رواية اوجاع الماضي الفصل العاشر 10 بقلم الكاتبة الصغيرة
رواية اوجاع الماضي الجزء العاشر
رواية اوجاع الماضي البارت العاشر
رواية اوجاع الماضي الحلقة العاشرة
عدي اليوم بخير وروحت تقوي بعد ما اتطمنت علي انس وهدي نامت وهي ماسكة البوم الصور وتميم نام جمب نور اما وجيه فمقدرش ينام طول الليل وهو بيفكر في الاحداث اللي بتحصل
تاني يوم في الفيلا بدأ وجيه يصحي بسبب صوت التليفون اللي كان بيرن رد من غير ما يعرف مين
وجيه : الو
مجدي : وجيه
وجيه : في اي ي مجدي علي الصبح دا انا لسة نايم دلوقتي معرفتش انام طول الليل
مجدي : ودلوقتي صحيت يبقي تسمعني
وجيه : في اي
مجدي : عرفتلك كل حاجة عرفت ابنك يبقي مين وعايش فين ومع مين
وجيه : بجد طب هو فين
مجدي : نتقابل في المكتب انا هجيلك علي هناك
وجيه : تمام هنتقابل هناك
قام وهو بيلبس هدومه بسرعة وراح باتجاه المكتب و هو مش مصدق انه هيعرف مين ابنه
•••••••••••••••••••••••••••••••••••••••••••••••••••
في الجامعة كانت هدي قاعدة في المكتب دخل عليها نور فجأة ودا خلاها تخاف اوي
هدي : نور حرام عليك دا انا كان قلبي هيقف
نور : انا اسف
هدي : ممكن تقولي انت عاوز اي
نور : عاوز اكلمك في موضوع مهم اوي
هدي : اتفضل قول
نور : لا مش هينفع هنا
هدي : خلاص استني لحد ما اخلص محاضراتي ونروح في اي مكان نتكلم فيه
نور : تمام بس متنسيش
هدي : هو في اي بس
نور : هتعرفي بعدين
خرج وسابها وهي خايفة بجد من الطريقة اللي كان بيتكلم بيها اما هو فكان واقف برة وهو متوتر من اللي هيعمله
نور : انا لازم اعرفها ايوة لازم تعرف دا يبقي ابنها انا مقدرش اخبي اكتر
•••••••••••••••••••••••••••••••••••••••••••••••••••
في المكتب كان قاعد ومستني صاحبه وهو فرحان ومتوتر وخايف كل الاحاسيس اختلطت عليه ومبقاش عارف يستني اكتر
وجيه : هو اتاخر ليه انا هروحله
كان لسة هيقوم بس دخل مجدي عليه واول ما شافه راحله بسرعة ومسك ايده
وجيه : اتاخرت كدة ليه
مجدي : اهدي بس انا كنت بجيب الاوراق وكمان صورة لابنك ودا اللي اخرني
وجيه : طب تعالي انا مبقتش قادر
قعد مجدي ووجيه قعد جمبه علي طول وهو مستنيه يتكلم ويقول اللي هو عرفه
وجيه : ها مستني اي ما تتكلم
مجدي : ما تستني ي عم انت انت مستعجل ليه
وجيه : 20 سنة مستني اللحظة دي وبكل برود اعصاب بتسأل انا مستعجل ليه
مجدي : بس ي سيدي انا عرفتلك كل حاجة من الاول بص ابنك اسمه تميم هو دلوقتي بيدرس في جامعة *** وعايش في قصر باسم والده هو واخوه نور
وجيه : انت معاك صورته هاتها
اداله مجدي الصورة وهو دموعه نزلت اول ما شافها وكان حاسس بفرحة وهو شايف صورة ابنه اخيرا من 20 سنة
وجيه : شبهها اوي كل ملامحه هي
مجدي : انت ناوي تعمل اي دلوقتي
وجيه : هروحله لازم اتكلم معاه واعرفه
مجدي : متزعلش من كلامي اللي هقوله دا بس انا بقول هو انت لو كلمته وعرفته اللي حصل زمان ممكن يتقبلك وخصوصا لو عرف انك انت اللي وديته الميتم بنفسك
وجيه : هحاول لازم اعمل اي حاجة عشان يسامحني لو دا كلف حياتي
مجدي : وجيه فكر كويس قبل ما تعمل اي حاجة الحركة الغلط في الموضوع دا هتكلفك خسارة ابنك
وجيه : متقلقش انا عارف انا هعمل ايه
مجدي : انا دلوقتي همشي عشان اشوف شغلي ولو احتجت حاجة بلغني
وجيه : شكرا
خرج مجدي وسابه لسة بيبص في الصورة ودموعه بدأت تنزل تاني ومش مصدق انه شايف ابنه قدامه بعد السنين دي كلها
••••••••••••••••••••••••••••••••••••••••••••••••••
عدي الوقت وكانت هدي ونور قاعدين في كافيه وهدي كانت مستنية نور يتكلم اللي كان متوتر من اللي هيقوله وبيبصلها بس
هدي : هو انت عاوزني عشان تبصلي كدا بس
نور : لا انا عاوزك في موضوع تاني
هدي : وناوي تقوله واللا هنفضل كدة
نور : انا الكلام اللي هقوله دا اترددت كتير في اني اقوله واللا اسكت بس السر دا عامل زي الجبل اللي موجود علي صدري وتاعبني
هدي : هو ليه بتقلقني قول اللي عندك وانا سامعاك
نور : بس متنصدميش
هدي : نور حبيبي قول اللي انت عاوزه ولا يهمك متخفش انا معاك
نور : انا عارف حكاية ابنك
ملامح هدي اتغيرت بالكامل وبان عليها الحزن بصت لنور تاني اللي كان بيبصلها ومش حاسس باللي حواليه
هدي : ايوة في اي الموضوع دا
نور : انا عارف فين هو ويبقي مين
هدي : انت بتقول اي
نور : زي ما بقولك
هدي : هو فين
نور : يبقي هو يبقي
هدي : مين ي نور ارجوك قولي انت متعرفش انا استنيت اللحظة دي لمدة اي
نور : انا مش عارف اللي هعمله صح او لا بس انا كان لازم اقولك
هدي : طب قولي هو مين
نور : تميم اخويا
هدي : ماله
نور : هو نفسه ابنك اتبناه بابا ودا قبل ما اتولد
هدي : نور انت عارف انت بتقول اي
نور : ايوة عارف ومعايا الاوراق اللي تثبت كلامي
هدي : اوراق اي
نور : اوراق انا لقيتها بعد موت بابا ومن خلالها عرفت كل حاجة بس محدش يعرف الحقيقة
هدي : هات الاوراق دي
طلع نور الاوراق من شنطة كانت معاه وهدي اخدتهم منه وفعلا اتاكدت ان كل اللي بيقوله صح
هدي : انا انا مش مصدقة لحد دلوقتي
نور : انا قولتلك كل حاجة لان دا من حقك لانه ابنك ولازم تعرفي
تميم : تعرف اي
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية اوجاع الماضي)
