رواية شبيهتي الفصل الثاني 2 بقلم هبة غنيم
رواية شبيهتي البارت الثاني
رواية شبيهتي الجزء الثاني
رواية شبيهتي الحلقة الثانية
جالي نوتفيكيشن …
:ازيك يا هبه ؟
_دا احمد الحقي
=مترديش عليه
_هه بعد ايه رديت
=حبيتي انا هنا عشان نفكر سوا ارجوك ِمتتغابيش وتتصرفي من دماغك تاني
_رد عليا
:كان شكلك حلو النهارده علفكره
_الحقي بيقولي كان شكلي حلو بجد انا بحبه اوي
=يا عبيطه بيجر رجلك هو مش عايز ليكي خير
_ازاي يعني ؟
=يا هبه هو عايز منك حاجه اكيد
_يعني ايه يعني دا انا بحبه
=اسمها معجبه بيه ،بس انت زوقك زفت اوي يا هبه والله
_علفكره انتي بتغلطي فينا احنا الاتنين كدا
=ايوا صح بس استني نرجع ل سي احمد دا مترديش دلوقتي استني
_يعني هفضل معلقاه كدا هيصعب عليا !
=هيصعب عليكي ايه يا بنت الهبله هو مش دا ال بيخليك تعيطي كل ليله عشان بيرد بعد ٢٤ ساعه ليه هو مضاد حيوي !
_يابنتي والله طيب هتلاقيه مكنش فاضي
=مكنش فاضي مين انتي كمان م كان بينزل استوريهات وانت بعتاله ومبيردش متعصبنيش بقاا
_يوووه خلاص هسكت بس هرد عليه علفكره
=طب نتراهن إنه عايز منك مصلحه
_بيحبني علفكره انا بقولك اهو مصلحه ايه بس
=طب ردي ياختي وقولي شكرا بس متبهدليش في الكلام
:كنت عايز اطلب منك طلب يا هبه بعد اذنك
=هه اتفضلي مش قولتلك مصلحه
_هيطلع عايز حاجه بسيطه يعني مش مصلحه يا بنتي صدقيني
=ماشي يا هبله اساليه كدا عايز ايه
: بصراحه في حجات كتير اوي مش فهمها ومش بفهم غير منك و الامتحانات خلاص اهي وانا محتاجك وقولت مفيش غير هبه ال بتساعدني
=شوفتي يا عسل مصلحه ولا مش مصلحه
_يابنتي دا عمل خير
=عمل خير ايه بس يارب صبرني .بصي يا حبيتي انت خلاص هتتخرجي السنه الجايه دي السنه التالته ليكي كل سنه كل سنه بجد بيكلمك في نفس الوقت ويطلب منك تساعديه ويحاول يجر رجلك ناعم كل مره عشان تساعديه وبعد كدا مبيعبركيش افهمي بقا
_لا متقوليش كدا
=هي مواجهه الحقايق بتدايقك ليه وليه مش بتصدقيها وانت اصلا عقلك عارف كل دا بس قلبك المهزق مش مقتنع
_طب يعني ايه هو مش بيحبني ؟
=يا هبه لا دا مرتبط ب نص الدفعه اصلا وبيلعب بيهم كلهم وانت عارفه
_ياهبه صحاب بس والله
=طيب انت عارفه كويسه أن مفيش صداقه بين البنت والولد المفروض والإسلام حرم كدا لأن الصداقه دي هتوقعنا في الغلط ايا كان مش شرط زنا لا ممكن خلوه او نظره أو خضوع بالقول وكل دول بيوقعونا في الحرام ف ليه ؟
_ايوا بصراحه عندك حق ،طب انا لسه مردتش عليه اعمل ايه
=سيبيه مترديش بكرا هيبعت تاني كدا أو كدا هترفضي اصلا صح ؟
_ايوا هرفض
=ايوا كدا يا ستي يلا نامي بقا زهقت منك
صحيت تاني يوم وانا حسه اني زعلانه شويه عشان احمد انا مش عارفه بس هو بجد مش وحش اوي كدا يعني ..
=الحلوه صاحيه زعلانه ليه ؟
_مش زعلانه بس ال هو كدا مش عارفه
=لا متزعليش انت كدا صح وزي م قولتلك احمد بعت كتير امبارح ومردتيش عليه هيقابلك في الكليه قوليله لا مش فاضيه واعتذري بأدب وخلاص سيبك منه
_طيب
اخدت حجتي ونزلت وانا خايفه اقابل احمد بصراحه خايفه أضعف معرفش اتكلم
اول م دخلت الجامعه لقيته واقف علي الباب غالبا بيدور عليا دي اول مره من الترم الاول ! شكلها البت دي عندها حق بجد مش بيقف كدا غير ايام الامتحانات دا حتي باقي الايام كنت بشوفه وبحس أنه خلاص شافني بيديني ضهره ويمشي وكنت بقول مخدش باله بس ازاي !
:هبه انت مردتيش عليا امبارح ليه ؟
_مكنتش فاضيه
:طيب مش مهم اتوقع انك شوفتي الرسايل
_اه شوفتها الصبح
:طب ها هنبدا أمتي ؟
_لا مش هنبدا
:دا ليه أن شاء الله
_مش فاضيه عايزه اركز انا
:وانا أن شاء الله ؟
_يعني ايه؟
:يعني المفروض هنجح ازاي ؟
_معرفش انا مش هعرف
:هو في ايه بصيلي وانا بكلمك كدا انت بصه في الأرض ليه
_انت بتزعقلي ليه انا قولت ال عندي انا ماشيه
مسك ايدي وشدني وضغط عليها جامد
:وانا قولتلك اني موافق تمشي ؟
_انت مين انت ابعد عني كدا
:بقا كدا ؟ طيب انت حره
_لو قربت مني تاني هنادي الأمن
سبته وجريت علي التويليت غسلت وشي وبحاول اهدي نفسي براحه
=جدعه يا بيبو ايه الحلاوه دي
_ انا خايفه لاا اسكتي دلوقتي
=لا يا بيبو انتي عملتي لأول مره حاجه صح
_شوفتي ازاي مسك ايدي هو ازاي كدا بجد شكله كان متوحش انا مرعوبه
=متخافيش هو كان طول الوقت كدا علفكره بتاع مصلحته وقليل الادب والزوق ومعندش احترام ل اي حد بس انت ال مكنتيش مصدقه
_بجد ازاي مكنتش شايفه ايه القرف دا كان مقرف بس ازاي بجد انت كنت عارفه كل دا !
=دا كان موجود قدامك وانت كمان كنت عارفاه بس مش عايزه تصدقي ،انا موجوده هنا عشان احاول اوصلك الفرق الموجود بين قلبك وعقلك بس انا كدا خلصت مهمه واحده من المهمات ال عندي في مهمات كتير انا موجوده عشان أعلمك تفكري بجد ومتحكميش قلبك علي عقلك
_بدات اقتنع بصراحه
=يا جدع ! طب بحيث كدا بقا هتعملي اي في عيد ميلاد ندي دا ؟
_هروح اجيب هديه طبعا
=والله ! يا فالحه .سؤال كدا بس انت عارفه مين هناك ؟
_مين يعني م ندي واصحابها
=اه ال هم شله دينا المهزقين دول
_متغلطيش فيهم يا بنتي دول صحابي
=دول مش صحاابك مش بيحبوكييي افهمي بقاا
_لا بقولك ايه انا عدتلك حوار احمد وصدقتك وخلاص ماشي بس انك تدخلي في صحابي لا
=بت انتي اسمعي الكلام
_ملكيش دعوه انا حره بقا
=مصيبه جديده يلااهوي علياااااا
روحت البيت واتغديت وقررت انام ساعتين واصحي اروح اجيب هديه ل ندي صحيت علي ماسدج من دينا
:هبوبه عامله ايه يا روحي
_انا كويسه يا قلبي
:هتيجي العيد ميلاد بكرا ولا ايه ؟
_اه أن شاء الله
: انت جبتي هديه ؟
_لا هخرج كمان شويه هجيب
:طب انا كمان مجبتش ننزل سوا ؟
_ماشي عدي عليا ونروح سوا
:اوكي يا روحي
لبست وجهزت ودينا تحت مستنياني
=برده يا هبه نازله مع دينا ؟
_يوووه هبه بقولك ايه ريحي دماغك انا نازله دينا كمان جايه معايا تسليني اهي ايه الوحش ال فيها
=استغلاليه ياشيخه وانت عارفه وسكتها مش زيك حياتها مش زيك انت ليه كدا
_باي باي يا روحي انا نازله هتوحشيني اتمني متجيش معايا خدي اجازه النهارده ونامي اريحلك …
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية شبيهتي)
