رواية عشق بالخطأ (أحببت مجنونة 5) الفصل الرابع عشر 14 بقلم نجمة براقة
رواية عشق بالخطأ (أحببت مجنونة 5) الجزء الرابع عشر
رواية عشق بالخطأ (أحببت مجنونة 5) البارت الرابع عشر
رواية عشق بالخطأ (أحببت مجنونة 5) الحلقة الرابعة عشر
#سيف
وصلت تركيا وكلمت زين علشان اخد منه عنوان الاوتيل اللي هما فيه ولما وصلت لقيته مستنيني بره
زين بإبتسامة_ Welcome to Turkey
سيف _ اي الاخبار
زين _ في اوضتها مش بتخرج ولا راضيه تقابلني
سيف _ تعاله معايا
حجزت غرفة وبعدين روحت وخبطت علي الباب بتاعها، .. وتكلمني من جوه من غير ما تفتح
مسك _ امشي يازين
سيف _ افتحي
مسك _ مين
سيف _ انا
مسك تفتح الباب _ ايه جابك هنا
سيف يدخل ويقفل الباب _ جاي لمراتي
مسك _ انا مش مراتك انت طلقتني
سيف _ رديتك
مسك _ وانا مش عاوزاك،
سيف _ اقعدي خلينا نتكلم
مسك _ مش عاوزة اتكلم معاك ولا عايزة اعرفك تاني
سيف _ هنتكلم
مسك بانفعال _ لو قولت ايه مش هصدقك، اطلع بره لا اطلبلك الامن
سيف _ انتي كده بضيعينا
مسك _ انت اللي ضعيتنا، لما خو.نتني… بقيت تشتكي من اهمالي ليك عشان تدي لنفسك عذ. ر بأنك تجيب واحده في بيتي
سيف _ اقسملك اني ما خو.نتك، خالد هو اللي عمل كده، وخلا ريماس تعمل اللي عملته بعد ما شربتني حاجه في العصير
مسك _ كداااب، اللي شوفته بعيني بيقول انك كنت حاسس بكل حآجه، حتى لو ريماس متسلطه… بس انت بردو تجاوبت معاها
سيف وهو يقترب منها _ محصلش صدقيني انا ما كنت حاسس بحاجه، مسك بدموع _ مش مصدقه
سيف يضع يده على وجنتيها _ انتي تعرفيني اكتر من نفسي، المفروض تصدقيني
مسك بدموع _ لو حد قالي مكنتش صدقت بس انا شافت بعيني وسمعت بوداني
سيف _ طيب انا هثبتلك كلامي، وهتعرفي ان خالد عمل كل ده
مسك تشيل ايده _ انت بتكره خالد ولما عرفت انه هنا قولت تجيبها فيه بس انا مش هصدق انه هو السبب
سيف _ تبقي مش باقيه عليا ولا علي اي مشاعر بينا
مسك _ صح، ياريت تنهي كل حاجه وطلقني رسمي
سيف _ بس انا عاوزك، ومقدرش اعيش من غيرك، مش بعد ما تعبت علشان تكوني ليا اسيبك بسهوله دي
مسك _ قدرت ونسيت كل حاجه في لحظة، كمل للاخر وطلقني بقا
سيف _ مش هطلقك وهترجعي معايا
مسك _ لأ هطلقني ومش هرجع، واتفضل اطلع بره
سيف _ يعني مش هنتفاهم
مسك _ مفيييش تفاهم واطلع برا قولتلك
سيف _ اوك، هطلع، لغيت ما تهدي، بس لو لمحت الواد ده بيعدي من قدام اوضتك اقسملك اني هفصل نصه الفوقاني عن التحتاني
مسك _ ملكش دعوه انا حره مش عاجبك طلقني
سيف يمسكها من رقبتها _ انتي بتاعتي لوحدي ومش هطلق
مسك _ انا مش بتاعت حد، ابعد عني
سيف _ بتاعتي وهترجعيلي، يا مسك، انتي فاهمه ولا اخن.قك
مسك بدموع _ لو فقدت الذاكرة وقتها يمكن ارجعلك
سيف _ نشوف الموضوع ده بعدين، ولو اطريت هعملها، ومش هسيبك
مسك بدموع _ طيب ممكن تبعد علشان اتخنقت
سيف _ ماشي… هرجعلك يكون هديتي
مسك _ مش عاوزة اشوفك تانى
سيف _ قولي اللي انتي عاوزاه انا واخد اوضه هنا وهتلاقيني فوق دماغك كل شويه
#مسك
رغم اللي عمله بس فرحت لما جه ولما مسكني مكنتش عاوزاه يسبني، كنت عايزة افضل بصاله املي عيني منه، بعد الأيام اللي بعدت عنه فيها ولما سابني ومشي بقيت مسيطره علي نفسي بالعافيه علشان مندهش عليه او ايدي تخوني وتتمدله، وهو كمان مفهمش وسابني.. وانا مكنتش قادره اتنازل وانسا اللي حصل، ومكنتش قادره اصدق كلامه اللي قاله لاني شفته بعيني معاها وبيبو.سها علي سريري، ولابسه القمي.ص بتاعي، ومن اكتر القم.صان اللي هو بيحبها كمان…. حبي ليه وقتها كان اكبر من اني اشوف المنظر ده واسامح فيه، جر.حني بجد، جر.ح مش ممكن اقدر انسا او اغفر … ورغم ده كله هو واحشني اوي، كان نفسي يحاول معايا اكتر من كده، ويحض.ني حتي،، بس هو جبله مبيحسش، ومشي
#زين
كنت اتصل ب نسمه وابعتلها وكانت تشوف الرسايل ومتردش، خوفت يكون حصلها حاجه، وصدقت ما سيف جه ف حجزت على اول طياره، وقبل ما امشي قعدت مع سيف شويه
زين _ عملت ايه
سيف _ مقبلتش تسمع منى ومُصره على الطلاق
زين _ اوعا تطلقها
سيف _ مش هطلقها طبعاً
زين _ برافووو… بس انت هتنام هنا؟
سيف _ ايوه
زين _ وتنام هنا ليه ما تروح عندها
سيف _ هتفضحنا في الاوتيل
زين _ مش مراتك محدش ليه دعوة بيكم
سيف _ مش عاوز فضايح، لما تهدا شويه
زين _ براحتكم.. اتمنالكم السعادة
سيف _ شكراً
زين _ اوك، قولت اجي اشوفك قبل ما اسافر
سيف _ تسافر فين
زين _ راجع مصر
سيف _ بسرعة كده، ما تقعد ونسافر مع بعض
زين _ ورايا شغل لازم اعمله
سيف _ طيب ياحبيبي توصل بالسلامه ابقا كلمني
طلعت من عنده وعديت علي مسك ولما خبطت عليها فتحتلي بسرعه
مسك _ زين؟ .. تعاله
زين _ ههههه شكلك كنتى فكراني حد تاني
مسك _ اه كنت طالبه اكل واتاخر، تعاله ادخل
زين بإبتسامة _ طيب ما تروحي انتي للاكل
مسك _ زين بطل بواخه.. وتعاله
زين _ انا جاي اسلم عليكي علشان نازل مصر
مسك _ وهتسبني لوحدي
زين _ جوزك معاكي هقعد اعمل ايه
مسك _ متقولش جوزي احنا هنطلق
زين بإبتسامة _ تطلقو ايه ده انتي هتموتي ويجيلك، عليه انا
مسك _ ولد عيب
زين _ ولد عيب… مش عيب خالص، روحيلوه هو مستنيكي
مسك _ هنزعل بجد اتلم
زين _ وانا مالي، يلا باي هتاخر علي الطيارة
مسك _ ماشي ليه دلوقتي
زين _ رايح لصديقه فاكره الصديقة
مسك _ هههه شكلها عدت مرحلة الصداقة
زين بإبتسامة _ حصل، وقريب هعزمك علي خطوبتنا
مسك بإبتسامة _ حبيبي ربنا يسعدك، ايوة كده فرحني
زين _ وانتي كمان فرحيني وارجعي لسيف مش حلوين وانتو بعاد
مسك _ لما توصل كلمني
زين _ ماشي سكتنا… يلا باي
#مسك
مشي زين وانا روحت وراه لغيت الشارع ورجعت تاني ووقفت جمب اوضتي وبقيت ادور بعنيا على اوضة سيف ومعرفتش هي اي اوضه،، لغيت ما خالد طلع من اوضته
خالد _ ازيك
كنت هدخل من غير ما ارد بس شوفت سيف طالع من اوضه قريبه وجاي من ورا خالد فحبيت اضايقه
مسك بإبتسامة _ بخير وانت
خالد _ بخير طول مانتي بخير..
مسك _ يارب دايما بخير يا خالد، رايح فين كده
خالد_ كنت طالع اتمشا
مسك بإبتسامة_ وانا كمان
سيف يطلع قدامه فجأه ويحط ايده علي خصر مسك ويضمها ليه
سيف _ ازيك ياااا… كان اسمك ايه فكرني
خالد_ انت هنا
سيف _ ايوه جاي اقضي شهر العسل مع مرااتي
خالد _ اه…. عظيم اوي،
سيف ببرود _ كنت سامعك بتقول هتمشا
خالد _ اه هتمشا
سيف يفتح باب مسك _ يلا ياروحي نرتاح في اوضتنا… باي يااااا.. لا مش فاكرك. وبيقفل في وشه
كانت فرصتي اني اكون قريبه منه لغيت ما دخلنا وبعدين بعدت عنه
مسك بتحذير _ اخر مره تلمسني كده تاني
سيف _ واخر مره اشوفك بتكلمي الشخص ده
مسك _ هكلمه انت ملكش حكم عليه، انت طلقتني لو كنت ناسي
سيف _ قولتلك رديتك وحتي لو طلقتك متتعامليش مع الشيء ده، واللى قولتهولي في التليفون مش ناسيهولك علي فكره
مسك _ انا لسه هنفذ كلامي، طلقني احسنلك
سيف يمسكها من دراعها ويقربها ليه _ انا عارف ان كلامك ده من باب الزعل بس يستحسن ميتكررش ده لمصلحتك
مسك تنظر له وهي صامته
سيف _ كلامي مفهوم
مسك بشرود _ اه
سيف ينظر لها ، ثم يتحسس وجهها بلطف ويقترب منها ويقب. لها وهي تغلق عينيها مستسلمه
نسيت نفسي وسلمتله، وبعد وقت معرفش اذا كان كبير او صغير فوقت وبعدته عني
مسك بنرفزه _ أطلع بره انت ازاي تقربلي
سيف _ مسك خلينا ننسا كل حاجه
مسك بانفعال_ انت هتمشي ولا اندهلك الامن،
سيف _ انا عارف انك مجروحه بس اديني فرصه لغيت ما اثبتلك
مسك _ ولا نص فرصه
سيف _ انتي وحشتيني، علشان خاطري انسي انا ما صدقت فضيتي شويه
مسك بدموع _ انت محرم عليه ليوم الدين، يلا امشي
سيف بتنهيده_ طيب، هسيبك علي راحتك بس لو سمحتي متتعامليش مع خالد نهائي علشان متهورش
مسك _من غير ما تقول انا بصده من اول ما جينا، علشان انا مش خاينه زيك
سيف _ اه بأماره يارب دايما يا خالت اسمه خالت هو بردو
مسك _ قولت خالد مش خالت
سيف _ قولتي خالت وضحكتيلوه، متكدبنيش
مسك _ اقوله اللي انا عاوزة شئ ميخصكش، ويلا امشي من هنا
سيف _ همشي بس مراقبك ياااارب اشوفه معدي
#خالد
رجعت الاوضه و وقفت شويه بره الباب في انتظار سماع اي صوت يجي من داخل غرفة مسك وانا مقهور ان برغم اللي عملته لسه مع بعض، … ولما دخلت الاوضه لقيت سيف قاعد وحاطط رجل علي رجل وفي ايده مسد. س
سيف يقوم _ خلووود الفاشل، مش كان اسمك كده بردو
خالد _ انت ازاي دخلت هنا
سيف_ يا راجل في حد يسأل زعيم عصابه سابق انت دخلت هنا ازاي
خالد _ وعاوز ايه يا زعيم العصابه
سيف يرفع عليه المسد. س _ اصل سليم موصيني اضربك برصاص لما اشوفك، فاكر سليم
خالد _ مين سليم
سيف _ تؤ تؤ متهزرش، مش عارف سليم… سلييييم يا خالد، سليم اللي قطعت. له صوباعه
خالد _ انا مش عارف بتتكلم عن إيه
سيف _ متستعبطش انت عارف سليم ابن ريماس اللي بعتها توقع بيني وبين مسك
خالد _ ومين ريماس دي
سيف يمسكه من لياقته بغضب _ انا دلوقتي بكلمك كلام بعد كده مش هفكر مرتين قبل ما افر. غ المسد. س في دماغك
خالد يطلع التلفون من جيب سيف ويقفل التسجيل ويبتسم ببرود
خالد ببرود _ ههههه زعيم عصابه،
سيف يزفر بغضب _ ده اللي مضايقك، اوك اديك قفلته،… اتكلم
خالد يشيل ايده من علي لياقته _ عاوز خطيبتي
سيف _ خطيبتك؟… لو مش غلطان ف انت قصدك مراتي
خالد _اختك… اول مره اشوف اخ بيتجوز اخته، انت بنسبالي كنت اخوها ومعرفش حفلتكم اللي طلعتولي بيها فجأه دي،.. خطيبتي ترجعلي والا عليه وعلى اعدائي
سيف يضربه لكمه على وشه _ خطيبتك؟ ثم يلحقه بلكمه اخره _ اختي؟ انا اللي مخليني سايبك عايش دلوقتي، علشان تقول لمسك على اللي عملته، والا كنت دفنتك مكانك
خالد يمسك فكه _ ولما هي شاكه انك خونتها عايشين مع بعض ازاي، ولا كنت بتمثل عشان خيبتك متبانش قدامي
سيف _ مسك بتحبنى مهما تحاول تعمل، ودلوقتي تروح تقولها على اللى عملته والا انت اللى جاني على روحك
خالد ببرود _ لأ
سيف يشد الزيناد ويصوب المسد. س عليه _ قدااامي
خالد _ اللي بتعمله ده غلط
سيف _ قدااامي
مشيت قدامه لغيت اوضة مسك وهو خبط عليها وفتحت
مسك _ نهار اسود، ادخل هتودينا في داهيه
سيف _ ادخل
دخلنا جوه وفضل رافع المسد. س عليه
مسك تحاول تاخد منه المسد. س وهو يتمسك بيه اكتر
مسك _ سيف ارجوك كفايه
سيف _ اسأليه عمل ايه مع ريماس
مسك _ سيف كفايه عشان خاطري
خالد _ ايه الحكاية يا مسك، مين ريماس دي اللي عاوزني اتكلم عنها
خالد بغضب _ انا بحذرك
خالد _ انا مش خايف منك ولا هعترف بحاجه انا معملتهاش، جوزك عاوز يتعالج يامسك
سيف _ رد علي قد السؤال وبس… قولها مين ريماس
خالد _ معرفش حد بالاسم ده
سيف يصوب المسد. س على جبينه _ هعد ل تلاته… 1 2
مسك تشد منه المسد. س _ كفاااايه، اطلعو بره انتو الاتنين
سيف _ هاتي المسد. س
مسك _ لأ، و امشي من هنا
سيف _ هاتى المسد.س يامسك
مسك تصوب المسد.س على راسها _ لو مطلعتش دلوقتي هقتلك نفسي
خالد _ لا يا مسك، سيبك منه ، عشان خاطري بلاش
سيف يمسك ايدها وياخد منها المسد. س _ تحبي اقتلك انا دلوقتي
مسك بدموع _ انت عاوز تعمل فينا ايه تانى،
سيف بعصبيه _ انت اطلع بره
خالد _ بجد انت مريض
سيف _ انت هتطلع ولا
خالد _ طالع،
#سيف
طلع بره وانا قعدت معاها في الاوضه
سيف _ عاوزة تمو. تي نفسك
مسك بدموع _ ولو مطلقتنيش وطلعت من حياتى والله ما هتردد لحظه،
سيف _ انتي ازاي مش مصدقاني
مسك _ عمري ما هصدقك… من فضلك اطلع من حياتي
سيف _ نرجع مصر نبقا نشوف الموضوع ده
مسك _ مش هرجع معاك،
سيف _ لا بقا هترجعي
مسك _ ورقي ضايع
سيف _ انا هتصرف، وارجعهولك
مسك _ طيب اتفضل عاوزة انام
سيف _ هنام هنا
مسك _ لا مش هتنام هنا
سيف يصوب عليها المسد. س _ كلمه تانيه وهصفيكي
مسك تستدير لجهه التانيه وتداري ضحكتها
سيف ينزل المسد. س ويضحك
#مسك.
نومت على السرير وهو على الكنبه، وطول الليل صاحيه وببص عليه هو ونايم، .. مجنون ومتهور بس وحشني
#مريم
رجعت تاني يوم ال Nightclub وسألت النادل اللي كان موجود وقتها يمكن يقولي معلومه، حصلت، وخصوصآ انه صعب اوي اجمع خمسين الف في يومين
مريم _ لو سمحت
النادل _ اهلا بالمشاكل
مريم _ انت فاكرني
النادل _ وانتي تتنسي، في كل مره تسكري وتعمليلنا فضيحه وتمشي
مريم _ طيب لو سمحت، ممكن تقولي حصل ايه معايا اول مره جيت فيها
النادل يفكر شويه وبعدين يرد _ طلبتي عصير وبعدين بقيتي ترقصي وترمي في جزمتك وبقيتي تزعقي مع ياسر فريد، وبعدين مشيتي
مريم _ وياسر مشي معايا
النادل _ مشي بعدك بشويه
مريم _ بقد آيه يعني
النادل _ يمكن خمس دقايق
مريم _ طيب اتفضل دول
النادل ياخد منها الفلوس _ من ايد ما نعدمها
مريم _ لو قولتلي ايه اللي كان في العصير هديك زيهم تانى
النادل _ انا قدمتلك العصير من غير اي حاجه، عصير طبيعي
مريم _ ولا شوفت حد حطلي حاجه
النادل _ لا، مشوفتش
ياسر من الخلف _ المشروب بتاعي يابني
مريم _ انت هنا
ياسر يميل علي البار ويبصلها _ اللي يشوفك انتي وبتحققي يقول انك مش فاهمه بجد
مريم _ هاتلي زيه
ياسر _ مش خايفه حد تانى ياخدك
مريم _ وانت روحت فين لما حد ياخدني
ياسر _ انا مليش دعوه بيكي
مريم _ مجبر تخلي بالك مني
ياسر _ لو شوفتهم بيخطفوكي مش هحوش عنك،
مريم تاخد المشروب من النادل وتشرب وتطلب تانى
مريم _ شوف انا بشرب ازاي وهأمنك علي نفسي وانا مش عارفه انت ممكن تعمل معايا ايه بس مش مهم مبقاش في حاجه اخاف عليها
ياسر _ قولتلك مليش دعوه بيكي، انا ليه ان اخر الأسبوع تنفذي اتفاقك معايا وخلاص
مريم تشرب تاني وتبتدي تسكر _ وليه اخر الأسبوع يلا النهارده
#ياسر
سكرت تاني وراحت ترقص وانا بقيت مركز معاها وبسأل النادل علي اللي حصل
ياسر _ شوفت حاجه غريبه حصلت لما كانت هنا اول مره
النادل _ ايوه
ياسر باهتمام _ ايه
النادل _ الغريب انها سكرت من العصير،، في حد طبيعي يسكر من العصير
ياسر _ مشربتش وسكي يعني
النادل _ لأ مطلبتش يومها
ياسر _ يمكن في حد حطلها حاجه فيه
النادل _ لأ مشوفتش حد جه هنا، وافتكر ان لو في حد عمل كده كان شاهر خد باله لانه كان واقف هنا وقتها
ياسر _ صح،
رجعت ابص عليها لقيت واحد بيرقص جمبها ويتمايل عليها ويلمسها بطريقة مش كويسة، سبت الكاس وروحت عنده وضربته، وخدتها وروحنا العربيه
مريم تنام علي كتفه _ انت خلتنا نمشي ليه
ياسر بخنقه _ قولتلك متشربيش
مريم _ اشمعنا انت بتشرب
ياسر _ علشان انا مبسكرش، انتي اللي بتدهولي ومش بتحسي بنفسك
مريم _ ولما انت عارف كده، ليه مش مصدق اني مش بكدب عليك
ياسر يبصلها _ انتي سكرانه دلوقتي ولا بعقلك
مريم _ تؤ بعقلي
ياسر _ طيب انا حلو ولا وحش
مريم _ انتااا وحش، وانا بكرهك علشان مبقتش عارفه انت وحش ولا كويس
ياسر _ تبقي سكرانه
مريم تعتدل وتبصله _ انت اللي سكران انا فايقه وممكن اعد من واحد لمليون
ياسر _ طيب عدي
مريم _ واحد……… مليون ههههه ضحكت عليك
ياسر _ طيب ما تقوليلي اللى حصل يومها
مريم _ يوم ما اغتصبني
ياسر _ اه
مريم _ انا شربت العصير تماااام وبعدين صحيت ولقيتك في الصاله، تمااام، وكنت قالع.. تمااااام، وبعدين صرخت وبعدين بابا ضربني، وبعدين جوزوني ليك بالعافية
ياسر _ يعني مشوفتنيش انا ومعاكي
مريم بإبتسامة _ لأ مشوفتش،
ياسر _ طيب دخلتي الشقه ازاي
مريم _ معرفش
مبقتش فاهم حاجه، دي بتتكلم هي وسكرانه، اكيد مش هتركز وتكدب، وكلام النادل كمان معقول ازاي هتسكر من العصير، حتى لو قولنا ان حد شربها حاجه، ف ازاي دخلت الشقة… بقيت افكر كتير واخر ما زهقت، خدتها وروحنا الشقه بتاعتي ودخلتها في نفس الاوضه وريحتها علي السرير، ولما جيت اسيبها مسكت ايدي
مريم _ تعاله غنيلي هوي هوي
ياسر _ مليش نفس
مريم _ طيب تعاله العبلي في شعري
ياسر يقعد جمبها وهي تحط رأسها علي رجله
ياسر _ انا مبقتش فاهم حاجه
مريم _ مش حافظ الاغنية
ياسر _ ايوه
مريم _ ولا انا
ياسر يبص للاوضه _ كان المفروض احط كاميرات هنا بس معرفش ليه محطتش
مريم _ عشان تتصور؟
ياسر _ علشان اعرف راسي من رجليه
مريم تلعب في صوابع رجله _ ادي رجليك
ياسر بإبتسامة _ وفين راسي
مريم تعتدل وتلمس شعره وهي تنظرله _ ودي راسك
ياسر يبادلها النظرات_ مين هو يا مريم
مريم _ هو مين
ياسر _ اللي انتي غلطتي معاه
مريم _ انت، بس انا زعلانه منك
ياسر _ ليه
مريم _ عشان بتكدب عليه وتقولي اني كد. ابه
ياسر _ مش عارف مين الكد.اب، بجد مش فاهم حاجه
مريم _ شاهر الكد.اب
ياسر _ شاهر يكد.ب ليه
مريم _ عشان هو قالي انك قولتله علي الحسنه اللي عندي ولما. كلمته قال انه مقولتلهوش
ياسر يشرد شويه _ نامى انتى هتوهينا وتدخلي الدنيا في بعضها
مريم تعتدل وتنام علي صدره وهو يستند على المخده ويمشي ايده علي شعرها
مريم _ غنيلي هوي هوي
ياسر _ هوي هوي
بقيت اغنيلها هوي هوي وانا المفروض اني انومها في المطبخ مش في حضني، بس النهارده زادت حيرتي من نحيتها مبقتش عارف الحقيقة فين، وناويت ادور علي اي دليل اعرف بيه اللي حصل في الليله دي من غير ما هي تعرف
تانى يوم
#زين
بقالي ساعات واصل، وببعت ل نسمه وهي مبتردش، ولما فاض بيه روحت بيتهم، وأسينات فتحتلي
زين _ ازيك
أسيبنات بإبتسامة _ كويسه
زين _ بابا هنا
اسينات _ خرج
زين _ وماما
اسينات _ خرجت، انت عاوزهم ليه
زين _ كنت عاوز اسلم عليهم
اسينات _ خرجو
زين _ نسمه فين طيب
اسينات _ في اوضتها
زين _ هي تعبانه ولا أية
أسينات_ اقولك ومتقولش لحد
زين _ قولي
اسينات _ بابا محرج عليها تخرج من اوضتها
زين _ اممم طيب اقولك حاجه ومتقوليش لحد
أسينات _ قول
زين _ انا بحب الشيكولاتة اوي بس بتكسف اشتري لنفسي ليضحكو عليه
أسينات _ هات اشتريلك انا
زين _ ينفع بجد
اسينات _ ايوة، هات اجبلك واجي بسرعه
ادتلها فلوس ولما مشيت دخلت عند اوضة نسمه وخبطت وفجأه سمعت صوت الشغالة ف فتحت ودخلت بسرعه
نسمه بذهول _ زين
زين يقفل الباب من الداخل ويروح عندها ويحضنها
نسمه تتجاوب معه وتحضنه بشغف
زين _ وحشتيني
نسمه _ وانت كمان
زين _ قلقتيني عليكي، مبترديش عليه ليه
نسمه _ مكنتش عارفه اقولك ايه
زين _ اي حاجه، بس متسبنيش كده
نسمه تبتعد عنه _ المشاكل مش راضيه تسيبني لسه مخلصتش من مشكله الصور و وقعت في مشكله حسام، بس اكبر مشكله، لو حد جه وشافك هنا
زين _ مالو حسام
نسمه _ طلع حقير لما كلمته وقولتله نبعد فضحني في الشارع وبقا يزعق وبابا سمع
زين _ احسن، كده ارتحتي منه
نسمه _ الحمدلله، بس انت ايه اللي جايبك دلوقتي امشي هنتفضح
زين _ قلقت عليكي
نسمه _ كنت هرد عليك بس اهدا شويه
زين _ بصي، انا عاوز اعرف اتواصل ازاي مع اللي بيهددك عشان نخلص من اول مشكله، والباقي سهل
نسمه _ لا انت ملكش دعوه خليه ينشرهم وتبقا بجمله المشاكل
زين _ لا مش هينفع طبعا انتي بتقولي ايه،
نسمه _ لا ينفع، مش هقبل قرش واحد منك
زين _ نسممه يلا عرفيني اتواصل معاه ازاي
نسمه _ لا يا زين، خلي اللي يحصل يحصل، انت مش هتدفع حاجه،… وامشي من فضلك قبل ما حد يجي
زين _ افهمي انا مش هسيبك
نسمه _ وانا قولتلك اني مش هوافق تدفعلي،
زين يلمس وجهها بيديه _ نسمه عشان خاطري، خلينا نعدي المشكله دي
نسمه _ مفيش حاجه من غير مقابل
زين _ هاخد المقابل بعد ما نخلص
نسمه _ ويعالم المقابل هيكون ايه، مش يمكن تعجزني
زين _ اعجزك؟ بقا كده
نسمه _ امشى يازين انا مش موافقه، امشى علشان خاطري
زين _ نسمه
نسمه _ امشى يا زين، بابا هيجي دلوقتي
زين _ مش هسيبك
نسمه _ عشان خاطري، امشى بقا
زين _ طيب كلميني ضروري
نسمه _ ماشي
زين يحتضنها _ خلي بالك من نفسك
بيسيبها وتوقفه عند الباب
نسمه _ زين
زين ينظر لها
نسمه _ بحبك
زين بإبتسامة _ وانا
نسمه _ يلا امشي
طلعت وربنا ستر وملقتش حد في طريقي ولما وصلت بعتلها وهي مردتش
#نسمه
بعد ما مشي كتبت لقاهر القلوب وقولتله يعمل اللى هو عاوزة واني مش هدفع، وقفلت النت وبعد دقايق اسراء كلمتني
اسراء _ ايه اخبارك
نسمه _ كل حاجه انتهت،
اسراء _ يعني ايه
نسمه _ يعني كلمت اللى بهددني وقولتله يعمل اللي هو عاوزة ومش هدفعلو
اسراء _ ياغبيه، دي فضيحه
نسمه _ انا مش هسمح لزين يدفعلي،
اسراء _ زين رجع؟
نسمه _ ايوه ومُصر انه يدفع،
اسراء _ طيب براحتك دي حياتك
#اسراء
كنت مع حسام لما بعتت لقاهر القلوب، وكان هيتهور وينشر الفيديوهات بس انا وقفته، وقولتله يفتح حساب قاهر القلوب ويكلمني لما ابعتله وطلعت من عنده وروحت عند زين
اسراء _ انا اسفه انى جيت تاني بس كان لازم اجي
زين _ اتفضلي
دخلت جوه وفهمته ان نسمه كلمت اللى بيهددها، وانه لازم يقنعها انه يدفعلها والا هتوقع في مشكله كبيره، وفعلا خد تليفونه ودخل اوضته، والاب توب بتاعه كان قدامي ومفتوح، ف طلعت فلاشه كنت محمله عليها فيديوهات نسمه، وقبل ما انسخ حاجه علي الاب توب، شوفت حافظة بأسم نسمه، ولما دخلت عليها لقيت كل الفيديوهات اللي عندي وفيديوهات تانيه ليهم مع بعض هما وبيرقصو ،… حسيت انه وفر عليه كتير ف نسخت الفيديوهات اللي بتجمعهم عندي وشيلت الفلاشه تاني وبعد وقت رجع وقالي انها رافضه
اسراء _ واحنا هنسيبها تضيع نفسها
زين _ مستحيل بس هي مش راضيه تقولي اتواصل معاه ازاي
اسراء _ انا اعرف هنتواصل معاه ازاي
زين _ قولي طيب
اسراء _ المهم دلوقتي الفلوس جاهزة ولا لأ
زين _ ايوه
اسراء _ طيب انا هكلمه بس نسمه متعرفش اني ادخلت عشان ممكن تزعل منى اوي
زين _ ولا هتعرف اني دفعت كمان، بس كلميه بسرعه قبل ما يعمل حاجه
اسراء _ ماشي
بعتله من حسابي على أساس اني صديقتها، واتفقت معاه قدام زين اننا هنتاقبل ويدينا الفلاشه اللى عليها الفيديوهات وهو ياخد الفلوس
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشق بالخطأ (أحببت مجنونة 5))
