رواية حفصه الأسد (انت مرادي 2) الفصل الخامس 5 بقلم يارا ابراهيم
رواية حفصه الأسد (انت مرادي 2) الجزء الخامس
رواية حفصه الأسد (انت مرادي 2) البارت الخامس
رواية حفصه الأسد (انت مرادي 2) الحلقة الخامسة
في شقة فخمة كان مراد قاعد في اوضه وفجأة رن موبايله………
مراد:/الوا يا عمر.
عمر:/الوا… انت فين.
مراد:/انا في الشقة بتاعتي.
عمر:/طيب مش ناوي تفهمني عملت كده ليه.
مراد:/لو متصل علشان تسأل نفس السؤال يبقي اقفل احسن.
عمر:/يعني بردو مافيش رد.
مراد:/عايز حاجه ولا اقفل.
عمر:/هترجع الفيلا امتي.
مراد ببرود:/بكره.
عمر:/لوحدك ولا.
مراد:/أنا ونهى.
عمر بغيظ:/يعني عايز تقعد نهى في نفس البيت مع يارا انت واعي بتقول ايه.
مراد:/اه وايه المشكلة يارا مش فارقه معها.
عمر:/الكلام معاك مافيش منه فايده.
قفل عمر مع مراد وفجأة سمع مراد نهي بتقول…….
**********************
عند يارا………..
خدت يارا شاور وطلعت لقت هنا روقت الاوضه فقالت هنا……….
هنا:/يلا اقعدي كلي وانا هستشور شعرك.
يارا:/ماليش نفس أكل.
هنا:/فكري في البيبي.
يارا بتنهيده كلها وجع………
يارا:/البيبي اه.
هنا:/انسي كل اللي شوفتيه النهارده علشان نعرف نخطط.
يارا:/نخطط لايه بالضبط.
هنا:/لقتلها.
يارا بصدمه:/قتل ايه الله يخربيتك.
هنا:/امال هتسبيها.
يارا:/لا بس مش هقتلها وبعدين بقولك ايه امشي وسبيني علشان خلاص مرارتي مش مستحملة اكتر.
هنا:/طيب هنزل بس اعملي حسابك هتفطري بكره معانا وهترجعي الفيلا.
يارا:/مش هرجع الفيلا.
هنا:/كفايه هبل علشان تعرفي سبب الجوازه دي لازم يبقوا تحت عينك وانا هجهز خطط تانيه مع ان القتل انسب حاجه بس هقول ايه.
يارا:/هنا ممكن تغوري من وشي.
هنا:/ماشي همشي بس كلي.
يارا:/هاكل بس علشان تسبيني في حالي.
هنا كانت لسه هتفتح الباب علشان تمشي شدتها يارا وحضنتها وقالت…….
يارا:/مع انك هبله ساعات بس بحبك اوى شكرا.
هنا:/اهم حاجه تقدري تعدي اختبارك بكفاءه.
مشيت هنا وقعدت يارا تاكل وفجأه رن الموبايل اللي اخيرا فتحته وقالت بفرحه…….
يارا:/الوا يا غيث…. بقي كده يا واطي مش تكلمني اسبوع بحاله.
غيث بتفحص:/معلش يا حبيبتي بس انتِ كويسه علي فكره انا راجع مصر.
يارا:/انا الحمدلله وعلي فكره انا عارفه انك شفت الاخبار وعشان كده راجع….. بس متنساش اني يارا.
غيث:/فهماني دايما كده.
يارا:/علي العموم تشرف مستنياك.
غيث:/انا عارفه انك ماسكه دموعك بالعافيه بس متخافيش هنزل اخدك من هناك وهطلقك منه.
يارا:/بس انا مش همشي ومش هطلق.
غيث:/يبقي بتفكري في حاجه.
يارا بإبتسامة:/بالضبط.
غيث:/احكيلي يا فنانة.
يارا:/لا مش دلوقتي وبعدين طيارتك هتوصل مصر امته.
غيث:/هتوصل 8:00 الصبح.
يارا:/تمام هستناك في المطار بكره.
غيث:/ماشي ياستي.
فضلوا يتكلموا شويه وبعدين قفلت يارا وقررت انها مش هتزعل تاني وهتاخد حقها بس براحه………..
عدي اليوم ده بصعوبه علي مراد ويارا اللي بيفكروا في بعض وعلي العيله اللي شايله همهم وبسعادة علي نهى واعوانها………
في اليوم التاني……….
لبست يارا وجهزت ونزلت ركبت عربيتها بعد ما كتبت رساله لكل البيت انها راحت مشوار ومش هتتأخر……
بعد مده وصلت يارا المطار ودخلت فضلت شويه تستنا غيث وفجأة لقت حد بيحط ايده علي عنيها وبيقول………
غيث:/أنا مين.
يارا:/جحش المعلمين.
غيث:/وحيات خالتك.
يارا حضنت غيث جامد وقالت بضحك…….
يارا:/علي فكره خالتي دي اللي هيا أمك.
غيث:/تصدقي صح.
ضحكوا سوا وطلعوا فقال غيث……
غيث:/انتِ جايه لوحدك ليه.
يارا:/تؤ مش جايه لوحدي.
غيث:/امال مين جاي معاكي مش شايف حد.
شاورت يارا علي بطنها فقال غيث……..
غيث:/حتي انا كمان.
يارا ضحكت جامده فقال غيث……
غيث:/اله بتضحكي علي ايه انا كمان جعان.
يارا:/يابني انا مش قصدي كده فكر شويه.
غيث:/مش فاهم قولي انتِ.
يارا:/فيه نونو هنا.
غيث من الصدمه سابها وركب العربيه وهو بيقول……
غيث:/كفايه كده علشان مش تموتي محروقه.
يارا بصدمه:/يابني بجد والله مش كدب.
غيث:/قولي والله.
يارا:/والله العظيم انا حامل.
نزل غيث من العربية جري وشالها وفضل يلف بيها وناس كانت ماشيه تبص عليهم فقالت يارا بضحك……
يارا:/الناس بتبص علينا.
غيث:/اللي يبص يبص محدش ليه عندنا حاجه.
يارا:/طب يلا علشان نمشي.
غيث:/يلا بس انا اللي هسوق.
يارا:/سوق بس نزلني.
غيث اخيرا نزل يارا وقال……..
غيث:/يلا بس امشي براحه.
يارا بضحك:/يابني انا لسه في الاول.
غيث:/ولو امشي براحه برضو.
يارا:/طيب.
ركبوا العربيه وفضلوا يتكلموا سوا……..
********************
في الفيلا………
كانوا كلهم قاعدين علي السفره متوترين فقالت نجلاء……
نجلاء:/يعني هيا مش قالتك راحه فين.
هنا:/سألتوني السؤال ده للمره اللي مش عارفه عددها وقولتلكم لا.
فهد:/ايه يا بت البرود ده قاعده بتكلي عادي.
هنا:/متخافوش هيا مش راحت لمراد هيا مش هبله.
قاطع كلامهم دخول يارا وهي حاضنه غيث فقال فهد….
فهد:/ايه ده غيث.
وقام فهد وحضنه وقال……..
فهد:/بقي كده مش تقول لاخوك انك جاي بس بتقول لي يارا صح.
غيث:/كنت عاملها مفاجأة.
هنا:/ممم ماشي يا بكاش.
غيث:/ايه ده هنا… ليكي وحشه والله.
هنا:/امشي يا كذاب ده انت ماسألتش.
يارا:/اقعدوا كلوا وانا هطلع اغير هدومي.
كانت لسه هتطلع مسكتها هنا وقالت…….
هنا:/مش اتفقنا امبارح.
يارا بتنهيده:/ماشي.
قعدوا علي السفره وبعد شويه ايجوا العاملات شالوا الاكل وقالت هنا…..
هنا:/بصو وركزوا معايا علشان كلنا لينا ادوار في الخطه دي.
وبدأت تتكلم وتقول…
هنا:/الخطه الاول ان يارا هترجع الفيلا وعلي فكره مراد كمان هيرجع الفيلا بس مش لوحده معاه الحربوقه.
فهد:/وانتِ عرفتي ازاي.
هنا:/عمر هو اللي قالي.
هنا:/دلوقتي يارا هترجع الفيلا بس مش لوحدها.
خالد:/قصدك ايه.
هنا:/قصدي انه كلنا هنروح معاها.
فهد:/هنروح ليه.
هنا:/لانه اللي زي نهى مش سهلين ولما تعرف ان يارا حامل اكيد هتحاول تنزل البيبي.
نجلاء بخضه:/لا طبعا مش هنسمحلها.
هنا:/اهدي بس يا ماما ماهو علشان كده انا قولت هنروح كلنا.
هنا:/وبكده هنعرف ايه سبب الجوازه دي ومين اللي بيدعم نهى لانها مستحيل تعمل كده اللي اذا كان حد بيدعمها.
هنا:/ها موافقين.
كلهم هزوا راسهم بالموافقه ف بصت هنا لي يارا اللي ساكته من ساعه ما قعدوا……
هنا:/ها يا يارا.
يارا بجمود:/موافقه بس بشرط.
هنا:/ايه هو.
يارا:/محدش يقول لمراد اني حامل.
كلهم فضوا يقولوا ازاي مش ينفع انما هنا قالت………
هنا:/بتفكري في ايه بالضبط.
يارا:/لما يجي وقتها هتعرفوا.
هنا:/ماشي يا يارا بس هنروح كلنا بصفه ايه.
يارا:/انكم مش مرتحين لي نهى وخايفين عليها مني… وكمان مراد محدش يقوله ان غيث اخوه فهد.
قالت يارا الكلمتين دول وقامت طلعت ترتاح شويه قبل ما ترجع الفيلا………
******************
عند مراد……….
كان مراد ونهى قاعدين بيفطروا سوا فقالت نهى…….
نهى بمكر:/اسفه يا مراد اللي حصل امبارح كله بسببي.
مراد:/لا لا انتِ مالكيش ذنب….. واول ما تخلصي أكل جهزي الشنط.
نهى:/ليه هنروح فين.
مراد:/هنرجع الفيلا.
نهى بإستغراب:/بس جدك.
مراد:/لا هنرجع الفيلا بتاعتي.
نهى:/طب ويارا.
مراد:/انتِ مراتي زي ما يارا مراتي.
نهى بخبث في نفسها:/سهلت عليا حاجات كتير.
نهى:/تمام انا كلت هقول اجهز الشنط.
********************
في فيلا عامر……..
هنا:/قولت لحاتم يودي الشنط الفيلا.
فهد:/اه فاضل شنط يارا.
قاطع كلامهم غيث وهو بيقول…….
غيث:/المزه نزلت.
بصوا كلهم ناحية السلم لقوا يارا لابسه فستان اسود في ذهبي والحجاب ذهبي وكان شكلها يجنن نزلت يارا والكل كان بصصلها بإنبهار فقالت نجلاء…….
نجلاء:/ياختي مش عارفه بس للسلعوه دي ازاي ومعاه قمر منور.
هنا بهمس لي يارا:/شكلك ناوي علي نيه سوده.
يارا:/استني وشوفي.
هنا:/اممم مستنيه.
غيث:/ بتتوشوشوا في ايه.
هنا:/ ماتاخدش في بالك وربنا يعينك.
غيث:/مش فاهم قصدك ايه.
يارا:/متخدش في بالك هنا هبله.
غيث:/وربنا انتِ خساره في جتته.
يارا:/اممم ومين بقي اللي يستاهلني.
غيث:/واحد زي ده وسيم ومز وكل البنات هتموت عليه.
يارا بضحك:/لا والله.
غيث بجدية:/عايزة تفضلي معاه ليه.
يارا:/ ومين قالك اني عايزة افضل معاه.
غيث:/يارا أنتِ عارفه اني اكتر واحد فاهمك.
قاطعهم بفهد وهو بيقول…..
فهد:/يلا علشان نمشي.
يارا حطت ايدها في ايد غيث ومشوا واول ما وصلوا قدام الفيلا وصلت عربية مراد نزل مراد وهو ماسك ايد نهى فشد غيث علي ايد يارا وقال………
غيث:/ اياكي تنزلي دمعه انتِ فاهمه.
يارا:/مش قادره.
غيث:/مالك في ايه.
يارا:/مش عارفه حسيت بدوخه فجأة.
غيث:/مش تكلميه.
يارا:/استني بس.
وقف مراد ووقفت يارا قدامه فقال مراد……..
مراد:/ايه ده انتِ هنا.
يارا:/اله بيتي ولا عندك راي تاني.
مراد:/لا طبعا ازاي بيتك.
يارا:/منوره يا عروسه.
نهى بغرور:/طول عمري منوره.
يارا:/دي اللي ظاهر لنا الله اعلم ايه اللي مستخبي.
نهى:/قصدك ايه اني مش حلوه.
يارا:/اللي علي راسه بطحه بقى.
تقدم غيث ووقف جنب يارا ومد ايده ومسكها وقال….
غيث:/يلا يا روحي احنا مش فاضين لحكاوي السكرتيره.
مراد:/احترم نفسك هي دلوقتي مش سكرتيره هي دلوقتي حرم مراد الالفي.
قرب غيث من مراد وقال……
غيث بجمود:/طز.
كان لسه مراد هيتكلم سابه غيث ومشي ومن ساعه ما يارا دخلت الفيلا والكل بيسلم عليه وده كاد نهى اكتر…………
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حفصه الأسد (انت مرادي 2))
