رواية نظرة حب الفصل الاول 1 بقلم هدير وائل
رواية نظرة حب البارت الاول
رواية نظرة حب الجزء الاول
رواية نظرة حب الحلقة الاولى
اسلام يا بني اطلع الشقة اللي فوقينا و خبط شوف حد هيفتحلك و لا لأ
-ايه يا بابا ده طب و بعد ميفتحولي اقولهم ايه
-اندهلي يا بني و أنا هتكلم
– حاضر يا بابا امري لله ( طلعت و أنا محرج بس كلام ابويا بقي )
– حاضر حاضر يلي بتخبط ، أيوا مين
– …..
– يا استاذ ، حضرتك عايز مين
– ها ….
– ها اي ، حضرتك عايز مين
– مين يا بحر
– معرفش يا ماما
– افندم حضرتك عايز مين
– اسلام يا بني حد فتحلك
– اااااه اه يا بابا
– معلش يا بنتي الشقه بتاعت الحج هارون و أنا سمعت صوت امبارح فقولت اسال
– اه يا حج انا بنته الصغيره إلهام و ده بنتي بحر
– اهلا يا بنتي ، امال فين جوزك و الحج هارون
– والدي الله يرحمه من 4 سنين ، و أنا منفصلة عن زوجي و جيت اعد في شقة بابا
– الله يرحمه يا بنتي ، ربنا يعوضك خير و لو احتجتي حاجه انا و ابني سدادين في اي وقت
– تسلم يا حج ربنا يخليك
( نزلنا من عندهم و أنا لسه سرحان في عينها الزرقة اسم علي مسمي بجد ، عينها بتسحب زي الموج ، فوقت علي صوت ابويا و طلباته و نزلت اشتري حجات للبيت و رجعت في دربكة في البيت غريبة )
– ماما هو في ايه
– مفيش يا بني ابوك عزم جيرنا اللي فوق ، اصل ابوك كان بيعز عمك هارون اوي
– ايه بجد ، قصدي محتاجه مساعده
– ههههه ، لا يا حبيبي ، ظبط الصاله بس ، و انزل هات فاكهه و حلويات
– حاضر يا ست الكل ( متاكد ان امي خدت بالها بس محبتش تحرجني يلا الحمدلله ، انا شكلي وقعت واقعه , بس احلي وقعه والله ، نزلت اجيب الحاجه رجعت لاقيت بابا بيقولي يلا يا بني لو هتاخد دش أو تغير هدومك و لا كاني طفل صغير فضحكت ، دخلت خدت دش و خرجت و لاقيت الباب بيخبط ، فتحت و كانت زي القمر فستان سماوي و طرحة سوده و جزمة سوده ايه في الجمال فوقت و مامتها بتقولي
– مش هدخلنا طيب
– ايه … اسف اسف معلش اتفضلو
امي – ازيك يا بنتي اهلا بالقمر الصغيره
إلهام – اهلا بحضرتك يا امي
– بحر اهلا يا طنط
امي – لا نعد ايه يلا يلا الاكل جاهز ، اسلام تعالي معايا
– خليك انت و أنا هدخل مع طنط
– اخبارك ايه يا إلهام
– الحمدلله يا حج بخير
– بس ايه الي فكركو بالشقة ده
– مفيش والله يا حج انا لما انفصلت عن جوزي مكنش عندي بيت و هو الله يسامحه بقي ، مشاني انا و بنتي من غير حاجه ف مكنتش عندي بيت تاني غيره
– عملتي الصح يا بنتي ، طب محتاجه حاجه قوليلي متتكسفيش
– لا شكرا يا حج مستورة الحمدلله ، بس لو حضرتك تعرف مكان بحر بنتي تشتغل فيه يبقي كتر خيرك
– من عنيا يا بنتي نشوفلها
– كتر خيرك يا حج
********** في المطبخ
– اسلام هات الطباق ده و ناولها لبحر ، و انتي يا بحر اغرفي الجلاش و المكرونة و انت تعالي اعرف الشوربة يلا يا عيال
احنا الاتنين في صوت واحد – حاضر
( بصينا لبعض وضحكنا و كل واحد راح يشوف هو هيعمل ايه ، حطينا الاكل واعدنا ناكل )
– اعرفك يا بنتي اسلام ابني الوحيد ظابط في القسم اللي جنبنا
– ما شاء الله عليه يا حج ربنا يحميه و يخليهولك
– تعيشي يا بنتي
– عايزك تشوف لبحر شغلانه كويسه يا اسلام
– ليه يا بابا اللي هما عايزينه انا تحت أمرهم
– تسلم يا بني و ده العشم برضو ، بس معلش يا بني شوفلها شغلانه كويسه
– حاضر يا طنط
( خلصنا اكل و ظبطنا المكان ، و لاقيت طنط الهام بتشاور لبحر ب نظرات غريبه و قامت و بصراحه قومت وراها ، لاقيتها دخلت المطبخ و هتغسل المواعين )
– بتعملي ايه
– حرام عليك خضتني و الطبق وقع اعمل ايه دلوقتي
– و لا اي حاجه فداكي
– هو انت متاكد انك ظابط
– ههه اه لي
– اصل يعني عارفه انهم ناشفين و مبيهزروش و لا اي حاجه من الكلام ده
– ايه بنتي في ايه احنا بشر برضو ، بس وقت الشغل بيبقي شغل
– اه اه تمام ممكن تسبني اخلص بقي
– لا
– ايه
– زي ماسمعتي و المفروض انك ضيفة يعني
– ايوا بس حرام طنط تغسل كل ده
– و مين قالك أن مس العبد لله هو اللي هيدبس فيهم
– ههههه بتهزر
– لا بيتكلم بجد يا بنتي هو اللي بيغسل المواعين
– شوفتي ظهر الحق اهو
– اسلام أعملنا شاي
– حاضر يا امي
– بصي اعمل معاكي ديل انتي تعملي الشاي و أنا اغسل و انتي تنشفي الحاجه ايه رايك
– تمام و أنا موافقه
( خلصنا الحاجه و عملنا شاي و نسكافيه لينا و خرجنا البلكونه )
– قوليلي بقي خريجه ايه
ردت بحزن – انا مكملتش تعليم خدت ثانويه و اعدت
– ينفع اسال لي
– عشان كان في مشاكل كتير و في الاخر بابا و ماما انفصلوا وانا محبتش اتقل عليها و عايزة اشتغل عشان اقدر اصرف علي تعليمي و معاش جدو و الفلوس اللي بابا بيبعتها مقضي البيت
– تمام يا ستي هشوفلك شغل كويس أن شاء الله بس هوصلك ازاي اكيد مش هفضل اطلع و انزل يعني
– كان ممكن تقولي عايز رقمك علي فكره ، انا و ماما ارتحنالكو جدا
– طب يا ست اللمضة هاتي الرقم
– اسلام يا اسلام
– ايه يا بابا في ايه
– في حد بيرزع فوق يا بني شوف في ايه
امي – لا متطلعش يا اسلام والنبي
– اهدي يا امي مالك هاتيلي بس سلاحي من جوا
امي – ايه سلاح لا لا يا بني متطلعش يرضي عليك ربنا
– يا امي مالك انا اول مرة امسكه ابنك ظابط يا حبيبتي
– يلا يا حجه سبيه ده واجبه
( بصيت علي بحر و مامتها لاقيتهم ماسكين في بعض و خايفين و بحر … بحر بتعيط ، سبتهم و طلعت اشوف في ايه
– انت يا اخ بترزعو كدا ليه
مجهول – انت مالك يا عم
– هو ايه اللي انا مالي اتكلم عدل يلا احسن متشرفني في القسم
مجهول 2 – بس انت و هو و لا نفس ، بص اللي عايشه هنا تبقي مراتي أو طلقتي مش مهم و معاها بنتي و أنا عايز بنتي
– اولا مفيش حد ساكن هنا من زمان ، ثانيا بالهمجية ده حتي لو هنا مش هيفتحولك
مجهول 2 – بسيطه يا باشا نكسر الباب
– ايه ده بجد وريني هتعملها ازاي
– اسلام يا بني في حاجه
– لا يا بابا مفيش ادخل انت و اقفل الباب لحد منزل
– طيب يا باشا علي العموم انا هعرف اوصلهم بطريقتي يلا يا رجاله
( نزلت تحت و طمنتهم أن مفيش حاجه و عرفت طنط بالي حصل و سبتهم و دخلت اوضتي )
– اسلام اسلام
– نعم يا بابا
– شوف يا بني حل ، هما ملهمش غيرنا
– حاضر يا بابا عندي حل مؤقت
– طنط … بحر انتو هتعدو عندنا فترة …
– لا طبعا مش هينفع احنا ….
قطعتها و صوتي كان عالي فخافت – اسمعي كلامي للآخر و مش عايز مقاطعة ، انتو هتعدو هنا و أنا هنقل فوق بحاجتي كلها ، و لو جه تاني هقوله انكو جيتو بعتو الشقة و أنا اشتريتها و بس كدا لحد م رجلو تخف علي المكان محدش فيهم ينزل يا بابا ، اللي عايزينه هجيبه انا و نازل الصبح أو و أنا جي كلامي يتنفذ …. بعد ازنكو
( منكرش اني كنت مبسوط لاني هشوفها كل يوم علي الاقل مرة وقت الغدا ، بس ادايقت اني زعقت جامد فيها ) عدي يومين و الدنيا تمام لحد م ….
– ايوا يا اسلام يا بني الحقنا في ناس بتخبط علي بابنا و بيزعقو جامد
– اوعي تفتح يا بابا انا جي
– أسلام باشا في ايه
– شويه همج بيخبطو علي بيتي هشوف في ايه و ارجع علي طول
– استني انا جي معاك
( مكنتش شايف قدامي ، كل اللي كنت بتمناه أن محدش فيهم يحصله حاجه وصلت … الباب كان مكسور بابا قاعد و أيده علي رأسه طنط بتعيط و ماما حضناها … بحر .. بحر فين )
– بحر فين يا بابا ، بنتك فين يا طنط
– اخدها مني اخد بنتي مني ، هو اللي قالي مش عايزها ، ليه يخدها مني ، لي يحرمني منها انا عايزة بنتي ، رجالي بنتي يا بني و أنا هخدها و امشي بس رجعهالي و النبي يا بني
امي – اهدي يا بنتي اهدي بنتك هترجعلك ،اتصرف يا اسلام اتصرف
– زيااااااااد
– اعملي محضر تعدي و خد اقوالهم و اسم اللي ميتسمي و اعرفلي كل حاجه عنه كل حاجه ، هدفنه حي لو حصلها حاجه هعرفه يعني ايه ياخد حاجه تخصني ……
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نظرة حب)
