره اتحمل
سراج: قفلي عن تحقيق احلامك واتكلمي عن جواز مايا دلوقت , مروان شاب كويس جدا وابن ناس محترمه وانا متأكد انه هيسعد بنتنا معاه
اسيا: بس لازم يقدروا بنتي كتير. هما لو لفوا الدنا بحالها هيلاقوا بنت زيها
سراج: احنا مش عايزين نطول فتره الخطوبه رآي كمان شهرين كويس
اسيا: بالسرعة دي
سراج: لان بنتك بحالات , وصدقيني مش هقصر في جهزها ابدا, هجبلها كل حاجه ناوليني الموبيل
اسيا : ليه هتكلم مين
سراج: هكلم الحجا سلوي و ولو موافقه هتفق معاها ع كل حاجه
……………………….قصص منه محمد كاتب…………
في منزل مروان الي رجع مضايق ودخل غرفته وقفل ع نفسه مقهور رفض يتكلم مع حد
سلوي شافته هيصت بفرحه: اخيرا خرجت نمت من غير اكل عامل ايه دلوقت
مروان بتكشيره: كويس
سلوي: فضلت قلقانه عليك طول الليل خد بالك من نفسك انا يابني كبرت ومبقاش عندي حيل ولا قوه بس لما تيجي مايا هتاخد بالا منك واتخلص انا من القلق
مروان: ماما عايز اقولك ع حاجه
سلوي: الاول اسمع الخبر الحلو حماك اتصل بيا وبيسألنا تحب دخلتك كمان شهرين واسكت امها كمات اتكلمت معايا واعتذرت بتقول كانت قلقانه ع مستقبل بنتها سيبك مبروك يا مارو انا طايره من السعاده
مروان تنح: ماما هو انتي سمعتي كويس ولا ودنك فيها حاجه
سلوي بغيظ وشخط: هو انا طرشه آيدي , ورجلي , ووداني وعيوني, بخير انت هتخليني اشك في وداني
مروان: طيب ليه قالت كده
سلوي: مين وقالت لك ايه
مروان: ولا حاجه
سلوي: اعمل حسابك جاين يرونا بعد المغرب عشان تصدقني مروان انا فرحانه اوي
مروان قرب منها وباس دماغها وهي ضمته وقالت: ربنا يسعدك يانور عيني
……………قصص منه محمد كاتب………….
في منزل مايا بعد المغرب الكل جهز ما عدام مايا ابوها قالها ميصحش انها تروح بيت عريسها من غير كتب كتاب
مايا فتحت الباب و بصتلها بغيظ: ايه ده
احلام: ايه في ايه خضتنيني
مايا: خضيتك هو انتي هتروحي بالهدوم دي
احلام: ليه مالها مش حلوه
مايا: ده بيت جوزي لازم تلبسي اشيك حاجه انتي رايحه عندهم اول مرة كان المفروض تلبسي احسن من كده شويه
احلام حبست دموعها بالعافيه لان معندهاش هي بتشتغل وتصرف ع نفسها رغم خالها مش مقصر بس هي مش بتحب تكلفه اكتر من طاقته فبتروح تلبس من الهدوم المستعمله عشان تقدر توفر لمصاريف البيت وتساعد خالها لان هو كل اهلها بعد ما اهلها ماتوا من وهي طفله اربع سنين وردت وقالت بعصبيه : انا اصلا مكنتش عايزه اروح بس خالي صمم عشان كده غصبت نفسي اروح
مايا: ماهو لازم تروحي عشان تشوف البيت كويس وتشوفي المنطقه شعبيه ولا كلاس ويارب يطلع في منطقه كويسه بس برضه مش هفضل فيه مده طويله
احلام: تقصدي ايه , ايه الي في نيتك
مايا رفعت حواجبها: ان مروان يشتري بيت ع ذوقي وياريت تبلغيه
احلام انقهرت من أسلوبها : سامحيني , قولي طموحاتك له بنفسك اظن معاكي رقمه, كفايه احرجتيني ومعرفش زمانه بيقول عني ايه , بعد ما خلتيني اقوله كل ده مليش وش ابصله
مايا بستفزاز: انتي اتجاوزتي الحدود , وكبرتي الموضوع ,انسي بقي الامور القديمه , ومش مهم هو هيفكر فيكي ازاي انتي تعملي الي اقولك عليه , وبعدين ليه لسه واقفه غيري هدومك دي ( زقتها بغل) بسرعه يله
سراج طالع بصلهم وقال: احلام استعجلي اتأخرنا
احلام كاتمه مرارتها بالعافيه: خالي عندي صداع روحو انتم
سراج بحنيه: هديلك برشامه هيروح في ثواني يله هتبقي كويسه هناك ده بيت اختك لازم تشوفيه معانا
اسيا بشخط: يله, لازم ارجع ع طول نا مجهده وتعبانه جدا يله
احلام: حاضر
سراج طبطب عليها: يله حبيتي
مايا اتغاظت منها انها راحت بنفس الهدوم وقررت تنتقم منها اشد انتقام مسكت الموبيل واتصلت بمروان
……………….قصص منه محمد كاتب………………
في منزل مروان الدوبلكس
سلوي بستقبال من عند الباب: اهلا وسهلا, ده انتم شرفتونا ونورتونا , احنا زارنا النبي
سراج: الله يعز مقدارك ده الشرف لينا
مروان: اتفضل اقعد يا عم سراج اتفضل
سلوي: منوره يا مدام اسيا منوره يا احلام اهلا وسهلا
مروان سلم ع حماته وبص لـ احلام بضيق من غير ما يسلم عليها وهي وشها احمر من الكسفه..
سراج:ماشاء الله بيتك جميل يا حجا سلوي ربنا يبارك
سلوي: الله يعزك انا بدعي ربنا ان كل حاجه تتم ع خير وتيجي مايا بيتنا عروسه
سراج ببتسامه: بأذن الله
اسيا بقرف: بس البيت قديم جدا وصغير ليه متغيرهوش
احلام بصتلها وسراج اتغاظ من كلامها وبرقلها بمعني تسكت خالص
سلوي: عمري ما فكرت وبعدين البيت كبير ودورين في بعض وانا ومروان بس ,رنا هتتجوز وبعدين ده حي قديم وعارفين الجيران , وكلهم هنا بيحبونا وبيجيوا يسألوه عليا , لان انا مش بحب الوحده
سراج: كلامك صواب , والبيت عجبني جدا ماشاء الله واسع , واتمني تيجي بنتي ووشها يبقي وشد السعد عليكم
سلوي: امين , وبعدين مايا ليها دور فوق لوحدها وانا هبقي تحت مش هضايقهم اطمني
سراج بصل لـ اسيا بغيظ وضحك وقال: عايزين نشرب شاي من ايد احلام دي بتعمل شويه شاي عسل
سلوي قامت: لاء حالا انا اعمله
سراج وليه هي تعمله ده بيتها
سلوي قعدت :براحتكم المطبخ ع ايدك الشمال
احلام مبتسمه: تمام وحالا يا ماما سلوي اعملك اطعم شاي
سلوي: احلام بنت لطيفه جدا
سراج بسعاده: ربيتها من وهي عندها اربع سنين وبقت بنتي واكتر
سلوي: ربنا يسعدها ويفرحك بيها
اما مروان قام ودخل وراها المطبخ: ليه تاعبه نفسك الشاي كان هيتعمل
احلام بصتله بأبتسامه: مفيش تعب ولا حاجه بالعكس بحب اعمل الشاي
مروان ربع ايده : بس اظاهر انك تدخلي في حياه غيرك ده بيعجبك اكتر
احلام كشرت: شوف مفيش حاجه من دي انت فاهم غلط الي قلتهولك امبارح كـ
مروان حط ايده قدامها وقطعها: مفيش داعي للتبرير المفروض البني ادم يقف في حدوده ملوش اي حق يدخل في قرارت مصيريه بحياة غيره
احلام بحرج من كلامه ردت وقالت : انا مقولتش حاجه من قراره نفسي ,عارفه انك اضايقت من كلامي, وبعتذرلك عنه , لكن الي قلتهولك قولته عشان مصلحتك انت ومايا, وهي بنفسها قالت لي
مروان اتغل ونظرات الحقد هتطلع من عيونه : انا اتكلمت معاها وهي فرحانه جدا بعلاقتنا كل الحكايه كانت قلقانه ومتخوفه شويه ان كل حاجات تمت بسرعه انتي عطيتي الامر شكل تاني ليه عملتي كده اختك اطيب منك وقلبها كبير اعتذرت بالنيابه عنك والموضوع ده انتهي والاحسن اننا نساه
احلام بصتله وهو خارج واتكت ع اسنانها بغيظ وغضب: اه منك ومن عمايلك يا مايا اه
……………..قصص منه محمد كاتب…………….
في بيت سراج
احلام:انتي مخلتيش اعرف ابص في وش حد , ده هزقني كتير , ومقدرتش ارد عليه محدش هني لحد اليوم زي ما عمل معايا
مايا اتكتفت في منتهي البرود: انتي حساسه زياده ,ومن غير داعي , افهمي كان لازم اصلح شكلي قدامه , ايه الغلط في الكلام الي قولته , وبعدين لو مستعجلتيش مكنش حصل كل ده , انسي الموضوع خلاص خلص وانتهي
احلام: ربما انتهي بالنسبه لك, انا كدا هقف قدامه زي المجرمه طول حياتي, معرفش بيفكر فيا ازاي , ده مفكرني مش عايزكم تتجوزه
مايا بعصبيه ونرفزه: ما خلاص بقي عكرتي مزاجي, انا وافقت بعد اصراركم فوق دماغي
احلام بتهكم: لاء ثانيه واحده, قلتي ايه وافقتي ع اصرارنا , انتي موفقتيش عشان اصرار حد انتي اخدتي قرارك بنفسك وفجأه
مايا: انا موفقتش انا اضطريت , فيه فرق والا مروان مش هو الي انا عايزه
احلام : بجد والي كنتي عايزه راح فين ع الاقل قوليله عنه
مايا مفيش داعي تقطميني كل شويه غلطت اني شاركتك سر واحد ومستحيل اشارك اي حاجه تانيه تخصني
احلام: وانا هفضل ندمانه دايما اني اتعاطفت معاكي بشكل كبير(سابتها وماشيه)
مايا: احلام خدي تعالي هنا , كنت عايزه اسالها عن حاجات كتير , الكلبه بتتعصب من غير سبب
…………….قصص منه محمد كاتب……………..
علي السفره
اسيا: مالك من امبارح بوزك شبرين
سراج بصلها بغيظ: مش فاهم ايه الداعي تقولي الكلام البايخ ده, انا اتحرجت قدام الحجا سلوي كتير
اسيا : ايه الغلط في الي قولته , قولته عشان مستقبل وسعاده بنتي, كل الي عايزينه نقدر نطلبه منهم من دلوقت قبل الجواز لكن بعده مش هنقدر نطلب
سراج : ده تخلف وعبط, احنا بنجوز بنتنا , ولا بنعمل صفقه عليها, عشان نفكر هناخد ايه, وايه الي مش هناخده , ايه لزومه تتكلمي عن البيت , ده ماشاء الله مساحته 200 متر ودوبلكس وبجنينه
اسيا كرمشت وشها بقرف: انت بس الي شايفه ماشاء الله , لكن انا لاء , امنيتي ان بنتي تتجوز في بيت ومكان افضل من كده
سراج: بس ده يكلفهم كتير الامر مش سهل بيتهم كويس جدا
اسيا: هما فقراء ابنهم انور مستثمر كبير في بلاد بره من سنين, لو عايزين ايه الكلفه في كده بس انت الي عمال تبرقلي وماسبتنيش اتكلم, انا من حقي احلم لبنتي تعيش في مستوي تاني كفايه اوي سمعت كلامك تعيش مع حماتها
سراج اتنهد: هيحصلها كل خير ان شاء الله , سبيها تتجوز وهتشوفي حماتها هتعاملها زي بنتها ثقي في كلامي يله سلامو عليكم اتأخرت ع المحل
احلام طلعت: صباح الخير يا مراه خالي
اسيا مكشره: صباح الخير
احلام قعدت قدامها: مالك ليه كنتي بتتخانقي انتي وخالي
اسيا بغضب: خلاص انا مبقتش فاهمه خالك, ليه استعجل يجوزها بالسرعه دي , فيه حاجات كتير لسه معملنهاش لكن سيادته قرر لازم نجري ونسرع ونكروت
احلام بضحكه: عايزه افهم ليه قلقانه , ننزل نشتري كل الي ناقص, الاسواق مليانه احنا بس هنختار
اسيا بصتلها بخبت: لازم عشان نختار يبقي معانا القرش في ايدينا , الاسعار بقت نار , انا كل الي معايا خاتمين دهب وشويه فلوس متحوشين ع جنب , قوليلي هنكمل الباقي منين
احلام: اسمعي انا معايا يجي عشره الاف جنيه شيلاهم في البوسطه هجيبهم ونكمل بسرعه
اسيا بمكر : حلوين انا كمان هستلف من ستات الشارع مبلغ وبعدين اسده
احلام: والمعهد الي اشتغلت فيه الشهر الي فات هيقبضني اهم يسعادوه
اسيا :معاكي حق كده هيبقي معانا ونقدر نخلص حاجاتها
احلام قامت: فعلا لما ادخل اصحي مايا عشان تطلع تفطر معانا
اسيا :روحي وخليها تقوم بسرعه
احلام راحت فتحت الباب ودخلت لقتها قاعده: صباح الخير
مايا بصتلها : الحمد لله ان مزاجك اتحسن , ده انا قلت هضطر اعتذرلك رسمي
احلام ضحكت: بصراحه متجيش منك تعملي كده , وبعدين ليه بتخانق معاكي انتي ضيفه هنا ويومين وماشيه
مايا: فعلا اسمعي عايزه اسألك ع حاجه, ملقتش فرصه بالليل وجه وقتها
احلام بقلق: خير يامايا
مايا: انا كلمت مروان وقولتله مش هعيش في بيت صغير , عايزه بيت واسع وكبير وفيه بسين
احلام بنفعال: مايا مكنش ينفع ابدا تقوليله ده
مايا بغرور وعجرفه: وايه الغلط فيه , منا مقدرش اعيش هناك, ومش معقول يعمل فيا انا كده, لو بيحبني وعايز يتجوزني مش هروح بيتهم الصغير يتصرف ويشترلي بيت كبير
………………قصص منه محمد كاتب…………………
في منزل عائله مروان رصت الاكل ع السفره وأأعدت بقهر
مروان طلع وبصلها : الله مش هتاكلي معايا
سلوي بحون: مليش نفس لا اكل ولا اشرب
مروان : انتي كدا صحتك هتدهور يا ماما الي طلبته مش حاجه كبيره
سلوي بقهر: انا من ساعه ما قولتلي منمتش طول الليل لحد ما طلع النهار وانا قاعده صاحيه عقلي شت من التفكير, وانت تقولي مش حاجه كبيره
مروان بهدوء: دي امنيتها الصغيره وواجب عليا احققلها
سلوي بحمقه :دي مش امنيه صغيره يابني افهم انك تشترلها بيت بالمواصفات دي مش سهل
مروان: حلم اي بنت ان البيت الي هتعيش فيه يبقي ع ذوقها هي , وهي جميله وتستاهل
سلوي بنفعال وحده: اسمع يا مروان اسلوب البنت دي وامها , بدء يضايقني احنا لسه متقدمين وبدئت الطلبا ت الكبيره , حاسه ان هي وامها بيخططوا
مروان قام من مكانه: انا اتأخرت ع الشغل لما ارجع المساء هتكون كل حاجه كويسه
سلوي: اتصلت بأختك وهي جايه هقعد اتكلم معاها واخد رآيها
مروان بضيق: يعني هتجبيها من بيتها وهي لسه عروسه عشان تقوللها الامر ده كمان
سلوي: اه مش زي بنتي , واختك ولا عشان اتجوزت بقت غريبه
مروان بضيق: ماما انا ماشي ولما ارجع نبقي نتكلم سلام
سلوي: بس اعرف انا مش موافقه سلام
مروان طالع من البيت يركب عربيته شافها وقف وهي راحت عليه: عامل ايه
مروان بفرحه غامره : الحمد لله فرحان وسعيد اني هتجوز مايا مش عارف لو مأخدتهاش كان ممكن يحصلي ايه
رنا بصتله بغيظ : عشان كدا مايا عرفت تضغط عليك بالشكل ده , بس قولها كل حاجه ليها حد
مروان كشر: مين قالك انها ضاغطه عليا , مضغطتش ولا حاجه , دي امنيتها وعبرت عنها ومش عيبب احققهلها
رنا اتكتفت: تمام اعمل الي انت عايزه وكويس ان احلام رفضت تفهم مايا وجيت انا افهمك
مروان: احلام دي متقوليش اسمها تاني قدامي بعد النهارده. عشان كل ده حصل بسببها لو مايا مكنتش اتصلت بيا وفهمتني كنت هفضل مفكر انها فعلا رفضتني, احلام هي سبب المشكله الي حصلت
رنا :انت جرالك ايه انت فاهم احلام غلط ,هي مش كده , مايا الي طلبت منها تقولك كده
مروان كشر بستياء :كنت عارف مش هتكوني ضدها , طبعا ماهي صاحبتك من اعدادي ليه تتكلمي عنها وحش , انتي حره زي منا حر وهشتري بيت تاني لمايا ومش هسمحلك تقولي عنها كلمه سيئه قدامي سامعه , وملكيش دعوه خالص بالموضوع وحذاري تقومي امك ضدي
رنا: انا اختك وانت رافض تقف تسمعني , وانا من بعد النهارده مش هدخل , بس خد بالك امك زعلانه ومقهوره , وانا ملخومه في جوزي وشغلي , وانور مسافر بره , وانت الي هنا
مروان مسك دراعها: رنا انتي اختي الوحيده, اسف لو زعلتك مني, انسي كلامي لو سامحتي
رنا نزلت ايده من عليها واتحركت من قدامه : انت الي سامحني , واعمل الي تعمله براحتك
مروان شوحلها بنفعال: امشي , وهعمل الي اعمله , طول الوقت تمدح في احلام
………………قصص منه محمد كاتب……………..
في منزل سراج اسيا طلعت علبه حمراء صغيره وقعدت
اسيا: عملتي عين العقل لما اتكلمتي مع مروان, ان البيت مش عجبك , ابوكي مش هيقول ميعرفش انه بيعمل كل ده عشان راحه بنته وسعادتها وامانها , بس قوليلي قالك ايه
مايا: انا متأكده انه هينفذلي كل طلباتي ده مهوس بيا
اسيا: هو كان يطول ولا يحلم بواحدة جميله زيك, ده ربنا بيحبه انك من حظه ماهو بنتي واحده في المليون وجميله زي الاميره
مايا بشخط: كفايه يا ماما , مبقتش بحس اني زي الاميره , هو فيه اميره شبكتها غوشتين ودبله في الزمن ده , فين الاطقم الالماظ , والالماس نفسي البس الماظ , مش زيك يادوب معاكي خاتمين
اسيا: يما كان نفسي البس بس عشت حياتي بمرتب ابوكي القليل ,والي طلعت بيهم يادوب الخاتمين, ودول اشترهم لي جدك جنب الدبله عشان يفرحني , ومن ساعته ما دخلت بيت ابوكي مثدرتش اشتري حتي غويشه واحده
مايا: مش معاكي دهب ام احلام شوفته قبل كده وكان كتير وجميل كمان
اسيا: ام احلام امها خلفتها بعد خمستاشر سنه ,وابوها كان تاجر عطاره , واشتري لـ امها دهب كتير وكله غالي ,واحلام هتاخد كل الدهب ده
مايا: هتعمل بيه ايه , هي مش قايمه تتجوز بكره واذا حد اصلا عبرها يبقي يحلها الف حلال اسمعي روحي هاتيه
اسيا: لاء يا مايا بلاش
مايا برقت عيونها بأمر: بقولك روحي هاتيه
اسيا قامت بخوف منها وجابت علبه كبيره: امسكي
مايا فتحت العلبه وشهقت: ايه الدهب ده كله خلاص بقي ليا
اسيا: انتي اتجننتي ولما تسألني اقولها ايه
مايا: هي ولا هتسأل ولا هتدور
اسيا: وافرضي ابوكي سأل اجاوبه اقوله ايه
مايا: انا اخدت الدهب خلاص
اسيا: طيب خليني ع الاقل افكر اخلق عذر: منا مقدرش اخبي عن ابوكي حاجه زي كده , وغير كده احلام عارفه عن دهب امها
مايا :انتي ع طول خايفه من غير داعي ,وحياتك كملت كده ,وبعدين من وهي طفله اخدتيها ربيتها وصرفتي عليها ,وعملتي كتير عشانها , ده حقنا نبيعه ونشتري بيه جهازي
اسيا :معقول هنسرق دهب احلام ونبيعه
مايا:ومش هتقدر تتكلم ولا تنطق لانها لو فتحت بؤها هطردها في الشارع
اسيا :سبيني افكر هتصرف ازي , شكلك هتحطيني في ورطه كبيره
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احلام في عيون وقحه)
