رواية الهروب إلى المجهول الفصل الثامن عشر 18 بقلم أروى عادل

رواية الهروب إلى المجهول الجزء الثامن عشر

رواية الهروب إلى المجهول البارت الثامن عشر

رواية الهروب إلى المجهول الحلقة الثامنة عشر

مروان ٠٠٠ تعرف يا عمر انتى مشكلتك ايه .. انك متعودتش من أى واحده تقولك لاء . أو تقف قصادك
عمر ٠٠٠ ( بعصبيه قال ) بس دى مش أى واحده دى مراتى و البنت الوحيده اللي ………
سكت عمر فجأة عندما شعر بما كان سيقول
هنا قال مروان
مروان ٠٠٠ سكت ليه كمل الوحيده ايه..مش قادر تنطقها صح .. غرورك و كبريائك أكبر من حبك
عمر ٠٠٠ أيوه يا مروان هى البنت الوحيده إللى حبتها
طلعت خيانه بتحب راجل تانى غيرى . .
مروان ٠٠٠ حتى لو كانت إيلا بتحب حمز ده مجرد حب مش خيانه .انت متاكده ان إيلا مش ست خيانه
عمر ٠٠٠ مجرد انها عايشه معايا بتحب راجل تانى تبقى خيانه ليا ..
مروان ٠٠٠ طيب و خيانتك انت ليها . تسميها ايه
عمر ٠٠٠دى غير دى .و بعدين هى اتجوزتنى و عارفانى. و عارفه ان ليا علاقات و وافقت على كده
أنا ما خدعتهاش ..انما هى إللى خدعتنى فى حبها لحمزة
مروان ٠٠٠ مش يمكن يكون انت غلطان و ظالمها
عمر ٠٠٠ أنت مش كنت معايا لما صاحبتها قالت انها كنت بتحبوا
مروان ٠٠٠ طيب ماهى قالت بردوا ان إيلا سابت حمزة عشان طمعانه فى فلوسك .. وانت بعد كده اتأكدة بنفسك ان إيلا مش طمعانه فيك .. بصراحة بقى انا مش مصدق رقية دى اصلآ.. مافيش واحده تقول كده على صاحبتها
عمر ٠٠٠ و هى هتكدب ليه
مروان ٠٠٠ غيرة بنات .
عمر ٠٠٠ لو كلامك صح .. ليه إيلا مدفعتش عن نفسها
ليه سكتت لم سألتها عن حبها لحمزة
مروان ٠٠٠ اللى زى إيلا دى أهم حاجة عندها كرامتها و انت جرحت كرامتها لما تهمتها انها بتحب حمزة
عشان كده سكتت أحترم لنفسها و كرامتها مش اكتر
عمر ٠٠٠ عشان كده عايزه تسيبنى صح
مروان ٠٠٠ عمر متخلطش الأمور ببعضها إيلا عايزه تسيبك من معاملتك الوحشة ليها مش عشان حمزة
مسح عمر يده على رأسه بضيق وهو لأول مره يشعر أنه عاجز عن التفكير ثم قال
عمر ٠٠٠ أنا مش عارف افكر مش عارف الصح من الغلط .. انا لازم اتكلم مع إللى اسمها رقية تانى
و اعرف هى كانت بتكدب ولا بتقول الحقيقه
مروان ٠٠٠ سيب عليا الحوار ده .. هتبات هنا النهاردة ولا هتروح البيت
عمر ٠٠٠ مش عارف .
مروان ٠٠٠ هى إيلا لسه فاكرة انك مسافر
عمر ٠٠٠ أكيد لاء. انت ناسى ان صحابها شغالين فى الفندق أكيد قالولها انى رجعت من السفر
مروان ٠٠٠ طيب بينى وبينك من غير غرور .. إيلا مش وحشاك
عمر ٠٠٠ وحشانى بس. ده انا هتجنن و أشوفها. انا بقالى أسبوع ما شوفتهاش.. بس خايف اروح البيت تقول كلمه تعصبنى تخلينى أذيها زى كل مره
مروان ٠٠٠ لازم تتحكم فى غضبك يا عمر
عمر ٠٠٠ كل مره بحاول . و كل مره بفشل
◇◇◇◇◇◇◇◇◇◇◇□□□□□□□□□
منزل عمر
صباح اليوم التالى
=============
ايلا بتجهز كريم و كارما لأول يوم دراسى ليهم
إيلا ٠٠٠ يلا افطروا بسرعة هتتأخروا
كارما ٠٠٠ أنا خلصت
إيلا ٠٠٠ طيب يا حبيبتى شيلى الشنطة يلا
كريم٠٠٠ و آنا كمان اشيل الشنطه
إيلا ٠٠٠ آه. يلا بينا
كنت إيلا مبسوطه لانه أول يوم دراسه للولاد ولأنها هتخرج من المنزل لان بقالها شهر لم تخرج من المنزل
◇◇◇◇◇◇◇◇◇◇◇□□□□□□□□□
المدرسه
=======
ذهبت أيلا مع الطفلين للمدرسه هناك قابلت أميرة
و لبنى و اتفجأت إيلا عندما رأتهم حضنتهم وقالت
إيلا ٠٠٠ ( بدهشه قالت) وحشتونى .. انتم بتعملوا ايه هنا
أميرة ٠٠٠ أنا مش ممكن اضيع عليا أول يوم دراسه لكريم و كارما
لبنى ٠٠٠ و آنا كمان . طبعآ دى كمان فرصه نشوفك فيها
إيلا ٠٠٠ واللهى يا بنات انتم أجدع صحاب فى الدنيا
بعد ما سلموا الطفلين لأدراة المدرسه و اطمنوا عليهم انصرفوا
ثم ذهبوا لكى يفطروا فى إحدى المطاعم
عندما كانوا يتناولوا الفطار . رن هاتف إيلا ثم قالت
إيلا ٠٠٠( بخوف قالت) ده عمر
أميرة ٠٠٠ عادى ردى خايفه ليه
إيلا ٠٠٠ مش عايزه أرد . خلاص ابقى أقوله انى مسمعتش التليفون
لبنى ٠٠٠ كده هيعمل مشكلة و هيتخانق معاكى تانى
إيلا٠٠٠ ماهو كده كده بيتخانق معايا بسبب من غير سبب .
أميرة ٠٠٠ انا مش عارفه هتفضلوا كده لحد امتى
قوليله الحقيقه انك بتحبى و ان مافيش حاجة بينك وبين حمزة
لبنى ٠٠٠ أميرة عندها حق ..إللى زى عمر ده عنده حب التملك و طول ماهو فاكر انك مش عايزه مش هيسيبك . لكن لو عرف انك بتحبى هيحس خلاص انك ملكه . ساعتها هيدور على غيرك
أميرة ٠٠٠ و افرض بقى ان عمر كان بيحبها
لبنى ٠٠٠ هو فى واحد بيحب واحده وبيعمل فيه إللى عمر بيعملوا فى إيلا ده
أميرة ٠٠٠ مش ممكن بيعمل كده عشان فاكر ان إيلا بتحب حمزة . زى ما الزفته رقية قالتله
لبنى ٠٠٠ وهو ايه إللى يخليه يصدقها .مالهوش مخ بيفكر بيه
إيلا ٠٠٠ خلصتوا كلام عليا ولا لسه هتكملوا تانى
لبنى ٠٠٠ معلش بس انا متعصبه من إللى بيعملو عمر معاكى
إيلا ٠٠٠ ممكن تغير الموضوع ده
أميرة ٠٠٠ آه صح مش ياسمين اتخطبت
إيلا ٠٠٠ بجد . فرحتينى
أميرة ٠٠٠ آه بس هتسيب الشغل و ترجع لبلدها
إيلا ٠٠٠ خساره يعنى ياسمين هتسبنا
أميرة ٠٠٠ يعنى الشقه هتفضى عليا
إيلا ٠٠٠ خلاص خلى رقية ترجع تانى
أميرة ٠٠٠ مش ممكن ارجعها تانى بعد ما طاردتها من البيت
إيلا ٠٠٠ يا ستى خلاص المسامح كريم
لبنى ٠٠٠ بعد إللى عملتو معاكى…و الكلام إللى قالتو لعمر عنك… ازاى نأمن ليها تانى
أميرة ٠٠٠ صح يلا بينا هتأخر
إيلا ٠٠٠ هتأخر ليه..هو احنا رايحين فين
أميرة ٠٠٠ أنا حجزتلك عند دكتورة نسا . عشان نطمن على البيبى
إيلا ٠٠٠ تصدقى انى نسيت انى حامل
لبنى ٠٠٠ من حقك انا بردوا مش مصدقه ميكونش حمل كاذب لانى مش شايف اى بطن ظهره
أميرة ٠٠ ياختى أجلى خفية الدم دى دلوقتى
هنتأخر على الدكتوره
ثم ذهبوا الطبيبة
◇◇◇◇◇◇◇◇◇◇□□□□□□□□□
عيادة النسا
=========
كانت الطبيبة تقوم بكشف بالسونار على إيلا عندها قالت الطبيبة
الطبيبة ٠٠٠ يعنى دى أول مره تكشفى
إيلا ٠٠٠ آه دى اول مره
الطبيبة ٠٠٠ بس ده اهمال منك . و احمدى ربنا ان الحمل ثابت .. رغم أن حجم الجنين صغير ..واضح انك متكليش كويس
لبنى ٠٠٠ عشان كده يا دكتور لسه مظهرتش بطن زى الحوامل
ابتسمت الطبيبة و قالت
دكتوره ٠٠٠ ده أول حمل ليها و طبيعى مايكنش ليها بطن ظاهره فى الأول
لبنى ٠٠٠ يعنى ده مش حامل كاذب
ضحكت الدكتوره و قالت
الطبيبة ٠٠٠ لأ مش حامل كاذب ٠٠٠ اهو قدامك الجنين بيتحرك
كنت أمامها شاشه يظهر فيها الجنين هنا قالت لبنى بعفوية.
لبنى ٠٠٠ أيه ده كل دى راس
أميرة ٠٠٠ شكله طلع راسه ناشفه زى رأس أبوه
إيلا ٠٠٠ لاء ده ابنى انا .. هيطلع زى امه
لبنى ٠٠٠ يعنى انتى خلاص عرفتى انه ولد
إيلا ٠٠٠ قلبى حاسس
الطبيبة ٠٠٠ شكل إحساسك صح بنسبة ٧٠%
أيلا ٠٠٠ هو بيبان دلوقتى
الطبيبة ٠٠٠ هو الطبيعى احنا بتعرف نوع الجنين فى الشهر الخامس بس ساعات بنعرفوا فى شهر الرابع زى حالتك كده .. وعلى العموم هنتأكد اكتر من الكشف المره الجاية .. ساعتها هتكونى دخلتى فى الشهر الخامس لانك دلوقتى فى أواخر الشهر الرابع
إيلا ٠٠٠ هو كل حاجة تمام صح
الطبيبة ٠٠٠ كل حاجة طبيعيه غير أن الجنين حجمه صغير . ده طبعآ عشان مخدتيش فيتامينات و مكملات غذائية طول فترة الاوله للحمل .. ده كمان ان المدام إيلا مابتكلش كويس
كان الخوف واضح على ملامح آيلا لذلك قالت
الطبيبة ٠٠٠متخافيش .. انا هكتبلك على فيتامين
و مكمل غذائي.. مع العلاج إللى هتمشى عليه
وكمان فى شوية تحليل هتعمليها . لازم أشوفها ضرورى
أميرة ٠٠٠ نعملها هنا دلوقتى
الطبيبة ٠٠٠ تمام الممرضة بره هى إللى هتعملها التحليل .. مدام إيلا. الاستشارة بعد أسبوعين لو حسيتى باى تعب خلال الفترة دى اتصلى عليا على رقمى الخاص اللى عندك فى الروشته
إيلا ٠٠٠ تمام متشكره يا دكتور
خرجت من عند الطبيبة و عملت التحليل ثم اتطلعت الطبيبة على التحليل و طمنت إيلا
ثم انصرفوا و توجهت لمدرسة الأطفال .
◇◇◇◇◇◇◇◇◇◇◇□□□□□□□□□
فى السيارة إيلا
==========
أميرة ٠٠٠ هتجيبى الولاد و تروحى على طول
إيلا ٠٠٠ آه بس هروح اى مطعم اجيب غدا للولاد الأول . لانى مش قادر اطبخ
لبنى ٠٠٠ إيلا هتعملى ايه . هتقولى لعمر
إميرة٠٠٠ اكيد هتقوله كلها شهر و بطنها تظهر ساعتها هتقول لعمر ايه .عندى انتفاخ فى طفل
آيلا ٠٠٠ أنتى بتهزرى أميرة
أميرة ٠٠٠ ماهو بصراحة ماينفعش عمر مايعرفش
إيلا ٠٠٠ عمر لو عرف هيطلب منى انزل البيبى
لبنى ٠٠٠ خلاص ماعدش ينفع الجنين ينزل انتى فى الشهر الرابع
إيلا ٠٠٠ ساعتها بفلوسه هيجيب أكبر دكاتره عشان ينزلوا البيبى. غصب عنى
لبنى ٠٠٠ أيه الدنيا سايبه
إيلا ٠٠٠ احنا فى زمن الفلوس هى إللى بتتحكم فينا
أميرة ٠٠٠ حتى لو معرفش منك دلوقتى شويه هيعرف لما بطنك تظهر
إيلا ٠٠٠ عشان كده لازم عمر يسيبنى قبل ما بطنى تظهر
لبنى ٠٠٠ أنتى جربتى معاه قبل كده و عرفتى انه عمره ما هيسيبك
إيلا ٠٠٠ يبقى ههرب منه.. دى حاجة مش جديده عليا عملتها قبل كده
أميرة ٠٠٠ تقصدى ايه بأنك عملتيها قبل كده .
إيلا ٠٠٠ ولا حاجة انسى .. احنا وصلنا للمدرسة
اخذت إيلا الطفلين من المدرسة ثم وصلت الفتيات
ثم قالت
إيلا ٠٠٠ قولولى عايزين تتغدوا ايه
قالوا فى نفس واحد
كريم و كارما٠٠٠ بيتزا
كريم ٠٠٠ بس بالجمبرى
كارما ٠٠٠ لأ بالفراخ
إيلا ٠٠٠ خلاص . خلاص هتجيب اتنين
جابت إيلا البيتزا ثم قالت
إيلا ٠٠٠ كريم خلى الكيس ده جانبك
كريم ٠٠٠ أيه ياماما هو انتى عيانه
إيلا ٠٠٠ لأ يا حبيبى انا كويسه
كارما ٠٠٠ آمال بتاع مين العلاج إللى فى الكيس ده
إيلا ٠٠٠ بتاعى
كريم ٠٠٠ عشان بطنك إللى يتوجعك على طول مش كده
إيلا ٠٠٠ آه صح يا حبيبى ده علاج عشان بطنى إللى وجعانى
كارما ٠٠٠ و ايه الورق ده يا ماما
إيلا ٠٠٠ ده تحليل
كارما ٠٠٠ يعنى ايه تحليل
هنا وصلوا للمنزل
إيلا ٠٠٠ طيب نطلع البيت واقولك يعنى إيه تحليل ماشى
◇◇◇◇◇◇◇◇◇♡□□□□□□□□□
منزل عمر
========
دخلت إيلا المنزل و هى شايله البيتزا أما كريم شايل كيس العلاج
أول ما دخلوا المنزل سمعوا صوت عمر و هو جالس على الأريكة يدخن سيجاره بغضب و يقول
عمر ٠٠٠ كنتى فين يا هانم
بلعت ريقها بخضة قبل ما تتكلم قالت كارما
كارما ٠٠٠ عمر وحشتنى
ثم ركضت و حضنته
كريم ٠٠٠ جيت امتى
عمر ٠٠٠ (قال بضيق وهو ينظر لإيلا ) من الصبح
كريم ٠٠٠ جبتلى العجلة إللى انت قولتلى عليها
كارما ٠٠٠ وانا كمان عايزه عجلة زى كريم
كريم ٠٠٠ لاء انتى بنت ماينفعش تركبى عجلة
كارما ٠٠٠ و ايه يعنى ماما قالتى البنت زى الولاد
كريم ٠٠٠ يا سلام ازاى يعنى البنت زى الولاد
عمر ٠٠٠ خلاص . انا هجيبلكم انتم الأثنين
كريم ٠٠٠ امتى
عمر ٠٠٠ بكره هخدكم اجيبلكم إللى انتم عايزينوا
صارخوا الطفلين بفرحه
هنا قالت إيلا
آيلا ٠٠٠ يلا روحوا غيروا هدوم المدرسه
و اغسلوا ايدكم و تعالوا كلوا .. قبل ما البيتزا تبرد
انصرفوا الولاد لغرفتهم.. وهنا عمر قال
عمر ٠٠٠ مردتيش على اتصلى ليه . و اوعى تقولى انك ماسمعتنيش
إيلا ٠٠٠ لاء سمعتك بس ماكنتش عايزه أرد ..
عمر ٠٠٠ بتعترفى عادى يعنى. تمام هتتحسبى علي كده بس الأول عايزه أعرف كنتى فين
إيلا ٠٠٠ ما انا قولتلك أنى هودى الولاد المدرسة
عمر ٠٠٠ أنتى طالعه من البيت الساعة ٧ الصبح و دلوقتى الساعة ٣ العصر قوليلى كنتى فين الوقت
ده كله
إيلا ٠٠٠ ( قالت بأرتباك ) فى ايه يا عمر هو تحقيق
عمر ٠٠٠ إيلا متعصبنيش وقولى كنت فين .
إيلا ٠٠٠ أستنيت الولاد لما يطلعوا من المدرسه و….
قطع عبارتها وقال
عمر ٠٠٠ عايزه تفهمينى انك فضلتى واقفه قدام المدرسه لحد لم خرجوا
إيلا ٠٠٠ لأ مش كده بالظبط بس
وهنا خرج كريم من غرفته وقال
كريم ٠٠٠ ماما احط العلاج بتاعك فين
نظر عمر لكريم وقال
عمر ٠٠٠ علاج ايه ده
كريم ٠٠٠ علاج ماما عشان بطنها
هنا ركضت إيلا مسكت كيس العلاج من كريم بخوف
عمر ٠٠٠ ( بأستغراب قال) بطنها مالها بطنك يا إيلا
إيلا ٠٠٠ ( بخوف قالت) ولا حاجة … بطنى مافهاش حاجة
عمر ٠٠٠ ورينى العلاج ده
إيلا ٠٠٠ لاء مالهوش لازم
عمر ٠٠٠ مالهوش لازمه ازاى يعنى و بعدين انتى مش عايزه تقوليلى مالك ليه
كارما ٠٠٠ دى ماما بطنها بتوجعها
ارتبكت إيلا وهى تقول كاذبه
آيلا ٠٠٠ ده علاج لمعدتى . عندى التهابات فى المعدة ..اظاهر اخده برد فيها
عمر ٠٠٠ يعنى انت. كنت بتكشفى على معدتك النهاردة
إيلا ٠٠٠ آه روحت كشفت النهاردة
عمر ٠٠٠ طيب ليه قولتليش انك تعبان
إيلا ٠٠٠ عادى الموضوع مش مستاهل يعنى
عمر ٠٠٠ أنتى شايفه انه مش مستاهل
كريم ٠٠٠ أنتو هتتكلموا كتير البيتزا هتبرد
عمر ٠٠٠ كلوا انتم انا داخل أرتاح شويه
هنا غمضت إيلا عينيها وهى تأخذ نفس طويل و تحمدالله آنا الموضوع مر بسلام ان عمر معرفش حاجة
بعد ما تناولوا الغداء ذهبوا الطفلين لغرفتهم لأداء واجباتهم المنزليه و إيلا معاهم .
إلى أن جاء المساء هنا قالت
إيلا ٠٠ يلا عشان تناموا
كريم ٠٠٠ لسه بدرى
إيلا ٠٠٠فى مدرسه بكره الصبح
كريم ٠٠٠ هتودينى المدرسة زى النهاردة انتى و أميرة و لبنى صح
إيلا ٠٠٠ مش عارفه لما أشوف الصبح
بس أميرةو لبنى مش هيعرفوا يجوا تانى لانهم كانوا اخدين النهاردة اجازة مخصوص عشانكم من شغل ..يلا بقى بطلوا كلام
و تناموا
كارما ٠٠٠ طيب اتفرج على التليفزيون شويه
آيلا ٠٠٠ لاء يلا على النوم
كريم ٠٠٠ اففف بقى
إيلا ٠٠٠ سمعتك على فكرة يلا تصبحوا على خير
ثم غادرت الغرفة ثم ذهبت لغرفتها
◇◇◇◇◇◇◇◇◇
كان عمر مستلقى على الفراش عندما دخلت الغرفة نظره إليها عمر لكنها تجاهلت وجوده
و اتجهت الدولاب و اخذت ملابس لها
و ذهبت للحمام
بعد ما اخذت شاور خرجت من الحمام وهى ترتدى بجامة ستان ثم بدأت فى تمشيط شعرها
هنا اقتربه منها عمر و قامه هو بتمشيط شعرها
ارتبكت إيلا من اقترابه منها لذلك قالت بتوتر
إيلا ٠٠٠ خلاص انا هسرح لنفسى
هنا اقترب منها أكثر و لف ذراعه على خصرها و يده الاخرى مازالت تمشط شعرها و يلمس وجهها وهو يقول يحنيه
عمر ٠٠٠ ششششش .. شعرك حلو و بشرتك ناعمة زى البيبهات . و رايحتك بتجنن بتجذبنى ليكى زى المغناطيس
شعرت أيلا بحرارة تسرى فى جسدها بسبب اقترابه منها ٠٠من كلماته و لمساته التى دائمآ فقدها صوابها
و بدء وجهها يحمر من الخجل
و هنآ لف وجهها له فجأة و تغيرت ملامحة لغضب هو يقول
عمر ٠٠٠ أنا عارف انتى كنتى فين النهاردة
هنا بلعت أيلا ريقها برعب و…….