رواية احببت ملاك الفصل الخامس 5 بقلم ملك ابراهيم عبدالجيد

كان قاعد هو وحمدي وعيسي خرج يدور علي ملاك وفجأه دخلت عاليه حمدي ومحمود قاموا وقفوا واتصدوا وعاليه قالت باستغراب

: مالكم في ايه امال فين عيسي وملاك ويقين مش سامعه صوتهم يعني

محمود بتوتر: مهو مهو

عاليه بعصبيه: مهو اي

حمدي بسرعه: ملاك هربت هي ويقين وعيسي بيدورا عليهم

عاليه بصدمه: اي ملاك هربت هي ويقين ازاي عملتلها اي حرام عليكم

محمود بعصبيه وكدب: معملناش حاجه هي اللي قليله الادب اصلا

عاليه بعصبيه: ملاك دي محترمه غصب عن اي حد هنا ومن ساعه مجبتها من الملجأ وهي بنتي هي ويقين وانت يحمدي ابنك الصايع بتاع البنات عمل ايه في بناتي

حمدي بعصبيه: ابني محترم يعاليه ولمي لسانك انا ساكت عشان خاطر اخويا

عاليه بعصبيه: والله العظيم لو ملاك حصلها حاجه حسابكم معايا هيبقي عيسر وهدخلكم السجن عشان شغلكم مشبوه وابنك هدخلو السجن برضو يحمدي بس بطرقتي

وطلعت علي اوضتها وهي متعصبه

محمود ببرود: هنعمل ايه دلوقتي يحمدي

حمدي بخبث: لازم نلقي البت اللي اسمها ملاك قبل ما عاليه توصل لها

في صباح اليوم التالي

عند ملاك في الملجأ

ملاك صحيت من النوم هي ويقين وقمر كمان صحيت

ملاك بنعس: هههه انا عاوزه انام الساعه كام

قمر بضحك: الساعه سبعه الصبح وده معاد صحيان كل اللي في الملجأ

ملاك: تمام يستي

يقين: انا جعانه مفيس اكل هنا

قمر: طب ثواني هروح اشوف داده هاله حضرت الفطار ولا لا

وقمر مشيت

ملاك بحزن: تفتكري يايقين ماما رجعت

يقين بحزن: مس عارف بس علي فكره انا حبيت القاعده هنا وحبيت قمر وبراء وجاك جدا

ملاك بأبتسامه: اه والله انا كمان حبتهم اوي

وفي بنت قربت من ملاك وقالت ببرود: انتي مين يبت انتي

ملاك ببرود: وانتي مالك

البنت ببرود: لا يا اموره انا اسأل هنا اللي انا عاوزه

ملاك ببرود: طيب روحي بقا اسألي حد تاني غيري وبعدين كمان بغيظ وبعدين انا عارفه اني اموره من غير متقولي يعني

زينب بعصبيه: وحياه ربنا هوريكي

ملاك ببرود: ماشي عارفه اشوف هتعملي ايه يلا من هنا

وزينب مشيت وهي متعصبه من ملاك ومتغظه منها

يقين بغيظ:عيله بارده هي مالها بينا اصلا وكملت بخوف بس انا خايفه تعمل حاجه يملاك

ملاك بأبتسامه: متخفيش ان شاءلله خير هتعمل ايه يعني

وبعدين قمر جات

قمر: لسه بتعمل الفطار وقالت لنا نروق الملجأ

ملاك بتعب: تمام

يقين بخوف: مالك يملاك

قمر: مالك يبنتي لحقتي تتعبي

ملاك بأبتسامه: لا عادي يلا نروق

عند ادهم

صحي من النوم ودخل اخد شاور وبعدين لبس البدلة بتاعتو وبعدين نزل

سهيله بأبتسامه: صباح الخير ياحبيبي مش هتفطر ولا ايه

ادهم بأبتسامه: لا معلش يحبيبتي متأخر هبقي افطر مع محمد في الشغل

سهيله بأبتسامه: ماشي يحبيبي خد بالك من نفسك وسلملي علي الواد محمد واه بقولك بكره انشاء الله انا عازمه مليكه وهدير ومحمد علي الغده

ادهم: ماشي يا امي

سهيله بأبتسامه: انت لسه بتدور علي جميله يا ادهم

ادهم بحزن: ايوه يا امي نفسي القيها بجد مش كفايه ابوها وامها ماتوا في حادثه من عشر سنين

سهيله بحزن: ربنا يسمحوا عثمان ابوها كان بيشتغل في شغل مش كويس اختفاء جميله بصراحه كويس عشان اكيد الناس اللي كانو شغلين مع ابوها كانو هياذوها

ادهم بعصبيه: انا مش هسمح لحد يأذيها يا امي

سهيله: ربنا يستر وان شاءلله تلقيها الواد محمد بيدور معاك

ادهم: ايوه

سهيله بحزن: ماشي يا ابني ربنا يسهل وتلاقوها

ادهم: يارب عن اذنك بقا انا ماشي سلام

ومشي

في الملجأ

كانت زينب واقفه مع المشرفه

زينب بكدب وتمثيل:والله زي مقولت لحضرتك كده اللي اسمها ملاك دي سمعتها بتخطط انها تهرب من الملجأ

المشرفه بخبث: تمام يزينب شكرا ليكي انا هتصرف معاها

زينب بخبث: تمام

وخرجت

والمشرفه راحت عند ملاك

المشرفه بعصبيه وهي بتشد ملاك من ايدها: انتي يحيوانه انتي عايزة تهربي من الملجأ

ملاك بعيط وصدمه: وحياه ربنا محصل والله لا انا معملتش حاجه

المشرفه بعصبيه: انا هعرفك ازاي تهربي اوي

قمر بسرعه: والله العظيم محولت تهرب ولا حاجه

المشرفه بعصبيه: اخرسي انتي كمان بدل مدخلك معاها الاوضه

ملاك بعيط وترجي: لا ونبي بلاش الاوضه دي لا

يقين بعيط: ملاكي معملتس حاجه سبيها لو سمحتي

المشرفه بعصبيه: ابعدي من هنا يبت انتي

والمشرفه مسكت ملاك من ايدها جامد وفضلت ممشيها لحد موصلت اوضه مقفوله

المشرفه مسكتها من ايدها وفتحت الاوضه ودخلتها فيها وقفلتها بسرعه

ملاك بصريخ اول مشافت الاوضه: لااااااااااا خرجوني من هنا انا مظلومه معملتش حاجه خرجونييييييي

الاوضه كانت ضلمه وفيها حشرات وفيها كلب مربوط شكلو يخوف والاوضه كانت ريحتها وحشه

ملاك وقعت علي الارض وفضلت تعيط وتصرخ وترزع علي الباب جامد

عند قمر

كانت عماله تعيط هو ويقين وجه جاك وبراء

جاك باستغراب: في ايه اي اللي حصل

قمر بعيط: ملاك المشرفه خدتها الاوضه

يقين بعيط: انا عاوزه ملاك ملاك معملتش حاجه والله

جاك بصدمه: دخلوها الاوضه ليه عملت ايه

براء بحزن علي حاله يقين: اهدي يا يقين ان شاءلله هتخرج

قمر بعيط: والله العظيم معملتش حاجه ولا كانت عايزة تهرب ولا الكلام ده

زينب كانت واقفه بعيد وبتبتسم بأنتصار وخبث

عند محمد وادهم

محمد بأستغراب: اي يا ابني مالك كده متغير اليومين دول

ادهم بحزن: مفيش محمد هو انا لو حكتلك علي حاجه هتساعدني ومش هتقول لحد

محمد بأستغراب: طبعا يا ابني في ايه

ادهم بحزن بدأ يحكي

: زمان لما جميله اتولدت وكان عندها سنه انا خدتها ودتها ملجأ اسمو ملجأ النور والله العظيم يمحمد عملت كده عشان خايفه عليها من الناس اللي كانوا شغلين مع ابوها المهم اديتها لمشرفه اسمها نهله ونهله دي طلعت واطيه كانت شاغله داده هناك في الملجأ بعدين لما بقا عندها 28بقت مشرفه واشترطت عليا انها هتخد بالها من جميله لكن من غير مشوفها الا اما تكمل 18سنه وبعدين امبارح روحتلها وقولتلها اني عايز اشوف جميله طلبت مني عشره مليون جنيه وانا مش عارف اعمل ايه

محمد بعصبيه: انت ازاي عملت كده من الاول يا ادهم انت لازم تروح الملجأ وتدور عليها اكيد هتعرفها وخصوصن ان الملجأ ده مفهوش بنات كتير

ادهم بتفكير: معاك حق وجميله دلوقتي بقا عندها 17سنه

محمد: تمام وانا هجي معاك

ادهم: تمام يلا

*************************

عند عاليه

كانت قاعده في اوضتها بتفكر وبعدين فكرت ان ممكن ملاك تكون راحت الملجأ تيستخبه هناك وبعدين قامت بسرعه ولبست ونزلت ركبت عربيتها وفي طريقها لي الملجأ

*********************

عند ملاك

كانت قاعده في الاوضه بتبص لي الحشرات برعب ولي الكلب وفجأه الكلب عضها وملاك صوتت وبعدت عنو بسرعه

ملاك بصريخ وعيط وهي بترزع علي الباب: خرجونييييييي من هناااااا اقسم بالله مظلومه وحياه ربنا معملت حاجه افتحواااااااا الباب انا بموت هناااااا

وقمر كانت سامعه صوتها هي ويقين وفضلوا يعيطوا هنا الاتنين

وجاك شك في زينب وراح عنها بخبث

جاك بخبث: زينب بقولك ايه

زينب بأبتسامه: نعم يجاك

جاك بخبث: تجي نرتبط ببعض انا سبت قمر واوعدك اني اول مخرج هنتجوز اي رايك

زينب بفرحه: موافقه طبعا يجاك انا اصلا بحبك من زمان بس كنت مضايقه انك بتحب اللي اسمها قمر دي

وقمر شفتهم من بعيد وراحت عندهم وقالت بعيط: بتعمل اي هنا يجاك

جاك صعب عليه يشوف قمر كده وهو بيحبها جدا وكان قلبو بيتقطع من جوه بس كان لازم يمثل عشان يخرج ملاك وقال بجمود

: ارتبطت بزينب يقمر ومعتش عايزك

قمر بصدمه وعيط حسه ان قلبها انكسر ميت حته: يعني ايه يعني انا كنت لعبه تحركها وقت منت عايز يجاك ليه ليه يا اخي حرام عليك تعشم حد بعدين تكسر بقلبو ليه حرام عليك منك لله

وبعدين جريت علي اوضتها ويقين جريت ورها

جاك في نفسو: صدقيني والله اسف بس انا بمثل عشان اخرج ملاك والله من اللي هي في

زينب بأبتسامه: بحبك يجاك بجد

جاك من جوه بيستحقرها بعدين قال بخبث: وانا كمان بقولك هو انتي عملت ايه مع ملاك

زينب بكره: عيله بارده كان لازم تتربه وتدخل الاوضه

جاك بعصبيه من جوه: اه يبنت الكل*ب يزب*اله وربنا هوريكي وانتي اللي هتدخلي الاوضه دي

وبعد شويه وصل ادهم وهو ومحمد الملجأ ودخلوا عند المشرفه منال

ادهم بحديه: مع حضرتك ادهم البحراوي ظابط مباحث وشغال في المخابرات

منال بخوف وهي بتبلع ريقها: اهلا بحضرتك

محمد بحديه: وانا المقدم محمد البحراوي

منال بخوف: اهلا شرفتوا

ادهم بجديه: الحقيقه بنت عمي انا جبتها هنا من وهي طفله وهي لسه موجوده هنا لأن المشرفه نهله كانت بطمني عليها لحد ما مشيت بقا وهي دلوقتي عندها 17سنه واسمها جميله محمود البحراوي

منال خافت جدا وقالت بتوتر: اه هي تقريبا موجوده بس مفيش حد هنا اسمو جميله

محمد بأستغراب: مالك بتكلمي بتوتر ليه

منال بخوف: ها عادي والله حضرتكم تعالوا معايا اوضه البنات

ودخلوا اوضه البنات اللي كان فيها قمر ويقين اللي كانوا بيعيطوا وزينب وبنت كمان اسمها رزان

ادهم بتسأل قرب من قمر وقال بأستغراب: مالك بتعيطي ليه يقمر

قمر بعيط: صحبتي في الاوضه

يقين بعيط وصدمه: عمو محمد وعمو ادهم

محمد وادهم بصدمه: يقين

كفايه كده انهارده لسه بقا لما عاليه تيجي دي ولعت