رواية حكاية رنا الفصل الثاني 2 بقلم سارة
رواية حكاية رنا الجزء الثاني
رواية حكاية رنا البارت الثاني
رواية حكاية رنا الحلقة الثانية
ومرة واحدة تلاقت عيونا واخد باله مني وكنا احنا الاتنين فحالة صدمة مكنتش متخيلة ان بعد الوقت دة اشوفه وكمان يكون متجوز!! رغم اني منستهوش بس على الاقل كنت بعافر
وصحابنا بوظو كل حاجة
_وحشتيني او ياريم.. تعالي اعرفك على صاحبتنا كشلة وصاحبت كريم بالاخص يعني رَنا
[بصتلي ف اتصدمت وكأنها عارفاني.. بس مش عارفة ممكن تكون عارفاني من الصور، بصتلي باستفزاز وتجاهلتني تماماً ودة خلى كل صحابنا يبصو بإستغراب
بس مشي الحال وتجاهلتني وانا حصوني بتنهار قدامه وقدام عيونه، وهو مركز معايا ومع تحركاتي
طارق: طب يجماعة مش نلعب لعبة الازازة زي كل مرة وزي ما احنا متعودين
هلا: طارق حبيبي يمكن هما مش حابين
كريم: لاء هنلعب محدش معترض يلا بسم الله
{لف الازازة وانا قلبي بيدق جامد وكأنه هيقف خايفة تيجي عليا.. بس الحمدلله جات عليا وعلى مازن صاحبنا
فسألني: بصي بقا.. بما اني لسا عارفك وكدة.. ف شكلي اية حلو؟
ميري: ياسماجتك يامازن
فأبتسمت عشان اداري ارتباكي: ايوة حلو
{لف الازازة تاني فوقفت عند علي وكريم..
كريم: حبيت من قلبك بجد حب سنين
علي: ايوة حبيت من قلبي وكانت فعلاً لسنين
[فبصتله ريم وابتسمتله وانا بحاول اهدي نفسي واكون احسن
وقلبي بيقف كل مرة ببلفو الازازة اخاف تقف عليا.. وللاسف وقف عندي وعند ريم وللاسف برضو هي اللي هتسألني
ريم: تخيلي معايا ماشي. تخيلي لو انتي سَرقتي حبيب واحدة بس انتي عارفة انو بيحبها مع ذلك سرقتيه والقدر لعب لعبته وهو سابك ورماكي وراح لحبيبته وعاشو فسلام وحب وانتي تعيسة! شعورك اية هتبقي راضية عن نفسك وشايفة انك صح؟؟
مازن: اية ياريم السيناريو دة لحقتي الفيته
هلا بضحك: استنى يامازن نشوف ردها
[بصلي علي ونظرته فيها حزن وتساؤل.. جمعت نفسي بس كان باين فصوتي الحشرجة واني على وشك الانهيار. ورديت بالتظاهر بالبرود
: ولا هعمل اية حاجة وهعيش ف كامل انبساطي لاني معملتش دة ومستحيل اعمله
كريم: اووههه يارنرونة رد ابهرني
ميري: عشرة من عشرة ونجمة
ريم بضيق: انا قولت تخيلي!
رنا: وانا لية اتخيل وانا معملتش دة ومش هعمله
كريم: انتي جميلة اوي يارنا.. وقلبك صافي
رنا: انت اجمل ياكريم
{فضلنا نتسأل كتير ومن حظي الازازة مجتش عندي بس جت دلوقت واتصدمت انها وقفت قدامي انا وعلي… وكان هو هيسألني
اتكلم بهدوء: مسامحة؟ يعني شايفة ان في ناس تستحق انك تسامحيهم
رنا: ناس اة..
ريم: كملو كملو
{وقفت عندي تاني اانا وكريم وحظي اني مبسألش..
فقالي
: رنا
رنا: ايوا
كريم: سؤالي بيقول
رنا: اية
كريم: بصي.. هشرحلك وبعدين جاوبي.. في واحد من ايام الجامعة.. شاف بنات كتير اشكال والوان بس مشافش زي رنا.. ودور عليها كتير لدرجة انو فقد الامل يلاقيها، ومكنش فاهم شعوره ليها،، بس مع اول شوفة بعد غياب سنين قلبه فسر دة
… رنا.. كريم اللي قدامك دة لو قالك انو من زمان اوي بيحِبك، وكان نفسه يعترفلك بقاله كتير، وغيابك عنه اثبله حبه ليكي وان قد اية وحشتيه وميقدرش يعيش من غيرك.. لو هو حكالك دة بنفسه قدام كل الموجودين! هتقبلي طلبه!؟ هتقبليه تحبيه زي ما بيحبك!!
{الكلام نزل على قلبي زي الصواعق.. لانا مدركة ولا فاهمة والكل فحالة ازدهار وكانت نظرات علي وريم مش فاهماهم،، نظرات الكل عمتاً.. مكنتش عارفة اتصرف ازاي ولااعمل اية واروح فين.. كنت مشوشة،، لساني عجز، بس فكرت انو لية مفكرش وادي فرصة لقلبي ينسا
طب هعمل اية
رديت
_انا….
هلا: انا لوهلة تخيلت عيالكو
ميري بضحك: مش لما توافق الاول
ريم: كدا تحرج كوتي.. هه
ميري: مالها ياريم..،رنا سكر واي حد يتمناها
ريم: انتي احلى اسكتي بقا
رنا؛ ياكريم انا مش عارفة اجمع مش مستوعبة!
كريم: وفقي وخدي وقتك بعد م توافقي انك تحبيني براحتك.. انا بحبك من زمان والعيال دي عارفة
هلا: وافقي يارورو
مازن: بيحبك خدي بالك
طارق: اة هو قالي
ميري: وافقي يارنرونة
بتسرع: طيب طيب
هلا: نزغرط؟؟
ريم بسخرية: على اية.. رنا! رنا وكريم؟ انا من رأي تراجع نفسك ياكريم
رنا: لية يراجع نفسه.. هو انا وحشة ولا حاجة
ريم: بقول لكريم
مازن: الله الله الله فية اية يجماعة وبعدين ياريم مش طايقاها لية من اول القاعدة
ريم: انا كلمتها
علي: قومي ياريم عشان اتأخرنا.. بعد اذنكو ياشباب
كريم: اذنك معاك يعلي.
{مشيو.. استأذنت اروح الحمام
مجرد مدخلت حمدت ربنا انو فاضي ولقتني بنهار من جديد.
فاد ب اية شوفتك، يارتني ما نزلت ولا اتحطيت فمواقف زي دي ولا حتى نزلت وقررت اخرج من عالمي.. كان احسنلي افضل هناك!!
دخلت هلا بصدمة من منظر رنا..
هلا: رنا.. انتي بتعيطي؟ وبتكلمي نفسك
رنا: لا لا بكلم نفسي اية.. انا بس الماسكرا بتوجعلي عيني ف بشيلها
هلا: لا شكلك بتعيطي
رنا: يابنتي اعيط اية بس معاكي مناديل..؟
هلا: اتفضلي
____
علي: مكنش لية لازمة كل اللي عملتيه ياريم.. متندمنيش اني حكتلك حاجة.. متحسسنيش اني غلطت لما قولتلك اني كنت متجوز وحكيتلك قصتنا وقولت هي مين
ريم: بس متقولش كتت متجوز دي.. انت هتضحك على نفسك.. انتو كنت اخوات يعني دة مش جواز انتو مكنتوش بتحبو بعض، ولا اوعى تكون حنتلها!
علي: انتي عبيطه ياريم.. انتي جاوبتي على نفسك اصلا،
ريم لو اتحطينا فموقف زي دة تاني وعملتي الهبل اللي بتعمليه دة تاني مش هعديها تمام..
ريم: وانت محموقلها لية
علي’مش محموق لحد. احرجتينا وخليتي كلو يسألك مش طايقاها لية.. متهدي تمام؟؟
تمام ياريم؟
ريم: هفف. تمام
____
رنا: جماعة انا اسفة مضطرة اروح الوقت اخر اوي
ميري: خليكي معانا شوية
رنا: مش هينفع والله الوقت اخر خالص
كريم: تحبي اوصلك؟
رنا: لا مفيش داعي
كريم: ماشي
{ماشي!؟ يعني ايةماشي مش فاهمة.. طب. همشي مش مهم مش مهم، مش هركز دة علشان اول مرة واول مرة يحب بس
واتمشيت شوية،..
وكنت سرحانة والدموع هتفر من عيني
طلع عليا شاب: ازيك
_انت عبيط
_بصي مفيش وقت هاتي رقمك ضروري
_انت مجنون ولا اية امشي من وشي
_سامحيني بس بصي.. شايفة العربية اللي هناك دي
صحابي فيها.. هتيجيبي رقمك؟
_انت بني ادم متخلف
_طيب كان تحدي ويا تجيبي رقمك وانتي مجبتيهوش ي اما
] مش فاهمة.. زقني جامد اوي لدرجة اني وقعت على الارض ورجلي اتلوت واتعورت، ولقيتو بيضحك وراح لصحابو وبيضحو وقالوله كسبت التحدي
اما اوغاد صحيح!! خلاص لقيت سبب اعيط علشانة
انامقدرتش اقوم كنت بعيط بس
الا اني مأخدتش بالي ان في شخص متابع الحوار من بعيد ولقتو بيجري عليا
_انتِ بخير يا انسة
[بعيط بس]
_طب ردي عليا اساعدك تقومي
مسحت دموعي: لا مفيش داعي
[وقومت بصعوبة منعاً لأني احرج نفسي اكتر
_معلش.. شباب متربوش وكان بيجربو فيكي
انتي اية اللي ممشيكي لوحدك دلوقتي بس
_انا.. انا كنت مع صحابي بس.. بس انا، انا مش لاقية تاكسي
_طب هو ترضي اوصلك.. عشان الوقت متأخر ومش هتلاقي تاكسي وكدة فاهمة
_مفيش داعي
_مفيش داعي ازاي بس، دة انتي اتعورتي واتبهدلتي
تعالي هوصلك ومتقلقيش
{بعد لح ونظراً لاني فعلاً اتأذيت قررت اسمحله واخيراً يوصلني
وطول الوقت عمال يسألني عني وانا زهقت من اسألتو، وفضل يلح لحد ما اخد رقمي.. زنان بشكل اني من كتر ما زهقت منه اصلا اديته رقمي عشان يسكت بس للاسف لسا مستمر..
حمدت ربنا اني اخيرا وصلت ونزلت بسرعة هروبا منو ودخلت بيتي
واخيرا اوضتي الي برتاح فيها
طبعاً كعادي فضلت اعيط بعد ما راجعت احداث اليوم فدماغي
وصليت
وانا نايمة على حجر اختي وهي بتمشي ايدها على شعري وبتطبطب عليا
مريم: كويس انك وافقتي تدخل حياة تاني وتجربي حظك من جديد بس..
بهدوء: بس اية
مريم: هو مكلمكيش يطمن انك وصلتي
رنا: لا
مريم: يعني ولا وصلك ولا كلمك… هممم هو اية
طيب خلينا نصبر عليه شوية
قومي نامي بقا وبكرة ترجعي شغلك تاني زي ما اتفقنا
رنا: يمكن مقدرش
مريم: هتقدري ان شاءلله.. يلا تصبحي على خير
______
هلا: يعني موصلتهاش ياكريم!
كريم: منا سألتها وهي قالت لأ
طارق: لاوانت عندك دم اوي
ميري: المهم يعني.. هي مالها ريم مش طايقة رنا حتى من ساعة ما جت وعلي ساكت خالص انا حاسة ان في حاجة ف الموضوع
هلا: اة وبصراحة هي كانت بتعيط
ميري: هي مين دي
هلا: رنا بس لما شوفتها قالتلي متقوليش
ميري: خلاص مش مهم نبقا نكلمها ونشوف في اية
___
{وجي الصُبح.. وانا بعادتي بحب انزل اتمشى واجري شوية الصبح
فرن عليا كريم.. تجاهلت مكالماته لشوية بس فضل يرن ف رديت
كريم: ازيك يارنا
رنا: الحمدلله كويسة
كريم: طيب الحمدلله.. اعدي عليكي النهاردة ننزل سوا؟
رنا: ننزل فين
كريم: عادي نروح اي حتة
رنا: طيب ماشي بس سلام دلوقت هكلمك بعدين
كريم: اوكي سلام
_اوف.. انا مش قادرة استحمل الوضع من اول يوم امال بعد كدة اي اللي هيحصل!!!!
“ولسا بلعن فنفسي وبرجع للبيت فشوفت الاتنين تاني
اوفف.. لية بيتكررو قدامي كل شوية
ملفتش الانتباه وغيرت الطريق عشان مياخدوش بالهم بس ريم كانت شايفاني وبصتلي بغربة
..
مريم: ياحمدالله على السلامة اخرتي النهاردة بس كويس ع الاقل نزلتي تفكي
بضيق: افك اية بس يامريم.. انا شوفتهم تاني، انا مش فاهمه لية كل شوية بشوفهم بجد مش فاهمة، اعمل اية مش عارفة كل ما اعمل حاجة تخليني انساة الاقيه بيظهرلي كل شوية!!!
مريم: تاني!! هو اي الحكاية؟ هي الصدف مبتخلصش
بحزن: انا مش عارفة انا تعبت
مريم’معلش يحببتي.. الموف اون بياخد وقت
رنا: متتريقيش يامريم بدل م اضربك انا مش طايقة نفسي
بضحك: بفكك بس.. هروح اعمل فطار ونفطر سوا
رنا: روحي اوفف..!
[لسا باخد نفسي بعد لما مشيت واتفاجئت بموبايلي بيرن ورقم غريبة!! ف رديت
_ازيك يارنا انا هشام
_هشام مين
_اللي قابلتك امبارح
بهمس: يادي الارف.. يادي اليوم اللي باين من اوله
_بتقولي اية
_لا مبقولش ازيك انت
_انا كويس.. كنت بس بسأل عليكي
_انا تمام جدا
_كنت بقول يعني لو ننزل مع بعض نعرف بعض اكتر
_نعرف بعض اكتر!! لية هو انا كنت عروستك الصالونات
_لا يبنتي صحاب وكدة
_صحاب وكدة!!
_ايوا
_لا اسفة مش هقدر انزل مش فاضية ورايا مشواير
_ياخسارة.. طيب يوم تاني بقا، بس اعملي حسابك لازم هننزل
_ان شاءلله يلا سلام سلام
____
مريم: بتكلمي مين
_فاكرة لللي حكيتلك عنه امبارح
_فاكراه
_بيكلمني وقال عايز ننزل.. انا مش فاهمة طلعلي فين ف البخت دة ياربي
_انا مش مرتاحة للواد دة. وحاسة ان في حاجة غلط
_مريم متقفلنيش انا اصلا مخنوقة منهم.. ومن ناحية تانية كريم عاوز يقابلني
تصدقي ياريتني ما وافقت
_رنا حاولي تخرجي نفسك من المستنقع دة.. وتخرجي نفسك من دايرت علي.، انتي مش فقلبه، ولو هو لسا فقلبك خرجيه
متفتكريش انه عشان اتجوزتو سنة وكان صالونات ف حبيتيه هو هيحبك، لا مبيحبكيش…
ومينفعش تعلقي نفسك بية
_اوف.. خلاص يامريم خلاص انا عارفة اصلا
انا هدخل اغير هدومي علشان هنزل مع كريم
{كلامها على قد ماهو قاسي على قد ماهو صح، انا فعلاً لازم ابطل احبه.. وكفاية جلد ذات فنفسي عشان اعرف اعيش.. وقررت ادي لكريم فرصة، واشوف هيحصل اية
وغيرت هدومي
وجي كريم.. ونزلت معاه وكنا بنتمشى
_حلو الجو مش كدة
_حلو
_مالك يارنا.. من ساعة ما نزلتي وانتي قافلة وشك وبتكلمي بالعافية.. هو انتي مكنتيش عاوزة تنزلي
_لا بس تعبانة شوية
_تحبي نقعد ف مكان
_لا بحب اتمشى
_طيب مالك
_مفيش
_طب على فكرة انتي وحشتيني.. وانا بقالي سنين مشوفتكيش.. ونفسي تكلميني عن نفسك اكتر
_ولما بقالك سنين مشوفتنيش لية اختارتني كدة علطلول
_عشان بحبك من زمان وشايف فيكي نفسي وحياتي
انتي من ايام الجامعة مخرجتيش من قلبي.. وانا لسا بحبك وماصدقت لقيتك
_كريم انت لازم تفهم.. انا كان ف حياتي حد وهو……
قاطعها: ميهمنيش ماضيكي.. واسف اني موصلتكيش امبارح انا يعني مفهمتش وكدة
وبعدين انا فارقلي رنا بتاعت دلوقت، مش مهم اللي فات
_بس طالما اخترتني لازم تكون عارف عني كل حاجة
_لا مش هاممني اعرف ماضيكي اية، اهم حاجة انتي دلوقتي
وانا هبقا مبسوط اوي لو قررتي تكملي حياتك معايا وتحبيني زي مابحبك، او حتى مش مهم زي ما بحبك
_انت فاهم اني محتاجة وقت صح؟ وعارف اني مش سهل اتخطى وجعي بسهولة مش كدة
_خدي راحتك يارنا انا اهم حاجه عندي راحتك مهما كان
{حسيت بشوية اريحية.. وفجأة نسيت كل اللي كان، يعني نسيت التاتش بتاع امبارح وركزت ف كريم اللي بيتكلم قدامي
وحسيت اني فرحت بحبه ليا حتى لو مكانش بيحبني
_اية رأيك لو مخنوقة نقعد مع صحابنا تاني
_لالا.. انا مبسوطة جدا كدة ومش عايزة اقرر القاعدة
_لية؟ تصرفاتهم دايقتك صح
_يعني
_معلش متزعليش حقك عليا انا
_مش زعلانة! وبعدين انت ذمبك اية
_مش عارف بس اهو بحاول ابقا كيوت
ابتسمت: ماشي
{كان بيلطف طول الوقت، كان كويس بشكل ما.. وفجأة لقيته شخصية عكس اللي شوفتها امبارح، لقيته مرح.. بيتكلم كتير معايا وبيحاول يكون لطيف.. وكأنة واخد تعليمات يفضل يكلمني بكل احترام
وانا استلطفته شوية.، بس كل شوية يحكيلي عن حبه الكبير ليا من زمان
لوهلة حسيت اني اتحب يعني انا مش العيب مني عشان محدش يحبني مثلا زي علي
وفضلنا قاعدين سوا وبعدها وصلني، حكيت كل حاجة لأختي منا مبخبيش عنها حاجة
وفضلت نايمة على سريري بفكر في كريم..
هو شخص كويس، وزي ماتوقعت انو فعلا اول مرة يحب ف مش فاهم حاجة هو حكالي دو بنفسه..
حسيت انو اي يمنع لو اديتلو فرصة ونتكلم كمان شوية،
لسا هنام لقيت موبايلي بيرن!!
وببص لقيته هشام، يوووه.
تجاهلته كتير بس فضل يرن كتير
استسلمت ورديت عليه،
_خير ياهشام..
_جيت علشان اشوفك
_انت مجنون ولا اية، جيت فين
_تحت بيتك.. مش انتي قولتي انك مش فاضية
هو انتي نمتي
_اة
_لا مفيش حد بينام الساعة عشرة
_انا بنام عشرة.. ممكن تمشي
_طب مش هتنزلي نتكلم..
عايز اقولك على حاجة
_لا انت عبيط ولا اية امشي
_مش هينفع غير لما اشوفك..
يرضيكي اصرف بنزين قد كدة علشان اجيلك وانتي متنزليش
_يرضيني اة
_لا الشارع اللي وراه.. يعني اية انتي عارفة انا حطيت بكا….
_مش عايزة… مش عايزة اعرف اوففف
خليك مكانك هتنيل انزل
{اعمل اية.. تعبت! لازقلي بسماجته وبرودة.. وكان لازم امشيه من هنا واخلص، ونويت اني هنزل اقطع علاقتي بيه! مين هو اصلا عشان يتعامل كدة معايا
خلاص انا قررت
_يابني انت عبيط.. هو في حد بيجي لحد دلوقتي! انت متخلف
تعرفني منين انت
_اعرفك بقالي 48 ساعة اية مش كفاية
_بص.. انا مش عايزة اعرفك تاني خلاص بقا امسح رقمي من عندك
_لية بس يارنا دة انا جيت اشوفك.. نسيتي اني وصلتك؟ يعني عارفك اهو
_لا مش عارفني انا زهقت منك امشي من حياتي هو اي حد بيساعد التاني بيتلزقله كدة
_يعني انتي مش عاوزة تشوفيني تاني
_لا مش عاوزة
_رااحت العروسة ياماما
_نعم!!!
_خلاص يارنا.. خلاص اسف انا همشي بس بما انك مش عايزة تعرفيني خليني اعترفلك بحاجة
انا والشباب دول صحاب
وكنت عايز اعمل كدة عشان اعرف اكلمك ونجحت
بصدمة: انت اللي عملت كدة
_توقعتك هتفضلي فاكرة الجميل بصراحة
_انت مريض والله العظيم مريض
_لا انا مش مريض انا اعجبت بيكي كنت عاوز اتجوزك ونعيش ف تبات ونبات ون…..
_امشي من وشي بدل م افرج عليك الناس واهزقك
_خلاص يارنا همشي،، بس انا مش اسف عشان انتي مكلمتينيش
سلام
_متخلف!! والله العظيم مريض انت محتاج تتعالج
_انا!!شكرا.. عمتاً متشتمنيش تاني!! انتي مش هتشوفيني تاني خلاص انا هروح اشوف عروسة غيرك
_مهزق!!
_سلام
{ركب عربيته وعشان اتأكدت تابعته بعينيا بس اتصدمت لما شوفت…. “كريم” كان واقف ومتابع كل حاجة وبصلي بحزن
…..
_اتفضلي سلسلتك وقعت عندي ف العربية
_كري…..
قاطعها: بعد اذنك
_استنى ياكريم اشرحلك كل حاجة.!!. استنى….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حكاية رنا)
