رواية احلام في عيون وقحه الفصل الأول 1 بقلم منة محمد
رواية احلام في عيون وقحه الجزء الأول
رواية احلام في عيون وقحه البارت الأول
رواية احلام في عيون وقحه الحلقة الأولى
الصبح الساعه تمانيه في بيت متواضع وبسيط الاتوبيس زمر
احلام قامت من ع السفره: الاتوبيس وصل
سراج : يابنتي كملي فطورك ليه السربعه يستناكي خمس دقايق
احلام بتلف الطرحه: لاء هو مستعجل عشان بيلف ياخد ناس كتير
سراج:بس انتي مأكلتش حاجه كلي وانا هطلع اتكلم معاه
احلام: لاء لما اجوع هشتري اي حاجه من كانتين المدرسة متقلقش عليا
سراج كشر : هتلاقي ايه في كانتين المدرسه غير السندوتشات البايته الحمضانه والعصير المنتهي الصلاحيه انا بحذرك تاكلي اي حاجه والا هتمرضي
احلام لبسته النظاره: حاضر يا خالي اه مراه خالي متصحيش مايا المسكينه كان عندها صداع ونامت متاخر يله سلامو عليكم
سراج: وعليكم السلام
احلام رجعتله: اه قبل ما انسي خالي متاخدش دروس بعد المدرسه عندك ارهاق بقالك ثلاث ايام ارجع بدري يله سلام
سراج اتنهد وابتسم : ربنا يسعدها بتهتم باموري كتير , اوقات بحس اني مش خالها هي الي امي
اسيا عوجت شفتها وقالت: الشاي برد لما اقوم اعملك غيره
سراج: لاء اقعدي يا اسيا عايز اتكلم معاكي
اسيا قعدت مكانها: خير عن ايه
سراج: جالي عريس امبارح لمايا وهو شاب كويس موظف في بنك وعنده شقه ملك واهله اعرفهم من 22 سنه اظن مفيش احسن من كده
اسيا: كل ده كويس بس الاهم يعجب بنتك وبقولك من دلوقت هي مش هتوافق ومش هيعجبها امكانياته وهترفض وانت كمان ارفض
سراج بعصبيه خفيفه: ايه الحكايه ليه بتعمل كل العمايل دي هي عايزه ايه رفضت كذا عريس والوقت بيعدي بسرعه, دي اكبر من احلام بخمس سنين ليه مفهمتهاش لو كبرت عن كده فرصتها هتقل
اسيا مصمصت شفايفها شمال ويمين: الي يسمع كده يقول عندها خمسين سنه دي لسه 26 سنه مسيرها تتجوز احنا نصلي وندعي ونقول يارب
سراج: انا دايما بدعي لو انا مدعتش لبنتي مين هيدعي, لكن لازم تكون نيتها كويسه , والله اعلم البنت دي نيتها ايه من جوه
اسيا: اسمع بس يا سراج انا عندي ابن اخويا شاب كويس ويمكن يتقدملها مين عارف مراه اخويا قالت ان مايا عجباها كتير وابنها مستقر في الامارات واختها مره قالتلي واحنا بندردش نفس الكلام و شكلها كده هتطلب ايد بنتي لـ ابنها
سراج قام وقف وميل عليها وقال: تبقي مستنيه المشمش يطلع قبل اوانه , فيه فرق بين الوهم والحقيقه انا ماشي
اسيا بصتله بقرف وقامت لما التلفون الارضي رن اخدت السماعه وردت: الو …..اهلا يا مراه اخويا ياختي عمرك اطول من عمري كنت لسه في سيرتك مع سراج…..ايوه طبعا تشرفي ده بيتك ومطرحك..مستنياكي تنوري مع السلامه
اسيا قفلت السكه وهي طايره ع غرفه مايا: مايا قومي الساعه تسعه
مايا: اوف يا ماما اقفلي الشباك النور دخل في عيني
اسيا: افتحي عينك وقومي استعدي بسرعه جايلنا ضيوف
مايا: مش هقابل حد قلت لـ احلام بالليل محدش يصحيني الصبح بس البت دي مش بتفتكر كلامي امشي
اسيا سحبت المخده من عليها: يابنتي مراه خالك نيرمين اتصلت وعزمت نفسها ع العشاء معانا
مايا اتعدلت وعيونها زاغت في كل مكان بسعاده كأنها مش مصدقه
اسيا: يله قومي شوفي هتلبسي ايه
مايا صققفت بحماس: واو مراه خالو جايه
اسيا: لازم نقدم احلي حاجه عندنا دي هي بنفسها طلبت تتعشي عارفه بحب فيها انها بتشيل التكلف وتحسسك انها واحده منك , يوه ليه بتشربي من الازازه فيه قدامك كوبايه
مايا قلبت شفتها بقرفه: معرفش مين شرب فيها
اسيا: عارفه هي بتحبك كتير وبتقول انك اجمل واحده في بنات العايله كلها
مايا قعدت ع الكنبه متربعه : بس اشتري الاكل كله جاهز
اسيا: لاء مش هجيب اكل من بره كده ههدر الميزانيه وهتأثر
مايا بغيظ: : يا ماما لو اتعمل الاكل في البيت هيطلع كله عك
اسيا: يابنتي الاكل الجاهز غالي ومش زي الاكل البيتي
مايا حطت ايدها واتخصرت : انسي وبعدين هي ميزانيتك بتكفينا حتي لـ اخر الشهر الاكل هيكون جاهز من بره
اسيا: مراه خالك القرش معاها كتير جوزها في الكويت وابنها الوحيد في الامارات عيني علينا لما الفلوس تبقي متوفره تبقي البطن شبعانه والعين مليانه يله قومي افطري وبعدها نضفي البيت انا بقول تلاقيها جايه لموضوع معين والا مش هتتصل وتعزم نفسها كمان
مايا: احلام تنضف قوللها ترجع من شغلها بدري (قامت)
اسيا :خلاص هقولها ترجع بدري انتي رايحه فين
مايا وهي مكمله مشي: عندي حاجات لازم اعملها
اسيا :يابنتي تعالي ساعديني اه البت دي مش بتعمل حاجه ابدآآآآ
…………….قصص منه محمد كاتب…………………
في غرفه المدرسين
رنا: احلام تلفونك عمال يرن
احلام قامت وبعدت وردت: الو
اسيا بأمر: احلام اطلعي بدري النهارده من الشغل
احلام: بس انا مقدرش اطلع النهارده بالذات بدري يامراه خالي المدير طلب مننا حصص اضافيه هخلص وارجع لاني لو رفضت هيضايق
اسيا بحده:سبيه يضايق ايه يعني لو عطاكي كلمتين تهزيق استحملي عشان اختك نيرمين جايه وده مش هزار عيون بنات العايله ع ابنها واحنا محظوظين انها اختارت مايا ياتري سامعه
احلاك: ايوه سامعه
اسيا: قولي للمدير انك لازم ترجعي الييت
احلام : انا لما ارجع هعمل كل حاجه بسرعه لكن صعب ارفض مش هقدر
اسيا اتغاظت وقفلت الخط في وشها وراحت فتحت التلاجه وهي متعصبه: الكل رامي الحمل عليا _ رمت كيس لحمه ع التربيزه بغل_ مفيش حد عايز يساعد الكل مشغول محدش مهتم انا بعمل ايه. الناس كلها تمدح في سي سراج يروح للمدرسه الصبح ويرجع المساء وياكل وينام لحد بالليل_ حدفت كيس الخضار_ وبنت اخته بنت كويسه هي كمان زيه يارب يتاكد جواز مايا عشان اطمن هي فين مايا _صرخت) ماييييا ولا هترد محدش يجي يساعدني كله رامي الشغل عليا
قرب المغرب رجع سراج وخل اوضه النوم واسيا دخلت وراه
سراج بصلها بغيظ: يعني عشان مراه اخوكي جايه حطيتي الدنيا فوق راسك ايه الداعي كل التكاليف دي, حاولي تفهمي لسه مطلبتش ايد بنتك لحد دلوقت عشان كدا بلاش تتوهمي
اسيا: هتطلب ايدها مفيش بنت في العايله كلها في جمال مايا وهي قالتلي كده كذا مره ايه معني كلامها
سراج: انا معنديش صحه اناهد معاكي وافهمك رغم الامور واضحه بس براحتك افهمي الي عايزه تفهميه
اسيا: هترجع ع العشاء
سراج: عندي حصه هخلصها بعد ساعه وارجع لو كانت لسه هنا هقابلها والا انتي موجوده اهتمي بيها سلام
اسيا شوحتله بزهق: سلام
في نفس الوقت احلام رجعت مع صاحبتها رنا في عربيه اخوها مروان الي شافهم بالصدفه واقفين ع محطه الاتوبيس وعرض عليهم يوصلهم واحلام ركبت معاهم بعد عـ ذاب
احلام نزلت من العربيه قدام الباب وبصتله: اسفه تعبتك ع المشوار الي اتحملته عشاني
مروان بابتسامه : بتقولي ايه مفيش حمل ولا حاجه وبعدين انا عملت ايه, يله بسرعه يارنا هاتي الكتاب وتعالي
رنا :لسه هسلم ع طنط اسيا وهطلع ع طول
مروان بيرفع عينه شاف مايا واقفه في البلكونه وبتتكلم في الموبيل وبتضحك بسعاده من قلبها خطفته من شده جمالها مقدرش ينزل عينه لحد ما هي شافته متنحلها ركبها ستين عفريت
اما عند احلام اخدت رنا ودخلت ع اسيا: السلام عليكم
رنا بأبتسامه واسعه: ازيك يا طنط اسيا
اسيا ردت بدون نفس وبصت لاحلام : اتاخرتي ليه النهارده خططي تيجي متأخره
احلام: لاء انا قولتلك المدير كلفنا بحصص اضافيه
اسيا: اه ساعه واحده لكن مش اربع ساعات
رنا بهدوء: يا طنط كل السواقين عملوا اضارب عشان ارتفاع سعر البنزين , وملقناش حتي تاكسي يوصلنا , وبعد وقت الحمد لله لقيت مروان فايت بالصدفه , ولا كان زمنا واقفين في الشارع لحد دلوقت
اسيا: مروان وده يطلع مين؟ وازاي تسمحي لشاب غريب يوصلك لحد هنا
رنا: ده اخويا
اسيا: ولو اخوكي مش من حقه يجي لحد هنا ايه الاستهتار ده
رنا طلعت تجري ع بره واحلام وراها وبتقولها: متزعليش من مراه خالي
رنا بضيق : يعني عجبك كلامها الغريب هي ليه حكمت ع اخلاق مروان ده اخويا
احلام: هي متعرفهوش وبالنسبه لها شخص غريب , متزعليش هي بس بتخاف عليا انا ومايا عشان كدا انفعلت حقك عليا
رنا بستغراب: مروان بتعمل ايه هنا
مروان قرب عليهم مبتسم: البيت جميل جدا كنت بتفرج
احلام ببتسامه: شكرا
مروان: لاء والله بجد جميل
رنا: هو جميل عشان احلام موجوده فيه
مروان: يله بينا
رنا سلمت ع احلام :سلام يا احلام
احلام :سلام
مروان بصلها: سلام وفرصه سعيده
احلام: انا اسعد سلام
اسيا شدتها وهبدت الباب :ايه الداعي تيجي مع شاب غريب طالما راجعه متأخره, مكنش مهم لو وقفتي شويه خلاص خلصت عربيات البلد دي اسمها قله ادب
احلام: يامراه خالي ده اخو رنا من الاب, وهو شاب محترم
اسيا: الاحترام مش بيتكتب ع جبين حد , وبعدين رنا دي متحرره وبتصاحب اي حد ماشي في الشارع
مايا نزلت بهجوم: مين الكائن الي كان بره عيل وقح , مين وقفه بره كان بيبحلق فيا المتشرد
اسيا بنفعال: شوفتي حتي مايا معجبهاش الوضع, قلت لك البيت فيه بنات ميصحش غريب يدخله
احلام بهدوء: غلطت يامراه خالي اسفه مش هعمل كده تاني , يله يا مايا روقي مزاجك بس بجد طالعه جميله جدا هتلبيسي ده المساء
مايا من غير ما تبصلها : اه
اسيا: اسمعي يا احلام حمري الفراخ واعملي العصير والسلطه
احلام: انا جيت هعمل كل حاجه متقلقيش روحي استريحي
ياتري نيرمين جايه تخطب فعلا مايا ولا هيحصل ايه 😼
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احلام في عيون وقحه)
