رواية جنه الفهد الفصل الثامن عشر 18 بقلم فاطمة
رواية جنه الفهد الجزء الثامن عشر
رواية جنه الفهد البارت الثامن عشر
رواية جنه الفهد الحلقة الثامنة عشر
___________________________________الدكتور.. للاسف الرصاصه كانت جنب القلب ودلوقتي هي حالتها في مرحله الخطر والله اعلم هي ممكن تقوم تاني او لا
ريهام.. بصراخ لا بنتي واغم عليها
ريم.. ماما ااا انتى كويسه ماما ردى عليا حد يجيب الدكتور يجماعه
الدكتور..هى كويسه بس من الصدمه بس اغمى عليها انا دلوقتى هديها حقنه تفوقها
محمد..بقلق المهم تكون بخير يا دكتور
عند فهد
فهد..بصدمه لأ مستحيل وقال للدكتور وهو بيزعق لازم تكون بخير انت فاهم ولا لأ
الدكتور..ده مش بايدينا كل اللى عليكوا انكم تدعولها
فهد..ساب الدكتور ونزل على الجامع اللى جنب المستشفى
فهد..ببكاء وقهر يااااارب انا مليش غيرك يا رب انا استحملت كل حاجه بس مش هقدر استحمل انها تبعد عني لو عايز تاخد روحي انا خدها بس هي بلاش يا رب انا ما عنديش غيرها هي حياتي ونبضي وروحي وكل حاجه في الدنيا حلوه حصلت لي يا رب ما تحرمنيش منها يا رب انا زعلتها كتير بس والله ما هزعلها تاني مش هعمل اي حاجه تضايقها تاني انا اه ما قولتلهاش اني بحبها بس انا بعشقها بعشق كل حاجه فيها يا رب ما تحرمنيش منها يا رب وفضل يدعيلها وهو بيعيط ومقهور من قلبه
ونروح عند سحر بعد ما كان الحراس بيجلدوا فيها
سحر.. سيبونى والله ما هرحمكم مش هسيبكم لازم انتقم منكم كلكم
مصطفى..بغل دا انتى لو طلعتى عايشه اصلا
حمزه..سبوها
ونروح لشمس
شمس..معدش غيرى انا حيدر اتسجن هو وكرم ومسكوا سحر كده مفيش غيرى انا وهم اكيد بيدوروا عليا وكده ما قداميش غير حاجه واحده فهمت هو اللي يموت
ونروح عند ريهام
ريهام..بتعب انا فين وايه اللى حصل وفجأة فضلت تصرخ جنه بنتى لأ بنتى فين انا لازم اشوفها
ريم..ببكاء يا ماما اهدي هي ان شاء الله هتكون بخير
روان..هى هتكون بخير ان شاء الله
ريهام..وهى بتقوم من على السرير لأ انا لازم اشوف بنتى
ريم.. يا ماما انت تعبانه الدكتور قال ما ينفعش تتحركي
الدكتور..دخل خلاص يا مدام ريهام ان شاء الله جنه هانم هتكون بخير
ريهام.. لا انا لازم اشوف بنتي ودلوقتي
الدكتور..اداها حقنه مهدئه خلاها تنام
ريم..طلعت من الاوضه وهى عماله تعيط بشده
فجأة لقت ايد بتتمدلها وماسك منديل
عمرو..اتفضلى
ريم..قامت وهى بتمسح دموعها بسرعه شكرا
عمرو..هقولك على نصيحه العياط مش هيقدم ولا هيأخر يفضل انك تدعيلها احسن وهى ان شاء الله هتكون بخير
ريم..انت عارف جنه دى الوحيده اللى عمرها ما زعلت حد ولا اذته ولا حقدت على حد عمرها وفى الآخر تلاقى كل الناس دى بيكرهوها رغم انها معملتش اي حاجه لاي حد
عمرو..ربنا لما بيحب حد بيختبره
ريم.. بس ده اختبار صعب عليها قوي
عمرو.. ربنا ما بيديش حد فوق طاقته
عند فهد..رجع من المسجد ودخل قعد قدام غرفه جنه وهو عمال يدعيلها
الممرضه.. بعد ما الممرضه طلعت من غرفه جنه
فهد.. جري عليها بلهفه وقال ها هي بقت كويسه صح
الممرضه.. للاسف يا استاذ فا بس هي لسه ما تغيرش اي حاجه في حالتها
فهد..تب انا ممكن اشوفها صح
الممرضه.. للاسف لا ممنوع الزياره دلوقتي خالص الدكتور مانعها
الدكتور..من وراهم فيه ايه
الممرضه.. لو سمحت يا دكتور استاذ فهد عايز يدخل يشوف مدام جنه وانا بمنعه
الدكتور.. احنا اسفين جدا يا استاذ فهد بس الزياره ممنوعه دلوقتي لحد ما حالتها تتحسن شويه
فهد..ارجوك انا هدخل دقيقتين بس مش اكتر بس لازم اشوفها
الدكتور..تمام بس ممنوع الكلام عشان حاله المريض
فهد..بفرح شكراً جدآ
بعد ما فهد غير هدومه لهدوم المستشفى ودخل لقاها محطوطه تحت الاجهزه
فهد قرب وقعد على الكرسى اللى جنبها ومسك ايديها وهو بيعيط وبيبوس ايديها سامحيني انا السبب في كل اللي حصلك لو كنت خدت بالي مني ما كانش ده حصل انا زعلتك كتير قوي بس والله كان غصب عني بس انت قومي دلوقتي انا مش عايز اي حاجه تاني من الدنيا غيرك انت حياتي وعمري وقلبي وكل حاجه حلوه حصلت بس انا زعلان منك جامد انت قولتيلى مش هسيبك وهفضل معاك طول عمرى ليه عايزه تسبينى دلوقتى انا بحبك يا جنه بعشقك مستعد اموت عشانك بس انتى لازم تقومى مينفعش تسبينى لوحدى مقدرش اعيش من غيرك
الدكتور..استاذ فهد لو سمحت حضرتك لازم تطلع حالا عشان الحاله متسوئش
فهد..حاضر ومسك ايد جنه جامد وباسها ولسه هيمشى لقى جنه مسكت فى ايده
فهد.. بفرحه جنه انتى قومتى يا دكتور دى حركت ايديها
الدكتور..لازم تطلع دلوقتى فهد ساب ايديها وطلع
وبعد مده
الدكتور..طلع وهو بيقول المريضه تجاوزت حاله الخطر وحالتها بقت كويسه ودلوقتى احنا هننقلها لغرفه عاديه
محمد..بفرحه اشكرك يااارب
فهد..الحمد لله يا الله
محمد..انا ممكن ادخلها
الدكتور.. طبعاً
عند ريهام فاقت
ريهام..فين بنتى
ريم..يا ماما جنه فاقت وبقت كويسه
ريهام..بفرحه انا لازم اشوفها دلوقتي
روان..تب احنا نقدر نشوفها
ريم.. اه طبعاً يلا نروحلها وكلهم دخلوا الاوضه معدا فهد اللى استنى لحد ما الكل يدخل وهو هيدخل بعد ما
الكل يخرج
ريهام..جريت عليها وهى بتعيط وبتبوس ايديها ولسه هتحضنها
الدكتور..لو سمحتوا محدش يلمسها عشان الجرح لسه منشفش وممكن يتفتح فى اى لحظه وده خطر عليها
محمد..خلاص يا بنى محدش هيقربلها
روان..ببكاء وحشتينى اوى يا جنجون
جنه..بتعب انتى محسسانى انى مت
روان..بغضب جنه متقوليش كده
ريهام..اه منقوليش كده تانى
جنه..بضحك خلاص مش هقول تانى
جنه..وهى بتلف بعنيها يمين وشمال
محمد..بتدورى على حد يا بنتى
جنه.. لأ يا بابا
ريم..بهزار بتدور على فهد يا بابا
جنه..بحرج انا بس كنت
ريم..بمقاطعه لأ ولا يهمك احنا كده كده هنطلع وفهد هيدخل بعدنا
ريهام..اى حاجه تعوزيها ناديلى
جنه..حاضر يا ماما متخافيش
ريهام..باستها من خدها والكل طلع بره وفهد دخل
فهد..وهو بيقرب على جنه ومسك ايديها وفضل يبوس فيها وهو زعلان كل ده حصل بسببى انا السبب
جنه..مسكت وشه انت ملكش ذنب فى اللى حصل وانا خلاص بقيت كويسه
فهد..وهو بيحضنها بس براحه خالص
جنه..فهد اهدى انت مغلطتش فى اى حاجه سحر هى اللى عملت كل ده
فهد..بغضب صدقينى هاخد حقك ومش هرحم حد فيهم
جنه..بتحاول تخليه يهدى بس باين عليك خايف عليا اوى
فهد..وهو بيمسك اديها تب وهو فى حد ميخافش على حياته
جنه..بحرج خلاص يا فهد بقة عشان بتكثف
فهد..يا بنتى ارحمى امى هتجنيني بجمالك ده قال كده وهو بيمسك خدودها
جنه..يعنى انت شايفنى طيبه وجميله
فهد..وربنا اجمل بنت شفتها فى حياتى اما بالنسبه للطيبه فا انتى مش طيبه
جنه..بحزن وده ليه بقى
فهد..عشان انا فى حاجات عايز اعملها وانتى مش راضيه
جنه..باستغراب حاجات ايه
فهد..همس فى ودنها وجنه مبرقه من الصدمه
جنه..زقته بعيد وهى يتقول يا سافل يا قليل الأدب
فهد..بضحك فى ايه بس
جنه..والله يا فهد لو محترمتش نفسك ل….ولسه هتكمل فهد قاطعها وهو بيبوسها وجنه مصدومه من حركاته فهد بعد عنها
جنه..انت بقيت قليل الأدب اوى يا فهد احترم نفسك
فهد..باستفزاز والله يا قطتى انتى اللى محترمه زياده عن اللزوم وبعدين دا انا زى جوزك يعنى
جنه..عارف يا فهد انت اكتر واحد بارد ومستفز ورخم وقليل الادب وعصبى شفته فى حياتى
فهد..وانتى اكتر واحده جميله وحلوه وعسل وطيبه وقلبها صافى شفتها فى حياتى ويلا عشان تاكلى
جنه.. لأ انا مليش نفس اكل
فهد..لا لازم تاكلى عشان تتغذى ومتحاوليش تعاندى عشان هتاكلى بردوا
وطلع الاكل وبدأ ياكلها وفهد باصصلها بحب كأنه بيقولها اوعى تبعدى
جنه..فى حاجه يا فهد
فهد.. لأ لأ دا انا بس كنت بفكر فى حاجه
جنه..بتوتر فهد انا عايزه اقولك حاجه
فهد..اكيد
جنه..انا عايزه اشوف سحرفهد..بصدمه من اللى بتقوله انتى اتجننتى
جنه..زى ما قولتلك كده عايزه اشوفها
فهد.. لأ طبعاً انا مستحيل اسمحلك
جنه..بس انا لازم اشوفها
فهد..باستغراب ده ليه
جنه..لما اشوفها هتعرف
فهد..تمام بس بعد ما تتحسنى شويه
جنه.. خلاص ماشي
ونروح عند ريم بعد ما راحت عند عمرو
ريم..استاذ عمرو
عمرو..اهلا سمعت ان جنه بقت بخير حمدالله على السلامه
ريم..الله يسلمك ثم أضافت بحرج كنت عايزه اشكرك على وقفتك جنبى
عمرو..ده واجبى
ريم..بجد انت انسان كويس اوى شكراً بجد يا استاذ عمرو
عمرو..ما قلنا خلاص لا شكر على واجب وبعدين بلاش استاذ دى
ريم.. آمال هقولك ايه
عمرو..قوليلى عمروا
ريم..تمام
ونروح عند مصطفى
مصطفى..الو يا روان
روان..بفرحه جنه فاقت وبقت كويسه يا مصطفى
مصطفى..بفرحه انا جاى حالا
وقفل الخط
حمزه.. في ايه يا مصطفىمصطفى..بفرحه جنه بقت كويسه ونقلوها لغرفه عاديه
حمزه..بجد تب حمد الله على السلامه
شويه وفهد رن على حمزه
حمزه.. حمدالله على السلامه يا صاحبى
فهد..الله يسلمك بس متعملوش حاجه تانى فى الزفته سحر وجبولها اى حاجه تطفحها
حمزه..ماشى يا صاحبى
ونروح عند شمس
الحارس..شمس هانم جنه بقت كويسه وقريب هتطلع من المستشفى
شمس..بغل خلاص اقفل
عند محمود ورحمه
رحمه..هى جنه عملت ايه يا بابا
محمود..بتسألى عليها عشان خايفه عليها ولا خايفه على امك ولا شماته
رحمه..انا اه بكره جنه بس عشان هى خدت فهد وخدت جدى وخدتك انت كمان لاكن مبتمنلهاش الموت وخصوصاً بعد ما عرفت ان انا مش بحب فهد اصلا وانه كان مجرد تعلق ثم بعدين ايه دخل ماما فى الموضوع
محمود.. الاستاذه امك هى اللى كانت خاطفه جنه وهى كمان اللى ضربت عليها بالنار
رحمه..بصدمه مستحييل ماما مستحيل تعمل كده هى اه بتكره جنه بس مش للدرجه دى
محمود.. للأسف يا بنتى هى دى الحقيقه
رحمه..بس هى ليه عملت كده انا مكنتش عيزاها تقتل هى عملت كده عشان انا كنت بكره جنه يعنى كل ده بسببى انا قالت كده وهى بتعيط بصوت عالى
محمود..وبيحاول يهديها انتى ملكيش ذنب فى حاجه هى السبب هى اللى عملت كده فى نفسها بسبب الحقد اللى جواها انا حذرتها كتيير بس هى مسمعتش الكلام الفلوس والحقد كانوا عامينها وكانت عايزه تخليكى زيها بالظبط بس معرفتش لأنها هتتسجن وحتى لو متسجنتش فهد مش هيسيبها ابدا
رحمه..مكلمتش وفضلت تعيط بصوت عالى ومحمود حاضنها لحد ما نامت وهو سابها وطلع
عند احمد
احمد..الو ايوا يا فهد يا بنى جنه عملت ايه كلنا هنا قلقانين عليها
فهد..هى كويسه يا جدى وان شاء الله هتروح النهارده
احمد..طيب يا بنى خلى بالك منها كويس
فهد..ببتسامه حاضر يا جدى وقفل الخط
سلمى.. بقلق خير يا عمى جنه بقت بخير صح
احمد..ببتسامه هى كويسه وهترجع النهارده كمان
سلمى..بدموع الفرح الحمد لله يارب
___________________________________
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية جنه الفهد)
