رواية سيوف الفارس الفصل الحادي عشر 11 بقلم يارا حسنين
رواية سيوف الفارس الجزء الحادي عشر
رواية سيوف الفارس البارت الحادي عشر
رواية سيوف الفارس الحلقة الحادية عشر
*تانى يوم فتحت عينيها على صوت موبيلها و شافت اسمه فتعدلت ترد*
وعد : الو *بصوت نايم*
فارس : الساعة ٦ اجهزى يلا
وعد : ايه *مستوعبتش كلامه*
فارس : اجهزى بسرعة
*قفل معاها وهى قاعدة على السرير مش مستوعبة إلى قاله لسه و بعدين استوعبت*
وعد : شكلى هشوف ايام حلوة *قامت تحضر نفسها و تشوف لبس مناسب للتدريب لقت تيشرت ابيض و شروال اسود و لمت شعرها ديل حصان و استنته يرن عليها لكن سمعت خبط الباب و قالت اكيد هو*
*شافته بملابس رياضية باللون الاسود الى بتعشقه*
*كان ماسك الموبيل بيبص على الساعة و رفع رأسه يكلمها لكن سكت ابتسم على شكلها و اطالتها المميزة اتاكد أنها بقيت خطر عليه فعلا*
وعد : انا جاهزة
فارس : يلا بينا *خرجوا من الاوتيل و ركبوا العربية وراحوا مكان مخصص ليه عبارة عن صالة جيم و فيها مكان للتدريب*
وعد : واو هو المكان مفهوش حد ليه
فارس : اصل المكان دا بتاعى*اتك على آخر كلمة*
وعد : اه عشان كدا
فارس : يلا نبدأ *ابتسم على معالمها إلى اتغيرت*
وعد : امى موصياك عليا يا فارس *بضحك*
*ضحك على جملتها، بدأوا التدريب و هو بيحاول ميتقلش عليها شافها وقعت على الأرض و مقامتش*
فارس : خمس دقايق بريك خدى ماية
وعد : انا موت خلاص
فارس : لسة فيكى نفس اهو يلا قومى *شدها قومها و بيكملوا تدريب و على الضهر رجعوا الاوتيل يفطروا*
فارس : وعد انتى تعرفى حد اسمه حاتم
وعد : مين *اتغيرت معالم وشها بسرعة إلى لاحظها*
فارس : تعرفيه
وعد *بلعت ريقها*: بتسأل ليه
فارس : انا عرفت إلى حصل بس الى انتى متعرفهوش أنه مشترك مع سيف فى نفس الصفقة والى احنا رافضينها و كمان هما إلى ورا المكالمات إلى جاتلنا و حصل حاجة كدا*حكالها إلى حصل مع سارة و امير*
وعد : …..
فارس : ساكتة ليه انتى لسة بتحبيه ولا ايه*سألها و منتظر الجواب*
وعد : انا بكرهه انا لو شوفته معرفش ممكن ايه الى يحصل انا ممكن اقتله عارف يعنى ايه انا مش عارفة ايه الى حدفه علينا تانى الاول خد كل املاكنا و دالواتى عايز ايه
فارس : اهدى يا وعد متقلقيش كله هيبقى تمام انا جنبك *كل كلمة اتكلمها حسيتها أنه عمره ما هيخذلها أو يسيب حد يأذيها*
وعد : فارس
فارس : يانعم
وعد : كلامك حلو بس خليك قده ماشى *بابتسامةتحدى*
فارس : طلاما انا معاكى متقلقيش من حاجة
*قطع كلامهم مجئ ديانا و نادر*
ديانا : صباح الخير ، صاحيين بدرى مشاء الله عاملة ايه يا وعد انتى كويسة دالواتى
وعد : اه انا تمام
نادر : ازيك يا استاذ فارس
فارس : تمام
نادر : انت متضايق منى ولا ايه ياعم
فارس : وانا اتضايق منك ليه
ديانا : خالينا فى المهم النهاردة هنمضى الورق ولا ايه نظامكوا *بصت لوعد*
وعد: لا احنا تمام يبقى هنتصل بيكوا نحدد الساعة
نادر : ماشى يا قمر
فارس : نادر عايزك ثانية *مشيوا بعيد عنهم*
نادر : أيوة يا استاذ فارس
فارس : لو عايز الصفقة دى تعدى على خير ملكش دعوة بوعد و تحترم نفسك فاهم *بيتكلم بجدية*
نادر : اه هو الموضوع كدا بقا بص هتكلم معاك بصراحة هى عجبانى *قصد يشوف رده*
فارس : عجباك اه ، تمام اوى، مفيش صفقة بينا ،انتهى الموضوع عن اذنك*مشى خطوة وقفه كلمته *
نادر : اظاهر انها اثرت عليك اووى انت نسيت أن شغلنا ملوش علاقة بالكلام دا ولا انت نسيت*بابتسامة استفزاز*
*كتم غضبه و اتكلم *
فارس: لا انا منسيتش بس انا مبشتغلش مع الناس إلى شبهك سلام ياااا نادر
*راح للتربيزة إلى قاعدة عليها*
فارس : وعد يلا بينا
وعد : فى حاجة ولا ايه
ديانا : ما تخليكوا شوية
نادر : ديانا ديانا سيبى العشاق يروحوا على عشهم *بنظرة استفزاز لكنه استغرب ردة فعله*
فارس : عن اذنكوا يا جماعة عشان حبيبتى عايزة تستريح شوية يلا يا وعد *مين حبيبته انا* وعد يلا بينا
ديانا : وعد ياريت تبلغينا امتى هنمضى الورق *اتكلمت بغضب مكتوم*
فارس : مفيش ورق هيتمضى لان مفيش صفقة *رمى كلمته و مسك أيدها و مشيوا و الكل مش فاهم يعنى ايه مفيش صفقة*
ديانا : فارس استنى هنا انا بكلمك ممكن تقولى هو ايه الى مفيش صفقة و بعدين مين دى *بتشاور على وعد*
فارس : والله انا كلامى مفهوم كويس مفيش صفقة انتهى الموضوع *قطع كلامهم و رمى كلمته إلى استغربتها وعد*
نادر : ديانا حبيبتى هقولك ليه مفيش صفقة بس هقولك الملخص المفيد تمام ، وعد خليت فارس يلغى الصفقة أن كيدهن عظيم برضو صح يا قمر *بص لوعد إلى مستغربة الكلام كله و مش فاهمة حاجة*
وعد : معلش بس انا عايزة اقولك حاجة يا استاذ نادر إلى المفروض انى بحترمك يعنى فانت خليك محترم و تنادينى زى الناس لاما متتكلمش معايا خالص ، وبعدين صاحب الشركة مش عايز الصفقة خلاص انتهى الموضوع لكن ترمى كلام ملوش لازمة دا انا مش هسمحله فاهم ولا لا *هو رأسه بالموافقة* تمام اوى استاذ فارس موجود لو حب يرجع فى كلامه اكيد هيقول عن اذنكوا
نادر : آنسة وعد استنى بعد اذنك حضرتك متعرفيش انك انتى الموضوع
ديانا : ايه يا وعد انتى مش حسة بالناس إلى بتتخانق عليكى دى ولا ايه *بتقرب منها و بتلعبلها فى شعرها*انتى سحرالهم ولا ايه
*بعدتها عنها و اتكلمت بجدية ظاهرة*
وعد : طب يا جماعة اظاهر أن الاحترام مش جايب همه معاكوا وانا أرفض انى انزل لمستواكى و ارد عليكى عن اذنك يا استاذ فارس *مشيت من قدامهم و راحت على اوضتها*
نادر: ايه يا فارس مش هترجع فى كلامك
فارس : فارس نور الدين مبيرجعش فى كلامه *مشى من قدامهم و راح على اوضته و يشوف طيارة ترجعهم*
*قامت من نومها و قامت تجهز خرجت من اوضتها لقيته فى المطبخ بيفطر كملت طريقها و اخدت شاور و جهزت و خرجت تشوفه*
امير : دا كله انجزى بقا خمس دقايق افطرى على السريع
سارة : انت روحت و جهزت و فطرت مشاء الله انت صاحى من امتى *بتتكلم وهى بتاكل*
امير : من شوية كدا
سارة : والله انت طلعت شاطر و بتعرف تعمل اكل
امير : اه احسن من إلى مبيعرفش يعمل كيكة
سارة : يالهوى انت لسة فاكر *بضحك*طنط لازم تفضحنى كدا
امير : جهزى شنطتك عشان هتقعدى عند طنط ولا حبيتى الوضع
سارة : اكيد يعنى مش هخليك تقعد معايا تانى طنط ارحم *قلبت وشها*
امير *ضحك علي شكلها*
*جهزت شنطتها و اتحركوا و راحوا عند فاطمة إلى كانت مستنياهم*
فاطمة : اهلا تعالوا الشاى جاهز ادخلوا *قعدوا يشربوا الشاى* بقا كدا يا سارة تفطروا سوا ومن غيرى طب ماشى
سارة : انت لحقت قولتلها
*مسكتها من ودنها*: خليكى معايا انا تفطرى من غيرى لما تيجى وعد بس
امير : خلاص يا طنط هنتغدى معاكى دا لو مفيهاش تقل عليكى
فاطمة : انت لو مجتش هزعل منك والله
سارة : يلا بينا بدل ما الوقت يجرى
*ركبت معاه العربية بعد ما خلاها تسيب الموتوسيكل بتاعها*
*راحوا على الشركة واتفقوا يتقابلوا فى اخر اليوم دخل مكتبه و بدأ يشتغل لكن قطعه رنت تليفونه و اتنهد قبل ما يرد خلص مكالمته و حط أيده على دماغه*
امير : استناك فى المطار انت ايه الى جايبكوا دالواتى
*فى الاوتيل مسك تليفونه يكلمها بعد ما اتفق أنهم هيرجعوا القاهرة و اتفق و حجز الطيارة*
فارس : الو يا وعد
وعد : الو يا فارس
فارس : جهزى شنطتك عشان على بليل هنرجع على القاهرة
وعد : حاضر ماشى
فارس : فى حاجة يا وعد مالك
وعد : مفيش حاجة انا تمام
فارس : تحبى تيجى نتغدى سوا
وعد : معلش انا هقعد فى الاوضة عقبال ما الم حاجتى و بعدين هنام
فارس : طيب ماشى سلام نتقابل بالليل
*اتقابلوا بالليل و سافروا و وصلوا على العشا استقبله واحد من رجالته بالعربية و وصلها لبيتها و هو راح على بيته دخل و حط شنطته و قعد على الكنبة سمع صوت وراه اتخض بس شاف امير قدامه*
امير : فارس انت مقولتش انك جاى مش كنت تقولى كنت استنيتك انت كمان
فارس : انت بتعمل ايه هنا
امير : طب تمام اهدى كدا عشان نتكلم
: فارس*سمع صوته بيناديه اتغير شكله و بيبص لامير و بيجذ على سنانه من الغضب*
يتبع….
لقراءة الفصل التالي : اضغط هنا
لقراءة الرواية كاملة اضغط على : ( سيوف الفارس )
