رواية وليا معاه حكاية الفصل الحادي عشر 11 بقلم أميرة صلاح
رواية وليا معاه حكاية الجزء الحادي عشر
رواية وليا معاه حكاية البارت الحادي عشر
رواية وليا معاه حكاية الحلقة الحادية عشر
امال: طمنيني يا حبيبتي عملتو اي..
اتكلمنا كدا شويا يا ماما..
وقالك اي وسالتيه ف اي..
يعني سالته بتحب اي بتكرة اي بس حساه كدا بيكرة كل حاجه..
امال بأستغراب : لي..
كل اما اساله ع حاجه يقولي مبحبههاش..
ازاي دا..
تصدقي يا ماما بقوله بتجب الاطفال ولا لأ.؟
يقولي ولا بطقهم
طب اي رايك ف اللي احنا فيه دا
ولا يرد
تفتكري يا ماما بباه غاصب عليه المشوار دا..
اي اللي بتقولي دا يا عبيطه
هو عيل صغير عشان بباه يغصب عليه دا ملازم اول
هما الظباط دول كدا. تلاقيهم نشفين ف معملتهم شويا ..
حبيبه بقلق: يعني ممكن يعمل فيا حاجه يا ماما..
لا يا حبيبتي ازاي
ومين هيسكتله اصلا
ربنا يخليلك بابا
اذا كان نصيبك حسام او غيرة بباكي عمرة ما هيسيبك ولا هيسمحله في يوم انه يجي عليكي
ها اقول لبابا انك موافقه..
انا من ناحيتي عادي يا ماما
انما هو اللي حاساة مش موافق
وانا سعتها يبقي عملت اللي عليا يوافق يرفض دا نصيب..
طبعا يا حبيبتي كلامك عين العقل ..
****
محمد: حبيبه موافقه..
وحسام كمان مستريح للموضوع اوي..
ع بركه االله يا حج مجدي عقبال الفرح..
ياارب
بكرة نترل نجيب الشبكه ولوازم الخطوبه..
خلاص ان شاء االله..
****
كانت حبيبه قعده مع اسماء وهي زعلانه ..
اي يا حبيبه مالك..
كل حاجه اتطربقت فوق دماغي يا اسماء خلاص معدش الا يومين ع الخطوبه ونزلنا جبنا كل حاجه وكل شويا بحس اننا دخلنا ف
الغويط وانا مش عارفه اعمل اي والزفت التاني دا مش طيقني بس اخدها معايا عند مش عارفه اعمل اي..
سكتت حبيبه شويا وبصت لاسماء وقامت وهي حاسه ان كل اللي حواليها بيتحرك حولت تمسك الكرسي اللي جنبها بس حاسا انه
بيبعد او هي اللي بتبعد مش عارفه هي اللي بتتحرك ولا هو كل حاجه حواليها كانت مشوشة ومسمعتش اي حاجه
كل اللي شفته اسماء وهي بتكلمها بس مش سمعه هي بتقول اي
سعتها محستش بأي حاجه غير وقعتها علي الارض مغمي عليها..
اسماء: حبيبه حبيبه فوقي يا حبيبه
مالك
ايماااان الحقيني..
****
رن موبايل والد حبيبه وسعتها كان قاعد مع مجدي : اي دا دي اسماء صحبت حبيبه
يمكن حبيبه رصيدها خلص وبتتكلم من عندها
ايوا سلامو عليكم ازيك يا اسماء عامله اي
مالها حبيبه اي حصل
طب انتو فين دلوقتي
طب انا جي علطول اهه..
مجدي: ف اي يا حج محمد..
حبيبه اغمي عليها ف الكليه..
لا اله الا االله
متقلقش ان شاء االله خير
تعالي انا راكن عربيتي قريب من هنا..
****
دخل محمد المستشفي وسأل ف الريسبشن :لو سمحتي عايز اعرف حبيبه محمد فين..
لقي حد بيشاورله : عمو محمد تعالا حبيبه هنا..
محمد: اسماء طمنيني اي حصل..
واالله ماعرف ياعمو انا لقتها فجاه وحده اغمي عليها..
طب فين الدكتور اللي دخلها..
اسماء: مش عارفه كان هنا دلوقتي..
طب هدخل اشوفها..
كانت حبيبه نايمة ع السرير وقناع التنفس ع بوقها
واسلاك الاجهزة اللي متوصله بيها ومحلول متعلق ف اديها الشمال..
محمد: حبيبه حبيبه سمعاني يا حبيبتي انا بابا..
فتحت عنيها : ازيك يا بابا..
اي يا حبيبتي مالك..
معرفش يا بابا دخت شويا متقلقش..
دخل مجدي من باب الاوضه : اي يا حبيبه سلمتك قلقتينا عليكي..
لا يا عمو انا تمام الحمد الله..
انتي تلاقيكي اجهدتي نفسك الايام اللي فاتت عشان توضيبات الخطوبه وكدا
متقلقبش نفسك انتي احنا هنتكفل بكل حاجه وانا عارف اي اللي هيفرحك
اننا نعمل الخطوبه سريع سريع وبدل التعب دا يبقي حاجه تفرحنا كلنا..
بصلها بباها وقال : استريحي انتي دلوقتي يا حبيبتي نامي شويا..
وخرجو وسبوها
محمد: بص يا حج مجدي انا عايزك ف موضوع..
اتفضل يا محمد..
لا مش هينفع نتكلم هنا تعالا ف الكافاتريا بتاعت المستشفي
اسماء ادخلي انتي اقعدي مع حبيبه..
****
محمد: دلوقتي يا حج مجدي انا كنت
هقولك الموضوع دا م الاول بس كنت مستني الوقت المناسب
حقك يبقي عندك علم..
اي يا حج محمد قلقتني..
لا ولا قلق ولا حاجه كل الموضوع…
****
اسماء: اي يا حبيبه اخبارك اي دلوقتي..
الحمد الله يا سمسم معلش تعباكي معايا روحي انتي اتاخرتي خالص..
يابت بطلي هبل
تعباني ف اي يا عبيطه
انتي بس هدي نفسك وسيبي الأمور ع ربنا..
ونعم باالله..
****
محمد: هو دا اللي كنت عايز اقولهولك انا عارف
انك لازم تعرف
وانت شوف برضو لو عايز يكون كل شئ قسمه ونصيب انا عذرك ودا حقك..
اي اللي انت بتقوله دا بس يا محمد
احنا اخوات قبل كل حاجه وحبيبه دي بنتي..
محمد: يعني حسام مهيبقاش عنده مانع ؟..
وهيبقي عنده مانع لي ..
طب بس عايز اطلب منك طلب لو شايف ان حسام مش هيبقي عنده مانع
مش عايزة يعرف حاجه
حبيبه لو عرفت ان حد عنده علم هتزعل اوي..
مجدي: ولا يكون عندك فكرة يلا بقه نقوم نطمن عليها…
****
دخلو لقي الدكتور عند حبيبه..
الدكتور: ها طمنيني حسا باي دلوقتي..
حبيبه: لا الحمد الله حسا اني احسن..
محمد: لو سمحتي يا دكتور انا والد حبيبه ممكن بس تطمني..
الكتور: لا مفيش حاجه دا شكلهم شويه ارهاق هي شكلها ارهقت نفسها جامد الفترة اللي فاتت
تستريح شويا وهتبقي تمام ..
محمد: طب انا هخرج مع الدكتور وجاي علطول يا حج مجدي..
اتكلم مجدي مع اسماء بعدها : ازيك يا حبيبتي انا والد حسام خطيب حبيبه..
اسماء : ازي حضرتك ياعمو
حبيبه كلمتني كتير عنك
بتحبك اوي..
مجدي: وانا كمان واالله
حبيبه ف معزة بنتي بالظبط..
دخل محمد الاوضه : يلا يا بيبه انا سالت الدكتور وقال ممكن نروح بس اهم حاجه تستريحي..
حبيبه: ماشي يا بابا..
****
يوم الخطوبه
حبيبه قعده في اوضتها..
امال: هو ف حد يعيط يوم خطوبته برضو يا بنتي..
لا يا ماما انا مش بعيط دي دموع الفرح..
يا حبيبتي ربنا يسعدك ويارب عقبال يوم فرحك ما شاء االله زي القمر..
كانت حبيبه قعده بفستان الخطوبه كان وردي مبينها انثي بمعني الكلمه
بسيط ودا اللي حلاه اكتر
حجاا مزودها جمال او هي اللي ضيفه عليه جمالها
كانت الكوافيرة بتحطلها الميك اب
وكل حاجه بتحطها بتحليها
لاا مش متعودة تحط ميك اب ودا كان بيميزها كان الميك اب اضافه علي وشها زي اللي بيرسم لوحه رسم جميله..
لولولولولولولييييييييي لولولولولولولييييييييي العريس وصل..
حبست حبيبه دموعها واطمنت ع شكلها كان فستاا منفوش من تحت
قامت وقفت
وبصت في المرايه كانت عسوله جدا ..
دخل حسام من باب البيت كان لابس بدله سودا ليها لمعه بسيطه
وقميص ابيض
وجرافته سودة رفيعه
وعضلات ايده بارزة وظاهرة
حتي من ورا البدله لابس ساعه شيك كان هو كمان شكله جميل
علا صوت الموسيقي والفرح في المكان وقعد هو وبباه وممته
وقرايبه وبدأت صوت الزغاريط بتهئ نزول العروسه
نزلت حبيبه ووقف الكل حتي حسام كانت ماسكه بوكية ورد
ووراها اسماء ماسكه سله فيها ورد وبترميه عليها كان كسوفها مزودها جمال ومديلها ريحه مميزة
ابتسم كل اللي ف الحفله للاميرة دي وقف حسام بس مبصش للي كان كل الناس مشغوله بيه
اللي هي حبيبه
بس كان بيفكر في وضعه واللي عمله في نفسه مش مهتم بقه حبيبه نزلت مترلتش
شكلها حلو ولا لا
دا كان اخر همه
قعدت حبيبه جنبه ومحدش بص للتاني كان كل الناس فرحانه بيهم
ماعادا هما
مصطنعين بسمه ادام الكل وخلاص سمعو اغنية يا دبلة الخطوبه فقامت نجلاء وفتحت علبة الدهب ونولت حسام خاتم الماظ كبير
فمدت حبيبه اديها وهي باصة ف الجهه التانيه بعد ما لبسته خدت دبلة حسام الفضه ولبستهاله فضلت مركزة شويا ف خاتمها
ازاي خاتم صغير زي دا يبقي سبب ف دمار حياا
قامو المعازيم عشان يفتتحو البوفيه كان لازم هما الاتنين يقطعو التورتايه بتاعتهم
مسك حسام السكينه وحطت حبيبه اديها فوق ايده بعد تردد طويل سعتها بس بصلها
حس بأديها بتلمس ايدة بصلها وهي بتبص في الارض بكسوف
كانت مميزة جميله اوي في وشها برائه مش طبيعيه هي البت دي كل يوم بتحلو كدا ازاي وشها كان حلو اوي بالميك اب عنيها اللي
ظهر لوا
وشفايفها الوردي
وبشرا الصافيه حجات بسيطه بس محلياها جدا نزلت عينه علي فستاا وعلي شكل جسمها بيه ولونه اللي مشافوش عليها قبل كدا
افتكر تقطيع الكيك فكمل اللي كان بيعمله..
سلم اهل العريس علي اهل العروسه وتمنلهم خطوبه سعيده
وربنا يديم عليهم السعاده ومشيو
فضلت اسماء جنبها لاخر الحفله لحد ماجه بباها يخدها فضطرت تسلم عليها وتمشي
وكالعاده حبيبه وحسام كل واحد فيهم بيبص في جهه وساكتين
لحد ما جه بباهم وممتهم : اي يا عرسان هتفضلو سكتين كدا كتير اي اتكلمو انتو دلوقتي مخطوبين معدش ف إحراج ..
ابتسمو بمجاملة..
حسام: حضرتك هتفضلي ساكته كتير….
مردتش عليه طبعا..
حسام: انا مش بكلمك.. لو سمحتي وانا بكلمك تردي عليا.. .
حبييه: عايزني اقول اي يعني..
لا واالله مش انا اللي عايز
اللي ادامك دول هما اللي عايزين..
انا كل اللي اعرفه اني مش عايزاك مش طيقاك..
يعني انا اللي طايقك واالله يبنتي انا حاسس اني اخدك خلاصه حق..
امال اي اللي مصبرك متقولهم..
لا انا مش هقول حاجه انتي اللي هتقولي..
وانا قلتهالك قبل كدا مش هقول حاجه ومش هطلع خسرانه ف اللعبه البايخه دي
وكمان ادام مين
ادامك انت دا اللي ناقص..
انا قلتهالك قبل كدا
اللي نفسه اطول هو اللي يفوز وانا معايا بطولات ف السباحه..
جت مامتها: اي يا حبيبه مش هتدي لخطيبك رقمك ولا اي..
حبيبه: رقم مين يا ماما ؟..
امال: رقمك يا حبيبتي عشان خطيبك يكلمك عليه..
حبيبه: اةة رقمي!!
دا دا الموبايل شكله معلق من امبارح هبقي اوديه يتصلح الأول بقه..
رن تليفوا ضربت راسها بأديها وعملت اا بتضحك : ااي دا شكلو اتصلح يلا الحمد الله مش هنتضطر نروح نصلحة..
امال: شكل حبيبه محروجه طب ادلها بتاعك أنت يا حسام..
حسام: رقمي اتوقف امبارح يا طنط للاسف
قرريب
قرريب ان شاء االله هجيب خط وابقي اديهولها..
امال: اي يا ولاد انتو هتفضلو محروجين من بعض كدا كتير
هات يا حسام انا هكتبلك الرقم وهسجلهولك كمان
اهه بيرن عند حبيبه ابقي سجليه بقه يا بيبه
هسبكو تتكلمو مع بعض شويا..
حبيبه: انت عارف لو مخلصتناش م الورطه اللي انت حطتنا فيها دي انا هعملك مصيبه..
حسام: الورطه اللي انا حطيتك فيهااا ؟ مين يا ماما اللي حطنا ف الورطه دي م الاول مش انتي
ع الاقل انتي هتعرفي تقولي اة ولا لا انما انا لو قلت لا يبقي بحرج والدي
لانه كان اتقدم باسمي خلاص
انما انتي بنت ممكن تقولي مستريحتش انما هي شكلها تلاكيك..
حبييه: نعممم؟ تلا اي
تلاكيك ع مين بقه ان شاء االله
عليك انت ياعم روح..
حسام: يبنتي احلي منك مليوووون مرة مكنوش يتخيلو حتي ام يقعدو قعدتك دي..
حبيبه: دا لو ادولي عليك فلوس واالله ما هقبل بيك..
حسام: انا بقه لو خيروني بينك وبين كيلو جوافه واالله لاخد كيلو الجوافه
ولا معبرك..
حبييه: جوافه هي حصلت للجوافه انا من يومي وانا بقول عليك قليل الزوق..
حسام: بلاش بقه اقولك انا بقول عليكي اي من اول يوم
وقصري عشان انا مش طايقك ولا طايق اسمع صوتك..
حبييه: طب متقوم تمشي بدل القعده مش مريحه سيادتك
ع الاقل ارتاح من وشك واقوم اكل بدل صدت النفس اللي انت عملاهالي دي..
حسام: هو دا بالظبط اللي كنت هعمله سبحان من صبرني ع القعده معاكي الشويه اللي فاتو دول..
حبيبه: غيرك
و اللي احسن منك كتيير
بيتمنو بس يشوفو ضوفر من صوباعي ويتمنو اشورلهم اشارة ويجو ركعين..
حسام: اة اكيد عمي..
حبيبه: مش انت كنت ماشي متقوم وينا..
حسام: مش هقوم غير بمزاجي لما احب اقوم هقوم..
حبيبه: طيب خليك مرزوع كدا وكلم الكنبه اللي جمبك انا قايمه..
امال: اي دا يا حبيبه انتي سيبه عريسك ورايحه فين..
جعانه يا ماما قايمه اكل..
طب وخطيبك..
يعني انا مسكاه ميقوم ياكل..
لا يا حبيبتي مينفعش روحي اقعدي وانا هحضرلكو العشا..
يا ماما..
روحي بس..
حسام: اي مروحتيش كلتي الاطباق لي..
حبيبه: ظريف اوي
لا انا مش هاكل الاطباق انا هاكل حاجه تانيه ..
جت ممتها وهي ماسكه اطباق العشي : اتفضلو يا ولاد بالهنا والشفا..
مسكت حبيبه الاكل وبدات تاكل..
حسام: هما كانو مجوعينك الايام اللي فاتت ولا اي يبنتي..
حبيبه: ملكش فيه..
فقام حسام عشان يمشي..
وقفته امال : اي يا حسام رايح فين ما لسه بدري..
معلش يا طنط
اروح انا بقه عشان الوقت اتاخر ياريت حضرتك تنادي لبابا وماما..
امال: طب قومي يا حبيبه وصلي حسام..
كانت حبيبه ماسكة الاطباق ولسه مخلصتش
اتكلمت وهي بتشاور ع الباب :
عندك الباب اهه
وهتلاقي السلالم بعدها علطوول انزلها هتلاقيك ع ارض الواقع
اي هتعرف تفتح الباب ولا اجي افتحهولك يا جميله ..
حسام: دا انا اعلمك واعلم عشرة زيك يا جاهله..
سلمت نجلاء علي امال
ومحمد علي مجدي..
نورتونا وانستونا بجد كان يوم جمييل ربنا يتمم بخير
مع السلامه يا حسام..
ماصدقت حبيبه وطلعت السلم تروح اوضتها..
محمد: اي يا حبيبه رايحه فين
تعالي اقفي للناس لحد ما يمشو..
تعباانه يا بابا
ونفسي اناام
اقعدو شورلهم
وحيوهم انتو بس
تصبحووو ع خير…
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية وليا معاه حكاية)
