رواية ولكنك السبب الفصل الثاني 2 بقلم حياء الرفاعي

رواية ولكنك السبب الجزء الثاني

رواية ولكنك السبب البارت الثاني

رواية ولكنك السبب الحلقة الثانية

.. ولكنك السبب.. بقلم الكاتبه…. حياء الرفاعي..
فريده: حور يا حبيبتي اونكل داوود تحت وعايزك.
حور : متعرفيش يا ماما هو عايزني ليه .
فريده: انزلي وشوفي.
( لبست حور حجابها ونزلت تشوف اللي مستنيها)
حور: السلام عليكم اونكل داوود ازي حضرتك.
داوود: الله يسلمك يا بنتي اقعدي انا عايز اتكلم معاكي شويه.
حور: حاضر يا اونكل.
داوود: بصي يا بنتي انا عارف اللي انتي فيه وأن الجوازه دي غصب عنك بعيدا عن الموقف اللي بيني وبين والدك جاسر ابني طول عمره مش بيفكر أنه يكون في علاقه أو يتجوز لانه على طول بيفكر في شغله وبس ، وعشان كده بقي ناجح في شغله جدا ومن أكبر رجال الأعمال في الشرق الأوسط وظابط كبير وممتاز في شغله من أكفأ الظباط المخابرات هو ناجح في شغله بس مش في حياته عشان كده انا ما صدقت اني لقيتك واستغليت الفرصة واجوزك لابني وانا متأكد انك هتغيري حياته .
( في الوقت ده حور كانت عنيها مدمعه وكانت على وشك العياط على حالها ونصيبها )
حور : انا طبعا مقدره اللي انت فيه يا اونكل وعارفه طبعا شعورك ناحيه ابنك بس ليه انا ايه القدر يخليني انا مش اي حد تاني ايه كده بس .
داوود: انا عارف يا بنتي شعورك وموقفك تجاه والدك كمان انا هسيبك تقرري.
(مشي داوود وطلعت حور اوضتها اتوضت وصلّت فرضها وفضلت تعيط لحد ما نامت.)
تاني يوم بتصي بطلتنا من النوم تتوضي وتصلي وتلبس لبسها اللي عباره عن دريس ابيض في رسومات رقيقه بلون عيون حور وطرحه بلون الرسومات وكوتشي رقيق كده كانت زي القمر ، تنزل حور تصبح على امها وأبوها واختها اللي مستغربين من حالها.
حور: صباح الخير يا جماعه مالكم بتبصولي كده ليه .
كارمن : انتي كويسه يا حبيبتي.
حور : اه كويسه في ايه بصي كده متكلمنيش دلوقتي عشان انا جعانه اوي ، يا ماما فين الفطار عشان هتاخر على الكليه.
الاب : حور واضح أن اونكل داوود هديكي شويه صح.
حور : لا بالعكس ده خلاني مش مقتنعة اكتر بس يا بابا بص انا موافقة عشان انا مينفعش كلكم تضيعوا بسببي .
الام : الحمد لله يا حبيبتي ربنا هداكي بصي بقي افطري كده عشان انتي ماكلتيش حاجه امبارح.
حور : هي دي حاجه انساها طبعا لازم اكل ده اهم حاجه 😂
( قعدوا العائلة تفطر تحت الهزار والضحك)
كارمن: انتو عارفين ايه اكتر حاجه مزهقاني في الجوازه دي اني هبقي السنجل الي في العيله بقي كده يا حور مش احنا كنا متفقين أن السنجله جنتله يا بت يلا بقي ، بصي لو جوزك ده عندو عرسان حلوين كده ابقي جبيلي واحد
الاب : ليه هو قفص طماطم بتنقي انا الصراحه مستغرب الي المفروض تتجوز مش راضيه ، واللي لسه صغيره عايزه تتجوز.
كارمن: والله لو فضلت هنا كتير من غير جواز هبدلكم بتلاجه
الام : ليه هو احنا تحت الضمان 😂
حور: يلا بقا يا كارمن عشان الكليه سلام يا ماما سلام يا بابا .
الاب والام: سلام يا حبايبي.
.. عند داوود الألفي..
داوود: نعمه ، يا نعمه
نعمه ( الخدامة) : نعم يا داوود بيه .
داوود: هو فين جاسر .
نعمه: برا في الاسطبل بيفطر جاك و روز .
داوود: ماشي ابعتي حد يقولو يستني يفطر معايا عشان عايز اكلم معاه ، ماشي .
نعمه: حاضر يا داوود بيه .
( ملحوظه. جاك و روز دول الخيول بتاعت جاسر كانوا هديه من أمه الله يرحمها)
بيجي جاسر يسلم على أبوه ويقعد يفطر معاه .
نعرفكم بقه على جاسر الشرقاوي..
(عندوا ٢٧سنه ، غني جداً هو وأبو داوود الألفي ظابط مخابرات بس شاطر جدا في شغله وكمان رجل اعمال ناجح جدا وسيم اوي عيونه عسلي غامق شويه بشره بيضاء عندو ذئن كده زي الاتراك في حلاوتهم شخصيه عصبيه ومش بيهزر كتير وجاد اوي ) كده اتعرفنا على البطل التاني نكمل بقي الروايه..
داوود: طبعاً يا جاسر انت عارف المشكلة الي حصلت في الشغل وخسرتنا صفقه كبيره .
جاسر : آه عارف دي خسرتنا كتير اوي مش دي الي كان فيها الي اسمه جلال الزين ، ده المفروض يتسجن على العمله دي متشلش انت هم انت هصرف معاه.
داوود: اه ، بس انت عارف ان هو من اعز صحابي ، وانا قررت بدل ما اسجنه اجوزك بنته حور .
جاسر بعصبية: ايه حضرتك بتقول ايه اجوز مين وانت حضرتك عارف يا بابا اني مش بفكر في الموضوع ده دلوقتي ويوم ما اجوز اجوز بنت سجون ليه هو انا قليل للدرجاتي.
داوود: اسكت مين اللي بنت سجون جلال ده من اجدع منه اللي عمله ده كانت غلطه غصب عنه مش اكتر وحور بنته لو لفيت العالم مش هتلاقي زيها في ادبها واحترامها وجمالها .، وبعدين يا بني انا اول مره اطلب منك طلب وانت عمرك ما عصياني .
جاسر : بس يا بابا ..
داوود: مفيش بس ، ده اخر كلام عندي كتب كتابك حور بنت جلال بكره انشاء الله خلص الكلام.
قام جاسر من على السفرة وهو متعصب وراح الشغل اول ما دخل الشركه كان بتعصب على كل اللي حواليه .
السكرتيره ( ماهي) : صباح الخير جاسر بيه.
جاسر بعصبية: في اي meeting انهارده
ماهي بخوف: ايوه يا فندم في واحد كمان ساعه.
جاسر: ماشي ..
ودخل جاسر الاوضه وهو متعصب وعمال يكلم نفسه .
جاسر : انا مش عارف ايه ده يعني يجوزني غصب عني في الاخر بس برده مينفعش ارفض طلب ليه طب هعمل ايه في المصيبه دي طب يا تري فعلاً اللي هجوزها دي زي ما بابا بيقول وله حاجه تانيه.
فجأة بيدخل عليه من غير استأذان ادهم المنشاوي صديق جاسر اوي وابن خالته يعتبر اخو جاسر مهاه برده في الشرطه وشريكه و أعماله يعني معاه في كل حاجه.
ادهم: صباحو عسل انشاء الله ايه يا اسطي عامل ايه ، لا حول ولا قوه الا بالله انت بتكلم نفسك يا جاسر ، الراجل أجنن يا عيني .
جاسر بعصبية: انت يا بني ادم انت مش في باب تخبط عليه انا كام مره اقولك كده داخل زي الطور، ويتكلم زي معلمين السوق كده ليه .
ادهم: ومن امتي وانا بخبط يا جاسر والله انا مش عارف ليه بتحطوا اصلا باب، وبعدين مالك متعصب كده ليه بقولك ايه مطلعش عصبيتك عليا ده افرج الخلق عليك يا اخويا ايوه.
جاسر: مالك يلا بتكلم زي النسوان كده ليه ده شكل ظابط مخابرات.
ادهم: والله انا شاكك اصلا في المهنه بتاعتي .
جاسر: ايوه صح انت المفروض كنت تبقي مدير كباريه .
ادهم: صح عندك حق ، مالك بقي يا عم متعصب ليه .
جاسر حكي لادهم كل حاجه أبوه قالهالو
ادهم: ياعم هي دي حاجه تزعل ده الواحد بيتمني يجوز كده ويتهني ويروح البيت يلاقي واحد كده في البيت مستنيه 😂
جاسر : ما انت بتحب انت كده بقولك ايه جهز نفسك عشان انت جاي معنا بكره تبقي من ضمن الشهود .
ادهم: حط رجل على رجل وقال ( اوكيه هحاول افضيلك وقت لو لقيت اصل انا مشغول اليومين دول )
جاسر ضرب ادهم وقعوا من على الكرسي ( يلا يله قوم من هنا هو احنا ناقصنا )
ادهم: بقي كده يا جاسر تضربني هي حصلت لا وكمان هتجوز عليا يلا طلقني انا هلم هدمومي وامشي 😂
جاسر: استرجل شويه يلا .
في الوقت ده ماهي خبطت ودخلت
ماهي : جاسر بيه في خناقه كبيره بره مع حد من الموظفين وحد من الطلبه الي جايين .
جاسر: ايه 😲