رواية احلام في عيون وقحه الفصل الثاني 2 بقلم منة محمد
رواية احلام في عيون وقحه الجزء الثاني
رواية احلام في عيون وقحه البارت الثاني
رواية احلام في عيون وقحه الحلقة الثانية
في بيت سراج تحديدا ع السفره احلام رايحه جايه تخدم عليهم وبعدها أأعدت وبعد الاكل قامت لمت الاطباق وعملت الشاي
نرمين بصتلها مبتسمه: والله بنت حلال كان نفسي في كوبايه شاي
اسيا: بقولك ايه يامراه اخويا امال امتي ناويه تجوزي المحروس ابنك
نرمين: قريب خالص ده ابني الوحيد ونفسي افرح بولاده ( بصت لمايا)وناويه اعمل ده بسرعه
اسيا بضحكه: ياختي انا معاكي ليه شايله الهم
نرمين: وانا فعلا جيالك النهاردة بشكل خاص لاني عارفه ومتأكده انك اكتر واحده ممكن تساعدني ياختي سلايفي بيغيروا مني وبيحقدوا لما يشفوني مبسوطه . وانا بعزم ع فرح ابني
اسيا اتصدمت: انتي قلتي ايه مراه ابنك مين؟!
نرمين ابتسمت: بقول اني جايه اعزمكم ع فرح ابني اتفاجئت لما بلغني هو اتجوز ونازل بيها اجازه هتبقوا تشوفوها بنت جميله ماشاء الله ومحجبه رغم اجنبيه وانا عايزكم تساعدوني في الفرح هنعمله في جنينه بيتنا(قامت) انا لازم امشي الوقت اتأخر سلام يا مايا اه هبعتلكم العربيه هاتي احلام ومايا
سراج دخل: السلام عليكم ازيك يا مدام نرمين
نرمين: الحمد لله عن اذنك
سراج بتعجب: هي مالها مستعجله كده
مايا حست بنار جواها تغلي ونفسها تطفيها بأي طريقه بصتلهم وجريت ع اوضتها واسيا واقفه مكشره ع اخرها
احلام: مايا مالها حصلها ايه؟ يامراه خالي
اسيا بحرقه: ابن الوليه دي اتجوز ونازل اجازه يعمل فرح كبير هنا , ده انا طلعت عيني من صباحيه ربنا عشانها وطلعت خبيثه منافقه مبطلتش مدح في جمال مايا والنهارده مفصلتش مدح ووصف في جمال مراه ابنها الاجنبيه قدامي, ربنا ما يفرح ابنها وانشاالله بيته يتخرب وهتشوف مش هيستقر ليوم واحد
سراج بيجز علي اسنانه عشان يقدر يتحكم في صوته: لله اسكتي دماغي مصدع, وبعدين انتي مالك , ليه مش قادره تفهمي جواز البنات مش بيحصل بالثروه والفلوس ولا المكانه الاول الاحترام والنيه الطيبه , رفضتي عرسان كتير انتي وبنتك, البطر ده المولي بيكره, اتعلمي درس من الي حصل اليوم واسمعيني كويس لو جه عريس لمايا دلوقت هجوزها وده قراري
اسيا بصتله وهو ماشي وشالت الهم لان نفسها في واحد غني جدا لبنتها
احلام طبطبت عليها: متقلقيش انه قال كده
……………..قصص منه محمد كاتب……………
يوم جديد في بيت عائله مروان
مروان دخل وشد اللحاف: رنا
رنا بصوت كله نوم: خير يا مروان
مروان: انتي لسه نايمه قومي فيه موضوع مهم
رنا قامت قعدت بغيظ: خير لاء خلاص عرفت مايا عجبتك زهقتني من امبارح ودلوقت مصحيني يوم اجازتي كنت ممكن تقولي لما اصحي
مروان: اصحي حالا , هتاخدي امي وتروحي بيتهم النهارده ولو عايزني اروح معاكم ,لان لازم كله يخلص النهارده
رنا: هو فيه ايه انت اتجننت ده مش بالبساطه دي ما يمكن مايا مخطوبه
مروان: ويمكن لسه خليني اجرب حظي رنا انتي هتعملي ده عشاني
رنا: حاضر يا مجنون
سلوي دخلت بغيظ: انا مش فاهمه ليه نروح نخطب فجأه مش الاول نعرف مين هما اخلاق البنت وتربيتها وسلوكها دول اهم حاجه والاهم من ده كله ام البنت نفسها لان البنت بتاخد طبع امها
مروان: ياربي يا ماما لو فكرت كده مش هتجوز ابدا , وبعدين انتي ليه قلقانه يا ماما رنا بتضمنهم
سلوي: رنا دي عبيطه وهبله , متعرفش معادن الناس , كلامي واضح انا هاقبلهم في الاول وافكر بعدين اطلب ايدها
مروان: كل ده تكون اتجوزت واحد تاني ارجوكي يا ماما وافقي هو انتي عدوه فرحتي
سلوي: يعني اضربك ع وشك
رنا ضحكت: ماما سلوي مايا بنت كويسه جدا, وانا اراهنك مش هترجعي من عندهم غير وانتي موافقه احلام بنت كويسه وهي اختها وبنت خالها ارجوكي وافقي
سلوي: خلاص طالما موافقين ع خيره الله نشوف
مروان باس خدها بفرحه: بحبك يا ماما هعملك عصير
رنا ضمتها: انتي جميله جدا يا ماما سلوي
سلوي شدتها لحضنها وقالت بغيظ: بس الواد ده مجنون, ايه في البنت دي مميز عشان يحبها بسرعه كده
………….قصص منه محمد كاتب…………….
احلام بصتلها: خلاص بقي يا مراه خالي عيطتي كتير كدا هتتعبي
اسيا بنرفزه: ماهو البركه في خالك , هو مش بيهمه سعاده بنته , المدرسه والتعليم وبس ويوم ما يجيب عريس يبقي شبه فقير ومعدوم
احلام: بس محترمين زي خالي ودول نادرين جدا خالي قلبه طيب
اسيا: ياختي هناكل احترام الناس بتبص للمظاهر
سراج دخل وبصلها: احلام قومي اعمليلي كوبايه شاي
احلام قامت تلفونها رن سراج تابع:ردي الاول شوفي مين
احلام : دي رنا(ردت) خير يا رنا متصله ليه بدري كده
رنا: عايزه اشوفك هقولك حاجه مهمه عن مايا ومروان
احلام: تمام نتقابل
……………قصص منه محمد كاتب………….
في كافيه
رنا: مروان اخويا عجبته مايا جدا وعايز يتجوزها من ساعه ماشافها هيتجنن, عمري ما شوفته مهتم ببنت للدرجه , بقي مجنون بمايا عارفه ده الحب من اول نظره
احلام: ده وانتي الصادقه غباء , واحد لايعرف عنها اي حاجه وشافها مره واحده ويحبها بجنون, متضايقيش مني مروان واضح انه طايش وهايف وشخصيته ضعيفه
رنا: بس طيب وهو بجد هيسعدها وده ع ضمنتي هيكون عبد ليها
احلام: مش مهم يكون عبد ليها , لان مايا مش هتبقي سعيده معاه , لانه مش الشخصيه الي عايزها انا عرفاها , وعارفه دماغها
رنا: متقوليش كده عارفه مروان مش عايز يسمع اسم بنت تانيه غيرها ها هتقنعي مايا
احلام: انتي اتجننتي في نفوخك ما انتي عارفه مايا مش بتحب تسمع لحد ده غير امها مش هيعجبها واحد زي مروان
رنا: احلام اتكلمي مع خالك ع طول قوليله عن مروان وانه اخويا مش هيرفض ولما يتكلم معاهم في الييت الي ربنا كتبه هيحصل
احلام: مش عارفه بس حاسه ان كل ده غلط
رنا : ليه متردده حاولي
احلام: تمام يله عشان اتأخرت
رنا: يله
……………..قصص منه محمد كاتب……………
مايا بنفعال : مين الي عزم دول من غير اذني, ايه الاستهبال ده , هو انا هلفوته لدرجه ارحب بكل من هب ودب وباي حد يجي البيت
اسيا: انا مكنتش عايزه كده, لكن ده قرار ابوكي قال لـ احلام يوم اجازته تجيبهم , وبعدين فين المشكله لو قابلتيهم هما اهل رنا
مايا بغرور:وهما اهل رنا دول طبقه راقيه , هما نفس رنا معرفش هما مين
اسيا بغيظ: النار ولعتها احلام لو متكلمتش قدام ابوكي كنت هرفض بس دي راديو لازم تقول كل حاجه لخالها
مايا بصرخه: قولي لخالها يجوزهولها طالما متقدملهاش واحد لحد دلوقت
اسيا: اعمل ايه يارب , وبعدين انتي رايحه فين كده
مايا: رايحه اشتري من المول حاجات
اسيا: روحي بكره
مايا: هما ضيوف جوزك ايه الداعي اقابهم
اسيا: يابنتي حاولي تفهمي, و انا اوعدك مش هعمل حاجه ضد رغبتك بس لمي الدور
مايا بصتلها بقرف ومشت ناحيه الباب
اسيا: مايا
مايا لفت وبصتلها: راجعه بعد شويه اطمني
دخلت المول واختارت شويه اكسسوارت وطالعه السلم الكهربائي وهو نازل والاتنين وقفوا في نفس اللحظه ولفوا لبعض
مايا ببتسامه: سلطان منير
سلطان: مايا هو انتي هو ده حلم بجد انا مبسوط جدا لما شوفتك عامله ايه
مايا: كويسه بس بجد مدهش انك افتكرتني رغم فات مده طويله
سلطان: انا منستكيش لحظه غير وانا بفكر فيكي بس مشاغل الدنيا بتاخدنا وحقيقي الشغل مش مخليني ابص لحياتي لكن اتقابلنا
مايا: كلمني اكتر عن نفسك انت فين وبتعمل ايه
سلطان: من يوم ما رفضتيني وكسـ رتي قلبي بعدها سافرت بره سنه , وبعد مـ وت
والدي رجعت ومن يومها وانا بشتغل الثروه والاراضي شغلوني كتير, لازم اهتم بكل ده بما اني وحيد , ع اي حال انا جيت هنا في شغل, وسعيد جدا اني شوفتك
مايا بأبتسامه ودلع: وانا كمان سعيده اني شوفتك اسفه اتأخرت وانت اكيد اتأخرت
سلطان: لا اطلاقا مش متأخر ومش هسيبك تمشي بسرعه اظن ليا حق عليكي
مايا: اوكيه
سلطان: نقعد في كافيه المول
مايا: تمام
………………قصص منه محمد كاتب…………
في منزل سراج مروان وصل مع امه واخته وسراج استقبلهم اكبر استقبال
احلام: هي مايا لسه مرجعتش الناس وصلوا
اسيا بتفرك في كفوف ايدها بتوتر وقلق: قلت لها ترجع بدري معرفش ليه مجاتش , ومعرفش ليه دول جم بدري مش عارفه اعمل ايه
احلام: متقلقيش زمانها جايه بتصل بيها
اسيا : اتصلت تلفونها مقفول الكل هنا ناوي ع اهانتي , لو مجاتش قبل ما يمشوا خالك
هيـ قتلني ده عمال يبصلي بغضب كأني مشيت بنتي عشان احرجه قدامهم
احلام: خلاص اهدي مش هيحصل حاجه ولو حصل انا هغطي الامر
اسيا: طبعا ماهو انتي السبب في المشاكل دي
احلام: ليه ذنبي ايه بس؟
اسيا: كان لازم ترفض طلب رنا من بره بره , انتي عارفه كويس مايا مش هتتجوز من الشاب ده , دي رفضت احسن منه
احلام كتمت حزنها واهانتها : يامراه خالي مروان مهندس وشغال في شركه كبيره ,وعايش مع امه ورنا هتتجوز كمان شهر ارجوكي فهمي مايا خليها تفهم ان مروان مش اي كلام
اسيا: هقتنع لما اعرف ظروفهم ووحجم بيتهم كبير ولا صغير
احلام: ايه الفرق بيت كبير ولا صغير اهم حاجه الراجل الي هتعيش سعيده معاه لو ربنا رايد انا واثقه مايا هتعيش سعيده
اسيا: لايمكن يحصل ده ان بنتي نفسها تعيش في مستوي عالي ،ومرتبه يادوب يكفيها بالعافيه دي تتخنق انا رسمت احلام تانيه لبنتي ولا يمكن اسيب احلامي تمـ وت وتعيش بنتي حياة من غير هدف، روحي شوفيه لو سألك اخلقي اي عذر
احلام:حاضر هشوف
اسيا مسكت دماغها بخوف: راحت فين البت دي
…………….قصص منه محمد كاتب………………
في الكافيه
سلطان بصلها: ها اتجوزتي
مايا: لسه
سلطان عقد حواجبه بدهشه: معقول
مايا بتناكه :ايه الداعي تستغرب انا برفضهم بمزاجي , كل يوم عريس شكل ومحدش فيهم عجبني
سلطان بضحكه: عارف غرورك , اظن جربته مش بتقبلي حد بسهوله ,معظم شباب الكليه
كان هيـ موتوا عليكي وانتي ولا هنا, فاكره
مايا: انسي كله من الماضي وانتهي, انا متاخره , وماما كل شويه تتصل لازم امشي
سلطان :مش هسيبك تمشي اتقابلنا بعد سنه ونفسي اتكلم معاكي كتير, ليه مستعجله ردي ع والدتك وقوللها انك هتتاخري
مايا: دلوقت مش هينفع قولتلهم في البيت مش هتأخر واتاخرت جدا
سلطان بخبث: خلاص هوصلك بعربيتي لحد باب بيتك, وبكده ابقي عرفت بيتك فين ،ربما نتقابل يوم
مايا :يله
………………قصص منه محمد كاتب…………
احلام دخلت حطت صنيه الشاي واسيا وراها وقعدوا
سراج: احلام قدمي الشاي
احلام قامت: حاضر
سلوي: مبسوطه اني اتعرفت عليك يا استاذ سراج بصراحه كنت قلقانه شويه بخصوص طبيعتكم وحالكم اظن عارف انواع الناس اليوم , جواهم حاجه وبراهم حاجه تانيه , لكن انت نعم الناس , ربنا يبارك في عمرك
سراج بصلها بمتنان : ربنا يعزك وانا سعيد بكلامك , وسعيد اكتر بالدعوه , بعد الاب والام محدش بيدعلنا وصدقيني انا مبسوط جدا بنسابكم يا حجا سلوي
اسيا من غير نفس : الجواز قسمه ونصيب , ومحدش عارف مين نصيب مين , انه يتقدم عريس للبنت امر عادي , واحنا كل يوم جاي لمايا واحد شكل
سلوي بصت لمروان الي حس ان فيه حاجه من وري الكلام !
سراج بصلها بغيظ وسالها: فين هي مايا خليها تيجي
احلام : هقوم اشوفها
…………….قصص منه محمد كاتب…………….
في المدخل
رنا: كان لازم تمنعيها شايفه الوضع, بايخ ومحرج جدا , هيفتكروا ايه الي جاين عشانها مختفيه
احلام بتوتر: هي مش بتتأخر كده , معرفش راحت ليه اليوم ده بالذات , اكيد جايه اصبري شويه
رنا: يا مسهل
احلام شافتها بتزق الباب: اهي وصلت _ جريت عليها بلهفه_ كنتي فين الناس مستنين من بدري يله غيري هدومك بسرعه
مايا بقله ذوق : ليه انا كده كويسه وكتير عليهم واحمدي ربنا اصلا اني رجعت_مشت بعدم مبالاه _
رنا اضايقت من طريقتها المعجرفه وقال بغيظ : يعني اضـ ربها ع وشها ايه العجرفه دي
احلام بأحراج: متزعليش انتي عارفه هي كده متضايقيش
رنا: عشانك هسكت
احلاك: يله تعالي ندخلهم جوه
مايا دخلت وهي مكشره ووراها احلام ورنا ومروان بصلها وابتسم وهي كشرت وهو ابتسامته اختفت
سراج: دي مايا بنتي
سلوي: ماشاء الله البنات رحمه ونعمه في البيت
سراج: حلويات البيت ياحجا
سلوي: صح واحنا بيبقي نفسنا نقوم بواجبنا ناحيتهم ع اكمل وجهه
سراج: فعلا
سلوي: مروان قدامكم واحنا ناس بسيطه بس بنفهم في الاصول ولو حصل نصيب هنجيب كل طلباتكم وان شاء الله توافقوا علينا ونمشي من عندكم بخبر حلو
سراج: ان شاء الله
اسيا بنبره ناشفه حاده: طبعا زي ما انتي شايفه , بنتي مش ناقصها حاجه دي واحده من اللوف متعلمه, ومثقفه , وشيك وبفكرلها في مستقبل كبير حقها وواجب علينا متزعليش من كلامي هنفكر ونرد عليكم
سراج اتعدل باحراج وتابع يغطي ع اسلوبها الواقف وقال: يمكن اسيا شايفه منوافقش بسرعه , هي بتتكلم حسب التقاليد , بس انا عن نفسي معنديش اي اعتراض , ومرحب جدا بمروان , واننا هنبقي عايله يربطنا نسب , عشان كدا انا موافق
مايا إنقهرت وبصت لـ اسيا بغضب وقامت بندفاع
سراج :احلام هاتي الشربات
احلام : حاضر دقيقه واحده
سلوي بفرحه:انت ادتني اكبر سعاده في حياتي , هدعيلك من قلبي
سراج ابتسملها: الف شكر يا حجا سلوي , وقريب هنحدد معاد الفرح
…………………قصص منه محمد كاتب……………..
في غرفه مايا قعدت بعصبيه ع السرير
اسيا: مايا اسمعيني
مايا قامت بعصبيه وبصريخ: قلت لك مش عايزه اقابلهم, لكن انتي ولا سمعتي واجبرتيني ودلوقت هتتحملي المواجهه كلها, لاني رافضه بوضوح , روحي حالا يلغي بابا , اني مش قابله قراره
اسيا: انا معرفش قالت له ايه ام مروان مبقاش عنده استعداد يسمعني واتخانقت معاه كذا مره هو مفكر ده اخر عريس ليكي بيعاند وبس
مايا حطت ايدها في وسطها بغرور: يعني عناده اكبر من عنادي هي دي حياته ولا حياتي مين هو عشان ياخد قرار في حياتي
احلام دخلت وبنرفزه: اتكلمي بأدب يا مايا ازاي تقولي كده عن خالي والقرار الي بياخده بيكون لمصلحتك
مايا: جات خدامه خالها مفيش داعي تدخلي امي قوللها تمشي من قدامي
اسيا بشخط: لو مجاتش رنا الشر معاكي مكناش واجهنا المشكله دي عملتلك ايه بنتي
احلام لئلئت عيونها بالدموع: وانا ليه هجيب الشر لمايا دي اختي وبحبها
اسيازعقت فيها : فيه فرق بين الكلام والفعل
مايا بصتلها بحقد : لو بتحبيني كتير امشي بلغي رنا برفضي , ولو كان عندهم شويه دم مش هيجوا هنا تاني امشي
ياتري احلام هتطردهم؟ وليه احلام مستحمله الذل ده هنعرف مع الاحداث المهم هل عجباكم الروايا اكمل
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احلام في عيون وقحه)
