رواية حب حلال الفصل الأول 1 بقلم سلمى هيكل
رواية حب حلال الجزء الأول
رواية حب حلال البارت الأول
رواية حب حلال الحلقة الأولى
يعني ايه مش فاهم
-ايه اللي مش واضح في كلامي
-انتِ بتقولي مش عايزة الجواز بعد شهور و عايزة فترة الخطوبة طويلة توصل لسنتين مثلا
– ايه الغلط في اللي انا بقوله انا عايزة سنتين عشان اتعرف عليك و علي شخصيتك ليس إلا يعني و اظن ان ده من حقي
– ايوة ده حقك وانا مش معترض تماما بالعكس انا بس اللي بقوله انت هتتعرفي عليا ازاي بطلبك الغريب ده
– انا بقول مش هقدر انزل معاك لوحدي و اكلمك فون او شات أثناء فترة الخطوبة و لما نيجي ننزل اخويا هينزل معانا و لما نيجي نتكلم اخويا يبقي قاعد جمبي يبقي كده ده طلب غريب
– انت مش شايفة انه غريب …..يت بنتي هو فيه كده في الدنيا
– اه فيه ..في الإسلام، ولا انت مش مسلم ولا ايه
رد بنبرة من السخرية
– مش مسلم واسمي احمد مش كده
قولت بصوت واطي
– المشكلة انه اسمه احمد ..كلهم بيبقوا توكسيك
– بتقولي حاجة
– ابدا.. بقولك لما تعرف المفروض و الصح و الغلط كويس ابقي أتقدم و ان شاءالله تلاقي الأحسن مني فرصة سعيدة
مشي و هو مستغرب مني جدا ..انا اسمي زينة بنت عندها ٢٦ سنة عندي اخ وا اكبر مني بسنه و مكتوب كتابه علي بسملة صاحبتي و انا دكتورة ماما كل شوية تجيب لي عريس شكل بحجة اني كبرت و اللي قدي عيالهم في المدارس دلوقتي بس انا ملقتش اللي يناسبني و اللي يتقي ربنا فيا اي نعم انا كنت زمان نفسي اتجوز عن حب زي الأميرات او زي الروايات اللي اللي مثلا بس بعد كده أدركت انه حرام يبقي في كلام او مقابلات بيني و بين شاب اجنبي عني من غير علاقه حلال تربطني بيه و قررت أن اللي يتقدملي و احس معاه بالأمان و عارف دينه كويس يبقي هو ده شريك حياتي و اللي هكمل معاه بقيت حياتي علي الرغم اني مش منتقبة او حتي مختمرة بس بحاول ان لبسي يكون واسع و مش بحط ميكب او اي حاجة
لقيت ماما جاية عليا و بتقول و هي مضايقة
– يا بنتي ده تالت عريس ترفضيه و لنفس السبب و كلهم محترمين يعني فكيها شوية
بابا-ايه تفكها ديه هي كلامها صح و تعمل اللي هي عايزاه و تختار اللي يريحها ديه حياتها و انا واثق من قرارات بنتي كويس و عارف ان هي تفكيرها سليم و لو فيه ذرة غلط مش هتردد لحظة اني امنعها منه
واحنا بنتكلم مع بعض فوني رن
– ايوة يا بسبوسه عاملة ايه
– الحمدلله بخير يا قلبي..بقولك احنا محتاجينك في المستشفى عشان دكتور إبراهيم اخد اجازة النهاردة
– ماشي مسافة السكة و جاية
– ماما ..باب انا عندي شغل لازم انزل
– دلوقتي يا بنتي الساعة داخلة علي ٩
– يا ماما المغرب لسه مأذن و انا لما اخلص ان شاء الله هرن علي محمد ييجي ياخدني
– ماشي يا حبيبتي ربنا معاكي
– انا هاجي اوصلك عشان منزلتش لوحدك
– عشان منزلش لوحدي برضو ولا عشان بسبوسة
– بت انا بس اللي اقولها بسبوسة و ايوة جاي اشوفها عندك اعتراض
– لاء يالا بينا
نزلت علي طول لأني كنت لسة لابسة الهدوم اللي كنت مقابلة بيها احمد ‘ العريس ‘ لاني علي طول بلبس دريسات وانا بقابل العرسان و بنزل بيها عادي وصلت المستشفى
بسملة صاحبتي المقربة
– ايه يا زوزو تفشطي العريس ده كمان
– يا بنتي هما اللي بيطفشوا لما بيعرفوا طلبي و ده ان دل علي شئ يدل انهم مش النوع اللي انا عايزاه و مع ذلك انا مش بقول اتجوز شيخ و عباية بقا و سبحة و كده ممكن يكون بيلبس كاجول عادي قميص و بنطلون و فرفوش و بيهزر و رومانسي بس عارف حدود دينه كويس
– انت كده عايزة واحد متفصل عشانك
ضحكت
-و ماله ده هياخد زينة البنات
– طب يالا ادخلي البسي البالطو و تعالي اما نقعد نرغي شوية مفيش مرضي دلوقتي
– لما هو مفيش دلوقتي منزلاني ليه
– اولا كده عشان تسليني .. استني بس متبرقيش ثانيا عشان انا هنا لوحدي و لازم حد يبقي معايا و مكنتش هستني لحد متأخر عن كده و الاقيكي نايمة ..اصل انا عارفاكي بتحبي تنامي بعد تي عريس يكونش بيرش منوم قبل ما يمشي
– ماشي سامحتك و بعدين انا بنام عشان ماما ما تقعدش تديني محاضرة و اني سني كبر و الكلام ده و لما اصحي بتكون نسيت و هديت
– طب يالا تعالي
بعد خمس ساعات كانت الساعة ٢ بعد نص الليل لقينا شاب جاي و معاه والدته تعبانه الممرضين دخلوها أوضة الكشف و بسملة كشفت عليها كان ضغطها واطي جدا و ركبت ليها محلول بعد مده كانت فاقت و بقت كويسة
بسملة دخلت ليها عشان تتطمن عليها
– ازي حضرتك دلوقتي اتمني تكوني كويسة
– الحمد لله يا بنتي والله انا كويسة معلش تعبناكي
– ده شغلي يا طنط
– طب قوليلي يا حبيبة طنط انت مخطوبة
ردت بسملة باستغراب
– لاء
– حلو ده ..انا ابني بسم الله ماشاء مهندس قد الدنيا و قمر كده و محترم و مش متجوز برضو
– احم ..انا مكتوب كتابي يا طنط
– انا اسفة يا بنتي والله ..اصل ابني داخل عل ٣٠ سنة و مش عايز يتجوز كل ما يورح يتقدم لواحدة ترفضه عشان طلبه
قالت في سرها – هما كلهم بقوا يطلبوا طلبات كده
– بتقولي حاجة يا حبيبتي
– لاء ابدا يا طنط و حمد لله علي السلامة ..بعد اذنك
خرجت من عند المريضة و طمنت ابنها و قالتله انهم ممكن يمشوا لو حابين و بعدين جات حكيتلي علي الحصل
– هههههه الست بتخطبك و انت فرحك كمان اسبوعين
– ايوة عشان تعرفي اني مش باين عليا اني متجوزة او مرتبطة اصلا
– صحيح انت هتاخدي الاجازة امتي عشان تلحقي تجهزي نفسك
– انا هاجي بكرة شغل عادي و هاخد الاجازة بقا
– يعني بكرة اخر يوم شغل قبل الفرح
– اه اخيرا هتجوز مودي
– بت احترمي نفسك راعي اني سنجولة لسه
– ههههه ماشي يا ستي انا كمان هاخد اجازة معاكي عشان انزل معاكي نجيب اللي ناقصك و اساعد محمد لو محتاج حاجة
– ربنا يخليكي يا زوزو
بعد اسبوعين تعب طبعا فرح اخويا و صاحبة عمرى كنت لابسة دريس رقيق بس حلو اوي و عملت ميكب رقيق جدا لان الميكب مش بيليق عليا اوي
وانا واقفة مع محمد بسلم عليه لقيت حد من اصحابه جاي عليه بعدت خطوتين
– مبارك يا محمد هتنزل معانا بمواعيد بعد كده
– الله يبارك فيك عقبالك كده يا جو
– مش لما الاقي البنت المناسبة الاول
– ماشي يا حب اسيبك انا بقا
سلمت علي محمد و بسملة و مشيت
و انا واقفة لقيت حد بيقولي
– حضرتك تبع العريس ولا العروسه
– وانت مال حضرتك
– عادي مجرد سؤال اصل لقيت حضرتك رايحة و جاية عليهم كتير بس كده يعني
– انا اخت العريس و البيست فريند العروسة ..بعد اذنك بقا
و مشيت من قدامه خالص وروحت لماما و بابا
يوسف -امممم يعني انت اخت محمد ماشي
بعد مده لقيته واقف مع بابا بيتكلم معاه مأختش في بالي اوي لأن معظم أصحاب محمد بابا عارفهم يعني
و الفرح خلص و كان جميل جدا و محمد و بسملة كانوا قمرات كده و لايقين علي بعض
بعد اسبوع محمد كان سافر مع بسملة عشان شهر العسل و انا نزلت الشغل تاني و مارست حياتي فيوم رجعت من الشغل لقيت بابا بيقولي ان هو عايزني في موضوع
– ايوة يا بابا في حاجة ولا ايه
– ايوة فيه ..جايلك عريس
– انت بقيت بتدخل علي شغل ماما ولا ايه
– هههههه لا يا حبيبتي هو بس شافك وطلبك مني
– شافني فين ده
– في فرح اخوكي
– ماشي هيجي امتي عريس الغفلة ده
– بنت عيب كده…عامةً هيجي كمان اسبوع لما اخوكي يرجع من السفر
– ماشي
الاسبوع عدى بسرعة و محمد كان رجع و جه هو و بسملة عندنا و العريس جه بابا و ماما و محمد استقبلوه كان جاي هو و مامته
و قعدوا يتكلموا و بعدين بسملة جات تناديني
– يالا يا بت عشان تطلعي عارفة أمه تبقي مين
– ايه مين
– أمه تبقي اللي جت المستشفى و كانت عايزة تخطبني لأبنها
– والله يالا نطلع و يطفش زي الباقي
و أول ما دخلت اتصدمت من اللي شوفته
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حب حلال)
