رواية للحبيب حبيب تاني الفصل العاشر 10 بقلم شهد محمد جادالله

رواية للحبيب حبيب تاني الجزء العاشر

رواية للحبيب حبيب تاني البارت العاشر

رواية للحبيب حبيب تاني الحلقة العاشرة

_فينك؟
_في الشغل وانتي؟
_لسه صاحيه هروح اجيب شادي من الحضانة وهقابل عزت عشان عايز ياخده معاه إنهارده
_تمام
_مال صوتك؟
_ماليش
_مالك يا ياسمين حصل إيه؟
_مفيش حاجه كله تمام
_مش عليا انا ، انا عارفكي اكتر من نفسك
_عرفت إن حسن في واحده في حياته
_طب وإيه يعني طبيعي اي اتنين بيسيبو بعض بيكونوا مع أشخاص تانيه هو مع واحده غيرك وانتي بكرا تبقي مع راجل غيروا
_معرفش بقى بس مخنوقه اوي
_هروح اجيب شادي ونتقابل نتكلم
_ماشي هستانكي
بقفل معاها وبقوم بلبس وبفطر فطار سريع وباخد شنطتي وبنزل بجيب شادي وبقابل عزت بسيبه معاه وبروح اقابل ياسمين في كافيه تحت البيت عندي
_بتفكري في إيه؟
بقولها وبشد الكرسي اللي قدامها وبقعد عليه بولع سيجاره وبستناها تتكلم
_زعلانه إنه قدر يشوف حياته بعدي يا نادين
_طبيعي الحياة مبتقفش على حد عمومآ
_فاهمه بس إزاي يعني حبها وبقت مكاني !
_متوقع يا ياسمين مانتي اللي كان ممكن تبقي مع راجل غيروا وقتها مكنش هيعمل زيك كدا
_مش عارفه بقى
_مش نصيبك ومش شبهك
_يلا الحمدلله ربنا يسعده في حياته
_ويسعدك انتي كمان ويعوضك يا عيوني
_فطرتي؟
_كلت سندوتش مربى قبل ما انزل بس لسه جعانه نطلب بيتزا؟
_يلا بينا
بنطلب بيتزا وبناكل سوا وبنرغي شوية وبنتصور وبنعمل تيك توك وبنطلع البيت سوا بنغير هدومنا
وهي بتصمم إنها تعمل الأكل بسيبها وبخرج اقعد في البلكونه
وبعد شوية بتيجي ومعاها الأكل
_اوبا مكرونة وشاورما
_ومش كدا وبس نخلص وهعملك آيس كوفي
_شكلك راضيه عني يا استاذه ياسمين
_وهرضى عنك اكتر لما تكمليلي بقيت الحكاية
_إمبارح وقفنا لما قالي ان كاميليا رجعت صح؟
_مظبوط
“فــــــلاش بـــــاكــ”
_كاميليا رجعت لحياتي
_نعم !!!
_زي ما بقولك كدا
_ودلال انت مستوعب إنك راجل خاطب؟
_معرفش يا نادين معرفش محتاس بس انتي عارفه كويس انا بحب مين هي مكنش بإيديها أهلها منعوها
_ودلال ذنبها إيه ليه كدا ليه
كان لسه هيرد عليا بس بنتفجاء من دلال واقفه قدام حوش العماره كان معاها شنط بتقع منها تقريبآ كانت جايه تسهر معايا وعاملها مفجأءه
عينيها بتبقى كلها دموع وبتيجي ناحيته بتقلع الدبله بتسيبها في إيديه وبتقول:
_انا ميرضنيش إنك تكون محتاس يا سيف روحلها
بتقولها وبتيجي تمشي هو بيوقفها
_دلال استني
بيقولها وبيمسك إيديها بتبعد إيديه عنها وبتقول:
_استنى إيه ؟ وليه انا بس عندي سؤال لما انت قلبك كان لسه معاها خطبتني ليه ؟ دخلتني حياتك ليه لما من الأول عارف إن مش انا الإنسانه اللي حبيتها ليه تعملي ذكريات وتدخل حياتي تخربها مانا كنت عايشه في سلام لييه !!!
بتخلص كلامها وبتسيبه وبتمشي بيبص ليا بخيبة أمل
_انا السبب إنك تكسر قلبها ياريتني ما عرفتكم على بعض وعلى فكره كاميليا مش هتكمل معاك وافتكر كلامي ده كويس
_نادين مش عايز اخسرك ارجوكي
_متخافش يا سيف مش هتخسرني انا موجوده بس من حقي ازعل على قلب صاحبتي اللي سمعت صوت تكسيروا ليه كدا يا سيف ليه ؟
_حتى انتي
_كنت عايز تفرح امك بيك صح ف نروح نعمل ذكريات وحب مزيف ومشاعر مزيفه واول ما تظهر الهانم نركن اللي كانوا معانا على الرف صح
_بحبها
_روحلها
بقولها وبسيبه وبطلع بغير هدومي وباخد شنطتي وبنزل بروح عند دلال
كانت منهاره من العياط في حضن مامتها ، حزينه مخذوله ومكسوره وتم إستبدالها !
مامتها بتسيبنا سوا لوحدنا وبتخرج تعمل ليها حاجه تشربها عشان تهدى
بتنهد وبقول:
_دلال مش عارفه اقولك إيه بس حقك عليا انا ، انا السبب ياريتني ما كنت عرفتكم على بعض
_السبب قلبي يا نادين انتي قولتيلي كل عيوبه حتى الماضي بتاعه ومع ذلك صممت إني اكون معاه السبب قللي عشان غبي
بتقولها وهي بتعيط وفي لحظة بشوف نفسي فيها وبعيط انا كمان
_انا كمان بحبه من سنين ولحد الحظة دي مخدش باله من حبي ليه مش شايفني غير اخت ليه او ام اي حاجه غير إني حبيبته بس مبعرفش اكرهو
كان نفسي ينسى كاميليا ويشوف حياته وشفتك انتي فرصه ليه تكوني العوض واذاكي انا اسفه حقيقي آسفه
بقولها بعياط وبنحضن بعض وإحنا بنعيط صوت عياطنا كان عالي او الهزيمه هي اللي كانت شديده
بتدخل علينا مامتها وبتفجاء من المنظر
_لا إله إلا الله يعني قولت انتي هتروقيها تقومي معيطه معاها جبتك يا عبد المعين عشان تعيني لقيتك يا عبد المعين عايز تتعان
بنضحك وبنمسح دموعنا وبنقعد شويه نواسي بعض
_خليكي معاه يا نادين هو اكيد محتاجك
بتنهد وبولع سيجاره وبقول:
_هو على طول محتاجني وعلى طول محتاس وانا تعبت بس مينفعش امشي ده إبني شايله مسؤليته وفي نفس الوقت مينفعش اعاتبه انه مش حاسس بمشاعري دي حاجه هو مالوش علاقة بيها مجاش قالي حبيني
_كلنا في الهوا سوا
بتقولها بصوت حزين ، بطبطب عليها وبقول:
_مش نصيبنا كل راجل ليه ست مخلوقه من ضلعه مش ده الراجل اللي اتخلقتي من ضلعه يا دلال
_الحمد الله رب الخير لا يأتي إلا بالخير
_شاطره والوقت كفيل ينسينا اي حاجه شوية وقت وهنتعافى
_بظبط
_هرجع انا بقى عشان مقولتش لبابا إني نازله
_ماشي يا حبيبتي ابقي طمنيني عليكي
_وانتي كمان
بقولها وبحضنها وببوسها وبسيبها وبرجع لبيتي كنت محتاره ارن على سيف ولا لأ
بس مرنتش ونمت وفي اليوم التاني بصحى على صوت خبط جامد على الباب
بقوم مفزوعه كنت لابسه بيجامة قصيره بلبس فوقيها الاسدال وبجري بفتح وبيكون سيف
_في إيه ؟ حد يصحي حد كدا
_اختفت تاني مشيت تاني
_هي مين
_كاميليا
_هي لحقت !!
_نفس السيناريو اتعاد قولتلها إني مستعد اروح اكلم ابوها تاني قالت فتحت الموضوع معاه ومش موافق عليك طب إيه الحل يا كاميليا تقولي مفيش حلول ابعد عني انت هتدمر حياتي وعملت بلوكات من كل حته ، طب ليه لما هي مش ناويه تكمل معايا ظهرت تاني ليه
كان بيتكلم بصوت جحوري منهار ماسك دموع عينيه رايح جاي وهو بيتكلم مش عارف يتمالك أعصابه ضرب إيديه في المرايا اللي عندنا في الصاله واتعور
_اهدا ممكن تهدا
_ليه يا نادين بيحصلي كدا ليه انا مش وحش بتاع بنات؟؟ ماشي بس لما بحب مش بخون والله ليه كدا ليه
_الدنيا مش على كيف حد يا سيف
_كاميليا دي لعنه دي خدت طار كل بنت حبتني ومحبتهاش خدت حق دلال ودينا ومريم وغيرهم وغيرهم
_مش نصيبك يا سيف
_ماشي معاكي مش نصيبي بتظهر في حياتي ليه وإيه هتدمر حياتي دي لما انا هدمرها رجعتي تاني ليه رتبت كل اللي جاي على وجودها ليه تعمل كدا ليه
بيقولها وبيقعد على الكرسي اللي قدامي بيمسك راسه بإيديه
بتنهد وبقوم اجيب علبة الإسعافات وبقف ادوي الجرح اللي في إيديه
_مبقتش عارفه انت ظالم ولا مظلوم ولا انت ضحيه ولا عارفلك حاجه يا .. يا إبني
بيبص ليا وعيونه كلها دموع وبيترمي في حضني بطبطب عليه لحد ما بيهدا
وبيقوم بيغسل وشه وبيرجع ليا وبيقول:
_من انهارده مفيش حب ومفيش تعامل بالقلب تاني كله بالعقل عشان انا قلبي منصرنيش واقولك على حاجه كمان مفيش حريم هتدخل حياتي تاني
انتي وامي وبس
بيقولها وبيمشي مبيستناش مني رد
كنت شفقانه عليه وفي الف ليه في دماغي بس يمكن ربنا عمل كدا عشان يثبت لـ دلال انه مبيحبهاش وعشان سيف يشيل كاميليا من دماغه نهائي وعشان يوريني إني عمري ما هكون في خانه غير خانة الصحاب او القرايب اي خانه إلا الحبيبه ..
“بـــــــاكــــ”
_عزت بعتلي مسدج
_شوفي عايز إيه
_تحت البيت جايب شادي
_طيب هنزل اجيبه انا
_ماشي