رواية شبيهتي الفصل الأول 1 بقلم هبة غنيم
رواية شبيهتي البارت الأول
رواية شبيهتي الجزء الأول
رواية شبيهتي الحلقة الأولى
كالعاده واقفه قدام المرايه وبقول ل نفسي ايه القمر دا يابت دا وربنا امك مخلفه حته سكر
=ايوا تصدقي اني قمر فعلا !
سلام قولا من رب رحيم في ايه
=في ايه ؟ مالك ؟
_انتِ ازاي ! يعني ايه دا يارب هيغمي عليا هو انا اتلبست ولا ايه هو عشان بتغزل بنفسي في المرايه كتير اتلبس !
فضلت افرك بايدي عيني شويه وغمضت وقرأت ايه الكرسي والمعوذتين والإخلاص ومش بقول غير يارب سلم يارب سلم.
فتحت عيوني براحه ابص لقيتها برده قاعده علي السرير وانا اصلا المفروض في الغرفه لوحدي !
=بت يا هبه الطرحه دي مش لايقه علي الفستان علفكره .
يارب بقا طب ايه دا شكلها شبهي شبهي ايه دي انا اصلا دي هي ملامحي وشكلي وهيأتي دي انا ! طب ايه اتلبست طيب ولا ايه ؟
طب هخرج من غير م اتكلم وهنزل الجامعه يمكن تهيآت .
وقفلت الباب ونزلت وروحت الجامعه
=بس بس بت يا هبه
بسم الله الرحمن الرحيم يارب بقا
=يا بت اسمعي متخافيش مني
طب ايه يا رب طيب هكلم نفسي الناس تقول عليا هبله
=هبه يا هبه ردي عليا يا هبهههههه
_اوووف عايزه أييه
اكتشفت اني زعقت مره واحده وماشاء الله لقيت الناس بتبص عليا
=يا هبله محدش هيشوفني غيرك متبينيش انك بتكلميني اتصرفي عادي
عملت نفسي اني بتكلم في الفون ولابسه ايربودز الم الموقف بس ولما نشوف اخرتها
_يعني ايه محدش هيشوفني غيرك هو دا بجد مش تهيآت ! طيب يا عسل معلش اخرسي لحد م نروح ونشوف الموضوع دا ارجوكِ ،واستني لو نطقتي وانا بسلم علي دينا وربنا هبهدلك
_ديناا قلبي وحشتيني
:انتي كمان يا بيبو ايه الاخبار
=مش بتحبك
_ايه ؟
:ايه ال ايه يا بنتي هو انا قولت حاجه
_لا يا روحي مفيش افتكرت حاجه بس
=بقولك مش بتحبك افهمي بقا
_يوووه اخرسي بقا
:انا اخرص يا بيبو ؟
أخص عليكي
_لا لا مش قصدي والله بهزر معاكي انت عامله ايه ؟
بصيت ل خيالي ال هو انا ولا خيال دا ولا بني آدمه ولا ايه وربنا م فهمه حاجه بصتلها بصه تهديد ال هو وربنا لو اتكلمتي تاني انت حره
:انا بخير يا روحي ،مش هتيجي عيد ميلاد ندي ؟
_مش عارفه بصراحه هشوف
:هننبسط اوي كلنا تعالي وهي عزمتك
_هحاول ،هروّح انا بقا عشان متاخرش
روحت البيت الحمدلله واخدت شاور واكلت ماما كانت عامله بشاميل ف حسيت اني مرتاحه نفسيا فتحت اللاب اتفرج علي حاجه وقررت اقضي اليوم اكل ومرعي وقلة صنعه
=ممكن افهم انتي مش فهمه ليه أنها مش بتحبك
_لا حول ولا قوه الا بالله
فضلت اقرا آيه الكرسي كذا مره وغمضت عيني وبعدين فتحت لقيتها نامت جمبي علي السرير كمان !
=ها خلصتي ؟
_هو ازاي طيب يعني انتي ازاي موجوده
بعد دا كله ازاي بجد
=يا هبه يا حبيتي انا مش جن ولا عفريت انا انت وانت انا .
_يعني ايه ؟
=يعني انت بتكلمي نفسك بس بدل م بتكلمي نفسك من غير مناقشه فَ نفسك هتتناقش معاك عادي طبيعي زي اي اتنين
_هو ايه ال عادي طبيعي زي اي اتنين
=بصي متخافيش مني انا بس كل ال عايزه اوصلهولك الحجات ال عقلك بيربطها ببعض أو فهمها وانت عبيطه ومصره انك مش عايزه تفهميها
_هو انت ليه بتتكلمي هوريغليفي انا فهمي علي قدي علفكره
=اعمل ايه يا ربي متخلفه بس هتكلم براحه يا هبه يا حبيتي كل انسان فينا عنده ذاكرتين ذاكره منطقيه وذاكره عاطفيه المنطقيه دي ال هي انا ال قاعده قدامك الشخصيه ال بتفكر بعقل من غير مشاعر الشخصيه ال بتربط الأحداث صح وبتاخد بالها من الحجات ال قدامك وبترجمها صح
_طب والعاطفيه؟
=العاطفيه دي ال هي انتي انت انسانه بتتحرك بعاطفتها من غير م تفكر صح يعني بتتحركي ب مشاعرك ومش بتعقلي الكلام ف عشان كدا بيضحك عليكي كتير يا قلبي
_طب وبعدين ؟
=ولا قابلين قررنا يا حبيتي اني ابقي معاك افكرلك بمنطقيه عشان ميضحكش عليكي
_يعني انت مش جن
=يلاااهوي يا سطا بقا انا تعبت منك
_خلاص خلاص انا اسف
=ماشي يا ستي هعديهالك م احنا واحد بقا
جاتلي نوتفيكيشن
_يلاهوي الحقيني …
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية شبيهتي)
