رواية سيوف الفارس الفصل الخامس 5 بقلم يارا حسنين
رواية سيوف الفارس الجزء الخامس
رواية سيوف الفارس البارت الخامس
رواية سيوف الفارس الحلقة الخامسة
*استغربت كلامه و سألت نفسها ازاى هو متأكد من كلامه و انها هتوافق و بيتكلم بثقة كدا*
وعد : افندم انا هسافر
فارس : اه هتسافرى شرم اسبوع و تستقبلى العملة إلى جايين من المطار و هتقعدى فى اوتيل الشركة متقلقيش من حاجة و تقريبا انا هكون موجود هناك قبليكى
وعد : حضرتك مش فاهم انا مش هقدر اروح اصلا لان والدتى تعبانة و فى المستشفى ولازم اكون جنبها*بضيق*
*قعد قصادها و بيفكر لانها لازم تروح و تستقبل العملة الأجانب لأنها فاهمة الشغل و لبقة فى الكلام و كمان بتتكلم لغات*
فارس : الف سلامة عليها طب انا لو لقيت حل هتسافرى
وعد *باستغراب*: اه اكيد
فارس : تمام ماشى هى المفروض تخرج من المستشفى امتى ولا متعرفيش
وعد : النهاردة أن شاء الله
فارس : طب كويس هترتاح كام يوم و ابقى حضرى شنتطك عشان اول الاسبوع هنسافر *قاطعته*
وعد *اتعصبت من كلامه وكان ظاهر فى طريقة كلامها*: يا استاذ بقولك ماما تعبانة يعنى مش هعرف اسافر
شوف حد غيرى
*اتفاجئ من طريقتها إلى قلبت فاجئة و عرف أن سارة ليها تاثير عليها*: و انا سألتك لو لقيت حل هتسافرى قولتى اه قولتى ولا مقولتيش *عالى صوته إلى فزعها*
وعد : اه قولت
*بهدوء وابتسامة على وشه إلى سحرتها و منتبهتش للكلام*
فارس: طب تمام تقدرى تروحى تشوفى شغلك
*التفت لشغله و الورق الكتير إلى على المكتب و هى فضلت واقفة بصلها و استغرب واقفتها وابتسم لانه فهم أنها قلقانة على مامتها*
فارس : متقلقيش على مامتك هتكون كويسة هخلى امير يعدى عليها كل يوم فى غيابك يطمن عليها و اهو يسليها شوية ايه رأيك
وعد *فاقت من عالمها*: ايه
فارس : يعنى موافقة *قام من مكانه و هى استأذنت و طلعت تكمل شغلها*
*فى اخر اليوم خلصت شغلها و راحة لوعد عشان يروحوا بعد إرهاق يوم طويل سمعت صوته بيتكلم فى التليفون و البنات كلها بيتهمسوا و يتكلموا عليه اتضيقت و راحت قعدت قصاد وعد*
وعد : انا اهو بقفل و هدخل لفارس استاذنه و نروح مالك ساكتة ليه مش عوايدك يعنى
سارة : لا مفيش تعبانة بس وعايزة انام
وعد : طيب*مقتنعتش بكلامها*
*دخل بهيبته و طلته المتميزة بيتكلم فى التليفون و بيزعق و البنات راحة جاية قدامه عشان يلفتوا انتباهه خلص تليفونه و بصلها و ابتسم و هى مكشرة اتجه ناحيتها لكن نهلة قطعت طريقه*
نهلة : الرائد امير يا اهلا استاذ فارس فى مكتبه تشرب ايه
امير : قهوتى ياريت عشان مصدع *اتك على آخر كلمة عشان عارف حركاتها و فارس الوحيد الى كان بيعرف يوقفها عند حدها*
نهلة : الف سلامه على حضرتك تحب اجبلك مسكن أو حاجة
امير : لا لا شكرا القهوة بس ،فارس فاضى
نهلة : مش عارفة اصلى اتنقلت من هنا *عالت صوتها*وعد هى إلى خدت مكانى
سارة : شوفى البت الحيزبونة
وعد : محسسانى انى خدت منها جوزها*بضحك*
سارة : البت بتلعب على الوينجين بتدلع اووى يعنى ، و كدا اوڤر بجد *جابت آخرها*و احنا فى شركة محترمة*عالت صوتها فى جملتها و بتتريق على جملتهاو هى حست بتلقيح عليها*
امير : عن اذنك دلوقتى
*قرب منهم و ابتسم و هى معالم وشها اتغيرت مية و تمانين درجة و هو لاحظ دا*
امير : اذيكوا
وعد : الحمدلله اذيك يا استاذ امير
امير : الحمدلله *اتغيرت نبرته لا إرادية منه* عاملة ايه يا سارة
سارة : الحمدلله وانت
امير : تمام*اتكلم بضحك*اوعى يكون حد ضايقك تانى
سارة : لا طبعا هما يقدروا بعد إلى انت عملته
امير :*اتكلم بكبرياء* عشان تعرفى بس انا مبحبش اتكلم عن نفسى كتير*ضحكوا على كلامه*
امير : وعد هو فارس فاضى
وعد : اه
امير : طب تمام انا داخله
*سابهم و مشى و وعد بصت لسارة بتعجب*
وعد : فكيتى دلوقتى مش كنتى مكشرة من ثانيتين
سارة : فى ايه يا حبيبتي يلا انجزى عشان ورايا نوم فى البيت
وعد : هو دا الى انتى فالحة فيه
سارة : مالك قلبتى على فاطمة لي كدا *بضحك*
وعد : اه صح فاطومة قلبى اتصلى بيها قوليلها أننا جايين خلاص وانا هدخل للعفريت إلى جوا دا
سارة : تمام *مشيت من جنبها و بتكلم نفسها يبقى كدا معانا واحد عفريت و واحدة حيزبونة و المجنون التالت هشوفله اسم هو كمان رفعت أيدها باستسلام يارب الشركة دى هتجيب اجلى تقريبا*
*استاذنته و دخلت المكتب*
فارس : طب كويس انك جيتى دلوقتى انا اتكلمت مع امير و هو وافق و هيبقى يعدى على والدتك يطمن عليها كدا ملكيش حجة تقريبا
*مفهمتش قال ايه*: معلش هو انا مش فاهمة
فارس: انتى نسيتى موضوع السفر و انك مكنتيش عارفة تسافرى عشان والدتك تعبانة انا طلبت من امير يعدى عليها كل يوم يطمن عليها متقلقيش امير صاحبى و فى مقام اخويا بظبط
وعد : لا لا حضرتك انا مش عايزة اتعبك يعنى يا استاذ فارس شوف حد تانى عشان يعنى *أتفهم موقفها و وقف قصادها*: معلش يا وعد هنتقل عليكى شوية امير مش تقيل اووى يعنى و بعدين انتى لازم تكونى موجودة معايا
وعد *ابتسمت و معرفتش تقول ايه*
*فى نفسها فاطمة هتعمل منك بطاطس محمرة يا وعد*
*ابتسمت*وعد : طب استاذ امير انت معزوم بكرا عندنا عشان اعرفك على والدتى و ياريت تقبل العزومة
امير *ابتسم*: ماشى يا وعد ياريت برضو تقولى امير من غير استاذ لأنها بتعصبنى لو مش عايزة يبقى الرائد امير بقا
وعد : ماشى يا سيادة الرائد عن اذنكوا
*روحت بيتها بعد ما عدت على المستشفى و خدت مامتها*
وعد : نورتى بيتك يا عروسة
فاطمة : بنورك ياختى
سارة : هروح بقا انام عايزين حاجة
وعد : استنى اقعدوا انتوا الاتنين بس دقيقة
*حكتلهم موضوع السفر و مامتها اعترضت و قالتلها على موضوع امير وأنها عزمته بكرا خلصت كلامها و استنت الرد لكن الرد جالها كالآتى*
فاطمة : بصى انا هقولك الى فهمته*رفعت جزمتها و وعد قامت جرى دخلت اوضتها* بقا عايزة تجيبى راجل يقعد معايا وانا لوحدى و كمان تسافرى مع الواد لوحدك دا انتى بجحة اوووى و عمالة بتتكلمى كلام حلو من بدرى وانا اقول البت جرالها ايه اتريكى بتدبرى تتكلمى معايا ازاى يا بجحتك يابت
سارة : يا بطة ليه ليه العنف الاسرى دا البت بتتكلم معاكى بصراحة
فاطمة : عنف أسرى ها * مدت أيدها تاخد جزمتها تحدفها لكن سارة لحقت نفسها وخرجت برا البيت*انا هربيكوا واحدة تقولى عنف أسرى والتانية عايزة تسافر ماشى أما وراتكوا
*فى إحدى المطاعم قاعدين يتغدوا*
فارس : ايه اخبار سيف انا سمعت أنه هرب
امير : نفسى اعرف انت بتعرف منين دا انا مش عايز اقولك عشان متقلقش
فارس : يا بنى انا فارس نور الدين
امير : ماشى يا عم فارس هو الباشا ابوك هيشرفنا امتى امال
فارس : معرفش والله خليه مكانه يعنى هيجى يعمل ايه
امير : بابا كلمنى و قال إنهم راجعين سوا و هيديروا الشركات معاك
فارس : جايين متاخر اووى والله، انا من رأى يرجعوا فى قرارهم و يخليهم هناك*بضيق*
*رن تليفونه و اتنفس نفس عميق و رد*
فارس: يا مرحب بالباشا انا لسة عارف انك جاى *بجدية و غضب فى صوته*
: اه جاى و ياريت اجى القيك عايش فى القصر و تكون رجعت لعقلك انا سايبك من زمان يمكن تكون رجعت لعقلك دلوقتى
: ترجعوا بالسلامة ياباشا*قفل تليفونه و بص لامير بضيق*
يورا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية سيوف الفارس)
