رواية قلوب قاسية الفصل السادس 6 بقلم هبة أحمد
رواية قلوب قاسية الجزء السادس
رواية قلوب قاسية البارت السادس
رواية قلوب قاسية الحلقة السادسة
هنية / والعمل ياحاج احنا مشوفناش منهم حاجة بلاش سوء الظن
الحاج ممدوح / تعالى نصلى الاول وبعدين نتكلم
بعد الصلاه
هنية /حرمآ ياحاج
الحاج ممدوح / جمعآ ان شاء الله ياقلب الحاج
هنية / لسة فاكر هاروح اجيب كوبية لبن ليك
الحاج ممدوح / مش عاوز تعالى جنبى ياغالية
هنية/ تعالى ارتاح على فرشتك
الحاج ممدوح/ مسكها من ايدها وقبلها انا خايف من المسؤولية مش على نفسى خايف عليكى انتى انا لوجرى لية حاجة انتى هتتعبى الناس مريضة بالطمع
هنية / حرام تطرد الناس من غير دليل دول سبع افراد عيلة كبيرة احنا لينا الظاهر والباطن يعلمة ربنا
الحاج ممدوح / حاضر ياغالية انا جاتنى فكرة هاروح لابن اخواكى حسام والزفت جمال واحكى لهم العبارة وهم يتصرفوا اية قولك
هنية / مخك شغال رغم العمر دة كله لسة بنتعلم منك فكرة حلوة وخليهم ياجوا يتعاملوا معاهم
الحاج ممدوح / حاضر تعالى قربى يابنت قلبى
هنية / هههههه مالك ياراجل النهاردة شكلك فى الروقان
ممدوح / لا بئة كدة حرام عليكى تعالى علشان اعاقبك على الضحكة دى
هنية / انت وراك شغل هاحضر الفطار
ممدوح / لا تتعاقبى الاول واخد شفاها فى رحله من الاشتياق و ٠٠٠٠٠
مريم / عبود خالد تعالوا نشوف التليفونات دى عليها بلاوى
شمس / شكلنا هندخل السجن برجلينا
مريم / مستعدة والله المهم ننقذ الولاد الغلابة من الهم والغلب اللى هم فية
عبود / عندك حق والله انا لما جيت هنا واشتغلت ولما الحاج ممدوح طبطب على كتفى وقال خد يابنى اجرتك وعليها زيادة علشان تعبك معانا انا بكيت حاست انى كنت عايش فى زل وقهر مفيش اجمل من انك تحس انك حر
ياسمينة / الحاج ممدوح شكله قاسى بس هو قلبة طيب اوى د لما شاف فرحة بتعيط لما النحل قرصها اخدها وراح للست هنية. وقعد جنبها و عمل ليها عصير بنفسة
زكية / كلامك صح وكمان خلى الست هنية تجيب ليه هدوم ومرضاش ياخد تمنها قال طلما انتى بتشتغلى هنا فى البيت البسى زى البنات
شمس / انا عوزة لبس بجد احنا عوزين نجيب هدوم جديدة مش معانا لبس غير كل واحد طقمين وعوزين نجيب حاجات خاصة بينا
خالد / بكرة انا هاروح مع السواق بالخضار وهاعرف طريق محلات الملابس واخدكم تجيبوا طلباتكم
مريم / بصوا الملعونة شهيرة بتعمل اية
شمس / ورينى ابت. نهار اسود مش ده محمد ايوة هو
خالد / بس دة شكله شارب حاجة شوفوا ماشى دايخ ازاى
ياسمينة / نهار احوس د فريد واخد البت الجديدة وحطها فى العربية
شمس / بصى ابت الراجل اللى اخد محمد لابس بالطوا ابيض اكيد دة دكتور وعلشان كدة محمد رجع بعد اسبوع تعبان وبطنة بتزف
خالد / انا شوفت خياطة فى جنبة وبطنة
شمس / يبقى كانوا واخدينة علشان يسرقوا اعضائة
مريم / مهو قال ليه كدة ووصانى على فرحة والبنات قبل مايموت
شمس / بدموع حتى لما مات نفس العربية جت اخدتة وكان فيها نفس الدكتور
ياسمينة / بدموع احنا لازم نعمل حاجة كدة حرام اخواتنا غلابة لازم ننقذهم
شمس / ماتاجوا نكلم الحاج ممدوح والله دراجل طيب بس هو لابس قناع القسوة
خالد / مالك يا شمس عماله تشكرى فى الحاج ممدوح افهم العبارة
شمس / انا عوزة انقذ الولاد لو اتعدمت موافقة المهم هم يعيشوا فى امان احنا شبعبنا زل وقهر بص اثار تعذيب شهيرة وفتحية المشرفة ورفعت كم العباية وريتهم اثار الحروق وقعدت تبكى جامد
زكية / حضنتها اقفلى التليفون وقومى شيلى الحاجة دى
مريم / حاضر انا عرفت مكان امان هنا
خالد / اتصرفى انا مش عاوز اعرف مكانهم
ياسمينة / هاحضر الفطار
عبود / افطروا بالف هنا احنا هنفطر مع الناس فى الارض فرحة بلاش شقاوة
فرحة / انا بالعب على المرجيحة اللى جدو ممدوح عملها لية مش بعمل شقاوة
شمس / مش قولت ليكم ان الحاج ممدوح راجل طيب
خالد / هاشوف انا خايف عليكم
عبود / الصلاة اهم حاجة ماشى
ياسمينة / حاضر فى حفظ الله
كريم ( احد الاشخاص اللى بيشتغلوا مع الحاج ممدوح فى الارض ) / خالد. عبود يلا احنا هنروح الغيط ( الارض) الشرقى يلا علشان هنركب مع عمى محسن
عبود / السلام عليكم جاهزين هو الحاج ممدوح هيروح معانا
كريم / هو خرج من شوية شكله رايح المركز يجيب حاجة
خالد/ توكلنا على الله اقفلوا الباب يابنات
مريم / حاضر يااخوية
كريم / انتم عندكم اخوات شكلهم عرايس
خالد /دة شيئ ميخصكش ماشى البيوت ليها حرمة هابقى اجيب تليفون علشان تبقى ترن علية وبلاش تتعب نفسك وتاجى لحد السكن
كريم / حيلك حيلك انا هاتزوج بعد شهرين خطيبتى تخلص امتحانات وهندخل على طول على فكرة انا خطيبتى فى اخر سنة فى كلية شريعة وقانون وانا خريج جامعة انا مهندس زراعي
عبود / معلش خالد مش يقصد حاجة
كريم / ولا يهمك انا حبتكم لانكم شغالين بضمير مش زى الناس اللى معانا وعمى ممدوح شايف كدة ومبسوط من شغلكم
عبود / يفرق معانا كتير القرش الحلال افضل وبركة
كريم / انا ساكن فى القرية دى وشاور على احد القرى الريفية وشقتى فوق بيت ابوية
عبود / ربنا يوفقك
خالد / بقولك ياكريم متعرفش مكان محل ملابس حريمى عاوز اجيب لاخواتى لبس واطقم سرير وفوط حاجات البيت. يعنى
كريم / فى القرية اللى جنبنا كل حاجة بكرة بيكون الشغل خفيف لحد صلاة الجمعة وبعد كدة كل واحد يروح بيتة
عبود/ بس كده هاتعبك
كريم / ههههه دة محل اخت خطيبتى وانا باقضى العصرية معاهم كل يوم جمعة
خالد / كدة مش هتعرف تقعد مع خطيبتك
كريم / ههههه التليفون موجود ما انا كاتب كتابى علشان اكلمها براحتى
عبود / ربنا يسعدك متشكر يا اخوية
كريم / على اية عادى يلا وصلنا عوزين نزرع البطاطس
عبود / بقولك ياابن عمى خليك جنبى بدل ما ابوظ الزرعة
كريم / ولا اع٠٠٠٠٠٠٠٠٠٠٠٠٠٠
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية قلوب قاسية)
