رواية عشق بالخطأ (أحببت مجنونة 5) الفصل العاشر 10 بقلم نجمة براقة
رواية عشق بالخطأ (أحببت مجنونة 5) الجزء العاشر
رواية عشق بالخطأ (أحببت مجنونة 5) البارت العاشر
رواية عشق بالخطأ (أحببت مجنونة 5) الحلقة العاشرة
قعدت في المستشفى ساعات لغيت ما جه الليل وانا مش عارف هعمل ايه لو ريماس ماتت، مفيش اي دليل علي اللي حصل غيرها هي، ولو ماتت سرها هيموت معاها،… دخلت عندها من غير ما اخد اذن الدكتور، وحاولت اكلمها لكن كل اللي طلع منها نفس بيطلع بصعوبه،
سيف _ انتي لو موتي مسك عمرها ما هتعرف اني مخونتهاش… قومي متموتيش دلوقتي، انا حياتى هتبوظ بسببك.. وانتي كمان لسه مشوفتيش ابنك… قومي يا ريماس
كنت بتكلم معاها لما دخل الدكتور وفي ايده ولد صغير وشه عليه كدمات وشكله مضروب
الدكتور _ انت ايه اللي دخلك هنا
سيف _ دكتور ارجوك اتصرف هي مينفعش تموت دلوقتي
الدكتور _ احنا مش بأدينا حاجه نعملها
سيف _ طيب ينفع اسفرها برا تتعالج
الدكتور _ مينفعش لو ينفع كنت قولتلك نسفرها بس للأسف، هي مبقلهاش غير ساعات ويمكن دقايق،
سيف يمسح على شعره _ ياالله
الدكتور _ ربنا يصبرك… اتفضل ابنك
سيف _ ابن مين
الدكتور _ دا مش ابنك
سيف _ لأ معرفهوش
الدكتور _ هو انت مش جوزها
سيف _ لأ
الدكتور _ اسف بس اللي جابه قال انه ابن المريضة وانا فكرته ابنك
سيف ل سليم _ انت ابنها
سليم يروح عندها ويسند رأسه على دراعه _ ماما
سيف _ انت اسمك ايه
سليم _ سليم
سيف _ طيب تعاله معايا
سليم _ ماما اصحي
سيف _ تعاله، دلوقتي هتصحا
سليم يمسك في ايدها _ لا
سيف _ عاوز شيكولاته طيب
سليم _ انا عاوز ماما
سيف _ ماما نايمه دلوقتى
سليم _ ماما اصحي
كنت في سنه تقريباً لما امي ماتت، واقدر احس باحساسه دلوقتي، ورغم اني كبرت ومريت بمواقف اصعب من كده بكتير، بس مقدرتش اتحمل الموقف ده، مقدرتش اشوف طفل عاوز امه اللي بتموت تصحا وتكلمه، ف خرجت بره الاوضه، ومقدرتش امنع نفسي اني ابكي،
#ريماس
حاسه بكل حاجه حوليه لسه، وكأن روحي متعلّقة بشوفت سليم ومكنتش هتطلع قبل ما اشوفه،
وشوفت سيف هو وماشي وكنت بتمنا اقدر اتكلم بس كان صعب عليه اني اكلمه، وبعدما مشي قدرت اتكلم بصعوبه، ومع كل كلمه احس روحي بتتسحب منى
ريماس _ حبيبي
سليم بدموع _ شوفي قطعلي صوباعي ازاي
ريماس _ متزعلش انت عندك كتير غيره،
سليم بدموع _ انا عاوز صوباعي يا ماما
ريماس _ هنجبلك صوباعه منه بدال اللي خده منك
سليم _ بس هكبر وهقطعله صوباعه كله
ريماس بصعوبه _ عمو الي بره هيقطعلك صوابعه، كلهم
سليم _ هيقطعهم بجد
ريماس _ اه بس انت خليك معاه،
سليم _ انا هقعد معاكي
ريماس _ انا همشي
سليم ببكاء _ مهدي والحرامي هياخدوني تاني لو مشيتي
ريماس بصعوبه _ اندهلي عمو اللي بره عشان نقوله يضربهم ومش هيقدرو ياخدوك تانى
سليم ببكاء _ لأ
ريماس _ يلا اندهلو بتحبني.. بسرعه مفيش وقت
سليم ببكاء _ لأ انا هقعد معاكي
ريماس تتعب تاني وتتنفس بصعوبه ليطلق الجهاز صافره تدل علي توقف القلب
سليم ببكاء _ ماما قومي
#سيف
سمعت صوت صافره وسليم بيبكي، والدكاتره بيدخلو وهما بيجرو وانا روحت وراهم لقيت الخط استقام وسليم ماسك في ريماس وبيبكي
وانا رجليه مشالتنيش وقعدت مكاني، وراح املي الوحيد ان مسك تعرف الحقيقة،.. وانا شايف ريماس خلاص ماتت
الدكتور يمسك ايد سليم ويبعده عنها ويديه ل سيف
الدكتور _ طلعو من هنا لو سمحت مينفعش يشوف المنظر ده
سيف يقعد علي ركبتيه ويبصله _ متعيطش،
سليم ببكاء _ ماما ماتت؟
سيف بدموع _ لأ هي موجوده بس هتنام شويه علشان تعبانه، يلا نمشي ونجيلها بعدين
سليم ببكاء _ هقعد مع ماما
سيف _ ماما لازم تنام.. تعاله معايا ونجيلها الصبح
سليم بدموع _ طيب هتيجي معايا تضرب الحرامي
سيف _ اه هنضربه ونكسر عضمه
سليم يوريله ايده _ وتقطعله صوباعه زى ما قطع صوباعي
سيف بذهول _ مين اللي عمل كده
سليم بدموع _ الحرامي،
سيف _ حرامي مين. اسمه ايه
سليم ببكاء _ اسمه مهدي والحرامي
سيف يشيله _ حبيبي انت كنت فين
سليم _ كنت في بيت الحرامي
سيف _ مكنتش مع عمك يعني
سليم _ لا كنت مع الحرامي
سيف _ طيب خلينا نروح البيت، وبعدين نضرب الحرامي ونقطع صوابعه كلهم
سليم _ ماما قالت انك هتضربه
سيف يبص لريماس _ كلام ماما صح، هنضربه مع بعض
اللي فهمته ان سليم كان مخطوف وبيتعذب علشان في اثار ضرب علي وشه وصباعه مقطوع بس مفهمتش ايه يخلي ريماس تعمل كده رغم مرضها و حزنها علي ابنها، اكيد مش هيكون قصدها تخطفني من مسك وهي في الحاله دي،،، وياترا خطف سليم ليه علاقه باللي عملته ولا لأ،.. مكنتش عارف،
خدت سليم ورحت عند بابا عشان اعرف مسك ان سليم ابن ريماس و انها ماتت وانها كانت تعبانه وبتموت بقالها فتره، يمكن ده يخليها تعقل الموضوع شويه وتفهم ان في حاجه غلط.. لكن لما وصلت وكانت الساعه 9 مسآء ملقتهاش وعرفت انها سافرت بس محدش عارف هي مسافره فين
سيف بانفعال _ سافرت يعني ايه، وازاي محدش يقولي
رودينا _ مقالتش يابني
سيف بغضب _ وفين أسر
رودينا _ نايم جوه
سيف _ قدرت تسافر وتسيبه،.. ليه هو خانها كمان ولا أيه… مش ممكن
مراد _ هي معذوره.
سيف _ متدافعش عنها،.. دافع عني مره واحده… ايه يخليها تسافر وتسيب ابنها، ولا هتطلق منه زي ما عاوزة تطلق مني
رودينا _ دلوقتي تتكلم ونعرف هي فين، طول بالك
سيف _ محدش يقولي طول بالك… هي لو كانت استنت شويه كنت فهمتها الموضوع، بس هي اختارت نفسها وبس
رودينا _ ممكن تهدا، وتقولنا مين الولد ده
سيف _ ده سليم ابن ريماس
مراد _ افندم… وجايبه ليه ان شاءلله
سيف _ امه ماتت و كانت موصياني عليه
رودينا _ ماتت ازاي مش كانت معاك امبارح و… انا مش فاهمه حآجه
سيف _ ولا انا… ريماس كان عندها القلب وكل شوية تتعب وابنها كان مخطوفه، بالعقل كده واحده متبهدله بالشكل ده هعمل معاها علاقه ليه
مراد _ طيب وانت ناوي تخليه معاك بعد اللي حصل
سيف _ ايوه طبعاً
مراد _ تبقا كده بتأكدلنا ان كان بينك وبينها حاجه ومسك مستحيل هتسامحك
سيف _ انا كان ممكن اعذرها مهما تعمل بس بعد ما فكرت في نفسها ونسيت أسر، وسافرت انا مش هخاف علي زعلها ولا هبررلها حاجه
مراد _ يعني ايه
سيف _ يعني براحتها، انا مش هسيب سليم
رودينا _ مفهاش حاجه بس يابني احنا لغيت دلوقتي مش فاهمين اللي حصل،.. انت عملت معاها علاقه ولا ايه فهمنا
سيف _ صدقيني مش فاكر حآجه، هي عملت عصير ولما شربته محستش بنفسي غير ومسك واقف قدامي وبتبكي
مراد _ يعني حطتلك حاجه في العصير
سيف _ ايوه
مراد _ ايه هيخلي واحده عندها القلب وابنها مخطوف تعمل كده فيك
سيف _ معرفش، ماتت قبل ما تقولي،
مراد _ مش قادر اقولك كله هيبان لان مش باين كده ان ليها حل غير ان مسك تصدقك من غير دليل
سيف _ براحتها تصدقني او لا مبقاش يهمني… فين أسر
رودينا _ نايم جوه
سيف _ طيب معلش خلي بالك منه ، وانا هاخد بالي من سليم النهارده
رودينا _ هاته انومه
سيف _ لأ انا هخليه معايا
رودينا _ هو ملهوش حد خالص؟
سيف _ معرفش، كل اللي اعرفه ان ابوه وامه ميتين
سليم _ ماما نايمة
سيف _ اه ياحبيبي، ماما نايمة،… ايه رايك تيجي معايا نلعب جيم بالايباد
سليم _ لأ
سيف _ طيب نسمع فيلم كارتون
سليم _ لأ
سيف _ انت جعان طيب
سليم _ ايوه
سيف بإبتسامة _ اوكي انا هاخدك بيتنا واجبلك كل الاكل اللي تحبه
سليم _ طيب
خدته البيت وجهزتله اكل وهو طول الوقت قاعد ساكت ومبيتكلمش ومأكلش كويس وكل شويه يبص علي صوباعه المقطوع ويحسس عليه
سيف _ بيوجعك
سليم _ لا
سيف _ متزعلش، بكره يطلعلك صوباع جديد
سليم _ انا عاوز اقطع صوباع الراجل اللي قطع صوباعي
سيف _ اسمه ايه اللي قطع صوباعك
سليم _ مهدي
سيف _ ليه قطعهولك
سليم _ علشان كنت ببكي علي ماما،
سيف _ الراجل ده خدك ازاي
سليم _ قالي تعاله اوديك لماما
سيف _ وهو اللي ضربك في وشك كده
سليم _ عمو الحرامي اللي ضربني
سيف يحضنه _ متزعلش، هنموت عمو الحرامي ومهدي اللي قطعلك صوباعك، بس نلاقيهم
سليم_ وهنروح لماما الصبح
سيف _ وهنروح لماما
#مريم
روحنا ال Nightclub وشاهر كان هناك، ولما وصلنا، البنات بدأت تتلم علينا من كل مكان زي النمل وكلهم فرحانين ان ياسر رجع،وهو متجاوب معاهم وقام يرقص وكلهم راحو وراه، وكل شويه يبصلي وهو مبتسم ببرود ويرقصلي حواجبه ويميل علي البنات بشكل يعر
شاهر يوقف جمبها وفي ايده كاس _ اتفضلي
مريم _ مش بشرب
شاهر _ احسن، كفايه اللي حصل المره اللي فاتت
مريم _ متفكرنيش
شاهر _ اوكي… بس انا امبسطت لما عرفت انك جايه
مريم _ نعم
شاهر _ اقصد ان ده معناه انكم قربتو من بعض، هو كده ياسر لما ينوي يقرب من بنت بيعرف يعمل كده وبسرعة
مريم _ وانت مين قالك انه ناوي عليه
شاهر _ هو قالي من قبل ما تتكلمي معاه
مريم _ قالك ايه
شاهر _ قالي انك عجباه اوووي
مريم_ يعني هو كان بوعيه لما خدني في بيته
شاهر _ معرفش انا دخلت الحمام وسبته ولما رجعت ملقتكش ولا لقيته
مريم بدموع _ وهو عاوز يفهمني انه كان سكران ومش حاسس بحاجه… حقير…. هات ده وبتاخد منه الكاس وتشرب، وتطلب تاني وتشرب لغيت ما سكرت
#ياسر
شوفتها بتشرب وبعدين جت في ساحة الرقص وبقت ترقص بجنان ومن غير عقلها
ياسر يمسك ايدها وهي تذقه
مريم _ انت متلمسنيش، انا عرفاااك عاوز تتعدا عليه تاني، بس انا المره دي مفتحه اوي حتي شوف
ياسر يمسكها من ايدها ويشدها ويقعدها علي الكرسي _ انت ازاي تشربي تاني انتي متوبتيش،
مريم بزعيق _ ملكش دعوه بيه انت فاكر نفسك جوزي بجد ولا أيه
ياسر _ طيب يلا بينا وبلاش فضايح
مريم _ لاااااا، انا عاوزة ارقص… انت يابني شغلي حمو بيكا
ياسر _ حمو بيكا ايه وزفت ايه.. قدامي
مرضتش تمشي معايا ف شيلتها ودخلتها العربيه ورجعنا البيت، وربنا ستر وبابا مكانش في البيت
شهيره _ مالها دي
ياسر تعبت تاني
مريم بزعيق _ شهيررره انتي معرفتيش تربي يا شهيررره
شهيره _ سامع قلت ادبها
ياسر _ مش عارفه بتقول ايه، سامح قالي ان الدوا اللي بتاخده بيخليها تقول كلام غريب
مريم _ وانتي ماااااالك، قولها ملكيش دعوه واكسفها… يلا قولها
فضحتنا قدام ماما ف شيلتها علي كتفي ودخلتها الاوضه ونومتها علي السرير وقلعتلها جزمتها
مريم ببلاها _ تعاله تعاله، متخافش مش هضربك ههههه
ياسر يقعد جمبها _ فضحتينا مين قالك تشربي
مريم تنام علي رجله _ قولي هوي هوي علشان انام
ياسر _ ههههه هوي هوي؟
مريم بزعيق _ قوووولي هوي هوي
ياسر بضحك _ هوي هوي هوي
مريم تبصله _ انت بتضحك ليه وانت بتقول هوي هو
ياسر بإبتسامة _ اصلي مجنون
مريم _ انت حلو
ياسر_ انتي شيفاني حلو
مريم _ حلو اوي وموز كمان
ياسر _ انتي لسه سكرانه صح
مريم بزعيق _ مش بسكر حتى لو شربت برميل، انت اللي بتسكر وتغتصب البنات وانت مش حاسس
ياسر بضحك _ واضح،.. طيب نامى وبطلي زعيق
مريم _ طيب العب في شعري
ياسر بإبتسامة _ حاضر، كويس كده
مريم _ ايوه
ياسر _ قوليلي صحيح
مريم _ صحيح
ياسر _ ههههه لا قصدي هسألك سؤال
مريم _ ايوه
ياسر _ انتي روحتي ورايا ال Nightclub ليه يومها
مريم _ علشان اقولك اني بحبك بس انت طلعت واطي وانا بكرهك دلوقتي
ياسر بإبتسامة _ طيب قومي من علي رجلي طالما بتكرهيني
مريم _ لأ
ياسر _ مش بتقولي بتكرهيني، نايمة ليه علي رجلي بقا
نامت وانا بكلمها وانا كمان ميلت على المخده ونمت
#نسمه
جت الساعه 2 وانا صاحيه وبفكر في اللي حصل عند زين وبصاته وكلامه ، ورقصنا مع بعض،، ومع اني اخري الساعه عشره بس اهو عدت 2 وانا لسه صاحيه، ومش قادره انام ف قومت وطلعت البلكونة يمكن ادوخ وانام، ولما طلعت لقيته واقف في البلكونة، بتاعته بس ملامحه مش باين اوي علشان الضلمه والنور اللي جاي من وراه،
وقفت ابص عليه وانا مرتاحه لاني مش شايفاه كويس … وبعدين شوفته ماسك تليفونه وبعد ثواني وصل إشعار علي تليفوني وانا تجاهلته، وهو شاورلي بأديه ف فهمت ان الاشعار ده منه هو ف روحت جبت التليفون ولما فتحت الاشعار لقيت طلب صداقه منه، ف رجعت البلكونة وقبلت الطلب وبعد دقيقة وصلتني رسالة منه
زين _ كنتي بتقولي انك ملكيش في السهر
نسمه _ نمت وصحيت عشان اشرب
زين بإبتسامة _ نور اوضتك مطفيش دقيقة، نمتي ازاي
نسمه _ من شدة نعسي نسيت اقفله
زين بإبتسامة _ يابختك نومتي غيرك مش قادر ينام
نسمه _ ليه
زين _ كنت برقص مع واحده من يومين، وشوفت عينيها ومن وقتها وهي واخده النوم من عيني، ،
نسمه بإبتسامة _ مين الواحدة دي، مجبتليش سيرتها قبل كده
زين بإبتسامة _ بجد حابه تعرفيها
نسمه _ لأ
زين _ انا بقول اقولك، احنا صحاب مش.كده
نسمه _ مش عايزة اعرف … متقولش
زين _ مش عاوزاني اقول ليه
نسمه _ حاجه متخصنيش
زين _ متخصش حد غيرك
نسمه _ انت عارف اني مرتبطه مفيش داعي تكلمني كده ولا تتصرف معايا زي ما عملت وانا عندك
زين _ انا مش متنقع بارتباطك ده.. ازاى يعني معجبه بيه من قبل ما نتقابل وبشكل جنوني ولما نتقابل ونقرب من بعض تفضلي لسة بتحبي حسام ده
نسمه _ عادى جداً على فكره … انت مطربي المفضل، هو حبيبى وانا بحبه
زين _ عمرك سهرتي تفكري فيه قبل كده
نسمه _ قولتلك اني مليش في السهر
زين _ بس الليله دي سهرتي.. دا ملفتش نظرك لحاجه
نسمه _ قولتلك صحيت علشان اشرب
زين _ مش مصدقك
نسمه _ دي مشكلتك
زين _ اوووكي، مشكلتي وهحلها
نسمه _ برافو… تصبح علي خير
زين _ استني
نسمه _ ايه
زين _ عاوزك معايا
نسمه _ عاوزني معاك فين
زين _ في الشغل
نسمه _ تاني. ما انا قولتلك ده مش هينفع
زين _ لازم توافقي انا خلاص الفكره دخلت دماغي ومش هسيبك
نسمه _ زين قولتلك ده مستحيل
زين _ المستحيل اني اسيبك، انتي هتشتغلي معايا، وهتبطلي تحبي حسام ده
نسمه _ وايه دخل حسام في موضوع الشغل
زين _ انتي فاهمه متعمليش فيها غبيه
نسمه بإبتسامة _ زين انت مبقالكش كتير هنا، ايه سر اصرارك عليه كده
زين _ هتصدقيني لو قولتلك ان مفيش واحده لفتت انتباهي غيرك
نسمه _ عاوز تفهمني ان واحد مشهور زيك عاش حياته في امريكا والبنات كلها بتحبه مفيش واحده لفتت انتباهه غيري.. اصدقها ازاي دي
زين _ دا اللي حصل
نسمه بإبتسامة _ هعمل نفسي مصدقه بس بردو مش موافقه علي الشغل
زين _ هتوافقي،انا مش هسكت غير لما تشتغلي معايا
نسمه بإبتسامة _ اوك حاول يمكن تقنعني
زين بإبتسامة _ اوعدك هتوافقي
نسمه _ هنشوف. يلا تصبح على خير
زين _ بقولك
نسمه _ ايه
زين _ خدي منوم عشان تقدري تنامي
نسمه بضحك _ ماشي…
رجعت قعدت على السرير وصور محادثاته وبعتهم ل اسراء وهي ردت عليه
اسراء _ يا حنين علي الفجر كده
نسمه _ انتي صاحيه
اسراء _ اه صاحيه يختي قايمه اصلي الفجر احسن منك
نسمه _ ربنا يتقبل بس لسه شويه علي الفجر
اسراء_ بقرا شوية قران يكون اذن
نسمه_ ربنا يتقبل
اسراء _ ايه حكايته ده بقا
نسمه بإبتسامة _ بيلمح لحاجات مش مفهومه ومُصر اني اشتغل معاه
اسراء _ ياااحبيبتي… مش مفهومه بجد، ده مش ناقص غير انه يدبهالك في وشك.. عليه انا يابت
نسمه _بصراحه فاهمه… بس مش عايزة اقول
اسراء _ انتي روحتيلو تاني بيته
نسمه بإبتسامة _ اه ورقصنا مع بعض، وشغل اضاءه وموسيقي يجننوو،وقفل الباب عشان مخرجش
اسراء _ وعمل ايه تاني
نسمه _ وقالي اني مش هنام النهارده، واديني مش قادره انام
اسراء _ الله يرحمك يا حسام
نسمه _ يرحمه ليه انا بحبه هو
اسراء _ وهى اللي بتحب واحد هتسهر تفكر في غيره ليه
نسمه _ زين صاحبي وبس
اسراء _ صاحبك
نسمه _ اه صاحبي
اسراء _ طيب يختي، بس خلي بالك ده مُصر انك تشتغلي معاه انا مش مطمنله ل أصراره ده
نسمه _ هموت واعرف ممكن يعمل أيه
اسراء _ وتموتي ليه مسيرك تعرفي .. يلا مش عايزة انقض وضوئي في النم معاكي
نسمه _ ماشي
قفلت معاها وقومت الف في المكان ورجليه خدتني للبلكونه و وقفت شويه وبعد ثواني وصلتني رسالة من زين
زين _ لو معندكش منوم ممكن اجبلك
بصيت هنا وهناك اشوفه فين وشايفني ازاي وملقتهوش خالص
زين _ بتدوري على أيه
نسمه _ انت فين
زين _ على سريري
نسمه _ شايفني ازاي
زين _ بقلبي ههههه
نسمه بإبتسامة _ ماشي .. تصبح علي خير
#مريم
صحيت الصبح لقيت نفسي نايمه علي رجله وهو مايل بنص جسمه علي المخده ونايم،.. قومت بسرعة وكنت هزعق بس شكله صعب عليه،.. لانه طول الليل نايم كده، انا لو نمت كده هحس جمبي اتكسر،.. ف عدلته براحه عشان ميصحاش، وغطيته
صحيح هو واطي ومستحيل اسامحه بس مسابنيش لما تعبت والنهارده استحمل وجع الضهر علشان ميصحنيش
#ياسر
صحيت قبلها ولما بدأت تفوق، عملت نفسي نايم، وبعدين هي قامت وعدلتني علي السرير وغطتني،.. كنت بتمنا افتح واضايقها بس قولت بلاش تحرجها مع اول محاولة كويسه ليها
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشق بالخطأ (أحببت مجنونة 5))
